今日路過朗豪坊就諗住食完lunch 先返去，經過lab 10見佢門面都望落「是正」，入面都有幾台食客，就估應該唔會中伏既😔 點知....... 叫左個韓式鐵鍋飯，送到黎就知中伏了☹️ 首先成個飯唔夠熱、牛肉得3小片，d 配菜仲要係酸酸地（唔係泡菜喎）好似變壞左咁🤢🤢 但因為趕時間就無話要換其他野，最後只係食左4份1到就走左啦。

友人話sky726 平日午餐cp 值超高，今日順道黎旺角睇戲就黎會一會佢啦。 友人一早係訂位apps 訂座有半價優惠，係半價、半價、半價🤩🤩 （太重要所以要講3次） 睇下set lunch 餐牌 - 3 course set lunch 要百多元唔算好平，但我地有半價🤭，成件事突然好抵咁！ 今次就揀左「手打芝士和牛漢堡」，唔好睇佢好似細細份咁 ，其實佢將蔬菜配料分開上，好貼心❤️既安排，可以自己DIY。麵包鬆軟，薯條香脆，不過和牛略嫌過熟🍔。下次再黎要再試下其他野🤗

一直都未有機會黎試哩間日本札幌過江龍 - 一幻拉麵🍜 今日嚟開灣仔上堂就試一試佢啦 🤩 大約12左右黎到，唔使等就入得啦但就剩番自修室位可以坐。午餐時段人流都算唔錯，但就未止於要排隊等位。 嚟等一幻就梗係想試下佢個🦐🍜，哩到同某知名拉麵店一樣，你可以自己DIY心中既拉麵🤩，只係差在冇等選擇麵條既軟硬度。 一睇個湯底就知真材實料，真係隔住個MON都聞到陣🦐味😆。我揀左鹽味幼麵+原味湯底，麵條煮得唔錯、唔會過硬或者過腍；叉燒肥瘦度適中、夠入味；溏心蛋夠哂流心！ 另加既日式餃子皮薄同煎得香脆，都可一試。

🌟真·隱世小店 你要食好西就先要搵到餐廳既入口😆 哩間真·隱世小店藏身係商廈入面，第一次黎都要搵一陣先搵到入口❗️ 一坐低店員就送上小菜3款，店員服務都唔錯，會主動幫你refill 小菜👍🏻抵讚 我地人少少就嗌左3款食物黎happy share，黎食韓國菜就一定唔少得炸雞啦🍗 1️⃣韓式酸甜雞 - 賣相唔錯，但炸粉較厚而且唔夠熱，相信已經炸起一段時間 2️⃣海鮮煎餅 - CP值較低，煎餅唔夠香脆較油而且只係搵到幾條🐙腳 3️⃣牛肉kimbap - 賣相都呃到人既，材料充足但就少左kimbap要有既麻油香

難得可以早放一天，二話不說相約友人黎試下溫野菜新推既下午茶set 🥩🥩🥩 一直都知溫野菜係sell高質日式火煱，所以價值都唔係太相宜。今次係下午茶時段黎試下又確實有驚喜🤓，你可以揀下午茶set 或者lunch set 都得，lunch set 仲有7折添🤭 為左可以試多幾樣野，我同友人各揀左一個lunch set 同tea set share ，d野食多到放滿哂張台😎 有齊哂🐷🐮🐥🥬🥒🌽🥕🥗，一次過試哂，材料十分新鮮仲有少見既紅心蘿蔔。埋單人均消費百多元，十分抵食。

