平時行過見到好多人等位的 今次見到等位嘅人不多 一於試一試 呢個小籠包要趁熱食 正! 你鐘意食邊隻口味呢？ 番茄雞絲拉麵 湯底清淡 麵條好有口感 唔會太淋 就喺食緊呢碗麵時 聽到啲砰砰聲 順勢望過去見到 廚房內的師父正在整緊麵 噢 怪不得咁口感 至於茶呢 唔似茶樓沖一大壺畀你 佢有幾種茶包我揀 今次試咗呢包 小小的一個茶壺 飲幾多就浸幾多 不怕浸太耐而影響味道 我已經睇埋下次去食乜嘢啦 埋單時發現要滿400元先可以比信用卡 呢點我的確有點意外 食完差唔多2點 門口巳有好多人等咁下午茶時段 再看看下午茶的優惠好吸引哦

一入店內便聞到好香的燒烤味 所以點了半隻烤雞來試試果然不負所望，一上桌便香氣撲鼻，熱熱的，燒的時間剛好，雞肉不老，色香味俱全 蝦醬雞柳炒河粉 味道比較重，鍾意食濃味朋友會好鍾意。 炸蝦餅和泰國食的有點不同， 但係我佃人比較鍾意呢個， 大大件炸蝦餅又有口感 店舖沒有豪華的裝修， 舒適簡約風 而食物出色，泰國人主理，沒有加一服務費 太肚餓，一上枱便馬上食，食左一陣才記先冇拍照 朋友公司在附近，平時中午都會黎買外賣，次次黎都好多人

平時都會嚟東涌行下，順便飲下茶， 今次疫情下飲茶，有感而發，在這裏寫個(攻略) 攻略一 位置 早上9點多， 人太多需要搭枱，被分配在房前一排卡位， 疫情下四個互不相識的人坐在一張四人枱， 隔離枱都坐滿人， 重點係， 沒有冷氣!!! 隔離枱的食客叫店員把冷氣開大一點，因為很熱。 店員回覆已經開到最大，呢個係中央冷氣， 受到商場冷氣管制。 或許係其中一個原因吧， 但我在想，會唔會係冇洗冷氣呢!? 唔考究，但係下次一定唔會坐嗰啲位， 個個一邊食一邊抹汗 攻略二 優惠時段 喺上面價目表 可以知道早茶某時段前結帳有半價， 下午茶有優惠，呢點好重要， 除咗慳錢， 仲有以下原因。 攻略三 美食 幫襯呢間咁多年，發現食物質素慢慢向下調整，而點心更是大幅度調整。。。 鍾意食雞扎的我次次飲茶都會點。 呢個雞扎一放上枱巳聞到一陣味， 只有腐皮和芋頭是正常， 雞肉樣子和味道奇怪， 魚皮有堆黑色的東西， 見到都唔開胃sorry 冇影 排骨鳳爪還算正常 食得出排骨唔係咁新鮮 但至少冇奇怪的味道 呢個蠔豉生菜肉碎粥唔錯， 雖然有點水汪汪，但至少味道是正常 攻略四 唔介意自己動手 全場坐滿食客，店員佢哋都好忙， 人手有點緊張。同枱食客自己去攞一壺熱開水返嚟，我就冇所謂，反正外國都係咁，自己攞水， 香港亦都多咗自助水吧，只係有啲食客唔係咁鍾意，呢點見仁見智啦 好彩係半價， 如果係全價真係有點嬲。 這個食物質素和環境，個人認為不如喺咩記買外賣點心食仲好 我猜粥粉麵飯是廚房即叫即整，所以還可以。 有趣的是，4個不認識的人在談論自己點的"美食"，每人點心都有食剩，唔係唔鍾意食，而係味道奇怪，點心負評， 粥和飯都可以呀 唔知道係唔係因為疫情，所以食物的送遞有影響，而影響質素，定我咁岩唔好彩呢。。。。 希望大家鍾意這個少少少攻略

2020年新一年的第一天 食我最鍾意的點心 東涌多一間中式餐廳了 今天一試🤗 等位的人比較多 去到才知道 可以下載手機app等位  建議大家可以下載手機app排隊  等了半小時便有位置了 比原址前身的餐廳 要贊大玻璃窗上 有遮光窗簾 不會像之前一樣 一邊食一邊焗桑拿 大大的陽光 從大玻璃哂進餐廳內 太溫暖了🌞🌞🌞 豆苗幾好食又大碟  燒味雙拼湯粉麵的燒味不錯 下次去會再點 酥脆鮮蝦腸粉 好脆有口感 鮑汁炆鳳爪有點欠奉唔夠入味 椰皇蒸棉花雞 有點油 棉花雞有椰皇味 一個新嘗試 鵪鶉蛋燒賣唔係間間茶樓都有 唔錯 環境都幽雅 下次會試别的點心

行山前 去飲個茶先🤗 六小館座落在新開的東薈城6樓 就去試試 唔係好多人排隊 安排坐在窗邊 天氣好好☀️🌞 望出窗外見到昂坪360 風景怡人 如天氣許可 坐在外面一邊飲茶一邊看風景 更好 最like係 紅米蝦腸粉幾好食 皮好滑 不會太鹹
蘿蔔千絲酥好香 好有口感 棉花雞的棉花都算大舊 雞也好滑 灌湯餃有蠟燭一直燒住來保溫 鮮蝦燒賣大大粒  午市每人茶位$15 最喜歡的是 用膳後 服務員不會提供牙籤 但有獨立包裝的牙線棒提供 會再回來再試試别的菜式

