朋友介紹先知原來d2 place one上面竟然有間咁高質嘅餐廳 ՞⸝⸝ᵒ̴̶̷ 𓈞 ᵒ̴̶̷⸝⸝՞ 入面有一個好大嘅日本酒櫃 非常吸睛 裝潢亦都非常日式🏯 同朋友叫咗兩份午餐定食 跟餐有沙律泡菜湯同埋飯 價錢around $128-$298都有 ꉂ(´꒳`♡)ｸｽｸｽ - 和牛西冷薄切大判燒份量十足！大過我塊面 (艸ˋ͈ ‪⌳ˊ͈) 油花均勻好吸引 和牛芯芯都好好味！ 店員主動過嚟幫我哋手燒大判燒 塊和牛燒到大概5成左右 再沾上蘭王蛋漿 口感濃郁😋 另外仲叫咗個嚴選黑毛和牛3種盛 分別有和牛內腿肉// 友三角同上等肋肉 全部肉都非常高質同埋新鮮 大家都食得好滿足 (#´ᗜ`#)ﾆｺﾆｺ - 強烈推薦一定要嚟呢間燒肉店！ 肉類非常高質 而且環境乾淨寬敞💖 係一個適合同朋友坐低傾計食嘢嘅地方(oˆ罒ˆo)

今日諗住Lunch近近地去樓下food court買個沙律食
見到餐廳都算多人食 諗住跟機實冇死啦  點知就出晒事 (;ﾟДﾟ)! 係出面等左一排見唔對路 入去問店員先知道原來外賣係要係出面收銀處買既
買完之後返去等拎啦 點知前前後後等左成25-30分鐘先有
都唔緊要 打開外賣的確係好香 啲汁亦都好夠
但問題啲燒雞係凍既 又硬又乾之餘亦好重味精 感覺有啲唔太新鮮  所以我其實係完全唔明等30分鐘係for咩 唔講仲以為係即場燒隻雞俾我🤣
食完之後已經feel到個胃唔太舒服 可能係我唔好彩啦 或者唔食得太辣掛 收費進取之餘最後仲病埋 唔會再有下次

同朋友一行人食晚餐 6個人消費$1800 價錢其實唔係重點 但問題係真係完全唔好食 收費進取但水準欠奉 見到廚房係一個類似學校小賣部嘅姐姐煮緊嘢食 心入面都打咗個折 果然係完全冇令我哋失望👍🏻 又一間做流水客嘅餐廳 湯唔好飲 餐包又乾又硬仲要燶咗一面 我叫咗個魚柳 食完完全係可以鍊腎者之石 入面最好食嘅應該係佢哋用水開出嚟嘅薯蓉 同行朋友話佢嘅墨魚汁意粉完全冇味 佢哋嘅特色飲品都係冇味 開食肆唔該做返正常水準先啦 唔使你做得好食 但係至少都唔好難食囉 成餐飯莫名其妙 仲要+10% 當交智商稅 俾好評嗰啲人我諗佢哋未食過好食嘅嘢 得罪講句 叮叮意粉都好食過佢

