哩間位於旺角~有平民扒房之稱既西餐廳~ 睇完menu一轉~覺得哩個2人餐性價比真係幾高~ DIAMOND COUPLE($498) 是日餐湯 我地每人加$20~升級轉成酥皮湯 酥皮夠哂酥脆~忌廉湯又夠creamy~唔錯唔錯~ 另外~餐湯會跟埋蒜蓉包一齊上~ 好鍾意佢配蒜蓉包個個番茄莎莎醬 酸酸甜甜咁~食落好開胃呀~ 前菜-芝士松露蟹肉大啡茹 啡菇上面既蟹肉都幾多~ 啡茹本身已經好香~再加上芝士松露既香氣~夾得黎又好味~ 主菜-炭燒厚切澳洲穀飼肉眼 肉眼大塊得黎亦都好厚身~ 牛味都幾濃郁~ 意粉-炭燒牛肉蕃茄忌廉大通粉 大通粉彈牙得黎掛汁度都一流~ 炭燒牛肉既份量絕對唔少~ 餐飲方面~ 我地加左$15要左特飲-Yakult益力多沙冰 鍾意飲益力多既朋友一定要試~ 濃濃既益力多味~夠哂消爽解渴~

係元朗~突然間好想食梳乎厘pancake~ 唸起yoho有間bookmark左既~咁就梗係要試下佢啦~ 店員安排左"榻榻米"位比我地~哈哈~幾唔錯~打卡靚D麻~ 宇治抹茶pancake($138) 抹茶控一見到哩款每日限定既抹茶口味~當然覺得勁吸引啦~ 梳乎厘即叫即整~上到枱熱辣辣同埋勁香蛋香味~聞到都已經流哂口水啦~ pancake口感鬆軟~而且抹茶味都幾濃~唔錯唔錯~ 除此之外~仲有蕨餅~白肉同埋紅豆蓉哩幾款同抹茶味十分夾既配料~ 除左甜品~我地仲叫左倆款鹹食~ All Day Breakfast($128) 大啡茹+煎肉腸+炒雞蛋+乳酪配穀麥+煙肉+牛油果+窩夫 全日早餐十分豐富~食材仲好新鮮健康~ 炒蛋十分嫩滑~仲要配埋乳酪同埋窩夫~所以一定夠飽~ 明太子蟹肉意粉($138) 醬汁顏色微微粉紅色咁~望落已經覺得好夢幻啦~ 意粉煙韌有咬口~而且掛汁度一流~ 意粉面掛滿哂明太子同埋一絲絲既蟹肉~口感一流~

打邊爐~最梗要就係個湯底~ 湯底足料又夠味的話~真係豉油都可以唔使點架~ 好似今次介紹哩間咁~ 椰子雞番薯蜆濃湯鍋(半隻)($318) 一上枱已經見到哩個鍋十分足料~ 未開始打~當然要飲返碗湯先啦~ 一飲已經覺得十分鮮甜美味啦~ 就算打到就上下~店只幫你加既都係濃湯黎架~ 加完湯底都唔會變到淡哂咁~真係讚! 鍋內既雞肉質嫩滑~ 番薯蜆大大粒得黎食落亦都好鮮甜~ 頂級雪花牛肉($338) 雪花分佈均勻~薄切得黎唔會太細塊冇咬口~ 食落都幾重牛味~ 伊比利亞橡果豬($168) 肥瘦均勻~肉質幼嫩不會乾柴~ 而且仲食到好香既豬肉香味~ 黑松露蟹肉餃($78/4粒) 餃子大大粒咁~十分足料~ 食落~除左會食到淡淡既黑松露味外~ 仲食到有唔少蟹肉絲係裡面~ 極品棉花魚肚($98) 哩個真係大推大家一定要叫黎試下~ 魚肚好似棉花咁吸收哂濃湯既精華~ 一啖落去真係會爆哂D汁出黎~超級正~ 大滾友雜菜拼盤($98) 有油麥菜~生菜~粟米~金針~蕃茄~紫蘿蔔~萵筍等等~ 種類都幾多~而且夠哂新鮮~ 自家製竹蔗茅根($78) 一大渣咁~十分足料~清涼解渴~而且仲要唔太甜~正!!

