約咗朋友去尖沙咀立体派去食拉麵，一嚟到個門口已經好靚，用木頭堆砌而成嘅門口小廊好特別😍😍😍 🍀黃金味噌拉麵 ($138) 既然係日本冠軍拉麵，緊係要試一試🥳 拉麵係用「出前箱」送上，以前嘅日本店舖係用「出前箱」送拉麵外賣俾客人，而「出前箱」可以保持拉麵嘅溫度，不過淨係叫黃金味噌拉麵先可以感受到哩個日本文化特色❤️ 黃金味噌係用免治豬肉、蒜頭、醬油、砂糖同牛奶調味，甜甜地又帶有少少辣味，將個味噌同個湯底一齊攪拌，湯底即時變得濃郁，非常惹味!😋😋😋 豬肩肉製成嘅叉燒好嫩滑，唔錯!👍🏻 和食「巾着」入面嘅餡料係香蔥、生薑、粉絲同蒟蒻，再火炙腐皮表面，非常大份，味道都好特別! 🍀鯖魚湯香菇野菜海蝦拉麵 ($108) 湯底以日本鯖魚同昆布製成，非常鮮甜，配上好多香菇野菜，怕油膩嘅人一定會鍾意❤️ 3隻新鮮大蝦爽口彈牙，仲有勁多塊紫菜，值得推介！👍🏻 🍀名古屋風雞翼 ($38) 雞全翼係即叫即炸🤤🤤🤤外皮香脆，灑上芝麻粒粒，食落甜甜地，鍾意食雞翼嘅必叫!!!👍🏻👍🏻👍🏻 🍀麵豉香蔥黑豚腩肉 ($38) 半肥瘦黑豚腩肉好腍身，加埋麵豉醬好有日本風味!😋 🍀波子汽水 ($28) 難得有得揀，緊係一人叫返一支😍

呢排天氣轉涼，最啱就係打邊爐，約埋朋友去食呢間性價比高嘅稻八😍😍😍 我同朋友揀咗特級美國穀飼牛放題 ($208/1) ，打邊爐最啱啤一啤🍻，每人加$30可以有清酒/梅酒/生啤🍶🍻放題，相當划算！☺️🎉 首先上嘅係湯底，簡左冬蔭功湯拼牛乳牛骨湯(雙拼+$20)，冬蔭功湯有大大隻毛蟹🦀🦀🦀鮮味十足，牛骨湯淡淡地好滋潤。😍 肉類有穀飼牛、進口牛、豚肉、羊肉同雞肉，穀飼牛比起普通無咁多肥膏，食落更有牛肉味👍🏻👍🏻另外羊肉都好好食，一啲都唔羶🤤 另外有得自製天婦羅，跟住張紙指示就可以整自己鍾意嘅炸物嚟食！🥰有得食又有得玩👍🏻味道都唔錯！ 場內仲有丸類同蔬菜類，仲可以落Order 叫花膠、灣仔碼頭水餃、墨魚滑同蝦滑，估唔到呢個價錢都有咁多選擇，真係好抵！👍🏻最啱冬天一班人去打邊爐，食完暖笠笠❤️ 最後揀埋任食雪條，而Dreyers、Movenpick同Haagen-Dazs就每人可以揀一杯，都幾多選擇😋

Family day就同屋企人去食自助餐，食物種類繁多，有冷盤、沙律、簡單壽司、熟食，甜品、餐飲☺️☺️每個人都搵到自己想食嘅野👍🏻

一開始當然食啲冷盤先，我要左壽司，冷麵，煙鴨胸，火腿等等，味道不錯😋😋另外自選沙律可以配上肉碎粒、芝士粉、千島醬、沙律醬，特別開胃！👍🏻

冷盤仲有凍蝦，青口同涼拌前菜。蝦同青口好新鮮爽口🤤🤤

熱食大約有十多款，如關東煮、滷水雞翼、炸魚塊、碗仔翅、菜類、飯麵及咖哩醬配薄餅等等。
關東煮內有好多材料如蘿蔔、獅子狗卷、鳴門卷、魚片及雞蛋等，湯汁香甜，夠哂入味！ 😋而滷水雞翼味道濃郁👍🏻

