今日黎咗朋友推介位於西營盤第一街既抵食扒房 [The Bottle & Steak] 食晚餐 工業風裝修加上餐廳有非常多款手工啤同非酒精飲品, 難怪朋友話有時會同啲同事收工黎飲杯野chill下😂 平均一個小食都係$50左右, 下次真係可以約埋三五知己黎飲野🤭 芝士爆谷雞球 - 6件 ($58) 本身以為$58有6件雞最多都係雞中間釀啲芝士, 一上菜見到滿滿芝士, 已經流哂口水🤤 雞件包滿香草芝士真係無得輸, 芝士控必點 澳洲豬鞍架 ($168) 美國安格斯牛板腱扒 ($138) CP值好就高, 配菜有沙律同薯條一大份, 扒都好大件好厚身, 兩個主食都煎得岩岩好唔會過熟, 亦都好香, 相比下, 比較推薦豬鞍架, 咁厚身都好淋同充滿肉汁👍🏼

今日同朋友黎咗屯門紅橋個頭覓食, 我地兩個都比 [留白居酒屋] 既門面吸引咗一齊望過去, 我地仲話係咪去咗日本😂 店內有一排吧枱座位同一張二人枱, 而店外有一張四人枱同兩張二人枱, 我地八點去到得返店外張二人枱, 雖然唔洗等位, 但上菜就等左好耐 🍢串燒 台灣腸 ($24) 火雞腎 ($24) 牛肋條串 ($38) 雞皮 ($14) 串燒價錢唔算貴, 上碟擺盆加哂分, 即點即燒加埋佢既味粉, 正👍🏼, 不過其中牛肋條比較失色, 有啲韌 🥤可樂 ($18) 🍺 ($58) 食串燒點可以唔啤啤佢, 可惜朋友要揸車所以揀咗可樂 🐟🐙🐔三色炸物拼盤 ($98) 份量比較大, 如果多啲人share好啲😂 炸魚手指最驚喜, 外脆內軟, 墨魚咀都好好食, 炸雞就一般無乜特別 蒜蓉牛油燒元貝x2隻 ($116) 元貝唔算好新鮮, 但佢個蒜蓉牛油醬好香好好味, 如果撈白飯應該會好滿足🫣🤭 清酒煮蜆 ($唔記得🫣) 啲蜆好大隻 超鮮甜 一粒沙都無！真係好推介大家一定要點！ 留白海鮮炒飯 ($98) 有鑊氣, 飯炒得粒粒分明, 味道不過不失, $98黎講有啲略貴

身為荃灣居民成日都經過呢間 但好多時佢都好多人 所以一路未試 今次終於的起心肝book位試吓😍 見到佢個Dinner set都已經有前菜湯、主菜同飲品 費事食唔晒 所以我哋兩個人叫一個set另外再嗌多個Pasta 前菜揀左Truffle Ravioli 有兩大隻 非常掛汁 亦好重Truffle味 配埋上面嘅脆脆 口感好好 前菜來講份量啱啱好 餐湯係一個口感好厚好足料嘅菜湯 味道唔太濃 幾清新嘅感覺👍🏻 食完呢兩樣都飽咗一半🤣 主菜揀咗慢煮紐西蘭牛柳伴香煎鵝肝 個set幾多錢depends揀邊個主菜 所以我地呢個就$328 嚟到賣相已經好吸引 plating好靚 慢煮牛柳都幾大塊亦都非常好味👍🏻 熟嘅程度啱啱好 口感100分 鵝肝亦都煎得非常香脆 油脂十足 好驚喜係佢用紫薯蓉做底 我超級鍾意食紫薯蓉 所以再加左分😍 Pipe Rigate Carbonara $148 份量十足 煙斗粉超級掛汁 每一啖都食到滿滿嘅蛋汁同煙肉 我覺得呢個都係必叫之一！ 另外叫咗兩杯Frozen特飲試吓 Aurora $52 呢杯酸酸地 亦有薄荷味 主要係青蘋果味超Fresh Pink Lady $48 呢杯主要係西柚味 最欣賞係兩杯都唔會太甜 甜度啱啱好👍🏻非常適合用嚟配西餐 餐廳有兩個打卡位 好似雀巢咁 不過好可惜今次未坐到 反正嘢食咁好味，下次要再去試多次！😆✌🏻

