越式咖喱軟殼蟹鍋 (配法包) $113 軟殼蟹大大隻，都炸到金黃香炸，再加上長長嘅法包，岩晒我，澱粉質好重要！咖喱配上洋蔥青椒，椰香味濃，夠重味，配個包一齊食就岩晒。 春卷 $52 炸到金黃色，夠晒脆卜卜，包埋生菜食，一流呀。 串燒雞,牛,豬 $89 我地揀左雞配豬，串燒唔會燒到乾，裏面仲好juicy，配埋沙嗲醬，完美。 香茅豬頸肉米紙卷 $42 大大舊，份量十足，值得一試。 青檸梳打 $28 酸酸地，幾清新，食完d煎炸野，去一去油膩感。 三色冰 $28 椰奶味十足，好味道。

香蔥鮪魚蓉丼 $158 吞拿魚魚蓉份量不少，咬落冇筋，冇腥味，伴有大量蔥末，可以攪勻，落埋豉油一齋食，唔怕辣仲可以落d wasabi。 鹽燒豚腩肉丼（伴温泉玉子）$108 腩肉好大塊，燒到好香，油份迫哂出種，加埋特有既醬汁，撈飯食一流。 海鮮之箱 （大蝦、生蠔、鯖魚、活鰻、帆立貝）$148 串燒拼盆咩都有，當中活鰻最吸引，燒到魚皮脆卜卜，大蝦肉質彈牙夠鮮味。 炸雞軟骨 $48 我地仲加左個小食，脆卜卜幾好食，伴酒一流！但聽日仲要反工，所以冇叫酒。

呢日朋友話帶我去一個旺中帶靜既小店食好西，我地係時旺角等，之後行左幾個街口，黎到梭亞道，近何文田既。 Menu 我地食夜晚，散叫既，冇set，價錢合理。 凱撒沙律$58 58蚊既沙律又幾大碟，有d意料之外，我地2個女仔share食都夠食，芝士碎都好多。 黑松露煙三文魚班尼迪牛油果多士 $118 朋友想食egg benedict好耐，其實我都好中意架，118蚊，都幾大碟，我地又係share黎食，有2隻蛋完全唔洗掙呢。 black Tea $32 朋友話夜晚唔敢飲咖啡，驚訓唔著喎，叫左杯black tea，話茶味幾香幾濃，值得一試。

今晚約左朋友係佐敦食飯，d朋友又未到，得我收早d，一個人周圍行下啦，見到轉角呢個位都有幾多人係度排隊，原來係食雞蛋仔既，廿幾蚊一底，口味選擇都幾多，仲有d小食。於是我叫左幾樣。 魚蓉燒賣 $10/8粒 都幾抵食，平過便利店果d，味道都唔錯，唔係成舊麵粉。 牛肉球 $10/3粒 呢3粒size比酒樓既牛肉球細d，爽口juicy，唔會太乾。 咖啡朱古力雞蛋仔 $23 唔甜既朱古力，都幾難得，咖啡香味都幾濃，係實心既雞蛋仔。

朋友揸車話遊車河，但大型商場泊車又貴，於是朋友提議黎渡船角呢邊，睇下有咩食。 見到轉角位有呢間裝修幾靚既餐廳，原來係食中菜既，食煲仔飯。 鹹鮮蒸海鯧魚 用左清蒸既方法，蒸呢條海魚，鮮味過一般海水魚，肉質都實在既。 檸檬薏米水 同一般檸檬薏米水唔同，呢杯係有冬瓜架！清甜解渴。 四季豆乾煸雞髀菇 微微辣的乾煸做法，令蔬菜惹味不少。 籠仔荷葉蒸土雞飯 呢個荷葉蒸飯份量唔小，應該係3人份既飯啦！雞肉爽口有雞味。 清蒸川味臘腸 侍應話係用臘腸就夾住蒜片食，再食粒花生去反個蒜味。 御髮膳粥 呢個其實係甜品黎，有黑芝麻、蓮子、紅棗、花生、蕨麻、黑米等等，幾得意。

