話說今日一家大細 好肚餓小朋友嗌住話要食漢堡 咁就入咗呢間餐廳啦 見到呢度新開左一間漢堡包 環境都唔錯幾ok, 感覺上都好乾淨 咁我哋就有選擇困難症叫咗店長去推薦 分別介紹咗 A4和牛漢堡+$12瑞士芝士（cream cheese)$110 黑松露蘑菇安格斯漢堡（usda prime)+$12車打芝士$110 佢嘅漢堡全部都好大份，仲要係啖啖肉之餘，全部啲肉汁係會流㗎，大家食嘅時候一定要好小心，真係流到成件衫都係汁，如果大家鍾意重口味嘅話，可以揀黑松露蘑菇安格斯漢堡。 如果鍾意淡口味啲，就可以揀A4和牛芝士漢堡，兩個都好食到出唔到聲， 真係好足料 另外因為三個人嘅關係再嗌咗啲小食 份量依然都係超多 chicken wing 4 pcs $48（辣） black truffle fries $58 1664 $48 汽水$18

由於情人節關係好多好餐廳都full哂 竟然比我搵到呢個酒店餐廳又有海景 個情人節套餐又唔貴性價比高，打卡一流，除咗三文魚沙律同雪葩之外其他都好食 首先先講前菜部分，例牌：餐包，龍蝦湯很好很濃味，三文魚沙律（沙律好食，但三文魚好難食咬唔開）又有骨好睇唔好食 之後到主菜：肉眼（5成配龍蝦）煎得岩岩好唔會過生過熟，另外一份煎爐魚，肉質夠滑生，魚皮煎得硊口，每份本身都有跟特別醬汁，亦會每份都額外再比3種汁另外配搭 最後甜品，燉蛋正常普通，而雪葩太粉我個人認為唔好食

話今日朋友生日泥酒店staycation 就包左一餐 2人餐仲有酒飲任飲， 對我呢啲酒鬼泥講非常抵 整體偏甜惹味完全超傳統 香港人可能未必接受 服務態度非常好，好主動 又會教嘛點用主菜同配菜一齊食為好味 又比左個驚喜 呢度全部都係東南西菜式 原本係晚餐因為疫情關係變左午餐食， 因為餐廳6:00關門無得外賣上房食， 甘首先有前菜3款包括有蝦片小食，炸魷魚辣辣地好惹味，仲有越式鮮蝦米卷好有鮮味另配特製魚露唔會好鹹 之後就有串燒，全部係雞肉，由於汁偏甜有少少油膩感，不過有酸瓜同菠蘿配給中和番個味道 之後上主菜，有咖哩大蝦(只有2隻）配通菜白飯，咖哩汁濃味偏甜都餸飯一流，巴東無骨豬手配木瓜沙律，豬手好方便無骨，當扒切，有炸過加上個汁甜好油利，所以待應上菜時預先教一定每一啖肉都要加一啖木瓜沙律食 最後因為生日有甜品唔甜很好同一張即影即有送番 最後要好好多謝番呢位待應

話說一直心思思想試呢間餐廳好耐 因為而家疫情關係冇得去泰國 而佢嘅裝修好有渡假feel 咁啱今日今日同朋友 經過沙田就順便嚟食吓 由於午餐時間款式唔多但價錢都合理 $50-$80等 咁我就叫咗個泰式燒雞髀飯，份量啱啱好一個女仔嘅食量，食返呢啲泰國菜好有去咗旅行嘅感覺，個汁酸酸甜甜鹹鹹地真係好掛住呢種味道而我朋友因為冇乜胃口就叫咗個牛肉船麵食，佢嘅牛肉就係牛腱嚟嘅，當中亦都有牛丸同通菜份量十足，我朋友都食唔晒，啲牛肉啱啱好唔會好難咬，最後飲埋個檸茶就走嚕