仲試左即叫即整的肥牛湯米粉，味道唔錯！

甜品方面有超多選擇，啱哂甜品控嘅我🤤包括雪糕、楊枝甘露、圓肉糖水、即製班戟、水果、木糠布甸、桂花糕、朱古力噴泉、蛋糕、泡芙、奶凍及啫喱等😍😍

我叫咗個最愛❤️❤️嘅班戟，係即製嘅，配料可以自行選擇，有煉奶、花生醬、乾果、香蕉、忌廉、花生椰絲、士多啤梨醬同芒果醬等，熱辣辣又香噴噴，味道好正！🤤🤤🤤

雪糕方面有朱古力、士多啤梨、雲呢拿、沖繩海鹽和玄米茶味，我揀咗沖繩海鹽味，味道好特別~😍😍

飲品方面有咖啡、朱古力、橙汁、茶、維他命水，勁多選擇😍

總括而言，哩個下午茶自助餐只需百多元，性價比非常高，值得一試👍🏻

今日朋友升職要慶祝，請食呢間高級川菜，坐低先叫左壺老鷹茶，茶味清清地，帶有淡淡木香味。 🍀小食 泡菜、毛豆、花生、爆谷作為川菜小食都幾特別，全部都帶有酸辣味道，好有特色！ 🍀灌汁小籠包 ($58) 呢度嘅小籠包可以用滴管係小籠包頂加啲醋汁落去，連埋本身小籠包入面嘅肉汁，非常創新好味😋😋😋 🍀水煮魚片 ($288) 無辣不歡嘅朋友點左呢道超級辣嘅水煮魚，香辣又惹味嘅湯底再加上鮮滑嘅魚片，下次嚟都一定要點嘅菜式！👍🏻 🍀宮保鴛鴦蚌 ($268) 珊瑚蚌同桂花蚌份量唔少，配上蒜粒、大蔥、辣椒等配料去炒，食落好爽口！ 🍀辣腸海鮮炒飯 ($198) 呢度嘅炒飯亦都好惹味，而且海鮮份量都唔少，醬汁好鮮甜，雖然飽飽地但都堅持成碟清曬🤤🤤 🍀沖繩黑糖糍粑 ($78) 食川菜必點嘅甜品！糍粑外表炸到好脆，口感亦都好煙韌，配上磨成粉嘅花生同黑糖醬汁，食完一餐後連埋呢份甜品真係好滿足。😍😍

之前新年就訂過Sweet Boutique de Tony Wong 嘅禮盒送俾人，仲試過佢地嘅🌹玫瑰酥，味道都唔錯!😌😌😌今日行街行過Tony Wong，已經見到佢地嘅聖誕special set 勁吸引!!!🎄🎄🎄 大大塊嘅薑餅人曲奇，做聖誕禮物🎁都唔錯!👍🏻 聖誕禮物盒有8種唔同款，勁吸引!!! 😍😍依家early bird仲平到一罐$288，等我早d訂定一盒拎返公司share!🥳🥳🥳 我就另外再買左一罐蝴蝶酥，媽媽話想食金菠蘿酥，唯有再買多罐☺️ 🍀蝶の花 ($218) 蝴蝶酥🦋沾上白朱古力，再加上手工糖花🌸同糖珠，一打開就覺得勁靚勁吸引!!😍 蝴蝶酥咬落非常鬆脆，好濃郁嘅牛油香加上焦糖外層，而且唔會太甜😋 🍀金菠蘿酥 ($188) 半球型嘅金菠蘿酥🍍用漆金紙包住，用嚟送禮都非常得體!😌 佢地嘅酥皮係用有機麵粉同法國牛油炮製，而內餡就用新鮮菠蘿配以海藻糖製作👍🏻，一口大細嘅菠蘿酥食落幾似鳳梨酥，甜度唔太高，🍍菠蘿嘅纖維好有口感🤤🤤🤤

