自從呢間野開左之後 陸陸續續都係ig/fb 見到朋友來買 打卡 今日終於來到朝聖 呢條街有起碼5間台式飲品店 不過都算幾多人來ChaTraMue，落左order之後先見到 其他人話好多冰 好後悔冇叫到少冰 佢有擺張notice係台面解釋點解飲品咁多冰 我order既係泰國奶茶$29 加班蘭珍珠$5 盛惠總數$34 一拿到手的確好多冰，入口好甜 甜度比泰國餐廳飲到的泰式奶茶高 應該等一陣冰溶左d會更易入口 班蘭珍珠食落煙un，咬既時候有陣陣班蘭清香 不過就唔甜的 比大家睇下 其他人都係order招牌泰國奶茶多 整體而言都幾好飲 但飲品偏貴，下次來會想試下泰國綠奶茶

今日天氣十分熱 買完外賣順便到b仔附近轉角的小確茶 見佢舖面裝修都幾靚 間唔中都見到有人來買 抱住一試既心態之下 點知中左個大伏 我係珍珠奶茶既愛好者 心知道呢d都係化學水 加d奶精溝出來 尤其係街邊呢d細舖 我都唔會抱有好大的期望 像是其他連鎖既茶飲店 飲得落肚就ok 我都唔會期望話咩茶香四溢咁 但係今日呢杯真係伏到 杯珍珠奶茶係我手上唔超過5分鐘 我就掉左落垃圾桶 佢地店既杯的做得幾靚 可惜並無內餡可言 Order了大杯的珍珠奶茶 一入口我成個人都醒神哂 因為出乎意料地難飲 大家都知道珍珠奶茶成本極低 都係用奶精 其他野加水溝出來 我拿到手後飲第一啖都只不過係30秒內既事 但係入口極之淡 冰塊都未溶的 奶茶被水溝到冇味 更唔好講會飲到咩咩茶香此的荒謬絕倫之事 而且奶茶有少少酸味 好似變壞左的 整體感覺 就好似杯野擺左幾個鐘 等到冰都溶哂 仲要熱到變壞埋 再加番d冰比我咁 咁低成本既一杯飲品 你仲要落唔夠粉將佢沖到淡茂茂 如此慳皮之事 我實在冇辦法接受 話佢係餿水亦不為過。。 至於珍珠很普通 都有咬口 不算好吃 因為完全沒有任何味道 好似咬緊膠粒咁 出面其他茶飲店會先用黑糖熬煮 好明顯呢度係冇呢個步驟 在等待既過程 我冇留意店員係點樣沖泡呢杯珍珠奶茶 真係好想知道佢點樣整可以將一杯化學水整到咁難飲 作為一個喜歡食野既人 我好少會浪費食物 因為我覺得將食物全部食哂 係對食物既一份基本尊重 所以我極少會食剩野 但係小確茶既呢杯珍珠奶茶，恕我無法遵守呢個原則 一杯溶哂而且變酸既珍珠奶茶 我將佢飲哂就真係同自己既身體過唔去了 於是拿到手 飲唔超過5啖 我就將佢送左去屬於佢既地方 - 垃圾桶

工作關係來到了西環 西環街市旁既呢間關興記 係屹立左幾十年既傳統老店 主要售賣各式荳品同各式糧油雜貨 一場來到 當然唔好放過機會，試試呢度既豆腐花！ 豆腐花大的賣$15，細的賣$10 我同同事都試了細的 星期六既早上 街上面既人唔係太多 所以我地拎左之後就企係舖頭附近食埋先繼續行 附近環境十分恬靜 企係度食另有一番風味 唔會果種係市區掃街逼住逼住咁辛苦既感覺 十分舒服 呢度既豆腐花價格比出面貴少少 入口好幼滑清新 而且食到好香豆味 一入口就好自然滑入喉嚨中 食食下發現唔係好夠糖 走番去舖頭再加 好彩老板娘都冇嫌我地煩 關興記既豆腐花的確唔差 不過對我而言 我比較喜歡其他荳品店 比較濃郁同有口感的豆腐花多d 順帶一提，關興記落閘後 作既街閘有一幅好靚既壁畫 畫中人係老板娘來的

晚飯時間係郎豪坊行到好攰 見到呢間餐廳唔太多人 剛好二人座有位 就入去食野了 好多次搭電梯經過佢既門面 見到display櫃既野食賣相好靚 好吸引 今次終於來到試下 不過真的令我幾失望 我地二人叫左一個晚餐set加一個pasta share 晚餐set價錢$132包任何一款飯/意粉配餐湯加飲品 呢個檸茶大大支 但飲落冇乜特別 似雀檸 紙杯上的呢個餐湯係蕃茄湯 裡面有好多茄茸 香草 同少少黑椒少少蒜 聞落幾香 而且大大杯 可惜太酸了 煙三文魚配40隻蛋黃意大利幼麵 面頭的煙三文魚份量不算少 可惜下面的麵極少汁 可能佢地想突出麵的味道？極淡口 最後我要去櫃臺拎鹽 而且成個麵的份量好少飲埋湯先岩岩夠飽 羅勒香草醬配40隻蛋黃意大利幼麵 呢個麵一上到枱已經聞到好香 不過除左面頭的蒜蓉外 沒有任何的配菜 咁都要$77 太貴了 同頭先的一樣 除了麵的蛋香同少少醬汁的香味 整個麵都係好少汁好細份同好淡口 真係極力唔鼓勵大家試40個蛋黃意大利幼麵 今晚的晚餐未至於好難食 但確實談不上叫好 以呢個價錢我認真有其他更好的選擇