清風街一向出名多野食 我最近就去左黑木亭居酒屋同朋友聚餐 (*ﾟ▽ﾟ)ﾉ
店舖偏向溫馨而具有現代感 裝潢採用左木材同暖色調去營造出一種日本居酒屋的氛圍
燈光柔和令人感到放鬆同舒適 ~
而且店員好快就黎幫我地落單 提供良好的服務體驗 !!
-
黑木亭居酒屋提供左各式各樣既日本料理
包括// 串燒// 沙律同炸物等等 令人一時之間都唔跳點揀好 !!
我地一於叫店員推介既招牌菜黎試下 ✧٩(ˊωˋ*)و✧
♪ 帶子海膽青瓜卷 $188
首先上菜既係帶子海膽青瓜卷 ~
炙燒過的帶子鮮甜 搭配海膽相當鮮美
喜歡帶子同海膽既人必食 !!
♪ 時令生蠔 $48
生蠔有買一送一優惠緊係要叫 !!
生蠔味道鮮甜 正常水準 可以一試
♪ 熊之降臨豆乳豬骨鍋配M7澳洲和牛珍寶雜錦盤 $338
我地叫左呢個豆乳豬骨鍋 原價要$483依家做緊優惠
豆乳豬骨鍋湯底非常濃郁好味 澳洲和牛同蔬菜吸收晒湯汁 yummy
♪ A5宮崎石燒厚切和牛 $368
呢個和牛原價要$526 做緊優惠一定要叫埋啦  (❁´ω`❁) 和牛上枱喳喳聲 飄出誘人既油脂香氣 非常吸引
和牛油花均勻 咬落好juicy 肉質鬆軟 同行朋友都大讚非常好食 !!
必食推介 ☀
♪ 火龍果佛手柑熊茶// 藍蝶花佛手柑熊茶 各$68
兩杯飲品上面都放左隻熊仔冰粒
兩杯熊茶既味相似 有少少似咸檸咁既味 解膩一流
-
黑木亭居酒屋 (清風街)
清風街10號清風大廈地舖

咁岩約左朋友去尖沙咀 就揀左黑木亭居酒屋同朋友食生日飯🎂
果然真係冇令人失望呀 (人∀·)
入到去裝潢好有日本風味🎎🇯🇵👘
坐位好闊落 坐得好舒服👍🏻服務都非常周到 一坐低店員就好主動過黎向我地介紹
值得一提嘅係餐廳仲提供左前菜 有多款漬物// 沙律菜 同麵豉湯 好多樣化
-
♪ 商務二人前套餐 $398
我同朋友樣樣野都想試 所以就揀左商務二人前呢個套餐
套餐性價比非常高 平日仲要7折就可以試到好多款食物 (^-^)/⭐
♪ 三點盛
店員好快手就上左拼盤

入面有三文魚// 油甘魚// 八爪魚
油甘魚非常肥美 好味 !!
♪ 火炙左口魚邊卷
輕輕用火槍燒過既左口魚邊飄出浸浸既誘人煙燻香氣
令口感更加豐富 好味又好睇 (ᕑᗢूᓫ∗)
♪ 炙燒四合丼
一上枱已經聞到勁香嘅火炙香氣 ~ 非常惹味 !!
入面有三文魚// 左口魚邊// 鰻魚同蟹柳 底下係鬆軟嘅醋飯
火炙魚生食材新鮮 口感鮮美
每一啖都令人感受到佢地炙嘅新鮮度同高品質 四合丼絕對推介 ✧٩(ˊωˋ*)و✧

♪ 流心溶岩蛋三文魚飯
朋友叫左溶岩蛋三文魚飯 面頭鋪住大大粒溫泉蛋
一篤開蛋漿四溢 包住粒粒香米 
三文魚佈滿惹味醬汁 朋友都大讚出色 !!
♪  係雪糕球 我地揀左曲奇味 畫上完滿既句號
-
成個商務二人前套餐都感受到店家嘅用心製作
每一樣食物都呈現左餐廳對於食材品質同烹飪技術既追求
另外 餐廳嘅服務也非常周到 員工有禮而且專業 令成個用餐體驗更加完美
黑木亭絕對不會令人失望 ｷｬ━━━━(ﾟ∀ﾟ)━━━━!!
-
黑木亭居酒屋 (金馬倫道)
尖沙咀金馬倫道58-60號國鈀大廈地下至1樓

