意式風情•午市套餐🍽️
-
除咗週末 我而家多咗幫襯大館嘅餐廳 環境正氛圍唔錯 今次同閨蜜 揀個閒日食set lunch  -
🐙迷你八爪魚 其他餐廳多數用橄欖油🫒浸八爪魚做前菜 呢度改用辣蕃茄醬🥫再跟多士薄片 香脆開胃 食慾越食越有😜
-
🍝烤豬肉貝殼粉
🍝蛤肉扁意粉 之前食過A.O.P. spaghetti 簡簡單單味道正😍 原來貝殼粉同扁意粉一樣掂‼️ 貝殼粉夾雜juicy嘅pulled pork 口感好夠chewy 大蜆肉潤澤肥美 意粉掛上香茜碎 al dente之餘 口腔有陣陣清幽草香🌿
-
🐔菠菜磨菇醬伴雞胸 雞胸肉質乾 尚好下面嘅broccolini油潤爽脆
-
🐟香煎鱸魚 煎魚扒外皮焦脆 牛油忌廉醬汁creamy 同魚肉幾搭
-
🍰Pistachio tiramisu 開心果碎好crunchy 甜品有咖啡酒味 亦有mascarpone芝士嘅滑溜綿密口感
-
 📍Cantina 中環荷李活道10號大館1座1樓

打邊爐嘅皇者享受
自從冇口罩令 同朋友打邊爐 感覺更free 最近去咗間宮廷風裝修嘅火鍋店 古色古香 感覺典雅 餐具/爐具都係青花瓷器
📣 📣憑下面連結訂位有78折優惠 星期五除外 唔好錯過📣 📣
-
🍲椰子雞湯底
今次嚟一個青鮮啲嘅🥥 湯底清澈亮澤 雞味鮮甜 加埋腐竹杞子 正氣有益
-
🥠黃金雙拼  炸響鈴炸魚皮酥脆可口 勁多鹹蛋黃蓉 鹹香又惹味 食咗第一啖 就停唔到口…😈
-
🥓貴妃出浴手切本地牛肉  聽個菜名再睇埋賣相 令人充滿遐想🫣 本地牛勝在牛味濃郁 肥瘦均勻 有肉味又有油脂甘香 即席倒酒 幫牛肉嚟一個貴妃出浴🛀 浸浴十零秒再烚嚟食 果然係色香味俱全🤣🤣
-
🍡手打丸  🧆豬皮  肉丸/醬爆丸類選擇多 墨魚丸有粒粒墨魚碎 令口感更好
-
🥗五色蔬菜拼盤  一般蔬菜組合 以葉綠色為主 呢度比較特別 蕃茄🍅薯仔🥔蓮藕冬瓜紫淮山之類 更有口感
-
🎋竹蔗茅根水  自家製下火涼茶 清清哋涼涼哋
-
📍滾得囍宮廷火鍋小炒 @bigboilsclub
 北角馬寶道33號寶馬花園1樓116-125號舖

🦪極上生蠔Omakase享受🦪 - 上次食過佢嘅dinner set比我得知到原來佢有omakase😏 所以就預早幾日book好咗呢個生蠔盛宴😍 因為餐廳為咗保持供應最新鮮嘅生蠔 所以只會每日少量入貨 而今次廚師發辦就用咗堪稱生蠔界嘅Rolls Royce法國Gillardeau生蠔整🤩 養殖期較長 同埋需要比較多嘅人手工序照顧 所以蠔肉比起其他品種更加飽滿細膩 口感更加有層次得嚟仲肥美香甜😋 - 🦪Full Omakase $1088pp 🦪Petite Omakase $888pp Full比起Petite會多咗2款生蠔同1款大炸蠔 仲會多一杯酒for pairing 既然話都係要食生蠔盛宴 當然要揀Full 食盡佢啦😚 - 🦪Round I - Paired w/ Rivaluce Prosecco 1️⃣ 原味生蠔 2️⃣ 配檸檬皮 青瓜及檸檬汁 3️⃣ 配飛魚子 青瓜 檸檬汁 及黑椒 4️⃣ 配三文魚子 青瓜及蒽花 - 🦪Round II - Paired w/ Black Cottage Sauvignon Blanc 5️⃣ 配魚子醬 加金箔 6️⃣ 配吞拿魚腩 青瓜 蒽花 及黑椒 7️⃣ 配海膽 三文魚子 魚子醬 青瓜及蒽花 8️⃣ 原味生蠔 配 Talisker 10威士忌 - 🦪Round III 🥣 南瓜湯 🦪三款焗蠔 (蒜蓉牛油 忌廉芝士 忌廉煙肉) 🦪新鮮炸蠔 - 🦪Last Round - Paired w/ Funasaka Yuzu Sake 🍰自製士多啤梨忌廉芝士蛋糕 - 📝後記 今餐真係盡在不言中 因為食omakase嘅體驗並非一筆一墨去形容 真係需要自己去體驗 師傅同staff都好熱情 喺佢哋介紹生蠔嘅產地 特性 開蠔嘅方法 每一種配料對於食物嘅變化等 都體現出佢地對食物嘅熱誠 每開一次蠔都睇佢哋嘅滿足感❤️ - 📍八蠔吧 (上環) 上環文咸西街52號地舖

