最愛豬扒早餐，食返它初開店時的味道，早前段時間的豬扒味道比之前重，而且肉質比較硬，今次的肉質鬆軟好食。 第一次遇到奶茶返熱服務？！侍應放低奶茶後，轉頭跟我說杯奶茶暖暖地唔夠熱，幫我攞入去返熱。返熱奶茶後，杯奶茶像拉茶，多了些泡，但變深色咗，沒了奶的滑，茶苦澀了一些，希望下次有改善。 期待下次試瓦煲奶茶！！

行到蘇媽蘇媽，一望對面，見到新開未試過，$50咖哩+2塊Roti，相對比另一間出名的xx米爾，這間平易近人，還有跟Roti，入去一試，有驚喜，咖哩比xx米爾好食，坐低有枝樽裝水，都幾特別。 題外話，老闆識講少少廣東話，容易溝通 牛肉咖哩🍛：咖哩好味，落單時可同老闆講調辣度，唔會油淋淋，牛肉夠淋，只係有一件牛筋比較靭，若唔想咁辣，可加配菜一起食，瓜菜的清新，可中和一下辣味 Roti：中間軟熟，不過邊位比較硬，整體都好食，唔鐘意Roti，又可轉Naan，若果唔想食餅，可以轉飯，唔使加錢 總結：真係一試難忘，好想再去食過

點了Ice Mocha Espresso & Jacky Chunk 點餐-完之全無問飲品size直接落大杯。 吧台-做到專尊重客人要求，願意幫客，ice 上加上cream 食物：冬甩凍冰冰，唔覺得特別好食。另外，服務有待改善，放在冬甩下像餐紙，本來係公司特意制作，為方便客人可以袋冬甩拿着吃，但好可惜，餐袋開口是向下，攞起冬甩都未被發現，我懷疑員工都未必知🫢 PS：離開時發現，員工清理客人用餐後的台面，非常迅速有效率。 結論及建議：若然只是堂食幾個冬甩，員工可以將冬甩入餐袋，方便客人食用。

有玫瑰圖案的cappuccino，單點$38，真係唔係度度有。 早餐加coffee，亦性價比高 雖然Omelette的蛋有點過火，但加上Bacon真係好好好夾，若然唔怕太肥，加上牛油味道更提升，Mozzarella Cheese都係要襯熱食，唔好好似我咁一路打食評一路食，無得拉絲 地點唔就腳，人流唔多，有落地玻璃，可以一邊欣賞景色，一邊chill

圓香和四季同一集團，食品不同。 基本上早餐價格偏貴點，食品與價格未配上。 ▪️原條吉列魚柳 - 雖然觀感差少少，吉列皮有些裂，但夠嫩滑，只配上普通沙津醬，感覺配唔上這個餐價 ▪️腸仔一流，兒時味道 ▪️茄汁焗豆都ok ▪️炒蛋夠厚，稱唔上滑 ▪️丹麥酥係食過最唔好食的 ▪️奶茶底厚，不過大家口味不同，不予置評 整體平平。

又來光顧，今次剛到下午茶時段， 點了下午茶的牛肚菌雙扒焗飯和午餐夏威夷汁焗豬扒飯，其中飲品升級即磨咖啡 下午茶 vs 午餐 份量 - 一樣大小的瓷盤，肉和汁都係鋪滿面 價錢 - 下午茶平$10左右 味道 - 唔同口味，冇得比較 兩份味道各有千秋： 下午茶的牛肚菌汁 - 汁的味道比較鹹，豬扒唔夠鬆化，但雞扒幾好食，雞皮有炭燒味 午餐的夏威夷汁 - 酸甜美味，豬扒夠厚，仲有菠蘿🍍 食物可以，但飲品的話，我覺得唔需要再升級為即磨咖啡，因為四圍都飲得到。

