朋友介紹觀塘工廈開咗間新日本料理，支持小店嘅我就緊係試下啦😆 【原條鰻魚炒飯】鰻魚份量十足，炒飯充滿鰻魚汁，又唔會覺得好咸👍🏼一個好充實嘅主食👍🏼👍🏼👍🏼 【他他醬魷魚圈】大大個魷魚圈，有咬口，炸漿適中唔會太厚，又唔會有多餘油份，炸物配他他醬非常match😋 【串燒雞腎+牛舌】燒物唔會燒到乾柴，仍然保存到原有嘅肉汁，雞腎同牛舌都大大粒，一d都唔hea👍🏼 【芝士明太子蛋卷】雖然芝士味唔算突出，但淡淡地味嘅蛋卷加明太子，正呀😍蛋卷火喉控制得好好，唔會過熟👍🏼 【百香果/草莓乳酸梳打】唔會覺得藥水味同埋唔係太甜👍🏼 以上食物都熱辣辣，職員態度十分良好，又無限時交檯，非常適合傾住食，食住傾，呢d只有小店滿足到我😂

網上有人介紹呢間台灣嘢幾好食，見今日路過觀塘就試試佢啦…  【肉燥飯+鹽酥雞+櫻花蝦青菜+鹽酥花技丸+波霸奶茶】落單時有得揀 多飯/ 少飯，多肉燥 / 少肉燥，我好鐘意每粒飯都有汁，所以揀咗多肉燥，剛剛好撈晒成碗飯😆雖然肉燥味道淡咗少少，但係加埋香脆鹽酥雞味道就啱啱好，鹽酥雞炸得非常脆口，食落唔覺油膩，忍唔住食晒成塊邪惡嘅雞皮🤤花技丸夠彈牙都幾好，波霸奶茶茶味濃郁，珍珠有咬口又唔會太硬👍🏼👍🏼👍🏼  【牛肉麵+櫻花蝦青菜+胚芽奶茶】牛肉醃得入味有咬口，湯底有濃濃既牛肉味又唔會太咸，不過麵質就差少少比較淋，如果麵質彈牙就正喇😅胚芽奶茶同樣茶味濃郁，胚芽份量十足👍🏼  飲品採用台式飲品品牌"賞茶"，我地揀嘅套餐仲有得免費升級大杯飲品，大杯到飲唔晒要拎走一路行一路飲😂  以呢個份量同埋價錢黎講係非常抵食👍🏼👍🏼👍🏼

行行下街想食下甜品，路過citysuper嘅sweets house cha cha，好耐無食又食下啦😆原本淨係諗住食個抹茶沙冰軟雪糕，點知收銀姐姐話加多$5有埋個大判燒，死唔蝕就叫埋啦🤣 抹茶沙冰少少少少少甜，加埋抹茶味，甘甘甜甜👍🏼 抹茶軟雪糕非常香濃抹茶味，質地幼滑，唔算太甜👍🏼 抹茶吉士大判燒即叫即翻熱，暖暖地幾好，餡料十足，抹茶味有少少回甘👍🏼 作為一個下午茶都幾飽肚，建議兩個人share🤣

每次去完旅行返嚟都一定會好掛住香港嘅茶記美食，我最愛嘅茶記代表作就係沙爹牛肉麵🤤聯發嘅沙爹牛肉麵有別於一般茶餐廳嘅大光麵，麵底採用日本出前一丁，麵質彈牙，沙爹牛肉醃得入味，咬落有質感，唔似其他茶餐廳乸到又滑又林無晒牛肉應有嘅咬口👍🏼跟餐厚多士即叫即整，加埋火腿滑蛋絕對係誠意之作👍🏼計埋凍飲埋單$62，雖然價錢偏貴，不過食一餐絕對可以飽足全日，感覺上抵咗🤣 題外話…食食下見到發嫂喺我隔離落緊單，仲同職員有講有笑，果然發哥發嫂係聯發嘅常客😃

唔係成日去澳門，但每次去澳門都會嚟呢度，估唔到當日無意中發現嘅小店原來係米芝蓮推介初初唔知佢搬咗新舖，仲走番去原址...好彩有個店員帶番我哋過去，原來只係搬咗過隔離街 店主好nice，好大方咁任我試，最後揀左紅蕃石榴+西柚，兩種味都酸酸地，好fresh，啱晒食足全日嘅我用嚟解膩雪糕幼滑又唔會太甜，仲保留到原有嘅果味除左好多唔同生果味之外，仲有豆腐、金莎、益力多、Mojito、薑汁等等嘅特別味道，花多眼亂，揀下食咩味都需時

