女朋友生日慶祝 今晚來到半島酒店「釧」這間日本料理吃晚飯慶生日 我哋揀咗瀧TAKI $2480的套餐，包括開胃菜三品、一品料理三品、壽司八貫，卷物&湯及甜品 第一味前菜-八爪魚刺身&吸盤 師傅加上青檸汁令刺身口感更加爽滑鮮甜 之後就係皇家水晶魚子醬配上北海道馬糞海膽 本身就勁鍾意食海膽，而呢個海膽非常之新鮮鮮甜 加埋啲魚子醬味道非常之夾 中間仲有蟹肉同埋鰹魚湯啫喱，口感層次真係零舍不同 第三味就係關東遼參內壤墨魚 聽師傅講呢個湯汁係用西班牙黑毛豬煮的 個湯汁都幾好味 遼參沾上湯汁食落去口感層次更加豐富🤤又夠爽口 再嚟就係我最鍾意食嘅蟹肉刺身 連女朋友都話勁好食 最緊要唔使自己拆肉 食起嚟啖啖肉非常鮮甜 接着有北海道嘅鮟鱇魚肝 呢個菜非常有驚喜食落去，簡直就係入口即化 跟住就係刺身壽司環節 刺身壽司肉質肥美新鮮 食落去淡淡都係鮮甜味 好滿足 麵豉湯材料充足味道夠濃 最後就係甜品環節 係自家製甜品北海道豆乳奶凍、意大利甜酒布丁配日本富有柿、仲有黑芝麻朱古力 甜品都好好味，食得真係好滿足。 生日慶祝或者節日慶祝，我覺得嚟呢度食都係個唔錯嘅選擇。希望到我生日女朋友都會再帶我來這裏吃晚飯慶祝😋

一直都聽朋友講荃灣嘅老闆娘米線好好味，今晚終於有幸一試 初頭諗住喺街市熟食中心樓上，雖然好多人都話好食但自己心入邊都有少少驚中伏，嚟到門口店內已經人山人海，我哋兩個人等左大約5分鐘終於有位入去坐低，望望餐牌見到有想食嘅雞翼同埋炸雞球，我就揀咗炸雞球、雞肉、豆卜同麻辣湯底米線，由於驚麻辣實在太辣所以最後我揀咗BB辣米線口感非常之好，唔太硬唔太淋，平時唔係好食辣嘅我，聞到呢個麻辣湯底味道非常之吸引，試一啖湯又唔算太辣，本人可以接受到，但麻辣嘅感覺會停留一段時間係口內鍾意食米線嘅朋友我都推介大家一定要嚟試吓呢間老闆娘米線

第一次去食代館食現場即煮鐵板餐你order食咩餐有專人係你面前將新鮮材料煮正好味的食材給你享用，呢種感覺其實都幾特別，就好似喺屋企望住平時媽媽煮嘢食咁🤣 可能太耐冇返去望住阿媽煮嘢食😂 豆腐海帶湯都幾清甜，唔太鹹。 鐵板牛肉當然質素非常高，牛肉啱啱煎到熟，趁熱食口感好Juice，煎龍利柳外脆內熱，魚肉非常之彈牙，仲有個海鮮，有大蝦魷魚帶子西芹都整得好好味，食咁多肉當然有返個菜食啦，我見到師傅只係落好小油但已經可以鎖住菜嘅營養係入邊，咬落去菜都唔會太過淋而無味。嘢飲方面青檸蜂蜜綠茶個人覺得幾好飲。 總結成餐飯食咗$230，味道都幾好，有興趣嘅朋友不妨來試試

每次嚟到九龍城侯王道都見到好多人喺呢間餐廳門口排隊等，今日朝早同兩個同事一齊入咗去食早餐，我叫咗一份早餐火腿通粉、炒蛋及牛油多士。火腿通粉其實只係普普通通同出邊其他茶餐廳差唔多，係個炒蛋就相對來講比較滑，所以都幾好食，牛油多士小小脆咬落有口感唔錯唔錯！ 最後個人心得覺得其實都係一個較普通嘅早餐，只係可能係名氣比較大所以吸引左太多人嚟食。 但早餐食咗$47其實有少少貴。不過如果下次經開九龍城都可能會再嚟試吓嘅。

約了早前去外地旅遊時認識的朋友相約今晚食飯，本身諗住去旺角食放題，怕塞車，所以最後揀咗去九龍城食小曼谷呢間泰國菜。小曼谷門面非常之吸引而且有吹氣公仔好得意招手招客人入去食野🤣我哋三個人入到去就拎起餐牌快啲叫嘢食，因為八點幾已經好肚餓了。餐牌內容非常之豐富簡直眼花凌亂，最後叫了馬拉盞炒通菜，泰式生菜包，泰式生蝦刺身，炸蝦餅（小的有3件），仲有叫咗雞肉串、雞軟骨串、燒魷魚鬚各三串。馬拉盞炒通菜唔太鹹唔太辣味道適中，非常之好味小曼谷嘅泰式生蝦刺身簡直係冇得彈，因為虎蝦肉質爽滑，配埋店內嘅泰式辣醬真係好好好味，每人食完都好想再食多次碟🤣生菜包就正正常常，個生菜份量略嫌有D少，但豬肉就好多份量。 炸蝦餅啖啖肉，外脆內熱，雖然熱氣咗啲但真係食到舔舔脷，亦都係值得encore嘅一道菜 雞肉串，雞軟骨串，燒魷魚鬚串，三者味道都非常之好，其中以魷魚鬚最為惹味，所以我哋三個人最後叫多咗三串燒魷魚鬚同埋試多個燒墨魚咀，冇計啦！真係好食所以唯有encore。 飲品方面我就叫咗個好鮮甜嘅椰青飲 最後仲叫埋個芒果糯米飯食，芒果好鮮甜糯米飯好熱辣辣，配埋食真係一流，非常好味！ 總結3個人食了$1076 但食得非常之開心 環境又坐得舒適，值得推薦俾更多嘅朋友試試呢間小曼谷啲菜