位於新香園新店旁，店內企理，見早餐有牛油厚多士，便入內一試，點了茶記必點的沙嗲牛肉麵餐，麵有多款麵可選，其中有健康之選 - 淮山麵，配料四選一，跟熱飲。 沙嗲牛肉麵 - 說好的沙嗲呢？！雖然沙嗲唔見咗，但湯底清香，牛肉鮮嫩，仲有多多的菜，味道其實唔錯，幾好味，當係鮮牛肉麵的都ok 餐蛋牛油厚多士 - 正常厚的餐肉，熟蛋，配上已切好，邊脆內軟的牛油厚多 茶走 - 第一啖，茶香，但唔係平日的紅茶香，這像是綠茶類的香味，完全冇奶香茶濃，但有另一番風味，不過這間唔係港式茶記，所以奶茶都別樹一格 第一次試食，用沙嗲牛肉麵都比較，雖然同其他茶記完全唔同，不過對比起來這間就比較健康。下次打算試試這裏比較特別的，其他茶餐廳冇的咸骨淮山粥，希望有驚喜。

剛好係裝修前光顧，因應疫情安排，枱要排到門口。 點了幾樣點心，除左煎蘿蔔糕，其他都好一般，服務就更奇怪，分工得好清淅雖好，送餐員冇跟醬汁，問待應攞，叫客人自己問送餐員攞，今時今日的服務態度 再黎講下點心， 香煎蘿蔔糕 - 三塊都煎得兩邊金黃，賣相味道都一流 鬆糕 - 甜度可以接受，有彈性，味道都ok 春卷 - 普通，內涵普通，不過外皮夠脆 香茜牛肉腸 - 外皮，睇相都知，一般般 山竹牛肉 - 牛肉多汁，不過腐皮有怪味，加埋澀汁，味道難以形容 食物質素尙可，有些點心味道就怪怪地，唔知係原本就係咁，定係臨近裝修有影響。希望裝修完會更好。

村內有誠意酒樓，意想不到的好味。 對比起旁邊那間裝橫氣派，有新裝修的酒樓，這間的門面裝修顯得有點歲月，店名睇落似係小菜館，居然有茶飲，有點心食。 點了飯、粥和一些點心。等待中，見到對面的星州炒米，材料充足，蝦大大隻，價錢公道，其他地方同等價錢一定食唔到咁大隻蝦。 食物到： 鴛鴦炒飯-大大隻蝦搶鏡，炒飯粒粒分明，紅汁酸酸甜甜又開胃 春卷-鈎起童年回憶，細個飲茶必食蝦春卷，內裏啖啖蝦肉，yummy 碎牛肉粥-食落意想不到的綿滑，連粥舖都自愧不如，可惜冇薄脆或油炸鬼 牛肉腸粉-又一味勝過粥舖，腸粉皮煙韌，唔會軟淋淋，一夾就斷，又唔會死實實，夾唔開或者好似好厚的紙咁，質地勝過大部分的酒樓 京蔥牛肉球-鐘意牛肉球有肉汁的話，千祈唔好點，睇想就知咩野事 總結，食品質素好，下次仍會再光顧。

看到這間有特色的懷舊餐廳，於是便排隊一試，排隊時看了看大家的評語，見到大多是不好的經歷，突然感覺不妙，又見雖話有位，但要等執枱，等到佢叫下一張枱都未能安排入座，本想轉另一間，要讚下，待應姐姐反應快，解釋快執好枱，可入座，見佢反應咁快，就俾次機會留低等。

入座後，點了午餐夏威夷汁焗豬扒飯和九層塔蝦球意大利粉，餐飲轉了紅豆冰粒粒奶茶：


紅豆冰粒粒奶茶：賣相特別，味道唔會太甜，雖然奶茶有别於其他餐廳，不濃味比較清香，但紅豆味唔會搶走奶茶味，上面的粒粒奶茶直接食都好讚，夏天消暑一流


夏威夷汁焗豬扒飯：多汁，蕃茄味酸甜，芝士夠多，配上多汁炸豬扒和炒飯，值得一試


九層塔蝦球意大利粉：全碟都有九層塔的獨有香味
，不過白烚蝦球就唔入味，唔推介


仲有其他特色飲品

多得大家比佢哋的見意，我哋受惠了