一直都好鐘意食既泰國餐廳🫶🏼 假期冇得飛泰國 要去食一下泰國野 😂 冬蔭公湯 $98 推薦度： ☺️☺️☺️☺️☺️ 兩個人叫左細冬蔭 酸同辣度都啱啱好 好開胃 馬沙拉咖喱 (雞肉）+ 印度酥餅 $108+$42 推薦度：☺️☺️☺️😣 甜咖喱 唔辣 選擇左雞肉 很好都係雞髀肉 因為好唔鐘意食雞胸肉 好配合薄餅一齊食 馬拉盞通菜 $88 推薦度：☺️☺️☺️☺️☺️ 通菜都好嫩 炒得好香，味道好好 越式蟹肉炒粉絲 $118 推薦度：☺️☺️☺️☺️ 幾多蟹肉 味道幾好 仲有d 札肉 菜 泰國椰青 $62 推薦度： ☺️☺️☺️☺️☺️ 好清甜 d 椰青肉都可以不嚟食 餐廳位置都好方便 mtr 行5 分鐘唔洗就到 星期4 晚飯時間幾full 上左二樓食 兩個人食左5 樣野 超級飽 仲有好多款未試到 要再去食其他菜色！

今日公司同事聚餐，黎左上環海港食阿拉斯加長腳蟹。我地8個人，入座後，就出去魚缸揀蟹，大家都好鐘意食蟹，就揀隻最大隻既，7斤重，清蒸。半個鐘後蒸蟹黎到，好大隻，個蟹殼成塊面咁大，6個人食蟹腳，兩個人食蟹鉗，唔駛爭，隻蟹非常新鮮，啖啖肉，將蟹肉點落d 蟹膏度食，簡直係一流，大家都好滿足。 除左蟹之外，我地都叫左炸魚皮，叉燒，燒鵝，椒鹽鮮魷，炒豆苗，蒸魚，粉絲蝦煲，食物質素幾好，坐得舒服，好適合同朋友傾計食飯，大家都好盡興。

話係一分鐘料理 其實根本唔洗 真係超級快 次次想快食都係想呢間既udon 平時食開清湯 今次試左豬骨湯udon 好好食 仲有番茄牛肉udon 同埋個茄子天婦羅 中既udon 已經幾多 反而想食多d 配菜 有好多選擇 🤤🤤🤤 近排先發現原來有得拎天婦羅汁同埋拎d 天婦羅脆粒粒放落d udon 度 係好食左好多 ☺️☺️ 唔夠飽再加左腐皮同埋西蘭花 西蘭花$12 都幾多 夠兩個人食 腐皮$15 就有d 貴不過鐘意食冇辦法 冇加野飲 調味醬枱可以拎水飲很不錯

有水準的車仔麵 今日星期五1:30pm 黎到深水埗文記，不需要等位。入座後掃QR code 落單，落單步驟簡單，介面清晰，用applepay 比錢，過程順利。order 左韮菜餸，南乳豬手，西洋菜，河粉，腩汁湯底，加秘制辣汁少辣。 上菜自動化，5分鐘後，車仔麵由枱前既小路軌自動送上，非常方便。 南乳豬手夠淋，非常入味，值得推介，韮菜餃普通，冇乜特別，下次可以唔叫，湯底腩味濃郁，配上秘制辣汁，加埋河粉，簡直一流，值得推介比喜歡食車仔麵既每一位。

今日係中環做野，聽朋友講有間米線幾好食，lunchtime 一於黎試下，門口攞左飛，好多人，等左20分鐘先有得入，今日好肚餓，叫左過橋米線 (All-in-one set), 即係咩餸都有，可以試哂所有野，仲有麻辣2少辣。 過左10分鐘，碗米線黎到，個湯底好香麻辣味，米線爽滑，夠淋，其他材料好有質素，特別要讚個墨丸，好有口感，好食過其他連鎖米線店好多，overall 黎講，絕對值得推介。 唯一批評即地方係坐得好逼，當日被安排坐bar 枱，座位非常逼，差唔多膊頭貼膊頭。