成日都經過呢間喺荃新天地嘅居酒屋 佢出面有條好大嘅吞拿魚裝飾好搶眼 今次見到佢做一個牛腸鍋套餐 好似好多野食好抵咁 就一於試試 名古屋赤味噌鍋 二人前 $588 呢個套餐已經由前菜包到落甜品 兩個人一定夠哂飽😆👍🏻 前菜有豆腐沙律 沙律好開胃 份量亦好多 田中血盒好特別 係吞拿魚蓉mix左吞拿魚血 但食落一d都唔腥 仲幾好食tim! 其中一個highlight就係拖羅壽司拼盤 餐廳主打都係吞拿魚 所以呢個拼盤都好出色同高質 另外仲有即燒串燒拼盤 有兩串雞同兩串野菜 口感同調味都好出色👍🏻 重頭戲就係牛腸鍋了！ 黎到嘅時候已經滿到瀉 非常足料！豚肉，菜同年糕仲可以無限添加！非常抵食呀😍 牛腸份量好多 又洗得好乾淨！食落仲超重牛味👍🏻 餐廳會喺食得7788嘅時候比埋飯 蛋同芝士你 放落去整炊飯😍👍🏻 呢part真係加哂分！d飯索哂湯底嘅味仲有芝士拉絲！ 邪惡到不得了！😱😱😱 最後連甜品都有驚喜！紅豆蓉鯛魚燒！我以為會係凍嘅！ 點知原來已經烤到外脆內軟！超好食！ 非常大滿足嘅一個set❤️❤️❤️👍🏻

CP值超高！$1炸雞優惠 身為荃灣居民對呢間韓國菜都好熟悉 周不時都會去幫襯下 今次小店五周年推出$1炸雞優惠👍🏻 當然要去支持下😍 韓式豬肉泡菜湯 $58 不嬲都好鐘意韓國湯 超香濃嘅泡菜味 配料亦十分充足 非常多豆腐豬肉同菜 大滿足 韓式醬油燴雞併粉絲 $68 呢個價錢來講個份量真係超級多 一嚟到嘅時候，真係嚇親 兩個人都食唔晒 無論係雞薯仔紅蘿蔔湯粉絲都好多 配埋秘製醬汁10分出色 牛肉石頭飯 $58 食韓國嘢Bibimbap真係Must 呢到亦都做得好出色 熱辣辣有飯焦 正！呢個真係大力推👍🏻👍🏻 $1 半份甜辣炸雞 呢個優惠真係抵到爛 平時百幾蚊半份嘅而家一蚊就換到 質素一樣出色炸雞外皮非常香脆 肉好嫩口 去買秘製甜辣醬👍🏻一流 另外叫咗兩個小食 芝士鐵板韓式炸餃子拼紫菜卷 拉流果一流！ 原隻燒魷魚 燒得非常入味 魷魚亦都夠大隻 呢間基本上都係喺荃灣食韓國嘢嘅飯堂 啲嘢又好食 價錢又親民

喺黃大仙見到一間裝修幾靚 木系小清新嘅台灣菜 然後發現佢係一間好好食嘅韓國嘢旗下嘅新餐廳 即刻入去試吓😋 通常我都會介紹咗主菜先 但係佢呢一份甜品實在太出色了！ 招牌奶蓋珍珠奶茶千層蛋糕 $48 千層蛋糕奶茶味夠晒香濃 每一層分明 cream亦都唔會太厚 好有口感，好好味 再配埋滿到漏嘅奶蓋同珍珠 成個味真係好有珍珠奶茶嘅感覺！ 超級出色，100分💯💯💯🫶🏻 招牌牛肉麵 $88 價錢雖然比較貴，但係份量真係超多 又係一個人都食唔晒系列 牛肉同配料好多 湯底亦都好香濃，亦唔會太鹹 麵嘅份量亦都好多 不過就冧咗少少 建議要兩個人share 古早滷肉飯配滷水雞翼 $68 滷肉份量絕對唔輕手 又係滿到㵼😂 亦都係整得非常入味，但唔會太鹹 兩份主食都幾好食👍🏻推薦 另外叫咗個鹽酥雞小食 $68 炸得非常香脆 雞亦都好入味 配埋佢秘製嘅醬汁 10分夾 份量亦都好多 發現呢間嘢一啲都唔輕手😂👍🏻 食完真係超級飽 另外值得推薦嘅就係蘋果木肉桂 煙燻咖啡 $58 一嚟到嘅時候有個波波 侍應介紹係蘋果香味嘅 爆咗嘅時候真係有一陣淡淡的蘋果味 咖啡味亦都好香 有少少玉桂味 我插埋條木落去飲 飲到最尾都仲有香味😋

之前都有食過呢間 覺得好好食 今次再次黎食 水準依舊 不過好似改過Menu 無左之前食過一個好好食嘅豬扒飯😭 泰式牛肉船河 非常大碗😱d餸多到就黎漏出黎 肥牛、牛展、牛丸、牛柏葉等 湯底十分濃郁 重口但唔會過鹹 金邊粉反而變咗配角咁😂 兩個人食都食唔晒 燒豬頸肉配青木瓜沙律 $128 另一個必叫！豬頸肉分量充足 燒得好香，亦都有燶邊😍 青木瓜沙律雖然都好好食，不過份量太少 呢個當前菜就啱啱好 香脆蝦餅 $58/3件 炸得非常香脆 入面非常彈牙 另外值得介紹嘅就係DIY椰子雪糕 $58 椰子雪糕非常香濃 中間仲咬到有椰絲 配咗八款配料 每款都好有泰國風味 如果多一球雪糕就好了🥹🥹🥹 泰式奶茶同泰式檸茶就正常發揮 整體而言喺海港城又有海景 嘢食好味 性價比都幾高👍🏻

