餐廳好多綠色植物點綴🌴中間仲有棵大樹 價錢親民 好多上班族會過嚟聚餐～ 🌟🌟香煎帶子沙律 $148 帶子煎到金黃色 外脆內嫩 好鮮甜🤤🤤 第一次見沙律落紅莓藍莓🫐 配埋酸醋汁好開胃🥗 🌟意式辣肉腸薄餅 $158 手工薄餅🍕即叫即烤 一上枱就即刻食 芝士拉絲好澎湃😍 邊邊好酥脆 食落餅底口感好煙靭 意式辣醬配埋意式辣肉腸 帶點微辣好惹味 🌟🌟蟹肉巴馬臣芝土蕃茄忌廉汁長通粉 $158 外貌平平無奇 一食落口充滿驚喜😳😍 超濃郁嘅蟹肉醬汁 每一啖都食到一梳梳嘅蟹肉 配埋巴馬臣芝士🧀超級邪惡 長通粉口感又煙韌!! 超級掛汁🤤 📍Flames 觀塘鴻圖道51號Two Sky Parc地下1號舖

睇住維港食鐵板燒真係第一次!!! 開心食鐵板燒 咁唔開心呢? 更加要食鐵板燒 氹翻自己開心!!!! 海賀二人套餐$2480 無花果蟹肉沙律🦀 面頭大量蟹肉 彈牙得嚟帶點鹹鮮 新鮮沙律菜配埋柚子汁 好清新🥗 🌟🌟三文魚籽伴水雲醋 店員話係嚟自沖繩縣嘅水雲臺 醃製海藻類 好有美容養顏功效 食落質感好爽口 配埋酸酸鹹鹹嘅汁 零舍開胃😆 磯煮鮑魚口感腍身 好鮮甜 特別一提墊底嘅日本大根 超甜夠哂入味😋 鵝肝超肥美 滲晒啲油脂出嚟 超香😍 就咁食又得 配埋多士同黑蒜食又得 側邊仲有桃同蜜柑解膩😋😋 🌟🌟大蝦🍤好大隻 質地結實彈牙 唔係坐喺鐵板前都聞到勁香蝦膏味🤤 我用多士沾哂成個蝦膏醬落肚🤤 🌟🌟🌟A4宮崎牛 真係入口即融㗎!! 油脂極度豐富!!! 牛味夠晒濃郁!! 一啖牛一啖蒜片!! 就係咁啦!! 想再重口味啲沾埋黑松露醬🥰推爆佢! 黑松露和牛炒飯/櫻花蝦炒飯 見到炒飯就知道嚟到尾聲😌 食個炒飯就知道呢間鐵板燒水準點樣 炒到乾身 粒粒分明 甜品方面有焙茶奶凍同抹茶mousse芝士蛋糕 Refreshing Lychee $108 梳打水加薄荷加荔枝嘅組合 略嫌太甜 冇咗個refreshing🤣 Oriental Pearl $138 淡淡嘅Gin加上橙味 香甜 容易入口❤️ 📍鐵板燒海賀 尖沙咀彌敦道100號The ONE 19樓

三百蚊食到和牛放題!!!??? 牛魔王一定要知! 今次揀咗最頂級嘅極上和牛128分鐘吃到飽套餐$328 可以任食呢個餐獨有嘅澳洲和牛M5牛肩卷😍😍 牛肉味濃 油香十足!! 我由頭食到落尾Encore咗好多轉!! 仲額外送每人兩粒澳洲M9和牛牛丸 (呢個超級大推!!) 湯底揀咗台灣鳳梨雞鍋同埋阿嬤養生濃湯鍋 清清地飲落好順喉 更突出到食物嘅鮮味🤩 好多Shabu shabu嘅口味😍好玩又好食 最推薦嘅係期間限定嘅章魚珍珠漿 好有咬口 食到一粒粒嘅章魚🐙!!! 另外有款全黑嘅蟹子墨魚汁漿🦑好特別!!! 除咗火鍋配料 仲有好多好多台灣小食可以任嗌 就好似有老油條、鹽酥雞、台灣香腸、甜不辣 外面仲有好多蔬菜同埋丸類可以任夾 食足120分鐘 食得好飽先走😋～ 📍牛大人台灣火鍋吃到飽 荃灣眾安街55號大鴻輝(荃灣)中心16樓