晚黎到上環呢家西餐廳蠔吧 生蠔質素幾新鮮 另外有牛扒 意粉等等 環境舒服 好啱同幾位朋友食飯傾計
-
🥘Lobster Risotto $ 338其中一款招牌主菜 Risotto 軟硬程度適中 龍蝦醬汁好creamy 入咗仲有香菇 洋蔥 龍蝦肉質新鮮味 好爽口 而且味道啱啱好
-
🥗季節沙津 $68
我哋揀左季節沙律 生菜清新 入面有生果同秘製醬汁 幾開胃-
🦪焗蠔拼盤 $158焗蠔焗左都覺得好新鮮 佢嘅焗蠔有三款唔同嘅做法 包括忌廉煙肉汁 芝士同牛油香草 我哋最鍾意忌廉煙肉汁 好creamy
-
🥘法式蒜蓉牛油焗田螺 $98
田螺味道調得啱啱好 加上薯蓉質感軟綿綿 有淡淡牛油香  -
🧀酥炸忌廉芝士 $98
芝士炸得好香口 外面好香脆 入邊嘅忌廉芝士唔會膩 好快就食晒

⭐️米芝連必食褔建菜⭐️ 最近做開research想尋找米芝連美食 就比我揾到呢間由新加坡起家而出名食褔建菜嘅餐廳 除咗有地道小食同經典菜式 環境好闊落 服務都好細心會主動問有冇食物敏感 同屋企人或者朋友聚餐都好啱👨‍👩‍👧‍👦 - 🐟跳跳魚撞豆腐 $138 呢款期間限定湯品好鮮甜 用咗好跳跳魚煮到奶白色配上硬豆腐作為秋冬湯品 好暖胃☺️ - 🐖椒鹽豬手 $84/2 豬手估唔到咁咁有驚喜 佢係首先蒸煮到得番膠原蛋白 再輕輕咁炸至脆口 配上少少椒鹽 做到皮薄肉嫩嘅效果😋 - 👯‍♀️二人套餐 $418 唔想諗嘅話 揀套餐都好抵食 會包咗以下五款菜式 - 🍽️精美四小拼 四款褔建在地小食前菜 包括小腸 紫菜 筍乾同土荀凍😏 好少有地方食到 好值得一試😜 - 🐷莆田荔枝肉 有啲似咕嚕肉 不過多咗處理得冇咁油膩 仲有荔枝配搭 酸酸甜甜 送飯一流😎 - 🪸家燒海帶苗 用咗高湯做嘅海帶苖 滑捋捋又有啲咬口 仲有少少肉碎 幾有心思😚 - 🍜福建紅菇海鮮滷麵 好大一碗 而且仲落足料 蝦同蜆同埋其他海鮮嘅鮮甜味都好突出 呢個份量其實應該夠三個人分😙 - 🥣建蓮雪耳湯 呢個糖水充滿膠質 但唔會好啜口同黐喉 甜度應該都有就番現代人嘅口味 係少甜 作為滋補糖水作總結 真係好滿足🤰🏻 - 📍莆田 銅鑼灣波斯富街99號利舞臺廣場7樓A舖

去到茶聊，其實餐廳好好坐，只係個friend太懶話唔想出街，所以我先買埋外賣上屋企🤣
-
金蒜牛油煎海蝦配鹹蛋黃忌廉手工意大利粉 $88 有四大隻蝦🦐🍤🦐🍤，爽口新鮮，意粉好creamy，唔錯唔錯 -
🍔勁爆芝士牛肉漢堡 $148 個burger超juicy，生菜蕃茄加埋塊🧀車打芝士，好正勁推介！
-
髒髒黑糖🧋珍珠鮮奶 $44 鮮奶配上厚厚一層🍫朱古力粉，有黑糖香但唔會好糖👌🏻👌🏻
-
大吉嶺芝士奶蓋 $39
🍵好濃郁嘅奶味加清清地嘅大吉嶺，會再嗌

