幫襯十年，唔係常來，但一年都有四五次。今日平日晚市嚟到，見人煙稀少，都明嘅，疫情過後港人飲食習慣變左，少左出夜街。 講返味道，今次明顯差左，淡口而量少，量少其實問題不大，來貨大家明貴左，但鑊氣、色水、味道真係要加把勁，否則熟客都俾唔到幾多次機會。 豉椒鵝腸($98) 鵝腸好貴嗎🙃好貴都唔好切到碎濕濕先上枱，完全無口感，揾唔到一條過嘅鵝腸，一條都無。味道亦好淡口，明顯廚房唔敢落味，驚鹹，但認真講句，嚟得大牌檔熟食中心食小菜，就係要重口味，預左送酒預左濃味。 豉油王海蝦($160) 呢個好好食💯好夠味😊蝦亦都好新鮮 茄子牛仔骨煲($118) 抵食，量足而味道適中 豉油皇炒麵($68) 色水一睇就知唔掂，無上色咁濟，又有好多燶嘅鑊撈麵條咁，搞乜😐 成條大葱都可以就咁上碟，廚房完全唔合格。 份量真係少左，老實說麵唔係貴價野，無乜需要慳吧？量少左又係咪真係逼到客人嗌多碟其他餸呢？ 脆皮炸大腸($108) 中規中矩。有啲邊位又係燶黑色

得罪你啲咩？ 時間係下午4:30，諗左一陣食乜 😀我就行埋腸粉檔問: 芫荽叉燒可唔可以走芫荽？ 🙄腸粉檔畫眼線短攣髮 女店員鄙視眼神 串串貢嘅語氣反問: 點樣無芫荽？！ 😀我: 哦。撈埋嘅。咁我要一份蝦腸一份牛肉腸唔該 其實跟住我唔知去邊個位俾錢😅佢又乜都唔講好似嬲左成村人咁☺️最後行去舖另一邊嗌多兩樣野就俾埋錢。必須講其他職員姐姐都係好友善😊 又行返去腸粉檔。 😀我: 唔要豉油唔該 零回應。 跟住我就㩒電話📱我的確係聽唔到佢第一句問。之後佢就大聲嗌。 😡畫眼線短攣髮 女店員大聲喝: 係咪擺埋一齊啊！？ 😀我: 分開擺唔該 最後係其他姐姐好有禮地遞4盒食物比我。 想講嗰度係馬路旁。環境好嘈。聽唔到係咪需要喝我？而其實係我一行埋嚟，問第一句佢已經好不屑。自問全程都好有禮貌，而家係咩事？我都真係反應唔切要當場同佢對質。 真心未見過點心包點舖嘅店員，態度可以差成咁😐 買得呢啲快餐點心，講真都唔會要求服務，交易來去如風啦，完全理解，天氣熱。其實呢，唔係個個都買過，個個都係熟客，問一兩句幾唔閒？下午4:30，現場認真係無人。 做得唔開心辛苦都唔好對別人出氣啊😐你可以直接話唔做我生意，話比我聽得罪你啲咩。而唔係無里頭發洩係我度。 嗌➡️整➡️裝➡️收錢➡️拎貨走得 正常嚟講做完以上程序走得，你咁惡死做乜？唔想做可以唔做。做得就尊重返別人，包括客人、同事。

外賣一份 手撕雞東坡肉米線($54) 其實個醬汁好甜🤯甜得單調，亦唔香，啲汁多到湯咁，食一半未夠已經好膩。配料有菜脯芽菜，菜脯以為會中和到醬汁嘅甜😐可惜菜脯都染哂甜🫥 東坡肉軟腍適中，舊肥膏唔會無哂咬口，但調味又係好甜，$14一舊認真抵食 但手撕雞份量的確大方👍🏻肉亦唔鞋 現場座位眼見十個位內，坐走廊為主，唔太適合坐低，外賣較好。店員包外賣亦快手。 米線比較碎，混埋雞撕雞食無乜存在感 總括試一次就好了☺️

