作為三粉，知道三哥又出咗新品，一於去開餐！ . 🔸[酸菜湯好Duck Duck米線🦆] (HK$49) 今次期間限定嘅米線，湯底辣度預設為10小辣，微辣而酸溜溜，味道濃郁，食食下愈來愈辣🥵。如果食得辣嘅朋友，就可以再加辣到特辣加辣🌶️。 呢款米線嘅主題係「鴨」，主要食材有：煙燻鴨胸、鴨腎花，前者肉質粉嫩，充滿煙燻香氣，後者則爽脆，帶微微嚼勁，真係好Duck Duck👍🏻！ 米線嘅配菜亦同平時有啲唔同，包括：酸豆角、粗酸菜、指天椒、蜂巢豆腐、大豆芽、芫茜、韭菜，令米線食落更滋味😋！ . 🔸[烤烤味彩椒墨汁腸] (HK$16) 今次期間限定嘅小食，辣度同樣預設為10小辣。 睇落就好似黑色嘅紅腸，腸衣烤烘至香脆，食落香口而彈牙，伴隨含有芫荽碎同孜然嘅醬汁，十分惹味🤤！ . 🔸[黑芝麻奶蓋豆乳特飲] (+HK$12，單點HK$16) 今次期間限定嘅特飲，甜度同冰量都係固定。豆乳上面有層厚厚嘅黑芝麻奶蓋，飲落豆乳順滑，豆味濃郁，黑芝麻味香醇，拌勻後又係另一滋味😍！如果食酸菜湯米線覺得辣嘅話，飲一啖即刻解解辣！而且乳糖不耐症人士都適合飲用，十分健康💚！ . 💡妹豬仔話你知💁🏻‍♀️～「煙燻鴨胸」同「鴨腎花」都已經列作米線食材喇～如果唔愛好酸菜湯底嘅話，食其他湯底米線都可以加配呢兩款食材 (+HK9/款）。 . 💡妹豬仔再話你知💁🏻‍♀️～一直都有留意Johnee 嘅插畫，今次餐牌上面嘅米線食材角色就係佢畫㗎～例如：「孫菜劏」(酸菜湯)、「蜂巢鬥富」(蜂巢豆腐)等，每個都好盞鬼🤣！ (以上價錢僅供參考，一切以餐廳為準)

鍾意食車仔麵嘅你，千祈唔好錯過呢間車仔麵店😚！本店位於上環，而妹豬仔呢次就去咗銅鑼灣分店度食～店外經常排有人龍，極具人氣🙌🏻！但入座速度都快，等咗15分鐘左右就可以入座😆。 . 呢度嘅基本麵底選擇有6款，包括：油麵/幼麵/粗麵/河粉/米粉/米線 (HK$10/款)，另外亦可選擇伊麵/公仔麵 (另加HK$5/款)。 . 然後可以自選想食嘅車仔麵餸😋，價錢主要係HK$10/款或HK$12/款。另外亦有：淨炸魚皮 (HK$22)、淨雞翼尖 (HK$22)、淨豬頸肉(HK$35)、生菜/白菜 (HK$22)。 . 湯底方面，就緊係要腩汁🤤！再因應個人口味，可再加蔥。鍾意食辣嘅朋友，更可加埋麻辣醬/咖哩醬(辣度：小/中/大/加大)😉。 . 推介車仔麵餸： 🔸豬血：好入味，而且份量多。 🔸蘿蔔：好大舊、清甜冇渣。 🔸咖喱魚蛋：有3大粒，每粒有香濃咖喱味。 🔸雞中翼：2大隻滷水雞翼，十分入味！ 🔸蠔油冬菇：冬菇都大舊，同樣好入味。 🔸酸齋：有2大舊，甜酸度適中，十分醒胃！ 🔸豬頸肉：滷水豬頸肉2片，肉質唔柴而入味。 . (其實本身仲想食埋五香牛腩，可惜當晚已經賣晒，有興趣嘅朋友可以試下～) . 💡妹豬仔話你知💁🏻‍♀️～呢度入座設每位最低消費HK$40，食唔到咁多餸嘅朋友要留意返喇！ . 💡妹豬仔再話你知💁🏻‍♀️～除咗上環同銅鑼灣，車仔麵店最近喺香港仔都開咗分店，南區朋友可以試下啊～ . (以上價錢僅供參考，一切以餐廳為準)