行完山 去東薈城行一行 順便搵嘢食醫肚 行到7樓見到Goobne 好耐冇食過韓式烤雞 攞張飛等位試試先 結果一等等了一個鐘有多 曾經發生心理戰 想去另一間食 你會見到有吉枱 但又唔畀客人入去。。。 可能係策略吧 😅 終於有位 勁肚餓 點咗2份烤雞和蛋捲 醬汁味道還可以 雞肉唔係算好滑 。。。。 有點跌眼鏡 講真 蛋捲都可以 但在這晚餐中 寒風事件扣了不少分 坐下不久 發現冷氣好大，冷風好強， 鋪在枱上的紙動向可告訴你風速和風向直接吹後枕和面 凍凍凍 端上來的熱騰騰烤雞好快被吹凍❄❄❄ 向男職員反映，因為人太多不能換枱(明白的)， 叫佢把冷氣調低啲，佢答你等等。。。。。。。 食完2件雞，張紙告訴你風向和風速沒有減❄❄❄ 幸好沒有再增加😅🤣 而這時烤雞已經不再是熱的 有點硬硬。。。 隔離枱的男食客一坐下跟同行者講好凍，馬上著褸。 而我著咗褸還是好凍，再次叫服務員把冷氣調整一下， 今次仲指一指吹起的紙， 另一個女服務員答我ok。。。 整個人已經冰凍， 半件雞和幾個蛋捲後，張紙繼續話畀你聽，風向和風速不變還是在寒風中進食冰烤雞❄❄❄ 最後跟一個韓國籍女經理反映，天呀，紙終於靜下來了，烤雞也冷了，冷盤蛋捲別有一番風味😅😅😅 加水也是叫幾次才加的， 可能當時還是新店 人手不夠 maybe 食完上黎開飯啦 發現好多食客都推介蜜糖香滑烤雞 下次或者 有機會 可能如果唔使等位 寒風(不是韓風)不再肆虐 還可以諗諗的

大渣哥就係公司附近 睇住佢哋裝修 至開業 裝修期間 圍板貼上不反為通知書 哈哈 好有創意 平時放工經過一定有條隊 今日放工見到條隊唔係好長 星期天下午茶時間 一於試試 係唔係不反胃先 量完體溫 睇完身份證 等咗一分鐘就有位 菜式的名字好有創意 好棧鬼 叫咗個出名嘅全日套餐 黑牛黑面試試 即沙爹牛肉米粉 都ok呀 丹麥多士幾好食 香港味的裝修 也算是寬敞 也光猛和開揚 坐得都舒服 服務質素也很好 隔離枱點咗杯青檸檸檬可樂 睇落去唔錯喎 呢餐的確不反胃 下次去會試下個小炒

喺旺角食完飯 周圍行下睇下有冇甜品店 就這樣遇見海記 兩間海記不是相隔太遠 門口貼著的甜品海報 吸引了我和朋友的注意 再看看坐喺入面的食客 從表情和氣氛來評估 應該係值得一試 叫咗兩碗海記的招牌沙沙合桃糊 合桃碎鋪滿面 好有口感 甜度適宜 香濃又幼滑 真材實料 上枱時溫度適中 唔會太熱 又唔係凍冰冰 芒果腸粉我俾滿分， 這碟甜品芒果就是主角， 芒果新鮮又甜，而腸粉不過不失，這道甜品已經好高分了 幸好，送上怡的芒果好甜 點知個腸粉好滑，再看多次餐牌 ，原來係椰汁皮有驚喜 甜甜芒果再加上細滑腸粉 雙劍合璧 滿分唔出奇。 首要條件係芒果好食!!!

係灣仔開完會 搵好野食獎勵下自己先 打開開飯見到呢間餐廳評分幾高 又多笑面 一於試下 點知............ 環境：裝飾有格調 掛畫配合店內風格 對門都好特別 服務：還可以，當時客量約1/3左右，會自動為你加水，落單時要快，佢地趕住幫你送單入廚房🤣 這個意粉太多蒜片了 共2x多片 沒有白酒味 蜆有點不新鮮 意粉普通 端上桌時熱騰騰的 那些豆苗非常好 為這碟碟意粉加了分 基於我dairy-free 經理建議我這個 原本這碟菜係有忌廉的。 菜係新鮮嘅 但係啲鹽撈唔勻 仲好油 一口好咸 下一口好油😅 呢個意粉嘅質素 比另一間連鎖西餐廳的更好食 重點價錢比這間低好多 咖啡我冇試 感覺應該不錯

行街時用yoho mall app 攞位 差唔多到便行去店外等一陣 店內環境舒服乾淨 裝修格調優雅 服務員態度很好 男服務員加了水後,提醒我和朋友小心不要碰到茶壺｡ 其他服務員都好好 讚 小籠包皮薄 肉鮮甜 多湯汁 哈哈要小心啲夾 蒜泥白肉 一片片均薄的五花腩放在粉皮上 粉皮是半透明有口感的 唔係腸粉的朋友 個醬汁亦都好出色 魚柳不會太細 熱騰騰端上枱 味道不會太濃 上海粗炒用上海麵 不會太油 面的口感不錯 加埋豆瓣醬一齊食更好 茗茶的茶葉質素好過一般茶樓的 每人$11 坐得多舒服唔會太過迫夾 可惜我想食的燻魚和丁香雞賣曬 下次會再試