近排收到信用卡既推廣，有呢間丸十壽司，記得朋友之前有話過想試，今次見到優惠就帶佢食啦。 丸十春日二人套餐 折左$630 分別有5道菜。 雜錦野菜沙律Assorted Green Salad 沙律用左醋汁，酸酸甜甜幾清新，仲有白飯魚係面，幾特別呢！ 豊洲特上刺身（5點）Deluxe Toyosu Sashimi Platter 最深印象係金目鯛同拖羅，2種都係屬於貴價魚，朋友話通常呢d只會係omakase出現，今次係信用卡優惠餐食到，意想不到呢。 鐵板燒日本地雞Japanese Free Range Chicken on Hotplate 真係用左日本雞既雞肉，咬落去係甜既，唔似外國急凍雞柳白saisai冇味。 丸十寿司盛合Maruju Assorted Sushi Platter 海膽鮮甜，creamy，好味道，係用左日本海膽，高質！ 海鮮土瓶湯Seafood Soup in Tea Pot 用茶壺上，幾特別，入面都有大量海鮮，好飲。

黎到專食牛扒既餐廳，係銅鑼灣希慎道，我地2個人，叫左2塊扒，加左side dish combo，變左set。 餐牌介紹話，成隻牛filet mignon係最嫩滑，flat iron係第二嫩滑，今晚就試下呢個flat iron。 Black Jack Flat Iron Steak ($238) 有桃伴碟，幾特別，with secret black coffee honey sauce。牛扒軟稔好味道。 “Usda Prime 390days grain fed Flat Iron” ($268) 牛味濃，容易切開唔會多筋。 Side Dish Combo ($48) SOUP 湯係白湯，有忌廉，幾creamy SALAD 沙律表面有藜麥，superfood夠健康，好中意食。 Dirty 檸檬特飲($45) 清新、解膩，幫助消化。

今晚食呢個餐，288一個人，有沙律、前菜、主菜、甜品。 我地2個人就叫左2個2人餐， 沙律係用日式胡麻醬，仲有蟹籽，新鮮好味道。 前菜，我揀左刺身3款，八爪魚、牡丹蝦、三文魚，朋友就食生蠔。我地都覺得好鮮味，幾好味。 湯係𩶘魚湯伴鮮蜆，都真係鮮味喎個蜆，魚湯都好濃郁。 主菜，餐廳suggest我地食龍蝦飯，要二人份起，岩岩好我地2個，就食一煲飯。龍蝦肉爽口彈牙。 甜品有個菠蘿雪芭。 咁就一餐啦！好味道呢！！！

✨有咩食 晚餐冇set既，係散叫既。 我地2個人食，就叫左一粉一扒2杯飲品。 ✨Pesto Farfalle with Grilled Chicken Beast $188 青醬蝴蝶粉配香煎雞胸 青醬主要係由羅勒整既，有淡淡既草本香味，配埋煎得剛好既雞胸，香口而唔會嚡口，仲有水分既。 ✨Grilled Spanish Iberco Pork Chop with Apple Sauce $348 燒西班牙黑毛豬扒配蘋果蓉 黑毛豬扒份量幾大，仲好厚切，岩哂食肉獸。雖然厚，但裡面唔會乾哂，仲有肉汁既。伴碟係蘋果蓉，取代在常見既薯蓉，睇得出餐廳既心思。 ✨Mr. Cool $68 有荔枝、薄荷、薑水，清新之餘又有荔枝既果香、甜味、果肉。 ✨Rose Latte $54 玫瑰味咖啡，順口、唔會苦澀。 ✨總結，今餐最為欣賞既係黑毛豬扒，肉質香甜，難以忘懷。

筋腩相逢 $108 顧名思義，就係牛筋同牛腩相遇，嫩中帶滑，滑中帶嫩，最後兩者成為一體。 天天石窩雞飯 $48 充滿雞油香既雞飯，粒粒充滿油香。 骨香鯧魚 $188 呢條鯧魚勁油炸過既，魚骨一樣卜卜脆，魚肉就白白滑滑，每吃一口，就好似重拾青春嘅美好一樣。 麻辣花甲 $108 帶點點麻辣既花甲，好似打邊爐咁味，但味道比四川麻辣火鍋輕手好多。 超級果茶 $42 有滿滿既水果，補充維他命c既好機會。 洛神花茶 $38 帶微酸既洛神花茶，幾開胃。