好一段時間冇食日本嘢喇～於是心思思決定呢日同朋友嚟到銅鑼灣呢間日式料理店食飯😚！ . 🔸 [昼Sushi Set (11貫+手卷)] (HK$498) 呢個午市套餐十分豐富！總共有11款壽司🍣，由味道較鮮嘅真鯛開始，跟住有：帆立貝、鰈魚、間八魚、紫海膽、秋刀魚、北海道赤海膽、深海池魚、鯖魚、熟成10日大拖羅，同埋味道最濃郁、入口即溶嘅右口魚🤤。 . 壽司嘅刺身款款都新鮮肥美😋，作為海膽控，妹豬仔就梗係最鍾意當中嘅北海道赤海膽☺️！師傅捨棄咗傳統軍艦造法，改以紫菜醬混入赤醋飯代替，一嚟賣相更特別、更吸睛❤️！二嚟就係可以避免因紫菜擺得太耐而令到質感變得軟腍，係非常聰明嘅做法👍🏻！ . 整體來講，呢度環境唔錯，食物又高質🤗！成個套餐除咗11款壽司之外，仲有：吞拿魚手卷、蒸蛋、魚湯同甜品，食完真係超級大滿足🥰！以廚師發辦來講，價錢唔使HK$500，真心抵食🙌🏻！ . (以上價錢僅供參考，一切以日式料理店為準)

呢間蛋糕店以希臘乳酪芝士蛋糕作主打，相信大家對佢哋嘅日本蜜瓜希臘乳酪芝士蛋糕都唔陌生喇😚～妹豬仔早排去尖沙咀行街，見到呢間蛋糕店喺商場開咗分店，就俾呢個紫色蛋糕吸引住，於是買咗返屋企同屋企人開心Share🤗！ . 🔸[超級雜莓希臘乳酪芝士蛋糕] (6吋, HK$588) 呢個係蛋糕店嘅全新SuperFood系列蛋糕😍。蛋糕外觀呈紫色，切開後同希臘乳酪芝士呈現紫白色漸層，顏色十分夢幻💜！ . 呢個蛋糕選用咗優質澳洲SuperFood天然水果粉(包括：藍莓🫐、黑莓、紅桑子及士多啤梨🍓)，由於以冷凍抽乾技術製成，所以濃縮咗高達60粒新鮮雜苺嘅營養成份🙌🏻，蘊含豐富纖維、維他命C、抗氧化物，有助增強免疫力，改善心臟及消化系統健康👍🏻。 . 加上蛋糕以希臘乳酪製成，相對上有較高嘅鈣質同蛋白質含量🤗。而且比起通常用到嘅忌廉芝士更健康，因為希臘乳酪有豐富嘅活性乳酸菌，對腸道健康好有幫助，就算食多幾啖都唔怕肥，真係零負擔💚！ . 💡妹豬仔話你知💁🏻‍♀️～整體來講，呢個蛋糕顏色十分夢幻，好啱打卡😍！而且食落濃厚而綿滑，配合SuperFood天然水果粉，莓味香濃，微酸帶甜，感覺清爽又輕盈，好適合夏日享用😋。 . (以上價錢僅供參考，一切以蛋糕店為準)

呢間蛋糕店以招牌草莓西瓜蛋糕為人作知，估唔到西餐都有驚喜，精緻又美味😋！ . 🔸[炭燒澳洲穀飼黑安格斯封門柳🥩] (HK$198) 餐廳推薦菜式之一。呢個黑安格斯封門柳以燒過嘅翠玉瓜、蕃茄仔、薯蓉等拌碟，再淋上自家調配嘅醬汁。五成熟嘅封門柳炭燒得啱啱好，外層微微焦香，內層肉質粉嫩而多汁，食落肉味濃郁，配埋醬汁食好滋味🤤！ . 🔸[明太子軟殼蟹意大利粉🦀] (HK$158) 餐廳推薦菜式之一。意粉面頭再放上炸至金黃色嘅軟殼蟹，賣相唔錯！海量明太子滿佈喺意粉上，而意粉硬度適中同好掛汁，每啖食落都食到明太子，鹹香十足😍！ . 🔸[招牌草莓西瓜蛋糕🍓] (+HK$39) 招牌嘅無麩質杏仁蛋糕系列之一。蛋糕以杏仁餅底、玫瑰味忌廉相間，中層夾有西瓜，頂層有草莓、洛神花果凍，再撒上玫瑰花瓣、開心果，賣相好吸引！食落酸酸甜甜，清甜可口😚！ . 🔸[日本白桃伯爵茶蛋糕🍑] (+HK$39) 海綿蛋糕系列之一，仲要係季節限定！粉紅色嘅原味海綿蛋糕，充滿少女心💖！原味海綿蛋糕夾層之間有伯爵茶忌廉同白桃，頂層就有日本白桃同細細粒嘅桃味果凍，再以忌廉點綴。食落伯爵茶味突出，桃味香濃😋！不過要留意，呢款蛋糕就含有麩質㗎～ . 🔸[招牌草莓西瓜沙冰] (HK$58) 沙冰飲品系列之一。呢杯沙冰就好似液體版嘅招牌草莓西瓜蛋糕😆，由草莓同西瓜打成，面頭有西瓜，再撒上玫瑰花瓣、開心果，十分吸睛！飲落有草莓果肉，味道酸甜又清新🌿！ . 🔸[茘枝西瓜沙冰] (HK$58) 沙冰飲品系列之一。由茘枝同西瓜打成，面頭有茘枝，再撒上食用花裝飾。呈粉紅色真係好靚，飲落有茘枝清甜味道😉。 . 💡妹豬仔話你知💁🏻‍♀️～餐廳有晚市優惠㗎～加HK$15可追加是日餐湯、追加任何飲品半價(沙冰除外)、追加任何件裝蛋糕半價。 . (以上價錢僅供參考，一切以餐廳為準)

