本身約咗朋友喺九龍城食泰國嘢，點知落大雨，去咗九龍城廣場避一避雨，咁索性睇吓有咩嘢食，點知發現咗一間幾有特色嘅中式餐廳叫城寨風味，一於去試下！餐廳裝修充滿懷舊香港嘅味道，有種好舒服嘅感覺！ 朋友想食蝦球，但又唔想太過重味道，揀左個芒果蝦球，蝦球幾大隻，配上芒果汁同果肉，味道都好夾！ 另外仲叫左紅燒豆腐班腩煲，用料好足，原來呢間餐廳啲份量都幾大份！ 最後無飯不歡既我叫左個招牌既城寨風味炒飯，好大碟又夠多配料，口感豐富！

聽朋友介紹咗一間位於尖沙咀高性價比嘅Omakase 鮨岸，係海防道既中達大廈，地點非常近尖沙咀地鐵站！ 揀左個叫”櫻”既18道菜既Omakase set，首先食三道前菜，係慢煮南瓜、糖醋車厘茄、糖醋天婦羅魚，酸酸甜甜開胃！ 之後師傅開始準備刺身5點，石垣鯛魚配柚子醋，日本象拔蚌，鰤魚，鯖魚同華漣生蠔，刺身生蠔都好新鮮，鯖魚刺身最有印象，平時係日式餐廳都係食鹽燒鯖魚，估唔到做刺身都咁肥美，另外華漣生蠔配上柚子汁，鮮中帶甜，真係值回票價！ 去到壽司部分，有熟成深海池魚，北海道帆立貝，北海道牡丹蝦，和歌山吞拿魚，喜之次，北海道海膽，池魚油分豐富，帆立貝，加上少少柚子皮，鮮得黎帶點清新，吞拿魚唔使講，超級好食～海膽配上冠軍級嘅脆度海苔，完美配合！另外最後一件壽司係江户前玉子燒，師傅用傳統手工將蛋做到蛋糕既口感，當中完全唔用麵粉，呢種手工真係買少見少，就算係日本都唔係容易食到！ 去到一品料理部分，係香箱蟹釜飯，香味十足，配料豐富，蟹肉分量都唔少！食完之後，配上一道石斑清湯，中香返今日食嘢嘅油分！最後加埋甜品雪葩，非常完美既一餐！

今晚約左朋友食飯，去左都好多推介既尖沙咀厚福街鮨一食日本野！ 店員安排左坐bar 枱，可以近距離欣賞師傅切刺身既手藝！首先前菜叫左個招牌既鮨一沙律，用得自己名做既菜點都有啲保證，沙律用左好多角切刺身，仲有一個大蕃茄，份量足！ 另外仲叫左什錦天婦羅，蝦天婦羅都幾大條，茄子南瓜都炸得幾好食，擺盤又精緻～ 再叫左個特上十貫壽司，睇住師傅一塊一塊咁切，然後再手握壽司，都係一個唔錯既表演👍🏼魚生新鮮，赤海蝦同帆立貝都好新鮮，瑩光魷魚好特別，吞拿魚都充滿油份～ 再叫左幾串串燒過下口癮，叫左煙肉帶子卷、豚肉露筍卷同和牛粒串，加上特製嘅芥末醬，呢個配搭都唔錯！

最近食左間好值得推介既日本餐廳～   首先，粟米脆餅壽司 － 和牛三文魚籽。呢款壽司好特別，第一次食脆片包嘅壽司，食脆片嘅同又有牛肉嘅油香味，幾開胃～   跟住既金龍珠海膽吞拿魚蓉卷，裡面有一個巨形溏心蛋，我可以話係超級出色！配上鮮甜嘅海膽同吞拿魚蓉，一啖入口，真係絕佳嘅組合～   仲有就係餐廳必食推介金酒杯。呢道菜嘅海膽份量十足，又夠鮮甜，令人好滿足～再加上三文魚籽、拖羅蓉同松葉蟹肉，令整道菜更加豐富多樣～   另外一款金丼－月見海膽三文魚籽拖羅蓉，絕對係三文魚籽嘅天堂。佢地慷慨地加入咗超多三文魚籽，再配埋蛋汁既醋飯，每一啖都飽滿而鮮美～   之後就係串燒，厚燒牛舌心係又爽口又軟淋。牛舌心燒得恰到好處，口感外脆內軟，又有濃郁嘅牛肉香味，真係想食多一串～   自家製雞皮蝦，脆皮雞皮外脆內嫩，包裹住蝦既肉汁，口感一流～   西班牙豬肋條，精心烤製嘅豬肋條肉質鮮嫩多汁，口感豐富～   最後就係壽喜燒和牛鍋（鹿兒島A4 和牛）。即使已經飽都令人難以抗拒呢道菜，絕對係和牛嘅極致享受～優質嘅鹿兒島A4和牛，肉質細緻，紋理清晰，油脂分佈均勻。每一片肉都有濃濃牛既油香～

今日約好左個同樣鐘意食海鮮既朋友黎試下呢間既磯燒海鮮 有多款海鮮可以選擇，我哋就揀左蟹肉甲羅燒、鮑魚同魷魚。磯燒全程由店員服務，坐喺度等食就得喇 蟹噌甲羅燒 新鮮的蟹肉搭配濃郁的蟹膏醬汁，整體味道鮮美豐富。每一口都能感受到蟹肉的鮮甜和蟹膏的濃郁。 鮑魚殼燒、鳥賊磯燒 新鮮既海鮮配上少許既燒汁，味道鮮美豐富。 麻醬蕃茄豆腐沙律 豆腐的滑嫩口感搭配濃郁的麻醬和新鮮的蕃茄，係一道好開胃既前菜 左口魚刺身 左口魚刺身係不能錯過，鮮甜爽口 海鮮什錦丼 如果你喜歡海鮮丼飯，他們的「海鮮什錦丼」絕對是最佳的選擇。新鮮的海鮮搭配著飯飽滿的口感 炸雞 炸雞外皮酥脆，內裡多汁嫩滑 冰菠蘿梳打 係呢度仲可以點杯冰涼的「菠蘿梳打」，酸甜口感絕對是一個完美的結尾磯燒海產