六點半前入座送和牛!! 必食🔥申子招牌菜 聽講仲係銅鑼灣限定‼️ 🌟申子海膽A4和牛燒 $348 雪花分佈均勻 油脂感好重 旁邊仲有海膽同黑魚子 最後會放上面☝🏻 店員先用火槍將和牛燒到五成熟 將和牛嘅油脂逼晒出嚟 將蛋汁撈埋白飯 然後包好 最後會放海膽同魚子係面 和牛燒超級香 和牛同蛋黃好夾 滿滿油脂 汁煮左口魚裙邊 $148 清甜湯汁浸住爽口彈牙滑捋捋嘅左口魚裙邊 配埋三文魚子增加鮮味～一個解膩嘅汁煮小食 極上蟹肉蟹膏燉飯 $288 賣相好靚 飯面有大大隻蟹蓋做裝飾 蟹膏蟹肉分量均勻 整體味道比較清淡 火炙大蝦讚岐手打烏冬 $168 鮮蝦湯底 加上嫩滑烏冬 配搭櫻花蝦鮮味更突出🦐 申子居酒屋 銅鑼灣渣甸街50號渣甸中心9樓

原來係牛大人有分支燒肉店!!??? 今次就食左120鐘任食澳洲M5和牛吃到飽套餐 會贈送每人兩件嚴選牛舌芯 彈牙好食! 呢個餐限定嘅澳洲M5和牛同牛格斯牛小排 油脂分布均勻 顏色都好靚 燒起嗰陣火勢好猛烈🤣🤣 其他類別推薦屏東燒魚腹、老虎雞翼!!! 醃得好入味 肉質都好嫩滑🥰 熟食類烤魚乾同鴨舌都係encore咗幾輪!! 出面除咗生菜任夾 仲有自製醬油櫻花蝦紫菜拌飯 配燒肉一流😆 📍安平燒肉 荃灣眾安街55號大鴻輝(荃灣)中心17樓

銅鑼灣The L. Square每次到食飯時間 呢排都會大排長龍 排到出馬路邊 聽講呢度有間高質食手工意粉嘅西餐廳 環境燈光昏暗 有情調 裝修簡約優雅 每張枱上面都有盞小燈仔💡 呢度嘅菜式都好有特色用料新鮮 份量好足 意式燴牛小排 配澳洲西蘭花苗 $338 牛小排好香牛臊味 肉質好嫩好腍身 有薯菜同西蘭花苗做配菜 大食嘅我表示唔係好夠飽😂 如果薯菜份量多啲或者整多Pat薯蓉就好了 龍蝦尾蜆蕃茄忌廉汁貝殼粉 $388 貝殼粉口感帶嚼勁 掛滿汁 雖然講就話係蕃茄忌廉汁 但係食落濃濃嘅芝士香味 龍蝦已開半 方便拆肉🦞 📍Mano 銅鑼灣駱克道459-461號The L. Square 5樓