今日同媽咪嚟咗位於中環善慶街既 [享慢煮意] 食晚餐 我地order咗一份 Dinner Set ($298) share 食 因為餐廳設有每人最低消費為一杯飲品, 所以再加咗杯白桃芝味特飲 ($48) 竟然有驚喜, 唔會輸蝕得過出面專賣手搖飲品既店, 白桃茶唔會好甜, 芝士奶蓋又香又滑 頭盤 - 爆醬蟹膏流心牛角包 (+$38) 本身牛角包已經好香, 配埋惹味十足既蟹膏醬, 外脆內軟, 又香又濃, 媽咪同我都大推👍 必點 意猶未盡 - 法國藍青口 (+$98) 藍青口份量好多, 不過比較偏細隻, 醬汁調得好好, 忌廉汁唔會好膩, 媽咪好鍾意呢個汁, 成個牛角包比佢點汁點食哂 😂 主菜 - 鮮海膽龍蝦汁扁意粉 🦞 果然有驚喜, 兩大舊海膽係非常新鮮, 扁意粉軟硬適中, 龍蝦汁掛哂每一條意粉到, 正🤤 甜品 - 真空慢煮焦糖燉蛋 甜度岩岩好, 燉蛋香滑加上脆脆焦糖, 為呢餐飯畫上完美既句號

係機場番工嘅我對東涌一d都唔陌生 久唔久都會去行吓outlet同食下飯 今次嚟到比較新嘅Sheraton酒店試食野🤩估唔到好驚喜！ 餐廳坐擁成個機場景觀 今次好好彩坐正窗口位 一路食飯一路睇住好開陽嘅飛機升降🛫🛫😍 環境方面冇得輸🫶🏻👍🏻👍🏻 因為係假日黎 所以有得試餐廳嘅weekend brunch $248 前菜方面竟然有得揀我超鍾意嘅Egg Benedict! 兩大件 淨係呢個對我黎講已經係主菜份量🤣 整得好好食 流心蛋配上大大塊煙肉 荷蘭汁同English muffin🥰👍🏻 Main Course揀左Fish and Chips 都係好大份🤣外皮炸得非常鬆脆 入面魚柳非常嫩滑🥹🫶🏻 薯條調味充足，不過略嫌唔夠脆🥲 失色左少少 甜品就係Lime Tart 都係我最愛之一🥰 面頭嘅蛋白好香有一陣淡淡嘅青檸味 Tart皮出色 入面Lemon Filling都好香濃 ❤️好好食 好彩我醒 知道會食唔晒冇叫兩個Brunch 咁就叫再一個小食試吓 係餐牌見到好少有嘅牛骨髓Toast $158 即刻忍唔住試吓！ 賣相好精美，一條長長嘅牛骨髓配兩塊烤得啱啱好嘅多士 食落都有淡淡的牛香味 不過女仔來講可能會覺得有啲油膩 不過都係一個幾得意嘅體驗 總括而言，餐廳水準同環境都出色🤩 不過距離東涌地鐵站就有少少距離大概要行15分鐘或者巴士搭兩個站

呢排好想食中菜 就同朋友嚟咗呢間係太子嘅老字號中菜店 舖頭招牌係成條街最大最搶眼 行過一定唔會miss🤩 來得中菜館都係想冇時間限制 舒舒服服傾吓計 餐廳闊落 坐都坐得幾舒服👍🏻 冇諗過份量兩個人叫咗三個餸 飽到不行😂 揚名國際燒肉(細) $98 作為餐廳嘅招牌菜 果然10分出色 燒肉每一件嘅皮都脆卜卜 仲有D燶邊 肥瘦層次分明 大推薦！👍🏻⭐️ 容記第一咀 $88 平時中菜館食椒鹽鮮尤就食多多 今次係椒鹽墨魚咀 非常有新意！ $88一大碟 多到兩個人食唔晒 墨魚咀大大粒 炸粉唔厚 配埋滿滿嘅椒鹽 又香脆又好食 呢個都係必食👍🏻 海鮮濃湯雜菜煲 $108 前面兩樣都熱氣，要嗌番個菜平衡下 分量多到滿瀉😂好誇張 有幾種唔同嘅菜喺底 再配埋粉絲 海鮮份量亦唔少，每樣都有幾件 超級抵食👍🏻 我哋冇諗過份量咁多😂 兩個人完全食唔晒 最後帶走一大盒