同朋友喺荃灣廣場行完街，想食返餐好嘅 就嚟咗金子半之助食天丼 餐廳位置好闊落，坐得好舒適 我哋叫咗一份上天丼同埋一份車海老帆立貝天丼 餐廳好用心，有步驟列出點樣如何品嚐美味嘅天丼 而且餐廳會把新鮮炸起的食材放上飯面，然後再均勻淋上天丼醬汁，目的是要每件天婦羅都能沾上醬汁。所以天丼的天婦羅並不像一般天婦羅脆口，而追求的是每件天婦羅都能適量沾有醬汁。 而金子半之助使用古早秘傳醬汁，更能重現江戶時代風味。 上天丼 上天丼最特別之處就係有白身魚，白新魚肉質鮮甜彈牙，係一款高質嘅魚肉，除咗白身魚外，就最欣賞佢嘅小柱魷魚天婦羅，魷魚十分彈牙，亦都保留到魷魚嘅鮮甜味，推介 車海老帆立貝天丼 車海老比一般嘅蝦大隻同彈牙， 要嚟做天婦羅就啱晒，而帆立貝嘅份量都好多，肉質鮮甜 丼飯食到最後都可以保持住溫度，因為丼碗是運用了源自江戶時代的陶瓷工藝，佐賀有田燒來製作，碗底部份特意做成空心設計，為更能保持碗中食物的溫度，由外觀賣相到實用性，都是一絕的江戶前味道！ 食完飯想同朋友食返個甜品，我哋揀咗伯爵茶布甸，伯爵茶茶味濃郁，布甸亦好幼滑，值得一試

有同事介紹，覺得中國菜黎講，順德菜係數一數二好食， 今日就同一班同事黎名門食順德私房菜！ 餐廳有包間， 亦有唔同size既圓枱， 適合一大班朋友一齊食飯 記得一定要book位同預留菜式， 先可以食到比較複雜既順德菜 時令冬瓜盅 最近開始熱， 要食下冬瓜消暑，冬瓜盅好足料，原汁原味，冬瓜肉亦燉得好腍，每人有足足兩碗 冰鎮鮑魚拼青芥冰燒雞 鮑魚好大一隻，肉質爽口彈牙，一啲都唔韌 中間嘅手撕雞更為惹味，喺香港其他地方都未食過，手撕雞包括雞絲，青瓜絲，海蜇，紅薑絲，最特別嘅係仲有炸芋頭絲，口感好豐富。雖然當中有落芥辣，但食落唔會太辣，適合香港人口味 薑蔥焗大蝦拼煎脆米粉 薑蔥焗大蝦好有家的味道，蝦肉爽口彈，食得出係新鮮蝦。好鍾意呢度嘅煎脆米粉，米粉脆口煙靭，配上薑蔥汁，真係忍唔住一啖接一啖 金銀蛋蒜子莧菜 金銀蛋嘅份量好足夠，而且好平衡，食咗咁多肉類最適合食返啲菜 XO名門炒飯 餐廳用石鍋上炒飯，可以保存到炒飯嘅溫度，好貼心。炒飯有臘肉，蝦等等材料，配上XO醬，格外惹味 最後甜品叫咗綠豆沙同蛋白杏仁茶，同事都話好食 我同同事食完都覺得餐廳嘅用料高質，而且食得出冇落味精，真材實料，值得下次再嚟食

通常同朋友想食日本嘢，都會嚟七福神食 勝在選擇多，價錢平 餐廳有串燒，刺身，一品料理等 刺身盛盒 4 刺身盛盒4包括三文魚、海膽、帶子、黑鯛、甘蝦，刺身肥美，味道鮮甜，而海膽更為推介，十分鮮甜，一啲苦澀味都冇 日本京蔥雞串 雞肉採用雞髀肉，口感更滑，外皮燒得少少焦香，份外惹味 活鰻西京串 估唔到係咁大一串，我同朋友仲叫咗兩串，魚皮燒得香脆，魚肉汁嫩滑多汁，性價比高，推介 牛舌 牛舌嘅質素高，入口彈牙，爽嫩多汁，牛味香濃 清酒煮蜆 蜆肉肥美，每粒都脹卜卜，因為啱啱熟，食落口好軟棉，再飲一羹清酒，味道好夾 南蠻炸雞 炸雞上菜嘅時候啱啱炸好，好熱，一咬落去已經聽到香脆嘅聲音，熱辣辣嘅肉汁隨即流出， 正！ 我同朋友都好滿意呢餐，性價比高，有多款式