約咗朋友打邊爐，我地叫咗個鴛鴦鍋，有辣有唔辣。 🍀皮蛋香菜+普通辣大紅鍋 ($38@位) 普通辣嘅辣度岩岩好，惹味得嚟又唔會太辣 皮蛋香菜鍋清清地都幾香🤤 由於得2個人打邊爐，我地全部配料都只係叫半份，份量岩岩好，又可以食多幾種配料，正!!👍🏻👍🏻👍🏻 🍀美國安格斯優質肥牛 ($119) & 紐西蘭精品羊肉卷 ($56) 打邊爐點可以冇肉🥓🥩碌一碌就食得，半肥瘦岩岩好! 🍀手打蝦滑 ($46) 彈牙嘅蝦滑🦐好有咬口😋 🍀牛筋丸 ($32) 咬落好juicy，牛味充足😋 🍀稻田毛肚 ($62) 灼一灼就食得，非常爽口!😍 🍀重慶耗兒魚 ($42) 根本上除咗中間條大骨，就再無其他細骨，食落好方便，而且魚肉🐟幾鮮味😌 🍀萵筍條 ($18) 清新爽口 🍀鮮腐竹 ($19) & 凍豆腐 ($16) 蜂巢狀嘅凍豆腐吸晒所有湯汁😍 🍀黃豆芽 ($16) 食落好爽脆🥳就算放係辣鍋都唔會太辣 🍀淮山條 ($22) & 炸芋頭 ($19) 淮山爽脆😌芋頭粉腍，打邊爐都唔錯👍🏻 🍀田園菜籃 ($42) 有金菇、油麥菜、娃娃菜、皇帝菜同唐生菜🥬🥬🥬用皮蛋香菜鍋碌菜特別鮮甜!🤤🤤🤤

本土小店小男的茶💪🏿 作為香港人嘅我哋梗係必須幫襯吓🤭🇭🇰 🍀小男蜜瓜加芝士奶蓋🍈🍈🍈🍶 ($39+$6) 佢每杯都係真材實料加茶，見住個店員好用力開個蜜瓜，睇到我哋眼都定埋🤭😂其實好少會有得飲蜜瓜嘅飲品。今次呢間有埋[真].蜜瓜🍈🍈🍈二話不說立即試一試☺佢蜜瓜出奇地香甜😂😂😂好重蜜瓜味，再加埋個奶蓋，完美嘅蜜瓜奶就誕生🍈🍶 🍀小男菠蘿🍍🍍🍍 ($36) 菠蘿都做得好出色😌😌😌佢唔似一般嘅菠蘿冰咁死甜🍍🍍🍍🍍因為佢用新鮮菠蘿，成件事都好清新又唔太過甜，加上喺條街咁熱，飲一啖菠蘿個人都爽晒 🍀小男青提🍇🍇🍇 ($39) 另外，又係清新健康之選嘅青提🍇🍇🍇 留意番提子係有皮嘅🤭唔似得其他鋪頭咁用啲果汁溝成嘅🙈🙈🙈 杯野啖啖肉好過癮🍇 🍀世界水果茶🍉🍎🍌🥝🍓🍊 ($39) 佢杯水果茶超級大杯，裏面勁多生果，超過大半杯🤩我哋咁多人望住杯野都覺得好驚喜🤭🤭🤭成件事個重點❗就係你會覺得好健康💯唔似飲完珍珠奶茶咁，咁有內疚感❌而且每杯嘢飲都係真材實料😍😍非常健康，下次可以再飲👍🏻👍🏻👍🏻👍🏻