寶怡花園附近一向都唔少好野食~
今次~比哩間既裝潢吸引住~日式居酒屋風格~而且價錢又唔貴wow


✅️自家制芝士厚燒玉子($48)


超級厚既玉子燒~襯熱食~熱辣辣咁真係好正~
玉子既甜度適中~唔會太甜~好味道
✅️脆脆燒三文魚皮($36)


魚皮炸得夠薄夠脆~一D都唔油~
食落仲有陣陣既魚香味添~用黎送酒真係一流
✅️松葉蟹柳蟹子沙津($58)


哩個沙律份量超級多~係連蟹子蟹柳食落都係份量十足架~
而且青瓜絲食落新鮮爽脆~
✅️芝士軟殼蟹卷($65)




4大舊~十分足料既軟殼蟹卷~咬落~裡面既軟殼蟹卷仲係脆架~
✅️石鍋鰻魚炒飯($122)


叫左咁多前菜小食~所以主食我地只係order左一個~
初初都驚2個人會唔夠食~
不過見到哩個飯既size就冇再擔心過啦~
熱辣辣既石鍋炒飯~上到枱都仲聽到滋滋聲咁~
鰻魚冇骨~肉質夠哂柔軟~
炒飯粒粒分明~足料得黎食落仲好夠鍋氣咁添~
仲要食到尾~d炒飯食落都仲係熱辣辣架~加分加分~
✅️Apple Cinder($38)


一睇飲品menu竟已經比佢吸引住啦~黎到當然要同佢打打卡先啦~
Somersby既蘋果酒~食肆黎講$38蚊真係好抵飲

係香港已經開左一段時間既段純貞~ 其實我想試好耐~可惜成日經過都見到好多人排隊~👬👫 今次平日夜晚冇人等~機會難得~當然要試下啦~😋😋 黎到先知原來而家有set可以叫~ set計落真係抵食d~ 我地揀左麵食+小食+飲品set($138) ▶️set1 紅燒牛筋麵 紅油抄手 胚芽珍珠奶茶 ▶️set2 紅燒腱心半筋半肉牛肉麵 鹽酥雞 抹茶珍珠奶茶 麵係有手工麵有細麵比你揀~ 倆碗我地都揀左手工麵~食落煙靭有咬口~而且仲好掛湯添~🤤 湯頭我都覺得幾有驚喜~ 飲落有淡淡既藥材味~但又唔係好難入口個隻~ 而且仲冇咩味精添~因為我飲完冇口渴感~👍👍 不論牛肉定牛筋~都煲到非常軟腍入味~而且份量亦都非常之多~好味道~😋 小食方面見佢大推✅紅油抄手~ 當然要叫黎試下啦~ 抄手被滿滿既芽菜遮蓋住~😍😍😍 揭開先發現原來炒手都幾大粒~ 醬料香得黎唔會太油~亦都唔算好麻辣~ 用黎撈埋d芽菜一齊食味道岩岩好~ 另一款小食✅鹽酥雞外層酥脆~ 內裡嫩滑juicy~咬落啖啖肉咁好正~ 胚芽珍珠奶茶就係回憶既感覺~ 以前好鍾意飲~不過而家好似愈黎愈難搵到~ 本身個奶茶底既茶味都幾香濃~ 另一杯既抹茶味都唔錯~ 可惜既係d珍珠就爭左少少~我覺得太腍啦~🥲

