約咗朋友傾計聚舊  咁啱呢間餐廳 喺app上訂座有半價優惠 所以揀咗呢一間餐廳 地點方便 座位舒適 🍤露比三合一拼盤加焗薯$428 👉有燒排骨 炸雞柳同埋炸蝦🍤 燒排骨嘅肉質好嫩 啲汁好濃 炸雞柳同炸蝦炸得有少少乾身  另外揀咗配菜焗薯🥔 🍟露比芝士薯條$158 👉薯條控必食😋有啲黑松露喺入面🧀芝士味勁濃郁 薯條份量較多 🍄巨型蘑菇片香草意大利幼麵$218 👉呢款麵啱啲素食人士☘ 清清地 如果個醬汁多少少會較好 最鍾意芝士薯條🍟下次再嚟都一定會叫 平日晚上限時90分鐘  夠鐘時職員會提醒埋單同還枱  有少少趕 因為啲食物製作都需要時間  最後我哋都食得比較急😅如果多少少時間食會好啲😄

👉位於銅鑼灣嘅樂園素食 地方就腳 距離地鐵站行5分鐘左右 約朋友食飯都方便 環境舒服 地方好乾淨 呢度嘅素食種類比較多 平日嘅晚市$185位 🥰每位另送冰鎮咕嚕肉同埋原盅燉湯 🟪食落酸酸甜甜咕嚕肉係雞髀菇 食完好開胃 🟪燉湯內有蟲草花 粟米 腰果 姬松茸 圓肉 飲落清甜 味道偏淡少少 😋好鍾意食佢啲炸物  不太油膩 入口鬆脆👏 選擇又多 壽司款式多元化🍣整得好有心思 熱盤食物都是比較大眾化 例如椰菜花 菜心 🥦魚蛋蘿蔔 雲耳 翠玉瓜 蕃薯 🍠粟米🌽 等 另外都有少少沙律菜 水果等🍎🥬 🧉飲品吧嘅選擇都好多有羅漢果水 豆漿 洛神花茶 檸檬水🍋 仲有部咖啡機 👏可以沖 cappuccino， latte 或普通咖啡☕啱曬咖啡控‼️ 👉鐘意食素食嘅朋友可以一試😋

朋友帶我去呢間餐廳食晚餐🥘🍲好有格調 🏞 座位唔算多 坐得有啲迫  需要搭枱  餐廳係提供用QR code scan 下單 ✔特別之處係食物可以揀唔要CBD 或Double CBD 初頭唔知咩係CBD😅上網睇CBD係大麻二酚Cannabidiol有放鬆身心、保護神經、改善皮膚發炎、抗氧化等 用餐限時90分鐘  時間上有少少趕 揀咗幾款食物😋 🍝日式芥末忌廉香煎廣島蠔闊條麵$158 好濃郁嘅芥末味🟩混埋忌廉一齊食 好match 勁易入口  一啲都唔溜✔ 有3隻蠔左右 份量唔算多 🐟蒲燒海鰻魚玉子炒洋薏米$118 好特別嘅一個菜式 鰻魚好大塊 好香口 炒洋薏米好有口感 🍺香烤海鮮白醬啤酒薯角 $98 薯角分量好多 烤得好林 醬汁幾多 🧀流心菲達芝士撻 $58 即叫即整🥰 上碟時熱辣辣 芝士味濃郁 個撻勁香脆 🥂Cocktail TOO GOOD TO BE TRUE $88 入口清清地  味道較淡😄 🍓士多啤梨乳酪沙冰$58 略甜 幾creamy 有少少士多啤梨乾🍓喺上面

約咗朋友去油麻地食晚飯🥘🍲🍝揀咗Urban cafe😋近油麻地地鐵站A2出口行大約兩分鐘左右就到 好方便 喺彌敦道僑建大廈2樓 上網睇呢間餐廳都幾多人幫襯 🥰所以預先Book咗位 進入餐廳前  需要穿上即用即棄鞋套 有消毒機 先消毒雙手之後再入座 乾淨又衛生 令客人進餐時更安心 我同朋友揀咗2️⃣人套餐共$298 包括頭盤🥘主食🍝沙律 🥗餐湯🥣 餐飲🍹餐飲包括$38或以下之飲品 差額補價 套餐另加$25可以配一份雪山心太軟🍨 🍔安格斯牛肉手工竹炭漢堡配薯角 竹炭漢堡🖤外皮軟綿綿 內裡餡料豐富👍口感極好  安格斯牛肉肉質細嫩 薯角好滋味 配埋新鮮嘅沙律菜🥬減少油膩感覺 🍝日式青蟹籽大蜆大蔥忌廉扁意粉 擺盤好靚 整得好有心機 大蜆份量多 意粉好爽口 配埋青蟹籽一齊食 好有口感😋 🥗沙律入面除咗有鮮雜菜之外 仲有少少雜果同埋菠蘿肉🍍餐湯係南瓜湯 有少少湯料 入口幼滑 我同朋友叫了2杯凍檸茶 每杯另補$3 雪山心太軟 （🤎朱古力） 💗朱古力味好濃 雪山心太軟 （💚抹茶） 抹茶味道比較清新 😃👍 呢個2️⃣人套餐都幾豐富 值得推介👍 店員好nice 服務態度好好👍 會帶朋友再去😋