餐廳主打新派中菜，門面、內裡裝潢以至餐牌都好有心思👍🏻，具氣派嘅門面採用暗門返計，入到餐廳就似進入咗另一世界。餐廳分為唔同區域，每區域都佈置得華麗優雅，貴氣十足🤩！ . 🔸[桂花荔枝汁漬荷蘭串茄🍅] 荷蘭串茄以桂花荔枝汁漬製而成，食落酸酸甜甜好清新，係個醒胃嘅前菜😉！ . 🔸[黑松露帶子餃🥟] 新鮮帶子包裹喺餃子皮入面，食落充滿黑松露香氣😙！ . 🔸[陳皮香草醬焗伊比利亞豚肉🐷] 伊比利亞豚肉係較高級嘅豚肉，口感嫩滑，以陳皮香草焗製，食落好惹味😋！ . 🔸[爵士湯🥣] 石獅子造型嘅湯盅好特別，未揭開盅蓋已經可以打下卡😆！打開盅蓋就聞到馥郁香味，飲落更相當清甜🤤！因為呢個湯品用料超足，一啲都唔馬虎，以龍蝦湯為基礎，配搭螺頭、花膠、排骨、老雞，再加入日本蜜瓜熬製而成🙌🏻。 . 🔸[胡椒蟹皇焗海蝦🦐] 海蝦好大隻，肉質紮實彈牙，搭配胡椒同蟹皇醬汁，十分惹味🤗！ . 🔸[珍菌紫玉🍄] 呢道菜式係素菜包，菇菌以椰菜包住，再浸喺南瓜醬汁，面頭再放上酥炸過嘅菇菌，賣相唔錯又健康💚！ . 🔸[龍蝦膏海膽炒飯🦞] 炒飯好乾身，粒粒分明，好有鑊氣！搭配濃郁嘅龍蝦膏，充滿咸香同鮮味，面頭放上新鮮肥美嘅海膽，賣相吸引😍！ . 🔸[芝麻糊椰汁忌廉配桔仔酥🍊] 一次可食晒冷熱甜品！凍食嘅芝麻糊椰汁忌廉底下放咗乾冰，一端上就有煙霧，充滿仙氣感覺，係打卡必點☺️！芝麻糊醇厚香濃，配合椰汁忌廉，飲落十分幼滑😚！而桔仔酥係逼真嘅桔仔造型，即焗所以熱辣辣，外脆内軟糯，內裡係奶皇餡，感覺似食緊小煎堆，煙煙韌韌😋。 . 🔸[Voynich Secret💀] 飲品方面點咗一杯，由木骨花、蘋果汁同檸檬汁等調製而成，配合即席煙薰，感覺好特別🙌🏻！ . 🔸[Sexy Mana🍹] 另外亦點咗呢一杯Mocktail，以原個熱情果調 製，再加入梳打、菠蘿汁、火龍果，飲落酸酸甜甜，十分清新🌿！