全自費用餐體驗，真心想推介🇯🇵 好耐無食食評😀因為無乜舖頭值得推廣 今次同親人慶祝生日話要食日本野。 為左避開旺區，加上深信小區非鐵路區食肆更具質素嘅迷思下🥸自己係開飯search到吉勝。我都幾肯定會再訪，亦有推薦朋友去🫰🏻 ：平日約7pm用餐 真心我比滿分💯整個用餐體驗係好愉快且滿意👍🏻👍🏻 ⭕️環境裝潢簡簡單單，用上木系牆身，掛牆啲手寫餐牌都好靚 ⭕️座位闊落(超重要) ⭕️細節睇得出對出品、食物嘅尊重，滿滿的儀式感，自己出街食好怕食肆比膠器皿裝食物，可以話你聽吉勝每一款料理，上枱時都會配合相關風格嘅碟、碗、杯、吉列食物用上隔油架、串揚用上不鏽鋼盆，我好欣賞💟 ⭕️服務十分十分好+細心 1️⃣服務員小姐好友善 2️⃣食物上枱感覺係有配合食客進食速度而送餐，唔會將你order一次過推哂上枱，唔會食唔切啲食物就凍哂，呢點好多高級餐廳都做唔到 3️⃣餐廳空調溫度適中 ⭕️價錢合理，性價比高，每一個餐點味道都很好 鐵板燒牛舌($98) 認真講句，98蚊提供到8塊厚度不薄，又適度調味嘅牛舌，係高質嘅，加上明火鐵板燒好有儀式感🥰非常好玩。牛舌用牛油煎完真係好香，爽彈好食✌🏻 燒油甘魚鮫($98) 熱辣辣送上美味油甘魚鮫😚送酒一流 一百蚊都唔使，好抵食，油脂豐富而肉嫩有魚香，魚皮香脆，鍾意擠啲檸檬汁加添層次，點啲蘿蔔蓉醬汁就可以上膩😎 吉列鰻魚($110)熱蕎麥麵(+$12) 比較少見吉列鰻魚，又幾好味😋鰻魚完全無骨👍🏻👍🏻枱面有吉列醬，自己酌量沾下。 蕎麥麵我自己就唔鍾意食熱，怕淡味或太淋，不過壽星話要熱就無計😂 加12蚊換嚟估唔到咁大碗🍜類似鰹魚湯底，夠味嘅，麵條仍然條條分明，比想像中好🙂 牛油果軟殼蟹卷($68) 正常發揮🍣 單點串揚 黑豚肉韭菜卷($24)、煙肉蠔卷($24)、黑豚肉蘆筍($24)、極黑豚肉豬柳($24) 脆皮薄身、裡面唔乾，收貨 麒麟啤酒(大)500ML($68) •青蘋果 •無沙冰 好冰凍好爽☺️果味啤酒好啱女士🍻有提供杯墊😘全自費用餐體驗，真心想推介🇯🇵

整個木系設計裝修好有文青風❤️座位多用上軟墊梳化，寬敞舒服，富有滿滿空間感。 古早紅燒牛肉拌麵($74) •••••• 木製托盤上，拌麵口感Q彈，相當有嚼勁😋每條麵條都均勻地沾上椒麻味道😜超上癮的！配以脆皮素鴨、鴨血、溏心蛋。 紅燒牛肉熱辣辣用小碗盛載，有好幾大塊牛肉，入味軟稔，另配兩舊清甜白蘿蔔、紅蘿蔔。 紅燒牛頰肉麵($80) •••••• 麵條用上寬麵，這類手工麵真係頗有韌性，湯頭香而清，入口絕不似顏色般重口味，牛頰肉較有牛味，非常唔錯。 青蘋果酪梨蜜糖磚塊($88) •••••• CP値極高，超巨型又吸睛😬而且色彩豐富😍黃金色蜜糖多士本身已經烘到脆卜卜，好香口🤤牛油果襯金磚呢個組合認真新鮮😆可以搭配焦糖香蕉、朱古力醬 或者爆谷食，同時有啲新鮮生果伴碟 🍓 脆脆黑糖瀑布珍珠奶茶($44) •••••• 一次過滿足哂所有願望😙奶茶漸層好靚，打卡都影左好耐，感覺製作過程好費心機🤣 私心最愛嗰層豐厚芝士奶蓋🥰好creamy又滑。第二愛就係朱古力脆脆😌為飲品添加口感層次。其他材料包括煙韌芋圓、彈牙珍珠、香濃黑糖，總有一款啱心意💯