同朋友聚舊傾計 想搵間舒服啲嘅餐廳 呢間餐廳喺尖東站L6出口➡️行大約5分鐘左右就到😀見到網上推介Lunch set西班牙鐵鑊飯🍚決定試試 由於星期日中午關係 全場滿座 等左約25分鐘左右先可以入座 西班牙雞飯🥘 $148 配料有辣肉腸 毛豆 甜椒 雞件 雞嘅份量唔多 只有2，3小件左右  朋友叫咗西班牙墨魚汁飯🐙🍚$168 佢話墨魚汁味濃郁 但配料份量不算太多 個餐送薄荷橙沙律🍊🥗迷你裝 普通沙律 幾清新 冇咩特別 另外加$8配餐飲🍹：即磨咖啡☕或紅茶或汽水🥤我揀咗凍奶茶 味道有啲淡 整體食物質素一般 環境舒服  🏡座位寬闊 餐廳夠寧靜👍地點方便 約朋友傾計聚會係幾好嘅選擇

疫情期間未有得去泰國旅行✈好掛住泰國野🍍🍲🫕嚟咗呢度食泰式晚餐🍲地點方便🥰銅鑼灣地鐵站D1出口大概行五分鐘左右就到 👉去到餐廳門口 見到一架蒸汽火車 好吸引 餐廳好有泰國風情感覺 啱曬打卡📷 座位寬闊 🦐泰式鮮蝦炒金邊粉 $98 鮮蝦結實 金邊粉幼身爽口  配料好夠  撈埋花生碎一齊食好正 🍍鮮菠蘿雞肉炒飯 $88 平時我好鍾意食飯🍚 酸酸甜甜嘅菠蘿🍍加雞肉配上有鑊氣嘅炒飯底🍚🍳 配料有肉鬆 雜豆 提子乾等 🥬泰式馬拉盞炒椰菜苗 $92 調味啱啱好 夠曬惹味 撈飯最正 💚泰式炸春卷 $82 春卷脆卜卜 餡料好多 上菜好快👏食物夠熱♨️即叫即整

第一次試呢間酒店餐廳 距離灣仔地鐵站要行10分鐘左右 酒店附近都多零售店 尚算方便  行去銅鑼灣大約15分鐘左右  約朋友去呢度聚餐 位置都方便 食飽可以一齊行下街散下步 😋 當日係星期日去  自助餐未開始已經有好多人喺門口排隊等入座👨‍👩‍👧‍👧 開始時全場近乎滿座  食物方面 因為我比較鍾意熟食 但選擇無想象中咁多🦐炒蝦好大隻好鮮甜👍😁煙三文魚新鮮👏蛋糕🍰同甜品🍮款式比較多 ✔朱古力蛋糕好濃郁🍰🍫 果凍啫喱有好多果肉😊泡芙入口即溶😊

同朋友join左Staycation package 包酒店住宿🏠再加Walter Bistro餐飲☕🥘🍲： 包括半自助午餐，Tea Set🍰同埋輕盈自助早餐🍳 Semi buffet 好多個主菜選擇 見到好多人walk in 嚟食 我同朋友揀咗以下嘅主菜🍲 🥩肉眼扒配薯條及新鮮蔬菜🥦 餐牌價錢係$258 🐟香煎魚柳配鮮魚汁 餐牌價錢係$188 叫一份主菜價錢送埋： 任食沙律吧🥗 中西湯🥣 熱葷🍚🍝甜品🍧冷熱飲品1杯☕ 任食自助吧都有好多選擇 未食主菜都已經好飽🤣因今次係Staycation package 包埋 下次經過開觀塘都會考慮再揀呢間餐廳

本身買左九龍東皇冠假日酒店Staycation package, 住宿🏠連餐飲消費額💰餐飲消費額揀咗尚廚自助早餐🍳🥘🍲每位$258另收加一 因為復活節假期勁多酒店住客嘅關係 自助早餐排長龍🌞 早上8:15 am左右到餐廳 等20分鐘左右 比較多一家大細嚟入住度假  餐廳場面好熱鬧 早餐食物豐富 主要係中式點心🥣 粉麵類🍜 麵包類🥖🍞🥐凍盤 水果🍉🍍奄列 🥓煎蛋🍳等等 粉麵類個湯底幾濃🍜🍅 點心有 蝦餃 燒賣 牛肉 奶皇包等等 熱辣辣新鮮出爐 ♨️ 粢飯好足料勁好食😋餐廳環境有啲復活節裝飾佈置 🎈增添咗節日氣氛😃

端午節假期前夕🏠同朋友去咗食日式爐端燒🍡自助午餐🥩🍥🥘🦀慶祝埋佢生日🎂如果想要蛋糕 就需要同酒店提前訂😊 ➡️職員嘅服務態度好好  酒店好注重衛生 👍出去夾食物時🍽  你同個服務員講 要邊樣食物  服務員會夾去你隻碟比你  而唔係自己夾   有少少唔方便嘅係有D難預啱食物份量 整體食物質素都幾好 食物夠熱♨️侍應refill食物好快👍串燒有燒冬菇🍄燒秋葵 燒茄子🍆燒蕃薯仔 燒翠玉瓜🥒 等等 👍encore左好多次蟹腳🦀另外都有酒🥂供應😋睇番酒店嘅推廣 佢會定期轉自助餐主題🍱🥘🍤🍣等客人都可以試多啲唔同款嘅菜式😊