經過中環雲咸街一定會俾The Mansion吸引到眼球🤩
酒吧門口醒目搶眼既紅色霓虹燈係云云商店中非常突出
有別於一般既經典酒吧 The Mansion用色大膽 ヽ(o･ω･o)ﾉ
用左鮮艷而華麗既紅色裝潢去帶俾客人一個獨特而奢華既氛圍
而室內環境集合復古浪漫同現代藝術於一身
令人非常容易沉醉於酒吧環境當中🌹
-
一入到酒吧 外籍店員(經理?)就非常熱情介紹
我地叫左2杯Signature Cocktails同一於試試佢個Pintxo Set !! (ﾉ●´∀)ﾉ｡+.ﾟ 
♪ The Mansion $130Cocktail 入面有蘭姆酒// 鳳梨// 椰子// 雪莉酒
味道類似 Pina colada 好易入口
酒杯非常特別 要使用側邊連住既飲管飲用
好又飲又好玩 !!
♪ Belle Epoque $130入面有氣泡酒// 蜜桃 // 大黃
隻杯好grand同girly 配搭粉紅色既酒體 少女心爆發 !!
一入口有好甜既蜜桃味 味道好似軟糖 非常容易入口🩷
♪ Pintxo Set $550呢個food platters包含晒所有食物
用左個好靚既afternoon tea stand黎擺放食物
又靚又吸引  ((～･｡･)o底層分別係 伊比利亞黑毛豬、曼切高羊奶芝士及鯷魚乾拼切片麵包// 茄子卷// 牛肉鵪鶉蛋薄荷拼切片麵包
茄子卷非常Juicy 🍆 令人一試難忘 !!
牛肉鵪鶉蛋麵包上面既牛肉非常厚實好食 同麵包上既tomato spread配搭得宜中層係 肝醬拼魚子醬pancake// 忌廉芝士三文魚卷// 羅勒車厘茄拼水牛芝士
其中肝醬拼魚子醬pancake既咸甜配搭尤其出色✨
忌廉芝士三文魚卷亦十分好味最後上層既係 西班牙奄列及帕德龍辣椒拼切片麵包// 烤大蝦拼大啡菇
food platters上枱既時間已經一早俾大蝦拼大啡菇吸引到
果然係冇令人失望 !! 大蝦好隻同彈牙 加埋西班牙獨特既香料調味真係好惹味 ★
西班牙奄列麵包亦好新奇 冇食過西班牙奄列既朋友都可以試下 !!
-
The Mansion酒吧環境非常寬敞 絕對係一個值得一試的地方
無論你係想同另一半渡過一個浪漫既夜晚 又或者係想同朋友聚會
呢度都係一個唔錯既選擇⭐
-
The Mansion (中環)
中環雲咸街77號嘉兆商業大廈地下G號舖

今日約左朋友黎薯仔屋電影餐廳聚聚 (❁´ω`❁)
環境半開放式好CHILL 好岩同朋友黎傾計食飯 !!
門口放左幾隻鸚鵡 場面好溫馨自在 .:*☆
店員都好熱情介紹餐牌！
發現原來仲有聖誕期間既外賣同到會服務！
好岩開PARTY叫黎食 (*^▽^)/★*☆
-
♪ 鐵板黑椒汁肉眼扒配薯菜 $102
肉眼扒軟嫩適中 上枱熱辣辣飄出陣陣肉香
黑椒汁好出色 同埋都俾得好多 完全唔會唔夠汁！
薯條炸到香脆咸香 性價比好高（๑✧∀✧๑）☀

♪ 香煎挪威三文魚柳配豬扒配薯菜 $108
三文魚柳同豬扒都非常大件厚實 !! PROTEIN UP
略嫌忌廉汁稍稀 同三文魚柳會唔夠調味
不過豬扒好JUICY 相當好味😋

♪ 秋冬潤喉熱飲 跟餐+$16
聽店員講轉左冬日特飲餐牌
叫左雪耳雪梨杞子茶同特濃榛子朱古力
甜蜜蜜暖笠笠❤️
-
薯仔屋電影餐廳 (柴灣)
柴灣柴灣道333號永利中心地下J舖B單位

