行到蘇媽蘇媽，一望對面，見到新開未試過，$50咖哩+2塊Roti，相對比另一間出名的xx米爾，這間平易近人，還有跟Roti，入去一試，有驚喜，咖哩比xx米爾好食，坐低有枝樽裝水，都幾特別。 題外話，老闆識講少少廣東話，容易溝通 牛肉咖哩🍛：咖哩好味，落單時可同老闆講調辣度，唔會油淋淋，牛肉夠淋，只係有一件牛筋比較靭，若唔想咁辣，可加配菜一起食，瓜菜的清新，可中和一下辣味 Roti：中間軟熟，不過邊位比較硬，整體都好食，唔鐘意Roti，又可轉Naan，若果唔想食餅，可以轉飯，唔使加錢 總結：真係一試難忘，好想再去食過

村內有誠意酒樓，意想不到的好味。 對比起旁邊那間裝橫氣派，有新裝修的酒樓，這間的門面裝修顯得有點歲月，店名睇落似係小菜館，居然有茶飲，有點心食。 點了飯、粥和一些點心。等待中，見到對面的星州炒米，材料充足，蝦大大隻，價錢公道，其他地方同等價錢一定食唔到咁大隻蝦。 食物到： 鴛鴦炒飯-大大隻蝦搶鏡，炒飯粒粒分明，紅汁酸酸甜甜又開胃 春卷-鈎起童年回憶，細個飲茶必食蝦春卷，內裏啖啖蝦肉，yummy 碎牛肉粥-食落意想不到的綿滑，連粥舖都自愧不如，可惜冇薄脆或油炸鬼 牛肉腸粉-又一味勝過粥舖，腸粉皮煙韌，唔會軟淋淋，一夾就斷，又唔會死實實，夾唔開或者好似好厚的紙咁，質地勝過大部分的酒樓 京蔥牛肉球-鐘意牛肉球有肉汁的話，千祈唔好點，睇想就知咩野事 總結，食品質素好，下次仍會再光顧。

最愛豬扒早餐，食返它初開店時的味道，早前段時間的豬扒味道比之前重，而且肉質比較硬，今次的肉質鬆軟好食。 第一次遇到奶茶返熱服務？！侍應放低奶茶後，轉頭跟我說杯奶茶暖暖地唔夠熱，幫我攞入去返熱。返熱奶茶後，杯奶茶像拉茶，多了些泡，但變深色咗，沒了奶的滑，茶苦澀了一些，希望下次有改善。 期待下次試瓦煲奶茶！！

有玫瑰圖案的cappuccino，單點$38，真係唔係度度有。 早餐加coffee，亦性價比高 雖然Omelette的蛋有點過火，但加上Bacon真係好好好夾，若然唔怕太肥，加上牛油味道更提升，Mozzarella Cheese都係要襯熱食，唔好好似我咁一路打食評一路食，無得拉絲 地點唔就腳，人流唔多，有落地玻璃，可以一邊欣賞景色，一邊chill

看到這間有特色的懷舊餐廳，於是便排隊一試，排隊時看了看大家的評語，見到大多是不好的經歷，突然感覺不妙，又見雖話有位，但要等執枱，等到佢叫下一張枱都未能安排入座，本想轉另一間，要讚下，待應姐姐反應快，解釋快執好枱，可入座，見佢反應咁快，就俾次機會留低等。

