I had a wonderful dining experience at this restaurant! The seafood was absolutely delicious, and the fact that we could sit outside and enjoy the sea breeze made it even more enjoyable. One unique aspect of this place (Sai Kung) is that you can choose the seafood you want from the fish tank and even suggest how you'd like it to be cooked. Some people might have reservations about whether the dish they receive matches what they selected, but personally, I didn't have any doubts. On that particular night, we opted for a large "flower" lobster for sashimi, with its head deep-fried to perfection. Both dishes paired wonderfully with our wine and beer. In addition to the lobster, we also ordered a variety of other seafood dishes, including steamed shrimps, Stir fried clams with blank beans sauce, fried crab with Typhoon Shelter style, sea snails in spicy wine sauce, and stir-fried broccoli with garlic. We couldn't resist trying the Supreme Soy Sauce Fried Noodles as well. Each dish was prepared with great care and tasted amazing. Despite the restaurant being quite crowded on that Thursday night (maybe it was close to Mother's day), the waiters remained incredibly busy. However, whenever we needed assistance, they promptly attended to us once they finished their current tasks. Their services were impressive. Overall, I really enjoy dining at this restaurant, especially when I'm accompanied by my friends. The combination of tasty seafood, pleasant atmosphere, and attentive service makes it a great choice for a memorable dining experience.

由於要等候攞passport，見有個半鐘，就去左附近搵野食。第一次黎呢到咋～進入前，會比你選擇香薰味既消毒噴霧，消毒雙手，好特別。我地一行3人，叫左烟三文魚 egg benedict，甲羅燒意粉同芝士黑松露意大利飯。試左佢個蘑菇湯，好足料呀3樣野，最好味都係egg Benedict（難怪見好多人order) ，飯同意粉都好飽肚。特別係意粉，好似有蛋黃一齊整，食少少已經好足夠。 食完主菜，梗係想食甜品啦～ 朱古力奶係小朋友既，唔計算 呢個朱古力mossy ，唔甜好濃朱古力味，唔錯 呢個係好有驚喜，因為好靚呀。幾粒爆粟，有個小小既心太軟，唔甜，好正，中間係nuts 同士多啤梨乾，好特別，好開胃，主角係焦糖燉蛋，焦糖好脆，蛋好滑，超好味。整體食物唔錯，唔算貴。但服務真的有待改善。

忙完一日既工作，總想好好享受一餐，櫻田係我首選。早幾日去食，而家先有時間分享 嗰日見波波師父拆箱，原來有魚返左黎，我梗係即係叫師父介紹啦～條魚我唔記得叫咩名喇，但好鮮甜，師父話似“雞泡魚”，但我其實未食過雞泡魚刺身，平時都係食魚乾。一尾兩食，個頭就用黎煲湯。其實唔貴架，話晒酒店級數嘛，都係幾百蚊一條。同埋佢地而家返貨既魚，由2xx至5xx一條，有大有少，配合唔同客既需要，比以前好好多。 一條唔夠喉，見佢有條三刀（堅係三刀，平時街既三刀係假貨），呢條人稱“魚王”，我未試過刺身呀，即刻又order 埋啦。 呢條魚魚油豐富，魚味無之前嗰條咁濃但同樣鮮甜肉彈。好好味呀 漬物送吓酒啦（餐廳送），傾吓計，再去下一 round 再黎個standard 刺身，5xx 成十件，件拖羅肥到唔捨得食 又想食燒魚呀，鐘意佢地燒功特別，鹽燒～我地揀左條日本紅衫“系撚鯛”，一d都唔貴呀～大約3xx，燒埋比你，相比本地紅衫，呢個味道更鮮甜，肉質結實有彈性。呢d魚都係可遇不可求，每次返既靚貨都唔同架。 人多去，可以再叫，未夠飽呀 黎個北寄貝啦～又鮮又甜，擺置又靚，令人食得開懷…… 最後黎個主食，鐵板雞肉烏冬，正 好滿足既一晚。服務員個個殷勤招待，次次都令人有賓至如歸既感覺。 我用go royal，有折呀。

搬左新舖就去試試喇，環境舒服好多，地方也大了不少，但未知是否大了，人手有待改善。黎到梗係order 至愛既生蠔啦～ 呢個時間，法國蠔就最肥美。配埋白酒，生蠔就打折，十分優惠。食左2 rounds 蠔就進入熱食前菜-八爪魚。 再黎一客自家蟹餅 未夠飽呀，主菜都未食 雖然好多選擇，但仍然鐘愛龍蝦意粉，但今次似乎有d失手，龍蝦過了火喉-過熟，呢個係唯一有少少失望。 到尾聲喇，點都要食個甜品作為完滿。tiramisu 好味呀，唔太甜，濃濃咖啡味，口感軟軟滑滑，沒有“膩”既感覺。滿足滿足！

襯天氣好，開始有秋意，想去西貢邊吹吓海風，邊食海鮮。每次都會選擇呢間全記，我覺得佢地服務不錯，海鮮又新鮮，最重要，價錢合理。好喇，出去揀海鮮喇 先揀左海中蝦，白勺，冇得輸，次次都食。呢日番左蝴蝶蚌，正呀～煮法：鹽油 蚌肉肥美鮮甜，又冇沙。呢隻蚌只係秋季出現，亦只得2-3個月有得食，所以一見到就即刻order啦。 然後揀左隻象拔蚌做刺身，價錢好合理架，師父抓上手後，會先推走d水（合理啦…用重量計算費用嘛）。個胆仲可以用黎煲粥或椒鹽，但我選擇帶走 開始熱食了，揀左d花螺，烏冬辣酒煮啦，夠辣呀，又野味，但覺得烏冬太少了，可能佢唔係主角呱，若果多少少就好了。 黎喇黎喇，叫左隻大奄仔，師父話保證多膏。果然冇食言，鹽油焗出黎，一打開，爆膏啦！蟹膏鮮甜甘香，肉質嫩滑。 最後加多碟薑汁介蘭，隨後餐廳送上免費紅豆沙，唔太甜，有沙有果皮味，好味呀。