小店推介 比起食連鎖快餐店或者大集團嘅餐廳 我更加鍾意周圍發掘香港嘅小店 好多時都會有驚喜！ 好似今日咁比較得閒 所以中午個時特登去左北角搵朋友食飯 朋友推介話依間啲牛肉麵真係好好食 試完之後發現佢冇介紹錯！ 個湯底真係好好味 湯底係牛骨湯黎 味道好惹味好濃 但又唔會見到有一層油係面😌 我覺得以一碗牛肉麵來黎講湯底係精粹 所以通常個湯底好味 成碗面都唔會差得去邊 除非啲面林晒或者牛肉勁難食嘅啫 不過都好少會發生 但啲牛肉我就覺得乾左少少 如果佢轉左做肥牛就perfect了 比起台灣牛肉麵 我更加鍾意呢種清淡啲嘅牛肉麵 感覺冇咁肥膩

🏝將軍澳海旁台式料理🏝 - 今日去左將軍澳海濱一間好多選擇既台式餐廳🍴唔止有台灣滷肉飯同唔同小食🍚仲有燒肉可以選擇🥩環境舒適👍🏼戶外可以吹住海風chill住食嘢😍 - 台式紅燒牛肉麵 古早味湯底非常甘醇🤤牛肉大大件份量多😍而且肉質軟腍有膠質👍🏼刀削麵彈牙有口感🍜 - 海戀蒜蝦籠仔飯 籠仔飯好香荷葉味😋飯粒分明仲有陣陣蛋香👍🏼上面海蝦新鮮爽口🦐 - 松茸燉雞 唔止足料😋仲夠曬火候👍🏼雞湯同松茸味香濃🤤 - 黑松露黃金花枝丸 一份有四粒🤤每一粒上面都有黑松露😍陣陣既松露香加埋口感彈牙既花枝丸👍🏼味道好夾 - 蒜泥白肉 一份有好多片腩肉片🐷好抵食👍🏼而且肥瘦適中又均勻😋醬汁酸酸辣辣好開胃 - 📍戀上台式料理 將軍澳唐俊街21號翩匯坊地下G26號舖

🍴升級版茶餐廳🍴 - 之前喺旺角食過小草十八怪嘅石鍋米線 印象唔錯 今次特登去油麻地分店 嗰度嘅餐牌成日更新 - 🍜石鍋米線 我嘅必吃單品😉 追加水果茶飲亦只係半價 米線湯底選擇多 連刁鑽特色肉骨茶湯🍖蟹黃湯🦀都有 自選餸由三款起跳 雲南米線大箸易夾唔會碎濕濕而且煙靭有彈性 用石鍋上 食到尾都咁熱辣辣㗎😀 - 🧆九製陳皮炸雞 除咗珍寶裝水果茶 一定要追加埋呢個創意炸雞小食 chicken nuggets外皮嘅味道好複雜 甘、甜、鹹、酸 四重奏🎼 - 🍢甜粟米粒 🍢魷魚鬚 🍢羊肉 🍢豆腐皮 串燒價錢相宜 魷魚鬚🐙切粒嚼勁甚佳 粟米🌽小辣小麻勁惹味 每粒用竹籤拮住 少啲心機都唔得 燒豆腐🫔皮好似食薄脆咁 純粹過口癮😬 - 🥣韓式石鍋牛肉飯 牛肉片唔肥 燒汁味道還可以 飯粒飽滿 可惜底下冇飯焦😔 - 📍小草十八怪 油麻地彌敦道525-543A號寧大廈地舖

🇯🇵秘隱高質日式料理店🇯🇵 - 閨蜜係哈日族 捐窿捐罅發掘優質小店 我哋最近去一間開咗超過20年嘅料理店 刺身/天婦羅/串燒/熱葷 樣樣食勻 果然高質👍 - 🍣時令刺身 由廚師發辦 池魚清爽 三件吞拿魚刺身嘅味道由淡至濃 件件入口即溶😚 - 🥠宮崎䐁肝拼䐁肉腸 平時少食內臟 豚肝質感都ok嘅 - 🍢串燒盛合 荔枝豚肉卷very good🤩 燒白鱔灑上柚子鹽之後 冇魚腥 嚼勁依然 - 🌽粟米天婦羅 🐟沙追魚天婦羅 咖喱鹽 炸麵衣酥脆唔油膩 沙追魚配咖喱鹽後味道更鮮 推薦‼️ - 🥒苦瓜炒䐁肉 薄切苦瓜半肥瘦豚肉加蛋炒成半熟蛋片狀 將佢地層層疊疊 食嘅時候一片一片咁 入口清爽 味道微甘 - 🦪清酒煮蜆 酒精全部揮發晒 湯頭味道清甜 花甲肥嘟嘟 最啱一邊吹水💦一邊食 - 🥘海膽濃湯松葉蟹稻庭烏冬 海膽濃湯直頭係流質狀態嘅膏 濃郁爆炸💣 加埋松葉蟹 勁邪惡😈😈 如果有痛風 食佢之前要三思😱 - 📍沃川自家料理 尖沙咀麼地道75號南洋中心UG層5至8號舖