之前去過尖沙咀分店 今次去銅鑼灣TGR 完全係兩個版本!! 銅鑼灣呢間樓底好高 裝修好Grand 昏暗燈光超好情調 服務員都好有禮貌 完全係高級餐廳style!!! 炭烤八爪魚配法式薯蓉$308 你哋都知我係八爪魚魔人🐙 Menu有八爪魚都一定會嗌勁大條!!! 尾位焦香脆口 其他位置軟腍唔韌 配埋好Creamy好滑口嘅薯蓉同檸檬汁簡直完美😍 煙燻香脆乳豬伴焦糖菠蘿配古斯米沙律🥗 先用木箱上枱俾我哋影相 一打開會有煙燻味同煙霧效果🌫️ 乳豬外層勁脆 半肥瘦 肉質軟腍多汁 配埋焦糖菠蘿同古斯米沙律酸酸地好解膩 Smokey Passion $108 熱情果配合威士忌🥃 飲落一開頭會飲到濃郁熱情果甜味 之後濃烈嘅威士忌先會慢慢湧上來 Berry Well $118 香濃莓味加薰衣草 飲落少少甜 加埋面頭厚厚一層奶蓋 唔中意重酒味嘅女仔就啱啦🩷 📍The Grill Room 銅鑼灣駱克道463-483號銅鑼灣廣場二期3樓3B號舖

鍾意Bearbrick嘅你你一定要嚟呢間主題打卡Cafe 好難得遇到打卡一流同時食物高質高嘅餐廳!! 🌟香煎帶子蟹肉紅花意大利飯 $158 帶子煎得半熟剛剛好 表面香脆內裏鮮嫩多汁 意大利飯粒粒分明 醬汁夠哂Creamy!!! 好少見到有餐廳同時做到帶子加Risotto都好食🤤 香煎三文魚配芒果伏特加沙沙 $188 三文魚肉質結實 配搭芒果沙沙酸酸甜甜 格外開胃清新 配菜都有微微煎過 細緻加分❤️‍🔥❤️‍🔥 ALL DAY BREAKFAST $118 有腸、太陽蛋、沙律菜、烘蕃茄、野蘑菇、炸薯餅、茄汁豆、酸種麵包 腸腸咬落夠哂juicy 酸種麵包塗上牛油香噴噴 睇一間餐廳食物質素如何 叫全日早餐就啱晒 📍Awesome Bar & Cafe 尖沙咀科學館道14號新文華中心地下1D及1樓100號舖

小店坐落喺元朗商場旁邊嘅一個後巷仔 唔係食飯時間都見到有唔少人買外賣 食飽先有力唱歌🎤錄歌前嚟咗呢到🤤 爆多蟹籽冷麵 $40 面層鋪咗滿滿嘅蟹籽!!! 口感層次豐富 配埋啲撈麵醬汁格外清爽～鮮味🔝🔝 夠辣夠蒜 香噴噴🥰好重口味 真係會食唔停 爆荽蟹籽冷麵 $45 召喚芫荽控🌿夠唔夠爆夠唔夠荽🌿 每一啖都有滿滿幾棵生荽放入口真係好香!! 有解膩作用 冇咁容易食滯 愛荽必點!!! 整體來講價錢唔貴 鍾意食辣嘅人會好興奮!! 唔太食到辣嘅我 蚊仔辣都搞唔掂😩 建議同姐姐嗌唔辣 另上少少辣醬 辣醬係秘制㗎!! 點都要加少少🤏真係正好多! 📍爆辣冷麵 元朗西菁街9號富盛大廈地下89號舖

尖沙咀有條韓國街～ 最近多咗間勁粉紅勁girly嘅小店💓 見佢主打韓國粥同餃子😍 有我去韓國必食嘅鮑魚粥就入咗去試吓 釜山鮮鮑魚粥 $118 比較鍾意呢個鮑魚粥!! 有落紫菜同麻油 感覺落紫菜更能提味 有煙韌鮑魚粒同紅蘿蔔翠玉瓜洋蔥🧅 配埋伴菜泡菜章魚又係另一個味道🐙 人蔘雞粥 $108 望落米飯一粒粒 食落粥底好軟綿綿㗎 面頭真係有人蔘同雞絲!!! 加咗啲紅蘿蔔同薯仔好有營養～ 落埋麻油減膩～份量好多好抵食😌 煎韓國鮑魚餃子 $72 煎到金黃色 餃子皮有少少煙韌有口感 入邊除咗有鮑魚粒 仲有粗粉絲 好多料😋 📍HANA Korean Restaurant 尖沙咀金巴利街1E號地舖