一直都想試呢間cafe嘅戚風蛋糕，礙於將軍澳太遠所以就冇去食🥹。不過，妹豬仔知道佢喺尖沙咀開咗期間限定店，唔使去將軍澳都食得到😌！ . 戚風蛋糕有6款口味可供選擇，包括：黑芝麻、紅莓、伯爵茶、熱情果、柚子、開心果😍。點餐後，店員至會喺戚風蛋糕淋上忌廉同配料。蛋糕食落好鬆軟，而忌廉採用低糖配方，輕盈又健康💚！呢次妹豬仔就食咗4款口味嘅戚風蛋糕 (HK$208/4件)，每件賣相都好靚😚： . 🔸[黑芝麻戚風蛋糕] 充滿超香濃嘅黑芝麻味，淋上忌廉後放咗杞子、桂花😉。 . 🔸[柚子戚風蛋糕] 柚子味道好清新，淋上忌廉後放上乾檸檬片加以點綴🍋。 . 🔸[伯爵茶戚風蛋糕] 伯爵茶味幾突出🍵，淋上忌廉後擺放咗乾玫瑰花碎🌹。 . 🔸[紅莓戚風蛋糕] 淡紅色嘅蛋糕十分夢幻，淋上忌廉後放上紅莓乾碎、乾草莓片🍓。 . 💡妹豬仔話你知💁🏻‍♀️～期間限定店開到6月14日止，快啲捉緊機會去買呢個人氣打卡甜品啦！除咗戚風蛋糕，仲有卷蛋糕、巴斯克焦香芝士蛋糕、手工曲奇等等㗎～ . (以上價錢僅供參考，一切以限定店為準)

呢晚同朋友嚟到呢間主打日式丼物嘅丼丼屋食飯，見到推出咗期間限定嘅春日海鮮餐目，一於試一試😁～ 🔸[春之什錦海鮮丼定食] (HK$148) 「春之什錦海鮮丼」十分豐富😍，米飯上鋪咗6款時令新鮮海鮮，包括：燒鰹魚、鯛魚、三文魚腩、吞拿魚、特大赤海蝦及三文魚籽，每片刺身厚薄得宜，而且鮮味十足🤤！由於米飯係日本產，食落好甘甜軟糯🍚。海鮮丼可以單點 (HK$108)，呢次就升級埋做定食 (+HK$40)。 而成個定食真係豐富得嚟又超值😉！海鮮丼之外，定食仲包括：兵庫縣產湯霜牡蠣、日式湯、副菜及荔枝果茶，最後以甜品作結。值得一提～日本兵庫縣牡蠣宜家當造🦪，加上以日本料理方法「湯霜」輕燙表面，令牡蠣天然鮮味並冇流失，食落鮮甜肥厚，仲有微微海水味道，鮮味倍增🆙！ 🔸[春之海鮮盛] (HK$50) 同樣係期間限定嘅春日海鮮餐目之一，係一個刺身拼盤，惠顧任何主食均可加配。包括：燒鰹魚、鯛魚同三文魚腩😋。鰹魚經過燒烤過，令魚肉多咗重煙燻味道，食落更香！鯛魚就十分鮮甜又滋味，而三文魚腩好肥美，感覺油脂就喺口入面融化，濃郁鮮味隨之而來🥰！ 🔸[鰻重定食] (HK$113) 春日海鮮餐目之外，亦點咗特選系列嘅餐目 - regular size嘅鰻魚飯，都係升級埋做定食 (+HK$15)。鰻魚有兩大條，而且厚身又肥美，愛食鰻魚嘅你不能錯過❤️！ 💡妹豬仔話你知💁🏻‍♀️～期間限定春日海鮮餐目由即日起供應至2023年5月30日止，心動就快啲去全線丼丼屋及丼丼屋×鳥開聯乘店品嚐呢個豐富嘅海鮮盛宴啦！ (以上價錢僅供參考，一切以餐廳為準)