今日約咗朋友喺荃灣食飯，揀咗荃灣廣場嘅一間西餐廳 餐廳設計得好有格調，座位亦闊落，適合傾偈 我地選擇咗pi pi pizza 套餐 煙三文魚凱撒沙律 沙律有好多配料，單單係煙三文魚都有五塊，加上煙肉乾，麵包糠，芝士碎，每一啖都有好多配料 法式先打龍蝦湯 龍蝦湯好足料，味道10分濃，加上仲有龍蝦粒，值得一試 滋味小食拼盤 拼盤包括柚子雞翼，芝士薯條，炸蠔，炸魚塊 食物全部都熱辣辣，啱啱炸起， 好食！ 龍蝦汁鐵鍋海鮮燉飯 燉飯有好多海鮮配料，大蝦，青口，蜆，墨魚等 十分足料，燉飯嘅龍蝦汁亦好惹味，餐廳用鐵盤上，食到最後嗰啖仍然係熱辣辣 北京烤鴨pizza 鴨肉嘅份量好多，配上京蔥，醬汁，食落真係同食緊北京填鴨一樣 蜜桃果肉芝士奶蓋，活乳酸巨峰提子梳打 柚子手工芝士蛋糕 味道清新，甜而不膩

今日同朋友去太子食泰國菜，book左simply Thai modern cuisine 餐廳今晚full booking, 好彩有book定位先 餐廳食物既選擇好多，而且價錢都好合理 椰子雞湯飯 湯飯好足料，有著雞肉， 秀珍菇，車厘茄等， 濃濃既椰香味， 伴著飯食， 最後所有湯都飲哂😋 青檸梳打 脆炸香茅雞翼&酥炸蝦餅 香茅雞翼好入味，而且份量都好多 蝦餅外皮香脆，內裏彈牙，加上甜酸醬，更加惹味 泰式烤牛肉 牛肉大約七成熟，keep到粉嫩嘅效果，入口嫩滑。本身牛肉已經有泰式醃料，唔使加醬已經好夠味！ 泰式咖喱海鮮農夫包 農夫包好大一份，足夠二至三個人share，裏面亦有好多海鮮，至少有三四隻蝦同魷魚，餐廳亦好貼心，準備多一份咖喱汁，可以點包食 芒果糯米飯 嚟親泰國餐廳都要食芒果糯米飯作為甜品，芒果味道幾甜，淡淡既椰汁唔會蓋過其他食物嘅味道，味道幾平衡

每次想食串燒， 都會諗起好燒式， 今次都唔例外，所以同朋友一行二人去好燒式太子分店 首先叫左野飲先，食串燒當然要飲竹蔗茅根同咸零七下下火 翠肉瓜，鴨胸串，牛肋串 翠肉瓜好juicy,牛肋串嫩口， 當中最推介鴨胸， 鴨胸未入口已通聞到好香，外層燒得香脆， 咬落鴨胸既肉汁爆曬出嚟， 正！ 燒白鱔， 燒菠蘿，燒牛舌，豬頸肉，燒魷魚 燒白鱔好彈牙，用料新鮮， 但要小心魚骨 今次叫左白板menu上既牛舌,比普通餐牌上既牛舌更為好食！ 牛味濃， 有咬口 串燒豆腐 每一次都必叫， 外脆內軟， 食落似唔臭既臭豆腐 香煎鵝肝 鵝肝油膩好香，齒頰留香 黑松露蝦多士 脆脆的蝦多士加上黑松露醬，味道配合得好好

上網見steakhaus 既性價比幾高， 就約埋朋友嚟試吓 餐廳走懷舊路線，以橙色為主調，幾有格調 Otto Athenian Spritz 以橙味作為主調，飲落酸酸甜甜，幾易入口 黑松露和帕瑪森起司炸薯條 $48已經好大一份，薯條食落香脆，內裏軟綿綿，係出色嘅薯條，黑松露醬亦不吝嗇，充分足夠點薯粉 蟹羔蟹餅 好足料嘅蟹餅，食到一絲絲嘅蟹肉，而且伴碟配上蟹膏，有兩個層次 黑毛豬鞍架 配火腿脆片+ 松露奶油+芝士龍蝦 豬鞍做得好出色，食落十分juicy，伴上香草同蒜蓉，令豬鞍更加惹味， 松露奶油以雪茄形式上，外型打卡一流 芝士焗龍蝦，龍蝦上鋪上滿滿嘅芝士，十分邪惡，龍蝦肉質易彈牙 滿滿蜆肉蝴蝶粉 真係有滿滿嘅蜆肉，味道帶有微微辣味，令味道昇華 兩個人食咁多嘢，都只係$581，cp值真係高！

