中秋節同屋企人聚埋食中菜應節。
依間主打食川粵菜既餐廳，有香辣惹味，亦有清淡健康，都幾岩一家大細。

先講下個湯，夠晒濃稠足料，好似湯羹、碗仔翅既質地。清清地開個胃，之後再食辣菜。
主菜特別想介紹惹味香雞，肉質滑身，用熱板烘住上菜都唔會變乾柴。辣度平均，唔會因為過辣而失去雞味。
另外一道就係惹味蝦，大大隻鮮蝦爽口彈牙，香口辣椒更加可以提升味道。

早幾日”提早”收工，難得正常午餐時間返到屋企附近，就順便食個飯先返去。雖然唔係第一次食My Thai，但咁岩試左依碟炒飯覺得真係好得，而且佢地上菜幾快手，所以推薦俾大家。
泰式雞肉菠蘿炒飯，金金黃黃好吸睛，飯量夠多有穫氣。中間混合青豆、粟米同拌碟蕃茄，感覺帶D纖維，好似健康D營養均衡D。雞肉量唔算豐富，但好嫩滑，唔會炒到乾柴。菠蘿酸微微，加入炒飯底減少油膩，就更加開胃。頂層加左不少肉鬆同腰果，食落更加惹味，亦都添加整個層次感。

最近去左東涌，人間蒸發咁熱。
食晏個陣同朋友都想飲杯凍野解下暑，經過見到依間西餐廳搞咗意大利風情夏日menu，有cocktail飲！啱晒！

一坐低咪講笑，叫杯冰凍野飲啖先。我依杯係香檸Margarita，又真係人如其名喎，檸檬味真係又香又夠開胃喎。
可能檸味濃，以cocktail嚟講唔甜，酒精味啱啱解到渴。 正餐食意粉，叫香蒜白酒蜆肉意大利麵。又係酒，不過煮熱咗就梗係唔覺啦~
蜆又多又大粒，蒜味重，所以吸晒入D蜆肉度。意粉有咬口，彈牙唔淋，係我依種澱粉人最愛嘅質地。 整體性價比係幾高，不過要入東涌探朋友或者去Outlet 先搵到黎，地方唔係市中心唔就腳。

星期六放假同朋友去咗幾出名係ICC嘅酒家食晏  D員工好有禮貌咁安排咗我地坐係對住落地大玻璃前面食飯 就咁食個景都飽囇 
我地叫唔同點心食都好好味 特別係佢地既湯麵湯底都好好食 食完冇口喝嘅感覺, 應該係真材實料無加味精. 除此之外仲叫咗一碟腸粉 望落去晶凝通透 仲有大大隻蝦 食落去又滑 其他包點都比出面其他食開嘅酒樓整體好得多. 可能早去的關係, 冷氣有d凍, 個侍應亦好識做咁幫手去調返高個溫度同頻頻加熱水. 好貼心.走之前留意到有個類似bar枱嘅area, 飲返杯應該都唔錯.  下次有機會都想試下.

最近揾到份新工，咁啱上星期日又係父親節，一於做個乖女上網search左呢間野想嘆返個靚茶，多謝下爸爸

我地照例飲平時飲開既鐵觀音，野食味道唔錯，我地一家四個人都叫左唔少野食，食得好飽

最鍾意既就係紅棗糕，係我每次飲茶必叫，真係好好味甜甜地又唔會太甜，就算唔係太鍾意紅棗陣味可能都會鍾意食
可能我地比較早到啦，等位都幾快，人唔算好多，總之對於呢餐父親節飯我地都好滿意

同男朋友慶祝一周年，諗住搵間靚啲嘅餐廳，上網見到呢度個環境幾靚又對住個海景。專登揀晏晝嚟食諗住平啲，點知原來其實佢哋有套餐，仲抵過單叫。埋單每個人都係三百零蚊，超級推介行吓樓下個商場，入面有間超級市場好多唔同國家嘅產品都有。食飽飽，行咗一陣，就咁就完咗慶祝嘅節日了。