今日去試左哩間旺角近期新開既日式燒肉店~ 單點的~不過價錢真係幾抵食~ 和牛~講梗一碟$100都唔使呀~ 和牛壽喜燒($88) 哩個真係要相機先食~ 店員會係你面前用火槍將塊和牛燒至半熟~ 點埋個生雞蛋再放上飯面~ 岩岩好一啖食得哂咁~食落真係好滿足呀~ 和牛五花($68) 如果鍾意食日本和牛口感既朋友~哩款真係必叫呀~ 軟腍得黎~食落仲滿口油脂咁~ 黑毛和牛小排($78) 牛味相對比較濃郁同埋厚身~而且比較有咬口~ 和牛霜降赤身盛($88) 脂肪比例比較平均~雪花均勻 相比起黎牛味冇牛小排咁重~肉質較嫩滑 薄切牛舌($28) 薄薄一片既牛舌~好快熟~口感都幾爽彈~唔錯~ 估唔到既係$28碟都有幾多片~ 平平地~叫多幾碟用黎送酒都唔錯~ 果漬牛肋肉($58) 上面個幾款肉都係無醃製過~原汁原味咁 所以就叫左哩個黎試下~ 果漬完既牛肋肉~好入味~甜甜地咁幾好味~比較有咬口 一睇就知我地主力係黎食牛啦~ 整體黎講牛既質數我覺得真係唔錯~ 如果講既價錢的話~真係可以用性價比高黎形容~ 西班牙黑毛豬($28) 半肥瘦~有D似腩肉位~ 燒到脆脆地咁食~食落唔覺得油之餘仲食到陣陣豬既香味~ 柚子雞肉($28) 柚子同雞肉加埋一齊好夾~ 食落感覺幾清新~雞肉仲好嫩滑多汁添~ 雞皮餃子($48) 雞皮脆脆的~ 雞皮外~仲有少少雞肉~先到餃子既餡料~ 第一次食~幾特別~幾好味~ Sapporo生啤($28) 食燒肉~又點可以唔叫返杯生啤黎飲下呢~ $28杯~真係好抵飲~

屯門又有新開既日式燒肉放題店啦~ 襯佢新開張有九折~當然要去試下啦~😋😋😋 (九折做到12月23日~午市或晚市都可以用架)👍👍 今次我就揀左✅黑毛和牛特上燒肉放題($629/120分鐘) 一開始頭盤哩幾款肉~真係睇相都知道好好味呀~😍😍😍 ▶️厚切牛舌 ▶️極上雪見肉眼芯 ▶️極上座布團 ▶️極上厚切肉眼芯 ▶️厚切特上辣椒肉扒 全部都係十分鮮嫩~完全唔韌~食落仲要滿滿油香咁~🤤🤤🤤 雖然頭盤只有一round~任點任食既部份~種類同質數一d都唔差架~ 除左牛仲有日本產豚肉~雞肉~羊架~海鮮等等既美食~ 咁我地當然主力食黑毛和牛系列啦~😋😋 之前頭盤既厚切特上辣椒肉扒都有再order架~ 哩個▶️辣椒肉扒都係我大推之一~👍 夠哂厚身~但食落一d都唔韌~而且佢既油脂分佈得幾平均~唔會太油膩~😋😋😋😋😋 另一款私心推介既就係▶️厚切特上牛肋肉啦~ 特上牛肋肉相對地油脂比較多~食落更加軟腍juicy~ 但因油脂較多既關係~食到中後後段感覺就油膩左少少~😅😅 另外佢仲有四款唔同既醬料比你去配搭唔同和牛嘅一齊食~ 點左醬料黎食~又別有一番風味~ 除左燒肉~哩個▶️黑毛和牛火炙壽司又係必點架~ 輕輕火炙過既黑毛和牛更加香口美味~😋 海鮮方面~特大虎蝦大隻得黎仲好爽口彈牙添~👍👍 另外~鮑魚我都覺得唔錯~已經起左殼~燒起黎方便好多~👍 出面都有自助區有沙律~水果~泡菜~炸薯條~炸雞~白飯等等可以拎~ 飲品佢都有d自家製樽裝冷泡茶可以拎~ 不過因為我個set係包埋✅酒類飲品可以order~最正既係生啤🍺都有得叫呀!! 燒肉加生啤🍻~哩個係絕配黎架~生啤仲要係SAPPORO黎架~ 除左生啤~仲有好多口味既氣泡酒可以order~ 其中我大推▶️青森縣蘋果汽泡酒哩款~ 濃濃既果汁味加上汽泡既感覺~真係好爽呀~ 食飽飽~當然要食下甜品啦~ 雪糕方面有牛奶味同士多啤梨口味既軟雪糕~ 味道唔錯~食落都真係幾有日本食到既感覺~😋😋😋 除左雪糕~好驚喜竟然有抹茶蕨餅~紅豆蓉同埋白玉丸子可以食~😍😍 雖然係任食放題既甜品~不過我覺得質數一D都唔差~👍👍👍👍👍