想食好耐終於食到 星期四晚繁要排十個人點餐 排10分鐘左右 等餐都係15分鐘左右 快餐嚟講時間控制得合理✅ 記得分頭行事 一個入去等位 一個排隊落單 整體不過不失 無驚喜 高過麥當勞水平 低過shake shack 但對得住價錢 一試無防 再訪就不了 失望: 👉🏻用料好一般 皮唔脆 十足嘉頓麵包 👉🏻漢堡肉散 無乜肉感 👉🏻炸物用紙袋裝 好快淋哂 用兜裝好啲 👉🏻蕃薯條做乜出餐就落左鹽呢 👉🏻提供膠叉 食得方便啲 乾淨啲 好: 👉🏻烤菇夠juicy 👉🏻熱溶芝士做得好 完美又靚 👉🏻醬汁分量比例合理 唔會搞到個包濕哂 👉🏻定價合理 特別小食

舖頭格局似酒吧+泰菜館，半開放式座位但不會嘈吵，有室外位置，好chill好relax🍻 甜柚鮮蝦沙津($108) •••••• 賣相好吸睛😎細心地上枱已撈好哂啲材料，最特別係入面嘅炸椰子肉絲！超濃椰香味😆好過癮 酸辣鳳爪沙律($98) •••••• 夠入味👍🏻呢道前菜就係咁簡單，酸辣開胃，頗有辣勁😋 酸辣明爐魚($198) •••••• 比較少見嘅係，魚有預先煎炸過，十分香口，熱辣辣原條魚上枱，有肉又有湯，蔬菜配料足，味道酸酸辣辣，絕對推介🙂🙂 咖喱軟殼蟹($178) 薄餅(4塊)($55) •••••• 不辣帶少甜嘅咖喱汁幾濃稠，配酥香薄餅食啱哂，薄餅唔算太油，軟殼蟹份量都幾多 招牌火焰燒雞($168) •••••• 夠哂gimmick😆真。火燒雞❗️表演完後，有提供手套🧤俾客人手撕乿👍🏻食落有陣酒香味，幾正 自家制炸蝦餅($88) •••••• 蝦餅真係每一啖都係心機，金黃酥脆嘅外皮，加上飽滿Q彈內餡，沾泰式辣醬食最啱 泰式炒金邊粉($128) •••••• 啲賣相真係唔講得笑，有心思又靚，用上新鮮蝦，非蝦仁🍤酸酸甜甜彈牙金邊粉，簡單好味 咸檸七($38) Apple cider ($55) 白桃frozen beer ($78) •••••• 值得一提，呢度飲品種類選擇好多，無論有無酒精，私心推介白桃frozen beer，飲極都係咁冰凍

開放式座位設計相當地道港味😎燒串燒不斷散發嘅香氣，隔條街都感受到🤣經常經過都被吸引，今日終於夾啱時間嘆下香噴噴燒烤大餐😙 店舖主打川式口味，調味用上孜然粉，唔重手，味道不會太鹹👍🏻 燒原條黃立鎗($90) •••••• 見到90蚊鮮魚，太抵食😁唔需要考慮就嗌左。成品果然無令人失望，size大條，火喉控制得好好，因為外皮卜卜脆得嚟，魚肉保持滑溜，濕潤而且juicy，旁邊嘅泰式醬汁亦好好味👍🏻性價比係極高❗️超推薦❤️ 日式煉奶燒麻糬($25) •••••• ⭐️正正正！對軟糯麻糬年糕毫無抵抗能力🤤煙韌控一定唔好錯過！ 惹味鰻魚汁三重芝士撈丁($50) •••••• 「趁熱即刻食呀」真係講得一啲都無錯😎熱溶芝士喺出哂煙嘅時候最能夠拉絲，食落充滿濃濃嘅芝士香氣💯鰻魚汁適量，否則會蓋過芝士，而且過甜。估唔到賣相幾靚仔，唧醬都有分用唔用心㗎😆 惹味蒜蓉生燒茄子($48) •••••• Well，綿綿絲絲茄子肉難以抗拒，加上大量蒜蓉調味，會令人不自覺一口接一口食 皇牌燒牛舌($39) •••••• 厚切無得輸🤫鮮嫩牛舌燒過後，仍然留有油脂，口感好好 燒超惹味雞泡魚干($48) •••••• 唔使去居酒屋都食到，價錢仲十分親民🥰魚干好惹味，甜又香，香口野送酒一流 燒鹿兒島豚肉串($28) •••••• 外形似一粒粒骰仔😆豬油令外皮焦香無比，半肥半瘦爆脂感🆙😜真係非常香口 燒雞肉軟骨棒($22) •••••• 重點當然係剁碎嘅雞軟骨，增加咬口，比一般雞肉串有層次 原隻新鮮魷魚($42) •••••• 肉厚Q彈，質地彈牙又易咬，仲帶一點燒汁香味 腐竹雞蛋糖水沙冰($29) •••••• 呢個特飲名太吸引😂冒險家精神而嗌左😜點諗到腐竹雞蛋糖水味道又真係好出😂飲完都笑左，香得嚟又幾清新，by the way好襟飲添啊🤩

