本來諗住經open rice book枱，但係佢淨係可以book4個，無得book兩個 ，咁唯有打電話 。因為聽日假期，所以特登早幾日book，點知我地去到竟然話無我個名，有位金髮員工仲要態度好差咁叫我坐埋一邊。雖然最後都有安排番張枱，但係無論係老細定員工一句道歉都無。最後，仲要趕客咁係咁執我地張枱。其實真心唔係黃店就大曬，做錯事就要道歉，三歲小朋友都識。D牛肉同豬肉質素都好差，一d肉味都無，仲有嚴重嘅漏單情況，第一轉落單已經漏左d紫薯同粟米無黎，好失望。

先講等位，我個籌係41號，30秒前部機顯示緊紅色28，咁我就去睇下menu先，點知轉過頭個黑衫男店長就叫號叫到紅色42.... 大佬你叫號叫到禁細聲，你當你去左圖書館? 咁我聽到42到拿拿林沖過去，個店長用不屑嘅眼神睥住我仲要勁無禮貌咁拍部探熱機。 之後入到去點餐仲離譜，我第一次食依間其實真係唔係好知D野食咩樣，正常野食到左又似嘅咁梗係照食。我叫左2個$88餐，一個牛肉配烏冬，一個黑椒牛配芝士蝦飯。一開始黎左一個牛肉烏冬，跟住一個芝士蝦飯，咁我就奇怪唔係應該仲有個黑椒牛未黎咩? 咁我梗係唔食住問番個店員先，女店員A黎到就話:[無架啦你個餐係得禁多，你自己睇番張單啦]佢講完就走左。我R曬頭，你依加係少左個餸喎。跟住，另一位女店員B就走過黎又西面又悔氣咁話:[我地送錯左餐，你依兩樣係211果個套餐黎，你要唔要加錢食果個餐定我地整過比你?] 佢係一D歉意都無去同我地講幫我地換餐。阿大佬，你地公司有train過你地點樣去serve客人? 定係佢教你地做錯野嘅時要將個責任推落個客到之餘仲要西佢面兇9佢? 完全唔明，你地好自為之啦。