🥗Parma Ham Quinoa Avocado Salad 巴馬火腿嘅味道好香，唔係淨係得個鹹字🥰 加埋藜麥牛油果沙律🥒🥬，絕對精緻好味 🥘Pumpkin Soup 呢個湯有驚喜，本身驚好重草青味😬 點知唔係😮！淨係得香甜嘅南瓜味 上枱熱辣辣，好Creamy😋 🥩Grilled Tuscan Angus Rib Eye Steak 我覺得5成熟生熟度岩岩好 因為擺一陣d熱力都會擴散😚 肉色粉嫩，帶有肉香🔥 格仔坑紋煎得好靚🟫 一d都唔韌🥳 同埋啖啖都充滿肉汁好juicy❤️‍🔥 配菜方面簡埋薯條~ 炸得勁香脆! 👍🏼 🥩Steak Tagliata 終於明點解餐廳咁有信心🤓切落去牛柳好軟剛剛好 個色啱啱啱好，好吸引目光 意大利牛柳肉質軟腍🤪，一刀割開去就可以見到個肉嘅粉嫩嘅內裡 牛味特別香濃肉汁多到滲晒出嚟 伴牛肝菌醬好惹味🫗，可以沾上自家製的芥末醬更有風味 仲有清新嘅🍒車厘茄乾火箭菜🥗，咬落去爽脆又有啲辣辣嘅口感新鮮美味 牛柳配沙律真係好好味，兩者嘅味道互相襯托 🍮Tiramisu 作為甜品份量唔算細，裝起一個玻璃杯入邊 層層疊疊嘅蛋糕質感做得唔錯，唔會過濕 口感綿密柔軟，咖啡味及酒味都比較淡 整體不會太甜，用作飯後甜品一流！ 🍰cheese cake 另一個甜品係chessecake，原本驚好膩，但比起平時嘅cheesecake佢一啲都唔膩。軟硬程度都好適中。餅底係脆嘅，好食

🐤寧波醉雞湯刀削麵🍜 湯底係藥膳湯 用一個小瓦煲上菜，夠熱辣辣，配合灌湯兩字 醉雞份量非常多，以一個套餐嚟講其實都算幾多 刀削麵勁多 每條都好大條 😇😇 我都差啲食唔晒，呢個價錢嚟講CP值非常高 醉雞味道都唔錯，唔會好鹹亦都食到花雕酒嘅味道，非常濃郁！ 仲有好多青瓜伴碟，非常爽脆😀 🍜 獅子頭灌湯拉麵 呢個湯底不得了，起初入口淡身啲😀 慢慢飲多多啖藥膳味就好出，養生之選😁 有雞湯清甜，同時滲有淡淡藥材香氣又不會太濃烈😱 獅子頭同樣做得不錯，先炸香、再蒸熟🤪 肉質鬆化、味道鮮甜☺️ 🐤麻辣口水雞 麻辣口水雞份量都算多🌶️好多青瓜墊底🥒 但完全唔辣 而且一啲都唔麻😄 配合埋豉油嘅香味非常惹味 非常適合唔食辣又想過下癮既人🥵