飯後~想食甜品~ #屯門友 近近地~ 今次揀左佢▶️有料案內所 ✅️炙燒焦糖布甸梳乎厘班戟($86) 梳乎厘班戟係哩度既招牌菜~ 一上枱已經覺得十分吸引啦~😍😍 班戟既空氣感做得唔錯~👍👍 鬆軟得黎食落仲幾有蛋香味添~😋😋 雪糕我就揀左綠茶味~ 唔係好甜~幾香茶味~唔錯唔錯~🤤 ✅️小丸子紅豆抺茶芝士奶蓋富士雪山($40) 哩個雪山份量十足~🤩🤩 好鍾意佢個芝士奶蓋~芝士味夠哂濃~😋😋 食落抺茶味都幾夠味~ 小丸子夠哂煙韌~配合埋甜甜既紅豆一齊食~ 真係perfect👍👍 哩一缺點係刨冰既冰比較硬~🥲🥲 食到咁上下要出D力/比D時間佢溶~ 哩度真係有少少扣分~😨😨

出左銅鑼灣搵食~lunch time見都唔算太多人等梗~咁就試下佢啦~😋😋 ▶️炸銀鰽魚墨西哥餅配有皮薯條($138) 炸魚都幾大條~食落都幾魚肉都幾嫩滑juicy~👍👍 不過我略嫌炸粉厚左D~🤨 墨西哥餅內既醬料酸酸地咁~ 夾埋一齊食味道都唔錯~有醬汁食落唔會太乾~ 有皮既粗薯條～食落熱辣辣咁真係好正😋 哩個係brunch set~有跟set drink~ 我地叫左杯ice coffee(+$2) 跟餐黎講都算唔錯~咖啡都夠哂香濃~ 另一款~係散叫左~ ▶️烤卡津香料雞肉煎蛋窩夫($118) 哩度既窩夫好似幾出名~所以叫左黎試下~😍😍 咸既窩夫比較少食~估佢唔會又幾夾bor~🤤🤤 雞肉食落幾juicy~用黎醃雞肉既香料好香~ 窩夫外脆內軟咁~而且勁香牛油味~真係好好味呀!! 下次要試埋佢地既甜品窩夫先得~😚😚

有冇片皮鴨愛好者???😍😍😍😍 有既~記住bookmark哩間啦~ 事關哩間~我真係覺得好味得黎又抵食 ✅北京填鴨(半隻)$168 半隻既份量其實真係好多~😋😋 而且唔會只係得皮~ 連住皮既鴨肉都唔少~ 皮脆~鴨肉又唔肥~ 咬落仲散發出陣陣既鴨肉香氣~😋😋 另外~比你包住鴨肉一齊食既餑餑皮我都覺得幾出色~ 有輕輕烤過~厚薄適中~食落仲有少少煙韌添架~👍👍 ✅砂窩雲吞雞(半隻)$148 哩個已經係半份黎~冇唸過都咁大份~ 湯頭鮮甜~有大量蔬菜在內~ 半隻雞都幾大隻同多肉~肉質唔會太鞋~😋😋 可惜既係D雲吞係以牛肉為主既餡料~🥲 食落味道上有D似點心"牛肉球"既味道~ 哩點真係扣左少少分~😞😞 如果係正常餡料既雲吞就正好多啦~ ✅回鍋肉$86 十分惹味的一道小炒~😋😋😋 少少辣咁~用黎送飯真係一流~ ✅高力豆沙$13一個 其實已經好飽架啦~不過見到~又忍唔住叫左黎食~😚😚 最正既係可以一個個咁叫~ 我地只係叫左2個~一人一個岩岩好~上到枱仲係熱辣辣架~🤤🤤 大大個咁~裡面既豆沙餡料都幾多~ 唔算太甜~好味道~👍👍