朋友們聚餐最啱打邊爐😍😍😍 鍾意台式邊爐嘅我哋今次揀咗老鍋☺️

🍀夜市炸臭豆腐 ($48)
台灣直送，同台灣口味味道一模一樣😍食完好想去台灣😎😎😎

🍀鹽酥雞 ($68)
無咩炸粉，雞粒入面仲係好嫩🤤🤤

🍀酸菜白肉湯 ($158)
入面有大白菜、極品豬王花腩同寬粉🤤
湯底酸酸地幾開胃，寬粉吸收晒個湯底，好入味👍🏻👍🏻👍🏻
豬腩肉係爽口唔會肥膩😍😍

🍀特級美國安格斯雪花肥牛 ($188)
高質好食！必點之一😎

🍀新鮮脆骨腩 ($88)
魚肉🐟結實，非常爽口❤️

🍀手工丸類拼盤 ($108)
拼盤包咗墨魚丸、🦐蝦丸、流心咸蛋黃豬肉丸、芝士牛肉丸同梅菜豬肉丸，手工丸非常彈牙！好有咬口👍🏻👍🏻🤤

🍀魚皮餃 ($44)
味道唔錯👍🏻

🍀三秒響鈴卷 ($68)
打邊爐必點！即炸好新鮮好好食😋😋

🍀咸蛋炸魚皮 ($68)
魚皮炸得勁香脆！加埋咸蛋黃好吸引😋

🍀高山娃娃菜 ($48) & 蕃薯苗 ($38)
新鮮好味🥬🥬🥬

🍀新竹米粉 ($38)
加埋湯汁好好食🤤

Happy Friday!!! 同同事食完lunch梗係飲返杯慶祝下🥳🥳🥳 入面掛滿晒萬聖節🎃🎃🎃嘅裝飾，好有氣氛!! 入到去發現仲有好多好細隻嘅工藝品，好得意，睇到都開心😍 除咗飲品之外，佢地仲有麵包賣，下次早餐都可以試下佢😌 🍀金黃芒果 ($35) 最鐘意就係芒果，見到都忍唔住叫返杯😍 佢係半杯芒果肉加上半杯豆奶沙冰，粒狀嘅芒果肉甜甜的😋，豆奶香得嚟又冇咁膩，甜度岩岩好👍，非常夾! 鐘意芒果嘅朋友必叫! 🥰🥰🥰 🍀春滿鳳梨 ($38) 同事就叫左杯菠蘿果汁加上芝士奶蓋 菠蘿果汁好fresh😍，杯底仲有果肉，上面係濃郁嘅芝士味，味道都唔錯! ☺

灣仔開咗間新餐廳，係灣仔放工嘅我地就一齊去chill下☺️☺️ 佢地有outdoor，仲有商務宴會廳同私人宴會廳，其中一個仲有得打麻雀同唱K😍 我地未齊人就去outdoor 坐低飲杯mocktail 再加2個送酒小食，chill住等❤️ 🍀 Mocktail 佢哋有 mocktail同cocktail，仲可以揀凍或者熱，調酒師會根據當日嘅食材調配，好特別！👍🏻 🍀 椒鹽鮮魷 ($88) 魷魚好新鮮而且完全唔會韌，炸到好酥脆，好味!!!😋 🍀 龍袍烤豬脾 ($238) 半肥瘦嘅豬脾烤得好香脆，而且唔會乾，送酒一流🤤🤤 同事們到齊就可以去食正餐 🍀 龍太子泡飯 ($298@人) 預熱個石鍋之後加入白飯、香蔥、龍蝦同龍蝦湯，最後加入脆米烹調 煮緊果陣，成間房都好香🤤🤤 每人仲有半隻龍蝦，爽口彈牙👍🏻 個湯底好鮮甜，脆米煮完後依然好香脆，加埋飯粒有2種口感，非常推介❤️ 🍀 艷火妙醬煀牛尾 ($368) 淋上玫瑰酒係石頭，再點火燒一燒，有得食又有得睇☺️ 牛尾非常腍滑，而且煮得好入味😋 🍀 濃湯鮮茄泡羽衣甘藍 ($168) 爽脆嘅羽衣甘藍加上鮮茄味嘅濃湯，甜甜地又幾好食 🍀 蟹肉石盤炒燸米飯薄煎 ($218) 蟹肉大大塊，而且份量都唔少 仲有飯焦，食落勁香口，好味道😍 🍀 楊枝甘露 濃郁嘅芒果味👍🏻食埋甜品勁滿足❤️