同事推薦之前試過一間新開張嘅樓上火鍋私房菜，雖然餐廳裝潢似西餐廳多啲🤭但昏暗柔和嘅燈光加上落地玻璃，無論食咩都頗有情調☺️❤️ 我地揀咗個$788 嘅二人火鍋套餐，套餐包括二人刺身拼盤、二人海鮮拼盤、二選一手切細份特級牛/橡果豬、韭菜餃及蟹肉餃、田園雜菜籃、手打烏冬/公仔麵同兩杯無酒精飲品，私房菜嚟講相當抵食👍🏻 - 二人刺身拼盤 刺身拼盤有4款厚切刺身，三文魚、八爪魚🐙、北寄貝同魷魚🦑，最驚喜係相當脆身嘅魷魚刺身，打邊爐前仲有刺身做前菜都幾豐富🤭 - 鍋底 。煲冬瓜瑤柱美腿鍋 。唐泰北蝦冬陰公湯鍋 。極濃蝦鍋 。酸菜三文魚骨腩鍋 湯底四選一，我地揀咗極濃蝦鍋，紅通通嘅湯底除咗因為用咗大量蝦頭熬製外，仲加入鮮茄同雜菌，有營養之餘仲非常鮮甜，起議大家可以係打邊爐之前先飲番碗湯先😋 - 二人海鮮盤 海鮮拼盤竟然有大大隻嘅新鮮鮑魚😲仲有鮮蝦、脆鯇魚片、北寄貝同大蜆，樣樣都超級新鮮，相當鮮甜。當然每日海鮮供應會根據貨源或有可能會有少少分別🤭 - 手切特級牛(細)/ 橡果豬(細) 我地揀咗手切特級牛肉，細份嘅份量完全足夠兩個人，手切牛肉仍能保用每片牛肉厚薄差唔多👍🏻牛肉雖然油脂含量唔高，但相當有牛肉味👍🏻😋 - 韭菜餃及蟹肉餃 自家製水餃🥟皮薄餡多都爆出嚟，蟹肉餃真係食到蟹肉嫁，仲會爆汁添，食嘅時候要小心啲 - 田園雜菜籃 蔬菜🥬籃勝在多款式，每款都有啲啱哂唔同人嘅口味 - 手打烏冬/公仔麵 烏冬同公仔麵二選一，我地揀咗前者，手打烏冬夠彈牙，放入火鍋🍲中嗦哂啲精華，好似食緊蝦濃湯烏冬❤️ - 兩杯無酒精飲品 (可樂/ 無糖可樂/ 忌廉/ 椰子水/ 低糖果汁) 椰子水🥥清熱解毒啱哂打完邊爐下火，大大杯消暑解渴又解膩

登打士街一向美食雲集，想係旺角掃街就一定會嚟哩到，「茶茶Go」就係其中一間過江龍茶飲店，店內第一名係芋泥飲品，唔鍾意芋泥嘅都有好多唔同選擇，冬瓜茶、水果茶、奶茶等等，有數十款選擇🤭🤩除咗茶飲之外，呢度仲有供應自家製甜品，芝士蛋糕、肉鬆小貝、盒子蛋糕等，樣樣都食🤭 紫菜肉鬆小貝係其中一款人氣產品，最貼心嘅係仲可以一粒單購，或者一盒咁買👍🏻小貝其實係戚風蛋糕，濕潤嘅戚風蛋糕外層沾上蛋黃醬在鋪滿紫菜肉鬆，鹹甜交集，特別好味😋😋 錫蘭紅茶拿鐵 錫蘭紅茶每日新鮮沖泡，紅茶嘅茶味會比較濃，茶色亦較深色，加入鮮牛奶沖製而成嘅拿鐵，除咗奶香茶味濃郁之外，口感亦相當順滑，甜度冰度亦可以自我調製 OREO黑糖珍珠奶茶🧋 Oreo加入牛奶🥛、紅茶☕️、碎冰一齊打碎攪勻，黑糖珍珠每日新鮮製成，煙煙韌韌口感唔錯，因為黑糖珍珠本身同Oreo牛奶都有一定甜到，所以建議大家可以嗌少甜版本👍🏻😋😋

「喜茶」近日係旺角MOKO開咗新分店，人稱茶飲界星巴克，亦係芝芝茶號開創者👏🏻👏🏻 飲珍珠奶茶🧋手搖杯最怕道係攝取過量化學食品，而「喜茶」則標明採用真奶、真茶、真果肉同真糖，令你飲得放心😆🤭 芝芝多肉葡萄🍇 $41 經典人氣之選，粒粒真果肉。多肉葡萄🍇超級甜，最底層係鮮果打成嘅果汁，中層係大量果肉，最頂層係鹽香十足嘅芝士奶蓋😋😋 芝芝芒芒🥭 $41 另一首創之選，芝士奶蓋奶感豐腴，用鮮忌廉同忌廉芝士打成，口感綿滑，鹹甜交替好滋味😋新鮮芒果🥭打成果汁中間仲食到粒粒果肉嫁，當季芒果仲相當香甜可口👍🏻👍🏻