入座後，點了午餐夏威夷汁焗豬扒飯和九層塔蝦球意大利粉，餐飲轉了紅豆冰粒粒奶茶：


紅豆冰粒粒奶茶：賣相特別，味道唔會太甜，雖然奶茶有别於其他餐廳，不濃味比較清香，但紅豆味唔會搶走奶茶味，上面的粒粒奶茶直接食都好讚，夏天消暑一流


夏威夷汁焗豬扒飯：多汁，蕃茄味酸甜，芝士夠多，配上多汁炸豬扒和炒飯，值得一試


九層塔蝦球意大利粉：全碟都有九層塔的獨有香味
，不過白烚蝦球就唔入味，唔推介


仲有其他特色飲品

多得大家比佢哋的見意，我哋受惠了

百份百有水準，下午茶多選擇。 這次點了朋友介紹的貢丸麻酸辣湯米線，酸味夠，又加上又麻又辣，十分野味，與淡淡的菜圃一起食可以中和一下麻辣味。 菠蘿咕嚕魚柳飯，快餐來說普通，咕嚕汁有點偏酸，魚柳唔會好厚粉，加分。 最值得一食的是，可以加錢換購的五香脆雞翼，外脆內嫩，又入味。好想再食。

荃灣又有新地標，坐落於白田霸街的活化工廈 - 南豐紗廠。 這裡有很多特色的商舖，手工藝手錶、醬油、特色餐廳等。 行得攰攰地又唔算好餓，於是到了茂一茂食糖水，叫了： 桑寄生蓮子蛋 - 有甘味，蓮子又足，仲有一粒QQ的雞蛋，質素一流 桂花薑汁芝麻湯圓 - 圓圓的湯圓，浸於金黃的薑汁湯中，表面鋪上一層桂花，好有詩意。味道方面：薑汁微辣，湯水甜度適中，加上陣陣桂花香味，芝麻湯圓內的芝麻一點都不甜，好足芝麻味 下次經過一定要再光顧。

又遇見Pizza Express，沙田那間星期日沒有套餐，但荃灣新開這間居然有，即然有這優惠，又加上唔需要排隊，當然要再嘗這美味的pizza。 我哋叫了2人套餐，有一個前菜、兩個主菜和兩杯飲品。最後選了牛油果醬脆脆餅、卡邦尼意粉、燉牛肉蘑菇薄餅、汽水和任添的冰凍檸茶。 牛油果醬加入了蔬果粒，非常清新 燉牛肉蘑菇薄餅不及American pizza好食，下次都係食返American pizza。 卡邦尼的味道就太普通啦。

適逢8號風球，難得可以同朋友睇戲，睇完戲打算一齊食晚飯，誰知今次的8號，令很多餐廳都已提早關門，幸好幸運之神沒有拋棄我們，被我們遇上了鳴門。 鳴門11點收，10:15 last order，我哋9點半咗右入坐，為免阻人收工，我哋即刻係餐牌揀咗幾樣食品，有大阪燒、芝麻雞翼、牛仔骨和幾款串燒，以及後加的海膽炒飯。 以前已光顧過鳴門，知道食物有一定質素，所以很方心。 柚子燒美國牛仔骨 - 牛仔骨食落嫩口，一點都不，配埋柚子醬，既清新又唔膩。直得推介 海鮮豚肉大板燒餅 - 味道比得上大阪燒專門店，有塊煎蛋於最上層，另外，平日配的海苔粉改為紫菜，夠特別，仲有蔥碎，食落好搭，不過略嫌唔夠醬汁（個人比較鐘意多醬） 名古屋芝麻雞翼 - 外脆內嫩 3款串燒 - 個人比較鐘意京蔥雞肉串燒，京蔥帶汁，雞肉又嫩，好味道。而黑豚腩和牛舌就味道一般。 帆立貝海膽黃金炒飯 - 海膽份量足，味道一般

今日為了大阪燒而慕名而來到旺角T.O.P的千房，不需等位，又冇時限，可以慢慢揀，最後揀咗特盛海鮮大阪燒和醬燒日式炒麵。這裏可以選擇DIY或廚師料理，廚師料理這選項，非常方便我這種不想動手的客人。 特盛海鮮大阪燒不用我多講，見其他食家的評語，就知好食，不過我比較想推介一下，醬燒日式炒麵，視覺告訴我，這只是炒麵，但食落味道一流。 放在桌旁的配料—醬汁、沙律醬、海苔和會跳舞的柴魚片，想點加都得，可因應自己喜好令菜餚升上另一層次。