今日放工想同朋友食得好啲 就揀咗上村牧場 我哋揀咗上村牧場自慢燒肉十種盛合，惠顧燒肉盛盒，仲可以以半價再加一份肉 叫好嘢食之後餐廳就上咗自製醃醬既材料 磨好芝麻同蘋果， 再加上醬料，蔥花同蒜蓉，就溝好醬料 燒牛肉之前兩面點一點醬汁，就可以拎牛肉更加嫩滑，而且醬汁帶有少少蘋果嘅甜味，令肉類食落更惹味 牛肉合盛嘅份量好多，絕對適合兩個人食用 餐廳嘅薩摩牛都係A4級數以上，牛肉肥瘦分布平均，牛味香濃 當中覺得涮涮燒牛肉最有驚喜，牛肉雖然博薄身， 但入口嫩滑 牛舌，豚肩肉 牛舌爽口彈牙，高質！ 豚肩肉燒到外皮香脆， 爽嫩多汁 食左咁多肉， 就叫返啲菜食下，可以解一解膩 最後見到餐廳原來有壽司食，質素唔錯，性價比高！ 餐廳仲設有自助飲品機 最後同朋友食得好開心，下次有機會再嚟食

約左朋友係西營盤食飯，見餐廳係地鐵站附近，就同朋友試吓 餐廳座位幾闊落，仲有一間包廂 餐廳主打燒物同炸物 首先同朋友叫左個happy hour set $98有3串串燒同一杯野飲，職員好好人，見我地2個人， 仲幫我地將飲品倒開2杯 串燒揀左帶子，露荀豚肉卷同雞中翼 帶子好大隻， 呢個價錢好抵食 南蠻炸雞 炸雞熱辣辣，外皮香脆，內裏juicy 仲有餐廳特調既兩款醬汁， 一款酸一款甜， 可以有唔同既味道 極上厚切牛舌芯 牛舌芯好高質， 食落彈牙多汁，仲牛味， 用料上乘 櫻花蝦燒原條茄子 呢個茄子係我最愛既菜式，茄子賣相好靚， 而且燒得香軟， 每一條都唔痴皮，加上櫻花蝦，分外惹味 極上鰻魚飯 有浦燒鰻魚同燒白鱔兩種食法，令菜式更豐富 甜甜既浦燒鰻魚好下飯， 而白鱔燒得香脆又可以保留到鰻魚既彈牙口感！ 最後仲有甜品食😋

今日嚟到觀塘覓食， 喺正APM出口開源道隔離嘅一幢工商業大廈， 入面有一間性價比極高嘅西餐廳， 而且裝修環境非常舒服。 我哋先嗌咗啲開胃菜式試下，先嚟西班牙鬆脆包配番蒜希臘芝士醬。 入口鬆脆，包裹著濃郁的芝士醬，非常之醒胃。 食西餐包點，當然唔少得要飲返碗餐湯點綴下。 我哋叫咗熱辣辣嘅南瓜湯，口感濃郁滑順，帶著微微的甜味，絕對係暖胃既好選擇。 之後叫咗經典嘅田園沙律。新鮮的蔬菜搭配上簡單醬汁，清爽又健康。每一口都充滿了豐富的口感和層次感，絕對能滿足你對沙律的所有期望。 去西餐廳當然唔少得要牛扒， 我哋叫咗美國1855安格斯肉眼扒。 由於我哋鍾意比較熟啲所以叫咗七成熟，肉質鮮嫩多汁，每一口都散發著濃郁的肉香， 再加上面頭放咗一啲薄薄嘅炸蒜片喺面，絕對係肉食愛好者的最愛。 另一款主菜係牛油香草烤黃油大雞。 脆口嘅雞皮烤到啱啱好，搭配上香草調味，肉質極之鮮嫩多汁， 雞油味十足，每一口都讓人回味無窮。 如果鍾意食甜品嘅話，真係唔可以錯過開心果忌廉配新鮮士多啤梨梳乎厘利班戟。呢款甜品簡單結合咗忌廉、士多啤梨和梳乎厘利班戟，口感豐富多變，入口軟綿綿，正。 飲品方面，我哋試咗杯 Campari金巴利意大利青檸梳打洒。呢杯飲品清爽宜人，帶有微微既苦味和水果香氣，非常特別可以試下，又解膩之餘，又醒胃，好好飲。