小妹特意book 咗哩間位卡尖沙咀嘅The Grill Room 為閨密慶生❤️餐廳裝飾設計型格優雅，古典色彩令整體極富浪漫💕氣氛，食物方面價位中上而且走精緻高級格調，坐落後發現周圍都係到慶祝生日嘅🤭🤭 餐枱上嘅餐紙就係餐牌，前菜、小食、主菜、甜品樣樣都有3數款以上，飲品方面酒水同milkshake 都有供應👍🏻 🐟三文魚他他配香草乳酪汁 $148 三文魚已經切成細細粒拌勻自製乳酪汁，面頭仲有一粒溫泉蛋同三文魚籽，食之前要先所有嘢攪拌均勻，再用脆卜卜嘅香草麵包條一齊食，他他嘅濕潤配上香脆嘅麵包條💯💯💯如果麵包條可以多啲就更好🤭🤭 🐔葡式香辣燒春雞配黑松露薯條 $238 原隻燒春雞開邊上碟，春雞燒至皮脆肉嫩上色特別吸引🤩，而葡式香辣醬係另上嘅，可以自己沾上醬料，但有一定辣度嫁🙊黑松露粗薯條相當優美，脆而不油，食唔停口😆 香草🌿鮮茄🍅紅酒燴牛面肉扁意粉🍝 $168 牛面肉十分軟稔，輕輕用叉已經可以切開牛肉👍🏻醬汁用咗鮮茄同紅酒調配，所以味道會帶蕃茄更然嘅酸度好開胃🤤 🥭Mango Tango Smoothie $78 當季芒果🥭甜度爆燈，smoothie 奶香十足帶豐富creamy 口感，仲加入小秘密Graham biscuits 🍪 碎粒添👍🏻

朋友介紹咗間係旺角嘅無限時任食火鍋🍲餐廳，打邊爐如果限時其實都幾有壓力，又要食又要傾計💬哩間無限時而last order 就係10:30，慢慢食又傾到飽都夠哂數🤭🤭 肉浦團任食火鍋有3個價錢，分別係牛肉質素同食物嘅種類，我地揀咗中間價錢，仲有自助區嘅丸類、蔬菜🥬同小食炸物等，種類繁多仲有啲比較少見嘅款式，肉類海鮮等就用qr code 自助點餐，方便又無漏單情況👍🏻👍🏻 湯底都有七款，我哋揀咗滋補嘅藥膳花雕醉雞湯，一上台已經有1/4隻雞同埋一壺花雕酒，等湯底滾咗之後再放落去👍🏻👍🏻湯頭偏甜，花雕酒煮一陣都已經揮發咗，唔使怕酒味太濃烈🤭 小食冷盤前菜都有唔少款式，可以一邊食住等其他食物淥熟🤭推薦炸燒賣、手拍青瓜🥒同麻辣雲耳 自助區有唔少少見嘅特色台式丸類，香芋貢丸、蝦卷、芥末貢丸等，香芋貢丸真係包住綿綿嘅芋泥嫁😲響鈴同炸魚皮都可以係自助區搵到，任食食到飽👏🏻👏🏻 牛肉方面就大推脂肪較少嘅牛板腱、牛味最濃嘅封門柳同埋澳洲M5和牛牛肩胛，M5和牛嘅雪花紋好吸引😍脂肪同肉嘅比例平均，encore 咗幾碟嫁👏🏻 另外都推薦大家可以試台灣阿給，其實佢係豆卜包住蝦滑冬粉等嘅火鍋配料，食落都唔錯可以一試😆 雖然甜品就唔係任食而係二選一，分別有Häagen-Dazs雪糕或者芝士蛋糕，後者都幾有驚喜，唔會好甜但芝士🧀相當突出

餐廳🍴搬到了銅鑼灣廣場重開，英倫式設計相當高雅，唔少食客都係嚟慶祝生日紀念日📸📸 🥘南瓜忌廉湯 香煎嘅帶子煙燻香脆，配上滑順嘅南瓜雲呢拿籽忌廉湯，絕對係味覺同視覺嘅雙重享受！而南瓜雲呢拿籽忌廉湯又帶出一絲絲嘅甜香 🥩黑松露慢煮牛小排配薯蓉 慢煮的牛小排外層稍微乾燥，但肉汁豐富。帶有微微黑松露香氣，配菜有爽口的西蘭花苗、清甜的甘筍和綿密般柔軟的薯蓉 🍛牛肝菌磨菇意大利飯 一上枱就聞到好香的牛肝菌味，呢個牛肝菌蘑菇意大利飯非常推介 一食落去已經係好濃郁嘅芝士味 啲飯口感啱啱好唔會過硬，食完唔會覺得好滯好膩 🍸Berry Well 以淡淡清香的薰衣草作為主要調味，再混合檸檬和雜莓，搭配輕盈的泡沫，頂層再以薰衣草做點綴，形成一種令人放鬆的飲品，好靚好適合女士飲，甜甜地又香濃，質感濃厚，好易入口，酒精果又唔會好重 🍹Salted Calamansi Lemonade 入面係in-house salted calamansi syrup • lime • soda › 好開胃好清新，酸酸甜甜少少鹹，非常解滯