聖誕聚會去食小菜 平日夜晚唔算多人 9人叫左好多野食 豉汁蒸蟠龍鱔 推薦度： ☺️☺️☺️ 糯米釀雞翼 推薦度：☺️☺️☺️☺️ 一直想試呢個餸 糯米飯好味 配雞翼都幾夾 豬肚鳳吞燕湯 推薦度： ☺️☺️☺️ 蕃茄魚腐浸白菜 推薦度：☺️☺️ 泰式瀨尿蝦 推薦度：☺️☺️☺️ 一口骨 推薦度：☺️☺️ 食唔到辣野 所以食唔多 羊腩煲 推薦度：☺️☺️ 羊味有點不夠濃 牛肉炒飯 推薦度：☺️☺️☺️ 客家釀豆腐 推薦度：☺️☺️☺️ 咕嚕肉 推薦度：☺️☺️☺️☺️

4個大人食thai food 終於可以叫到多d 野食 同埋bb 黎有bb high chair 同埋竟然安排入房坐😂好似去左食中菜咁既圓枱房 食得幾舒服 飛天炒通菜 推薦度：☺️☺️ 份量比較少 味道正常 pad thai 推薦度：☺️☺️☺️ 冇睇menu 之下叫 原來係大蝦pad thai 大蝦好食 pad thai 甜左少少 生蝦刺身 推薦度：☺️☺️☺️☺️ 蝦好新鮮 好食 泰式蒸魚 推薦度：☺️☺️ 普通既魚 冇咩特別 黃咖喱雞配薄餅同白飯 推薦度： ☺️☺️☺️☺️ 雞肉串燒 推薦度： ☺️☺️☺️ 冬蔭椰奶湯 推薦度： ☺️☺️☺️☺️☺️ 覺得呢度整既冬蔭椰奶湯係最好飲

星期六終於有機會出去食lunch, 1點幾去到，都幾full 天氣轉凍，叫左兩個熟食lunch set 都唔貴，幾大份。 同叫左一份帶子壽司 不錯 😌 滑蛋吉列豬扒定食 推薦度：☺️☺️☺️ 味道幾好 份量足夠男子食用 炸皮會浸淋jor 天婦羅+牛肉烏冬定食 推薦度：☺️☺️☺️☺️ 天婦羅係有蝦同3件菜 都係我鐘意既蔬菜 Lunch set 都係有麵豉湯 沙律 茶碗蒸 仲有甜品雪米糍 好飽好滿足 性價比幾高 會再食！ 天氣冇咁凍 下次要試多d 壽司😂

weekend 出到去lunch 12點10到店門 已經排左10 幾人😳😳😳 到12點15就開始入坐 再等到大約12點45終於入到 叫jor 崩沙牛腩魚片河粉 有兩款辣汁可以點 兩款都好食 當日冇機會試到出名既騸牯牛丸😫😫😫 個湯好飲 幾清甜 崩沙牛腩肥肥地好好食 ☺️☺️☺️魚片普通 冇咩特別 河粉都係正常係好味湯底配合之下極速食完 同埋店舖比較細 出面都好多人排隊 所以都快快食完就走lu 終於明白點解大家要排隊都食 有時間會再去試其他食物！！

星期六晚係尖沙咀買完野，聽聞附近開左間人氣炸雞，好似幾好味咁，趁有時間，就黎試下，8pm 黎到，無乜人，可能過左peak hour，好多位，無需等位。 半半冇骨炸雞，粟米味拼韓式甜醬味 推薦度：☺️☺️☺️ 5分鐘就黎到，非常有效率 粟米味甜甜地，炸雞有肉汁，質地嫩滑，可惜粟米有d 乾 韓式甜醬味幾好味，不過鋪係面d花生碎益益地，差左少少。 韓式炒粉絲 推薦度： ☺️☺️☺️ 夠麻油味，味道ok, 係油左少少 地點有少少難搵。