灣仔出晒名多拉麵店 ~
今次趁住午市人流未出現之前
立即手刀衝去試試麵匠風龍💨💨
佢地既拉麵最出名係用蝦味噌湯底🦐
岩晒我呢啲愛食蝦既人啦😋🧡
-
♪ 蝦味噌拉麵
師傅一拎個拉麵去我面前我已經聞到好濃郁既蝦香味
最鍾意係佢面頭滿滿既櫻花蝦 甜甜地好好味 !!
蝦味噌湯頭飲落味道濃郁鮮甜 唔會死鹹 (*ﾉ∀`*)
兩片豚肉同拉面分開上 豚肉面頭用火槍炙燒過
炙燒味令到豚肉更加香 令人胃口大開🥰
麵底你細麵 掛湯力強 唔會太硬或太軟
絕對推介大家黎食 （* ≧ ω ≦ *）
-
麵匠風龍 (灣仔)
灣仔軒尼詩道184號地舖

之前經過大埔見到門面已經覺得好靚好吸引
今次就專門去銅鑼灣一試究竟
到底係得個樣定係同個樣一樣咁好食呢 ??!
-
♪ 日式紅酒燉牛肉蛋包飯
蛋包飯份量都幾大🤤
店員好貼心 上台個時會問埋洗唔洗影相先
之後再會幫手𠝹開個蛋同淋紅酒牛肉汁 (*ゝω･*)ﾉ
蛋既生熟度掌握得好好 整到滑嘟嘟
配埋紅酒牛肉汁好惹味 !! 🍷
燉牛面頰肉質偏厚有嚼勁 不過略嫌有啲太難咬
♪ 南蠻炸雞
甜甜酸酸既炸雞配上雞蛋塔塔醬 好JUICY😋
有大量椰菜絲伴碟平衡返油膩感 (o＾□＾o)
不過硬係覺得塔塔醬上面啲蔥有啲格格不入 (汗
♪ 日式布甸
必食推薦✨好靚好有昭和風既日式布甸🍮
布甸蛋香味超級濃郁🤍好～好～食～
最鍾意係佢質感好實在 好CREAMY
唔食一定會後悔 (o´∪`)o
-
喫茶ちょうぼ (銅鑼灣)
銅鑼灣告士打道280號世貿中心4樓8號舖

生日揀左黎呢間CAFE食韓式炸雞🍗
其實之前都食過太古城中心個間
炸雞水準好高 !! 所以好想食😋🍴
去到已經好多人排緊隊 (·ε·｀)
餐廳環境好闊落 木調作為主色同有啲乾花做裝飾
店員安排左我地坐圓枱 枱面較細所以唔係太舒服
-
♪ 甜辣無骨炸雞 (半份)
我最鐘意就係佢地既炸雞 擺盤吸引食材豐富👍🏻
將炸雞疊到山一樣相當吸睛 仲有啲NUTS做點綴✨
旁邊仲有薯條同年糕條 一啲都唔會單調 !!
熱騰騰既炸雞咬落香脆多汁 同甜辣醬好夾
薯條炸到熱辣辣脆卜卜 非常香口 (｀ω´)
再加埋輕輕炸過既年糕條 真係好～好～食～
強烈推介大家一定要試☆
♪ 黑毛豬面肉卡邦尼意粉
黑毛豬半煎炸得好香口取替左平時既煙肉
但就增添左一浸黑毛豬既香氣🐷
SAUCE既濃稠度煮得岩岩好 好CREAMY
每條意粉都掛到滿滿既汁
以一間CAFE黎講質素真係唔錯 ❤⃛ヾ(๑❛ ▿ ◠๑ )
♪ 荔枝梳打 入面有幾粒荔枝 好飲
♪ 無花果梳打 有無花果既香味 同佢係乾燥玫瑰色好靚🌹
-
Banchan and Cook價錢合理 食物美味
絕對係一間唔錯既CAFE餐廳 ♫ヽ(゜∇゜ヽ)♪
-
반찬앤쿡 Banchan and Cook (屯門)
屯門屯順街1號屯門市廣場1期2樓2253A號舖FOODMAZE內