之前試過尖沙咀「牛駅」後道念念不忘，今晚喺銅鑼灣食飯發現咗新分店，二話不說即刻上去打返個邊爐先🤭🤭 「牛駅」收費按時段分牛肉等級種類數量收費，未講食物種類，淨係湯底都有10款，經典嘅蕃茄豬骨到美顏水魚雞鍋都有齊。除咗牛肉高質之外，任飲任食仲包括自取區數十款前菜、小食、甜品、蔬菜🥬等😚😚唔怕你唔夠食，只怕你食唔哂，一個價錢仲包齊飲品連酒水😆🤩性價比極高❤️ 我哋今次就揀咗下火之選冬瓜瑤柱豬骨湯底，淨係計湯底都值回票價，真材實料粒粒瑤柱👍🏻👍🏻有杞子，鮮冬菇等，滋補養顏之選 牛肉方面大推美國安格斯牛板腱同同肩胛肉❤️❤️帶微微雪花紋偏瘦而肉味重，讚讚讚 海鮮類都有唔少選擇，鮮蝦、大蜆、魷魚、帆立貝等應有盡有，食多兩round 都回本啦🤭 蔬菜選擇都有超過10幾款，連貴價嘅紫羽衣甘藍、少見嘅冰菜、翡翠苗等都有👍🏻👍🏻 台式火鍋又點會少得台式特色丸類，少見嘅龍蝦角、魚卵丸、連可愛嘅企鵝造型🐧嘅包心丸都有🤩😍連麻辣火鍋🍲鐵膽豬血糕都可以任食👏🏻👏🏻 飲品就推介大家試吓自家製珍珠奶茶🧋，足料之餘，黑糖珍珠仲煙煙韌韌好有嚼口😆 甜品就梗係要食返杯Häagen-Dazs雪糕啦，另外仲有好多唔同款式嘅雪條甜品等🤩🤩記得最後要留肚食啊🤭

之前無意間喺網上發現喺東涌Sheraton 酒店有一間食黎巴嫩地中海菜嘅餐廳，無論係食物定係餐廳環境都相當之吸引，所以今晚特登入去enjoy happy Friday dinner 😆 餐廳門口以墨綠色為主調設計，入到去周圍都金碧輝煌🤩🤩周圍都係打卡位，非常適合慶祝生日紀念日📸 Mix Hummus Platter $180 Hummus 係食中東菜必食之選，為食貪心嘅小妹就揀咗哩款包咗4款嘅platter 😆🤭配上暖暖嘅Pita Bread 絕配 ❤️原味鷹嘴豆蓉 🩷番茜🌿醃菜鷹嘴豆蓉 🧡紅菜頭鷹嘴豆蓉 💛松露鷹嘴豆蓉 Shrimp Fatteh $158 香煎大蝦🍤已去殼，加上松子芝麻加添口感同堅果香氣，重點係自家製啲乳酪醬，微微帶酸平衡橄欖油嘅油膩感，仲可沾上Pita bread 一齊食添😍🥰 Maison Du Mezze Ultimate Mix Grill $588 一客有4款串燒拼盤，份量超級誇張😲擺盤十分整齊澎湃，食之前都忍唔住要打卡先，除咗串燒之外，仲有一份pita bread 包住肉餡嘅餡餅🥙原來除咗沾hummus 之外都仲有另一款食法🤭 🩷烤雞肉串 - 雞肉🍗外面焦香，入面肉質仲好嫩滑，大推大推 ❤️烤羊肉串 - 🐑羊肉串帶輕微羊羶味，肉質較雞肉厚實 🧡烤雞肉卷 - 免治雞肉製成肉卷，口感跟肉串完全不同，反而更食到炭燒香氣 💛烤羊肉卷 - 免治羊肉肉卷，加入大量不同香料製成，所以完全食唔到羊羶味👍🏻 Godiva Marshmallow $120 賣相已經十分吸睛👀Godiva chocolate 加上用rum 做base 同牛奶🥛調製而成嘅cocktail，十分推薦俾女孩子們👧味道偏甜而且奶感味重 Mango Tango $80 芒果🥭沙冰啱哂炎夏消暑，當季芒果超級甜😚