友人預計要OT 所以直接約係觀塘聚餐，黎到APM 就揀左哩間泰菜。餐廳原來都唔細，入面仲有幾張大台，所以平日晚餐時段都唔需要等位，直接入得。 今次我地兩人就被安排坐一個好特別既位置，兩人自成一角，但張台就比較細，嗌多幾樣野食都唔夠放..... 1） 炭燒豬肉串 味道香口，啖啖肉，本身以為隔離個個係辣醬，點知原來係似辣油既沙嗲醬🤣 2） 椰青海鮮焗飯 製作需時25分鐘，椰汁味濃，炒飯混合左少量椰肉，如果係椰子🥥既愛好者，應該會好❤️，但食得多會有d膩口 3）燒印尼椰香雞🐤 又係椰子🥥，椰香雞份量十足，仲配上4粒椰漿飯波，都幾得意 4）Blue Pattaya + Mango Tango 黎食泰菜梗係要嗌番杯泰色特飲啦，椰子🥥、芒果🥭、菠蘿🍍就唔少得啦。哩兩杯特飲確實唔錯值得一試 整體而言，食物味道唔錯，環境尚可，但價錢有點貴，今餐每人平均要成二百幾蚊，其實都算頗貴....

Blue Monday 最好就係約好友出黎聚下chill 下 😎 畢業之後大家公務繁忙，要一大班人再約出後食個飯都好難，但朋友係要見嫁，難得我們姊妹仨約到出黎食好西，梗係要嚴選一間啦😆 姊妹們推介哩間頗有名氣既韓國菜🇰🇷，叫得dodam chicken 梗係要試一試哩到既炸雞啦 🍗。原來除左韓式炸雞，哩到仲有數十款烤雞等等。近排鹹蛋黃食物製品大熱，我地就揀左個打卡之選-黃金鹹蛋脆雞，另外再加左個海鮮煎餅同水冷麵，份量足夠3-4人食啦😋 1） 黃金鹹蛋脆雞 （無骨全份） - 🐥皮脆肉嫩、每一件🐤都沾有鹹蛋黃醬，食到唔停口 2）海鮮煎餅🍕 - 我估應該有成個普通批咁大份，煎餅應該係以半煎炸形式整既，尤其係邊邊位香脆可口 ，用料充足不馬虎 3）水冷麵 - 食完咁多煎炸野要食番個水冷麵降下溫，解解膩，食左一口即刻透心涼❄️

Moko 依家有越來越多食店進駐，唔少仲要係過江龍知名食店🧐 所以每次選擇困難症發作既時候都會提議去food court 🤣 直接了當，大家可以揀番自己鐘意既野😆 點知今日我地口味一致就揀左係food court 門前左邊既toast box 🍞 1) 今次我就揀左喇沙😋，一直都對喇沙有情意結，去親食東南亞菜都一定要食番碗。今次都冇令我失望，🦐🦐🦐都有3隻、魚片豆卜亦唔少得，唯一遜色既係個湯唔夠濃，再濃少少就💯 2） 蝦🦐湯麵 蝦湯麵用左2隻新鮮大蝦🦐🦐，再配以魚片作配料，蝦湯味濃，但我都係鐘意喇沙多d🤣

今日由早到晚執屋一直忙忙忙，忙到8點幾終於可以坐定定食個飯啦。由於太攰，我地都想黎個速食就早d返去休息下。 Toast box 係採取自助形式既，自己去點餐再會有服務員送餐。唔知係咪太餓既關係，我地好快就揀到心頭愛啦。🤣 1） 椰漿飯拼豬排 個個辣醬真係不得之了，完全係將一個普通既碟頭飯提升左咁 2） 咖哩豬排配油麵 無錯又係豬排🤣，個咖哩湯夠濃好香，但食完之後就有d 口渴.... 以速食黎講算係唔錯👍🏻

每次經過金不換都會話下次要黎試下.... 下次下次、今次終於可以😎 平日12點幾黎到都幾滿場喎，我諗哩到應該都算係附近OL 既飯堂🤔，畢竟$60-$70一個午餐連特飲都算唔錯 我地大約等左10分鐘到就入得啦，睇完餐牌之後就揀好要試下佢個原個菠蘿海鮮炒飯🍲，友人就揀左海南雞飯🐤.... 雖然菠蘿炒飯唔係原個上而係碟頭上，但都見到有蝦呀、魷魚粒🦑呀咁，都算合格。 海南雞飯既油飯都幾香，雞肉就唔夠嫩滑。 特飲就揀左龍眼冰同椰汁冰，夠味同唔會覺得係加左水咁... 唔錯唔錯...