如果你有朋友住屯門，而你又去佢屋企玩，又點可以兩手fing fing得梳蕉呢🤣～妹豬仔推介你去呢間烘焙專門店預訂個拿破崙蛋糕，同朋友開心share🫶🏻！ . 🔸[韓國草莓麻薯拿破崙蛋糕🍓] (1磅，HK$318) 一打開包裝盒，已經聞到酥皮香味☺️。蛋糕係鬆化嘅酥皮同濃厚幼滑嘅法式忌廉層層相間，麻薯就夾雜喺法式忌廉當中，面頭再放上韓國草莓，最後撒上糖霜，賣相好靚而且感覺好優雅華麗💖！食落草莓味道香甜濃郁，酥皮十分酥脆而鬆化，奶油忌廉則充滿奶香，加上煙韌嘅麻薯，口感層次豐富🤤！ . 💡妹豬仔話你知💁🏻‍♀️～呢度嘅拿破崙蛋糕大多以法國直送優質用料製成🇫🇷，更榮獲由瑞士著名甜品品牌La Rose Noire舉辦嘅LRN Worldwide Instagram Contest 30th Competition 世界賽冠軍🥇！烘焙專門店知道客人幾時取蛋糕之後，就會喺客人自取時間前1小時即焗拿破崙蛋糕🙌🏻。不過要留意，預訂時間都有限額㗎～先到先得，售完即止。 . 💡妹豬仔再話你知💁🏻‍♀️～呢度嘅拿破崙蛋糕口味仲好多元化😋，例如： 1️⃣ 伯爵茶無花果拿破崙 2️⃣ 玉桂蘋果拿破崙 3️⃣ 法式栗子拿破崙 4️⃣ 沖繩紫薯拿破崙 5️⃣ 黑朱古力咖啡拿破崙 6️⃣ 紅豆麻薯鮮果拿破崙 7️⃣ 香蕉麻薯朱古力拿破崙 8️⃣ 鮮芒果拿破崙 9️⃣ 韓國草莓麻薯拿破崙 1️⃣0️⃣焦糖燉蛋拿破崙 1️⃣1️⃣ 3.6牛乳燉蛋白拿破崙 1️⃣2️⃣ Give Me 2 【自選兩款口味拿破崙】 1️⃣3️⃣ 荔枝香檳果凍芒果拿破崙 . 💡妹豬仔再三話你知💁🏻‍♀️～除咗主打嘅拿破崙蛋糕之外，呢度其實仲有其他法式蛋糕可以選擇😉。 . (以上價錢僅供參考，一切以烘焙專門店為準) .

上網見到呢間餐廳有抵食放題，除咗雞煲/烤魚之外，仲可以選擇新推出嘅卜卜花甲系列，於是有日放工就去試下😚～原本想點[胡椒花甲雞煲]，可惜當晚冇花甲🥲，咁就改選咗食[藥膳雞煲]放題😆～ . 🔸[藥膳雞煲]放題(HK$128/位) 呢個湯底配以當歸、北芪、紅棗、杞子等藥材，十分足料，藥膳味道濃郁，感覺滋補又養生❤️！而且雞件份量好多，估計有半隻雞嘅份量，每件都好嫩滑😍！ . 食完雞件就可以打邊爐，出面有火鍋配料自助區，可以無限添加基本火鍋配料、飲品。 . ▪️醬料區 有蔥粒、芫荽、蒜蓉、辣椒粒，豉油，客人可自行調配醬汁🙌🏻。 . ▪️熟食區 當晚有兩款粉物小食，分別係：鹽酥雞、炸春卷，新鮮炸起所以熱辣辣🔥！ . ▪️肉類/海鮮 肉類有肥牛、雞肉、豬肉，海鮮就有較迷你嘅鮮蝦串、魷魚串、龍脷柳。 . ▪️丸類 係常見款式，如：芝士腸、墨魚丸、芝士丸、龍蝦丸、牛丸、海膽丸、魚皮餃、芝士年糕等。 . ▪️蔬菜 通菜、生菜、娃娃菜、南瓜、蓮藕、洋蔥、豆卜串、豆芽等。 . ▪️麵食 有寬麵、紅薯粉，放落湯底淥下，吸收晒啲藥膳味😋！ . ▪️飲品 有啤酒、罐裝汽水、罐裝荔枝水、雀巢汽泡飲品、紙包飲品等。 . 🔸[口水雞] (HK$55) 放題之外，仲點咗呢個小食。呢個係例牌嘅份量，但雞件數量都幾多👍🏻。雞件淋上紅油、口水辣醬，再撒上蔥粒、花生、芝麻，賣相吸引！食落雞件嫩滑，又香又惹味，麻、辣慢慢滲出🤤～ . ✨妹豬仔👧🏻💬: 整體來講，呢個放題真係超級抵，時間90分鐘，平日18:00前離座只需HK$88，18:00後就HK$128。其他小食都唔錯！ . 💡妹豬仔話你知💁🏻‍♀️～雖然呢次係平日夜晚去，但餐廳人流不絕，所以建議大家可預先訂定枱，就唔怕冇位。 . 💡妹豬仔再話你知💁🏻‍♀️～呢度放題選擇有好多，可選其一，不過都要視乎餐廳當時供應。選擇包括：重慶麻辣雞煲、烤魚、胡椒豬肚雞煲、藥膳雞煲(當歸北芪)、滋潤雞煲(沙參玉竹)、油鹽水花甲煲、酸菜花甲煲、胡椒花甲雞煲、冬陰功花甲煲。 . (以上價錢僅供參考，一切以餐廳為準) .