雞蛋仔一定列入香港街頭小食頭3位，真係由細食到大都唔覺得厭要搵到一間做到外脆內軟實在有難度，有d好平，但質素強差人意，一係唔脆，一係就得薄薄一層唔知食緊乜⋯ 「媽咪雞蛋仔」近年開咗唔少分店，味道亦都有唔少選擇，咸咸甜甜任君選擇。個人喜愛最原始味道~~~原味雞蛋仔，香脆可口，蛋味濃，就算凍咗外層都可以keep住脆卜卜，唔會淋咗疊埋一堆，入面仍然非常軟熟，絕對保持到真正雞蛋仔嘅精髓 因為每底雞蛋仔都即叫即製，等候時間大約10-15分鐘，不過都絕對值得等下嘅

食過好多好多間放題，大喜屋系列都試過晒，但食過殿大喜屋之後就返唔到轉頭，每次遇到返工辛苦都一定會想食餐好，食餐好就一定諗起殿大喜屋，work hard eat hard！😂 食物水準一直保持高水平，玻璃豆腐肚嘅朋友食完都無出現肚痾情況，即代表殿大喜屋食物質素高、新鮮、乾淨！因為已經試過多次喺其他放題食完之後，朋友一出門口就肚痛⋯要立即搭的士返屋企😆另外上菜速度快，無出現漏單情況，職員服務好！ 星期一至四價錢比星期五至日平，但唔會因為平咗而質素下降，可能係不時不食嘅原因，食物款式會不定時更新。

早前網上見到J.S. FOODIES進駐九龍塘，佢同我心愛嘅FLIPPER’S同系列，身為九龍人嘅我當然要去試一試佢啦！佢位處又一城IT入口，排隊位置分別IT左右兩邊門口，隊尾由右邊開始排，一直到等職員指示就去左邊繼續排。由於當日係星期六，原本以為下午茶時間會好多人，但我地5點左右去到排左大概30分鐘就有得入去喇😁 Order方法同銅鑼灣FLIPPER’S有d唔同，呢間可以喺座位同侍應落單，唔駛自己出收銀處。Order左之後20分鐘左右，我心愛嘅原味pancake到喇!!

自從第一次喺名古屋食過Flipper's之後一直念念不忘，未有時間再出走，唯有喺香港止下癮先。香港分店嘅味道完全可以滿足倒我哋對日本嘅思念😍一定要一人一份先夠滿足😍絕對絕對絕對唔可以share（重要的事情要講三次）！對比起另一間一樣主打pancake而較多分店嘅G字頭，個人覺得Flipper’s嘅蛋味較突出，楓糖味嘅cream亦較特別，加上鬆泡泡嘅口感，令我哋可以再次感受到喺日本嘅感覺

去完泰國返嚟無耐，已經掛住泰式粉麵嘅味道朋友介紹呢度嘅泰茶同粉麵都接近泰國水準，所以今晚就嚟試一試佢 我哋叫咗一個【鴨腿湯河】，一個【牛肉湯牛丸生牛肉湯河】，一個【香辣肉碎沙律】，一杯凍嘅【泰式奶茶】。兩碗河粉上枱嘅時候好似好細碗，但食落原來份量都好夠 【鴨腿湯河】鴨腿醃得好入味，份量十足，可惜肉質比較鞋，湯底近似喺泰國食到嘅味道，清甜無味精，食完唔會口渴河粉爽滑，但始終係港式河粉，略欠煙韌 【牛肉湯牛丸生牛肉湯河】湯底唔及鴨河咁濃，不過都清甜，牛丸爽口有少少香茅味，生牛肉入口嫩滑，但牛味有少少失色。 【香辣肉碎沙律】酸味同辣味十足，個人鍾意食辣，所以覺得好過癮唔食得辣嘅人千其唔好叫 【泰式奶茶】比起泰國嘅味道，雖然做唔到100%，但以香港水準嚟講，已經值100分$20/杯算係超值。 店員大部分都係年青人，經驗雖然不足，不過態度都好好，值得一讚希望小店保持水準，期待下次再試埋招牌雞飯