呢到地點方便，令我每次有聚會都會想起櫻田，服務有禮貌又細心，師父nice，次次都會有精心推介。今晚又有好野食，入秋了，有最肥美的秋刀，一條可切6件左右，處理秋刀要求的刀功極高，因為多細骨，要每條抽起而又不影響外觀，少d心機都做唔好，加上，秋刀做刺身一定要極新鮮，我只信呢到。伴住酸汁食，秋刀另一番風味，肥美鮮甜完全引出（我唔係專業攝影） 店長推介法國藍龍，師父推介象拔蚌，由於我地都係鐘意刺身啦，選擇了象拔刺身，師父為了令其口感更加爽脆，於是切條，味道十分鮮甜濃厚呀！請留意，上碟都經過一番心思，視覺都滿足埋！ 好喇，進入中段，再黎個刺身set，每次晚飯都order，冇失望。雖然係set，但水準高。 想食點飯了，於是叫左炙燒佐口魚邊壽司，最鐘意佢肥厚多脂、肉質柔軟細膩! 火炙後，香，口感豐富，落爽又甜，甘甜魚油緩緩滲出，濃郁甘香，入口即溶。正！我以前唔鐘意食架，係自從係櫻田食過就愛上，試過其他餐廳，都係呢到水準高。 最後黎碟鐵板雞肉炒烏冬為結尾。 服務員仲好殷勤地問要唔要雪糕。美妙的一個晚上。

平時行過見好多人幫襯都唔想入去，今朝見仲有一張吉枱，即管試吓啦…既然佢叫魚蛋餐廳，我就試吓叫碗魚蛋河粉配熱奶奶。一上枱覺得好香，就忍唔住掛住食，冇留照片分享 一碗有3件魚片，其中一件係魚片頭，再有3件魚蛋，大大件，有魚味，好彈牙，但糊椒粉味都重，相信怕人覺得腥，但我又幾鐘意呢陣糊椒味。平時食呢d粉麵都會有蔥，但佢好細心，d蔥加左炒蒜（我覺得係蒜，唔肯定），好香口。河粉都算滑，比我相像中好食，36蚊包熱飲，抵啦！ 杯奶茶岩我口味，茶味岩岩好，唔苦唔重奶味，飲完冇苦澀味

之前食過一次，覺得d生蠔好新鮮，價錢又實惠，於是今次約多2個朋友一齊黎食團圓飯。我地先揀支白酒啦，跟住叫既蠔都有6折先黎一打各4款法國蠔，樣樣試下。相信時間配合，d蠔好大隻又肥美新鮮，試完再集中食鐘意既蠔，再黎多一打。勁滿足啦！ 食完蠔再黎食頭盤，有佢最出名既自家制蟹餅（有蟹味有蟹絲），海膽阿根廷紅蝦刺身（鮮甜），蟹肉牛油果醬塔配黑魚子（味淡，下次應該要先食，我地次序錯了） 再黎蒜片辣椒炒蝦，好野味呀，唔算辣，鐘意食蒜既人一定要試。主菜黎喇，黑毛豬（菜單名唔記得喇）偏咸，牛尾骨配意大利飯，牛同飯都好入味。最後甜品時段tiramisu，原來星期六日既甜品係不一樣，要去幫襯brunch 先可order特別款式。不過，呢餐已經令我大滿足，期待下次再去食。

由於疫情，都好耐冇去過飲茶食點心。就諗起張公館，景靚同坐得舒服。早一日訂位，都仲有位，但上到去已經全館滿坐。 先點左個前菜，麻醬海淅。口味尚可以啦，海淅都係海淅頭口感好d。呢個似我平時買既即食海淅。 由於職員多次推薦义燒菠蘿包，於是即管一試。岩岩出爐，除了特別香之外，其實又冇咩特別。 然後點左蝦餃，大大粒，裡面d蝦好大隻，仲有個碟‘’竹笙蝦卷‘’ - 實際個名唔記得叫咩，呢個小小特別啦，出面茶樓比較少見。最後食埋牛肉腸，牛肉都有牛肉味，如果有少少果皮味就更加好。一個午餐時間就咁消磨了。

襯未倒水，食多幾餐呀。今晚先點隻日本生蠔，鐘意佢有d酸汁伴住，好開胃，好鮮甜。其實可以食多幾隻，但又想留位食其他，食住一隻先。配埋杯白酒，正！ 經專業既師父介紹，點左今晚極之新鮮既伊佐木，又名雞魚，5-7月最肥美（事後搵資料咋，當刻都冇留意），薄切配上“秘制”酸汁，更加帶出魚既另一番鮮味，唔識形容。 今晚想食d飯，所以點左壽司，好味，又飽肚。 最後黎個熱食“燒魚”。 都唔可以話我咀刁，一食已經覺得跟以往不一樣，一問之下，原來呢個係另一師父處理（原本的放假）。 呢餐又食到“大滿足”。