又去左九龍城揾野食，平時通常都係食泰國菜，今次一於試下打邊爐！ 去左間叫大邊爐火鍋店，係一間九龍城屹立多年既老店！ 今次叫左個鴛鴦湯底沙爹配清湯，沙嗲香味好濃郁，食物方面叫左安格斯肥牛，油花同肉質都好好，唔會太薄！ 另外仲叫左西班牙黑毛豬、三寶丸、鮮蝦水餃等等，分量都算大，水餃又大粒，手打丸有牛肉、豬肉同墨丸，有口感！ 黑毛豬都幾爽口，很不錯！另外仲有叫左蝦滑，口感彈牙，食得出都幾足料！ 總括嚟講，餐廳鄰近宋王臺地鐵站，環境幾乾淨，嘢食性價比都幾高，值得一試！

銅鑼灣咁多好嘢食，今次揀咗間日本人氣燒肉店宮崎肉嘅香港店，餐廳環境非常乾淨，今次可以坐到窗口位，對住維多利亞公園食嘢非常賞心悅目～ 今日我喺中午1:00嚟食飯，都非常多人食，我叫咗個$498 放題套餐，有A5和牛後腿肉任食，真係相當抵！除左和牛，仲有豚肉同雞肉食，豚肉有五花腩，黑豚上肩肉，又有幾種唔同調味揀，可以試完再揀自己鐘意既味度encore ，另外雞肉好好嫩滑！ 叫得放題就點止燒肉，呢度既熟食都好出色，重點推介和牛辛口餃子，辣得好過癮，但小心辣汁爆出黎～ 另外炸蠔、天婦羅都唔錯，仲有白汁芝士焗帆立貝都好好食，如果係唔夠飽，仲有烏冬同埋湯飯可以食，叫咗個海膽蟹肉脆脆米魚湯泡飯，口感好特別，海膽都好有鮮味。 另外，飲品方面有唔同嘅日本茶同埋梳打，叫咗荔枝乳酸梳打同巨峰乳酸梳打，都幾好飲！甜品方面就叫咗雪糕同埋牛乳奶凍，個雲呢拿雪糕係人哋出面買廿幾蚊杯果啲日本直送雪糕，跟住去食多幾個都抵番！

市區樓咁貴，而家好多朋友都搬左去北區住，今日黎到粉嶺探朋友，當然要食餐好啲，我哋就去咗粉嶺中心食米子燒肉家！ 餐廳環境好乾淨，每枱都有獨立抽油煙機，枱櫈都無油漬，值得一讚！ 同朋友叫左A4 和牛放題120分鐘，和牛既質素都幾好，油花唔錯，有唔同部位包括牛肉眼、牛肩胛、牛三角等等，食多幾塊都回本～ 另外都豬同雞都分別叫左啲，豬肉有驚喜，燒到脆口好好食！ 估唔到呢度都有羊架食，質素都幾好！ 另外呢個放題都仲有海鮮叫，三文魚、帆立貝、魷魚都十分推介～ 仲有啲頭盤有豆腐、沙律果啲可以食下開胃，仲有紫菜飯食添！ 飲品方面有啤酒、汽水係基本，仲有自家制冷泡茶，幾好飲，可以解油膩！總括嚟講係性價比好高！

去食泰國野一定係九龍城，喺宋王臺站隔離一間BTS美食站，睇落都幾正宗食泰國菜，同埋都幾多人食！ 泰式蝦餅係自己心目中必食之一，蝦餅炸得外脆內彈牙，另外仲叫咗串燒拼盤，有六款串燒豬、牛、雞都有，加埋沙嗲醬，非常惹味！ 呢間餐廳都有推介啲燒海鮮，咁就叫咗個牛油蒜蓉燒蟶子王，蟶子王好新鮮好大隻，蒜蓉牛油燒得好入味，非常好食！ 另外都叫咗個豬頸肉炒通菜，豬頸肉份量都幾多，通菜用馬拉盞口味炒，少少辣幾好食！ 仲有叫咗個香芒蟹肉炒飯，都有幾多芒果喺入邊炒，連埋肉鬆一齊食都幾好食！

今次帶朋友嚟旺角726食越南菜！6點幾嚟到食個early dinner~~ 睇餐牌好多小食想食，所以今次order一碗粉，另外叫多啲小吃，成枱食物！ 呢個咖啡骨好正，上枱自己倒入咖啡整溶棉花糖，香甜軟綿，咖啡煮到啲豬軟骨好林好入味，有四大嚿，yummy~ “惹火上身咸檸豬頸肉”，店員係面前點火，岩晒打卡，豬頸肉好爽彈，少少香脆～燒菠蘿fresh~辣醬幾惹味～ 金邊粉相當足料，湯底都好好飲～牛腩牛筋都好軟林，吸晒湯底！ 脆米紙薄餅，好特別，脆口米紙加上粒粒臘腸～ 粟米條配上酸酸甜甜嘅醬汁好開胃～ 青蘋果接骨木花茶好香，清甜～ 仲有呢杯打卡飲品，斑蘭奶蓋咖啡啤酒，香濃甜滑奶泡，啤酒有陣陣咖啡味，好易入口～