建議你睇哂 地點並非旺區，但平日2點鐘去仍然要等20分鐘，可想而知幾受歡迎⏱ 其實今日純粹有其他事處理，嚟到長沙灣荔枝角，醒起to-eat-list有呢間餃子舖，就決定食 服務態度⁉️ **食完感受完，再上OR睇負評，原來都有講關於服務態度問題😐開頭仲以為自己單一事件** 😮排隊無人理你，自助式寫名上輪候名單紙，對上一間食過用呢種形式嘅係冠軍咖啡店accro coffee 入內->坐底->點餐，整個流程，店員態度確實麻麻💭，語氣上都帶點晦氣，香港地唔休做+忙，就一定係咁😐？ 食完感覺此店明顯被過分吹奏 👉🏻食物質素普通，煎餃比湯餃好食，餃子皮偏向似雲呑皮嗰種薄皮，雖然滑但唔係我杯茶，呢個好個人口味，無話啱定錯 👉🏻菜脯幾有口感👍🏻唔會切到碎哂，辣度幾強 💰價錢就合理嘅🆗 🪑坐得比較逼 總結一試無妨，但唔值得排隊食 湯餃雙拼($42) 🔹雞湯 - 唔想食蕃茄湯，就只得呢個淡而無味嘅雞湯底，都幾無誠意，湯底其實應該要係重視，好重要，出面好多舖都會標榜用豬骨湯/老火湯 🔹粟米芝士雞肉餃 - 雞肉本身已經淡，咬開係就係見到芝士醬，可惜用上嘅芝士毫無芝士香氣，似忌廉多啲。粟米🌽有種熟悉嘅味道，諗左一下，原來就係地捫粟米味😂竟然唔用鮮粟米粒…大扣分啦👎🏻 🔹香葉豆角豬肉餃 - ✅呢個好食，配搭又特別，豆角碎好爽口，不過都淡口味左啲 煎餃雙拼($46) 🔸京葱羊肉餃 - 💯呢個就真係好食！好夠羊羶味❗️羊肉就係要咁，香濃油脂保留肉汁🤤 🔸韭菜豬肉餃 - 金黃色外皮係煎得幾好，又唔會硬到有種炸餃嘅感覺，韭菜香唔係食過最濃，不過個人口味唔需要太重味，所以呢個OK 🚫醉雞($48) - 唔ok❌花雕酒味好弱好淡☹️仲要唔知點解啲雞浸到好甜，可能係款酒唔夠上乘⁉️完全唔合

天后一間格調浪漫西班牙餐廳，黑色型格主調，用餐環境寧靜得嚟放鬆，有吧枱位，可以欣賞調酒師沖酒😌 French Fries($62) 炸薯條, 松露蛋黃醬 •••••• 重點當然係散發住松露香嘅滑溜蛋黃醬啦🤩普通茄汁薯條已經滿足唔到我🤣店家仲要薯條面頭灑上黑松露芝士粉，無疑將美味昇華到另一層次❤️ Miso-marinated Cod Fish($288) 西京燒雪魚配輕煎帶子, 扒露荀, 紫菜天婦羅 •••••• Fusion菜，西京燒常見於日本菜，漬醃後魚肉帶甘甜，而真正鱈魚食落去質地完全唔同普通魚柳，入口味道帶有油香，肉質嫩滑細緻🤤煎到香脆嘅魚皮亦令人回味。金黃色香脆外層嘅煎帶子同樣吸引☺️ Ink Seafood Paella($228) 西班牙墨魚汁海鮮, 雜海鮮, 豬腩肉 •••••• 西班牙名物❗️🤫米粒吸湯汁能力高，唔會煮得糊爛，軟硬適中，烏卒卒墨魚汁飯底完美地吸收多款海鮮精華，絕對係鮮味濃郁 Churros($68) 西班牙肉桂油條, 朱古力醬, 雪糕 •••••• 必點鬼佬油炸鬼🤣經典原味外層灑滿玉桂砂糖，新鮮炸起但乾身，不油不膩喎😌想邪惡啲可以點朱古力醬食，值得一提呢個係黑朱古力醬，唔會過甜又唔使咁heavy，幾好👍🏻另外仲有配一球雪糕，冰火一冷一熱口感層次更豐富🤓