朋友住港島 話呢間車仔麵既豬紅好好食 於是我地既晚餐就決定係度食喇 原來要排隊 不過都唔係等左好耐，大約15-20分鐘我地就入座了 就到我地果陣 有staff問我地食咩 係門口幫我地落左先 所以坐低好快就有得食 舖頭內座位比較逼 同埋都見到幾多大陸遊客來呢度食 我叫了3餸米，分別係美味齌、豬紅同牛肚 碗內附有少少菜同埋本身已加了腩汁 湯底比較濃味 正好岩我 豬紅果然好食 好嫩滑入味出面未試過食到呢個口感 美味齌都係出面齌舖食到的 類似豆卜的東西 煙煙unun 不太特別 不過都好味 牛肚都係令我意想不到的好食 好腍好入味 得幾舊實在太少了嗚嗚 至於米粉冇乜特別～ 今餐盛惠$41 可惜比較細碗 出門口都仲未係好飽

白色情人節同男朋友黎銅鑼灣食周月 出乎意料地唔洗排隊 好貼心 有圍裙同橡筋提供 我地兩個都order左周月沾麵 盛惠$91 不過食完覺得呢個價錢係值既 大約等左十分鐘就黎到喇 呢個係周月沾麵 大盛300g 冷麵 濃汁 一上枱就聞到好香醬油同蔥味 呢度既豬肉好多肥膏 肉好入味 彈牙 湯底係鮮醬油 帶有少少酸味 第一啖入口覺得有少少咸 不過食食下又覺得幾好咪 湯底好濃 輕輕一沾就掛上麵條 另外麵條較粗口 彈牙 推薦大家食冷麵 食完麵之後 店主好主動走上前問我地要唔要加雞湯 呢個就係香濃雞湯喇 幾好飲 不過好大碗 所以我飲唔哂 連埋加一 剛剛好$100蚊一碗 食完之後先知原來周月係連續幾年都拎左米芝蓮星星 鐘意食沾麵既不仿一試呢度既醬油湯底 因為出面食既都係比較常見魚介豚骨湯底

今日黎到太子既大記攦粉糕品 呢間野係同事推介 之前食過一次 覺得幾好味 價錢又唔貴 間唔中就會來呢度食lunch 買左外賣番公司食 order了醬爆丸攦粉 麻辣小辣 盛惠$33蚊 外賣需另加$1蚊 等左幾分鐘就有得拎 經過十分鐘既路程番到公司終於有得食 味道同堂食冇乜差別 可能因為攦粉冇咁易變林？ 醬爆丸外皮係墨魚丸 內裡包住肉醬 肉汁豐富 正 碗麵本身會包含少少配菜同肉碎 粉條滑溜 彈牙 至於麻辣湯就不過不失 純粹加左少少香油 Btw 如果第一次去食的人 建議唔好叫咁辣 因為佢地店既辣度係比出面稍為高

同事帶我來到始創地庫既台灣麵 地面唔多覺眼有招牌/廣告 唔係佢地提起我都唔知呢度開左間新野 一入到去見到舖面好大 在場都有唔少人黎食lunch 我地全部人都係叫左紅燒牛肉燒 我加錢轉左關廟麵 湯底幾清 唔會好咸 紅肉都煮得幾林身 輕力一咬就可以撕開 筋位幾好食 不過開廟麵可能因為幼身少少 有少少林左 下次再來食會試正常既麵底 另外仲叫左杯珍珠奶茶 正常 冇咩特別 不過有少少遲來 差唔多食完再催左兩次先到 總括而言 呢度既紅燒牛肉麵唔差 價錢中等不太貴 可以一試

晚餐唔知食咩好 Yoho既餐廳又偏貴 輾轉來到位於yoho mall一田裡面既九湯屋 男友好喜歡食拉麵 就順應佢要求坐低左食 店舖前坐位有點少 好彩剛剛好有位 叫左東京醬油拉麵 盛惠49蚊 湯底清澈 而且唔會太咸 不過食食下有少少口渴 應該係有味精的？ 蔥的份量有點少 叉燒有3塊 腍身 未至於好滑嫩 不過麵唔鞋口 ok的 麵質偏硬 彈牙 可惜有「揀」水味 破壞了口感 另外order左可樂 盛惠7蚊 整體不過不失 未至於難食 經過一田 買完野的不仿考慮來試試

同同事咁岩發現左呢間餐廳 於是午市就來到試下 內在環境燈光麵好昏暗 似西餐餐廳多d 由於實在太肚餓既關係 我地兩個人叫左3個餐 呢度午餐價錢偏貴 約50-65蚊一個餐 不過食物質素比我想像中出奇地好 餐包同餐湯冇特別 我就唔提了 西冷夠腍同滑身 食落完全唔鞋口 我平時麻麻薯仔 不過呢個薯仔炸過 脆卜卜 配菜既青瓜賣相唔差 不過係冇味既 $62個餐黎講 呢個扒係物有所值既 好食 沙律醬夠多 酸甜開胃 而且都幾多煙三文魚 不過同事話好多醬 最後我一個人食哂 呢個麵份量有點少 不過味道唔錯 忌廉汁夠多 而且好香滑 如果配料再多d會更好 因為唔係好食到蜆肉 我加左$12要雪糕紅豆冰 不過冇乜特別 而且紅豆唔夠爛 總括而且 雖然價錢偏貴 不過主菜味道出奇地好 店員都好主動幫手收走食完既碟 又主動遞紙巾比我地 值得一讚