呢排無煮家飯食，唯有夜晚果餐買外賣返去屋企食。今晚突然想食米線，又唔想食譚仔，所以揀左呢間雲川小鍋米線食，我叫咗鮑片、蘿蔔、豆卜、雞肉、叫左個清湯米線，先講講個湯好清甜，真係好想飲多碗🤣，蘿蔔豆卜都好入味，雞肉份量正常，鮑片有三片。而且好用心咁分盒裝湯同米線餸。之前有朋友食過話佢隻酸辣湯同麻辣湯底都幾惹味，今次食完清湯都好正，我下次會試埋另外兩個湯底。而且送款都有大概要20款揀，對於鍾意食小鍋米線嘅朋友仔揀餸方面可以有多啲選擇，另外晚試呢間餐廳有烤魚水煮魚食。所以頭先入到去店內都已經坐滿曬人。

今日晏晝同個同事去咗新蒲崗搵食，初頭都唔知食咩好，因為lunch Time時間間間食店都好多人，同事話想食飯，咁我就話不如食呢間雲南人家，因為我之前都有食過味道都幾好，見佢話可以試吓我哋就一齊入咗去食。入到去見到餐牌有個豆花飯，但自己又好想食麻辣雞，所以就問了店員可不可以加埋一齊，店員話可以但第二個送另外加$15，所以我最後叫了一碗豆腐花麻辣雞飯，豆花非常之滑而且配飯食非常之好胃口，麻辣雞唔算太辣，可以接受，而且配合埋豆花飯非常之好食，唔使10分鐘我就食晒成碗飯。朋友就叫左碗豆花飯，佢食完之後都話幾好食，下次可以再encore 豆花飯$35，另外+1個餸$15，加嘢飲加$6 總結成餐飯我食咗$56

夏天大熱天時，係中環返工食一餐晏仔等又等得耐，又容易汗流夾背。所以我選擇買外賣係公司食，方便快捷又唔洗等位。 一直聽同事講有間Yummy noodle，見係公司附近，就試下打電話order，係食車仔麵的， 我簡左雞翼+ 蟹子丸+ 金菇+沙嗲汁 米粉 外賣包裝湯同麵係分開的，變左唔會咁快吸乾d水分，而且都係十幾蚊一個餸，我叫三個餸加埋都係$46，中環黎講真係算好抵食。 最欣賞佢個瑞士汁雞翼，夠入味。沙嗲汁好好味，令到成碗面可以啊🤣 沙嗲汁令成碗面更加美味，真係好值得再試多次。 蟹子丸金菇都唔錯，米粉佢應該係浸過冷水比較彈牙，唔會太淋。算係中環數一數二幾好食嘅一間車仔麵。

星期六夏日炎炎不特止，仲有一號風球熱死辣辣，但見天氣陽光太好，所以冒住曬黑既危機決定勇闖效外，晏就未食lunch就渣車入場黎農場鮮奶喂羊仔同試下好出名既「鮮奶」，先講下喂羊仔可以買$3一束長草去喂羊。 跟住就買左兩盒500毫升既全脂鮮奶（正常），同埋叫左個芒果布甸食。 芒果布甸好滑而且果肉好多，真係媲美唔少甜品店。估唔到去到郊外都可以食到咁好味嘅甜品係驚喜嘅一點鮮奶真係我試過人生以來最好味嘅鮮奶，非常鮮味，好飲過維記同十字牌好多，但500毫升飲飲下真係好飽，飲到有啲想嘔😂 喂羊仔好好玩 平時香港好少有呢啲地方俾我地親親大自然同動物，最緊要仲有咁好味出名嘅牛奶飲，值得推薦大家一定要來試一試！

下午係元朗睇完向日葵，晚飯就決定去試下呢間好多人推介嘅過橋麵檔。我哋每人叫咗一個餸，分別係豉油雞加菜飯，同埋蝦仁炒蛋，嘢飲係蜜桃紅茶。豉油雞整得好入味，咬入去雞肉淡淡充滿醬油味，食飯送飯一流，而且肉質鮮嫩又滑。蝦仁炒蛋多蛋好滑，啲蝦又大隻咬落去好彈牙鮮甜，絕對係海蝦並非係養殖蝦。不過個蜜桃紅茶就普通咗啲。餐牌有好多款菜式 ，兩個人食咗$157，晚餐來講都算抵食。店內環境還可以，坐得都唔算10分逼。好彩早攞飛不然可能要等15至20分鐘。門口仲有好幾台客排緊隊