好N年前去過ICC 睇sky100 , 果陣都唔知樓上有餐廳...
上個禮拜老細贏咗錢，所以請成班同事一齊過海食晏...
果日係閒日，餐廳唔係好爆場。見到好多都係附近返工啲人黎食..
我哋果日食左6道菜，餐廳服務好好，啲職員好helpful, 仲介紹左幾款時令菜式海鮮俾我哋...
我哋果日食左兩道海鮮，幾道小菜
前菜：炸豆腐- 好香口，入面仲熱辣辣，我食果陣仲差啲熱襯個嘴 豬手：唔係得舊骨，都好大舊肉，咬落去啲皮好彈牙，湯汁都好入味 老虎斑： 啲肉唔會好鬆，夠新鮮... 
臨走，職員仲叫我哋影下佢哋個景，然後po 社交媒體 仲有機會有現金卷...所以我哋成班同事係間餐廳係咁影相😆 不過個景又真係幾靚嘅....

同朋友係灣仔行完會展，搏殺完一日好攰，對腳好似唔係我地咁...只想搵一間餐廳，坐得舒舒服服咁抖下回下氣
朋友話之前佢老細請左佢尼食，話呢間中菜唔會用味精去烹調食物，而且仲有無味精既老火湯
身為湯精既我，一聽到就決定要試試了
4個人食唔到太多野，只可以每樣叫D試試
叫左個水鴨湯，出面比較少見 真係好濃味而且飲得出真材實料！
係呢度所有食物都係位上，而每個湯下面都有一個迷你既助熱爐，可以熱住慢慢飲，幾貼心
另外主食方面我地叫左個黑松露炒飯，見到黑松露既份量都唔少，而且炒飯唔會太油，D飯都粒粒分明，唔錯! 最後甜品揀左桂花糕 食上去好濃郁既桂花味，但同時都好清新 臨走既時候發現佢門口有間mini bar，價錢有唔貴，朋友都想再傾多陣計 所以就入左去小酌兩杯了
個bar雖然細細地但都幾好坐，有梳化都坐得幾舒服 總括而言，今餐都幾滿意；首先食物味道幾好，服務態度又好，環境舒適，連洗手間都好乾淨的 我信佢真係無咩味精，因為我食完成晚都唔會好口乾！

朋友岩岩搬左入荃灣，入去探佢見到附近有間泰菜評價唔錯就去左試下
都幾有驚喜 估唔到小店都幾有心思呢個係香茅炸魷魚，擺盤都幾有誠意，醬汁係酸酸地好開胃
魷魚炸到好脆，而係碟上嘅香茅同其他香料都係可以就咁食，第一次真係食香茅好特別 香茅燒雞，當時係我地面前再點火燒，覺得都幾好有啲嘢睇下，雞肉好滑唔鞋

另外醬汁都係酸酸甜甜，呢個醬係出邊比較少見

但真係好好味，有鉸剪同埋手套俾我哋另外仲有濕紙巾都幾貼心 最後呢個好似係新出嘅，有水果、泰國芋圓(第一次見) 同埋冰係入邊，真係好透心涼



總括而言餐飯都幾滿意而且有驚喜，有機會會再嚟

就黎到父親節, 今年又係泰國之年
就請老豆媽子去尼間餐廳食 慶祝下
尼間餐廳幾好, 有個父親節既Menu
所以我地都廢時諗 就叫左尼父親節Menu 既菜。

南瓜咖哩海鮮雜錦 - 個賣相幾靚, 開頭以為個殼係會用黎循環再用果D, 原來有得睇又有得食
成個南瓜都食得,  南瓜蓉mix 埋去入面D咖哩 食落去一D 都唔膩 同埋咖哩唔辣。😋😋😋 比較適合年紀大又怕辣既人最後食左尼個甜品拼盤, 有千層糕, 椰汁糕同大菜糕 D糕唔甜, 椰汁味香。👍👍👍

⭐⭐最後到埋單果陣, 個職員提我地只要拎返張單,  下個月或者8 月既晚飯時段再幫襯，就可以免費有一碟夏日 特式甜品 或者飲品一杯。😋😋😋