早排平日同frd約咗來食lunch～ 呢度落單幾特別😂😂 好似叫車仔麵咁自己填紙 然後自己拎出櫃檯俾完錢 之後先會出餐上菜 講番食物先～ lunch價錢都唔算貴 lunch set 包餐湯野飲大概都係$70-100 嗰日叫咗意粉&pizza同朋友share 意粉覺得普通 正常味道🤣 pizza有驚喜啲 好薄好脆！ 芝士同肉類都足料

住係附近好耐， 睇ig推介先發現呢間高質車仔麵店！！ 先講門面， 新裝修好乾淨 有桌椅有卡位 有樣特別就係啲座位附近會痴住啲memo 寫啲勵志嘅心靈雞湯句子 記得嗰日見到有句盧梭嘅quote 望住食嘢有滿滿的正能量hehe 講番嘢食 我叫咗 腩汁油面蝦條豬紅蟹籽丸 ig推薦真係冇講錯 蝦條要加一蚊 但好值得！好彈牙好爽！ 豬紅都好實 又入味！ 蟹籽丸就正常發揮 幾嘢配埋腩汁真係好好味！！ 常規三餸面係$39 我叫咗蝦條加$1所以埋單$40 非常飽肚又好味！ 推薦！

約咗朋友來食lunch～ 其實座位唔算多 不過好彩我哋唔係rush hour來 大概兩點幾來到餐廳 所以人客都唔算多 就算地方細細都唔會逼 來到係qr code自助落單 可能因為我哋餓 所以特別唔等得 係咁諗啲食物幾時上菜😂 其實係即叫即整 雖然等耐dd但上菜熱辣辣非常新鮮！ 意粉好creamy好食！ lunch set中包前菜同飲品！ 等嘅期間 見到餐廳裝修都幾vintage好悠閒嘅feel～ 同埋個歌單都值得一讚！ 播好多近期嘅廣東歌～ Megahit～係咁先啦～ Dear my friend～ 仲有好多首等等 因為我哋真係坐咗好耐傾計😂 不過店員都冇趕過我哋走 好舒服嘅用餐體驗！！鍾意❤️

呢個其實係九月食嘅開sem飯～ 同幾個frd一齊約埋耐食lunch 係香港大學站行過去都小小遠 特別係行上條斜路&樓梯之後弱雞的我真係覺得累了 但去到見到店鋪都幾靚 藍色門面裝修 小店空間唔算大 但藍白裝修簡約設計都舒服嘅！ lunch set 包湯同飲品一杯 價錢大概100～200 咁主菜我就叫左紫薯帶子意大利飯 味道偏淡嘅 小小creamy但唔會好漏 最鍾意係係食到好多紫薯粒粒！ 至於最開心就係店員送咗甜品比我哋！ 焦糖布甸 brownie 同埋tiramisu 三樣都好鍾意❤️

樂富uny food court裏面6月新開嘅拉麵店～ 係日式拉麵mix西式醬汁嘅概念 雖然開咗一段日子但都冇去試 驚會好怪 但最近見到佢個lunch set又幾抵！ $60 包 指定款式拉麵一碗，一款小食同一罐飲品 學生仲有得- $5！ 所以我就決定試吓～ 下面呢度係揀咗卡邦尼煙肉拉麵 炸薯餅 同一罐巨峰玉露～ 拉麵隻蛋係溏心蛋！ 個汁好似creamy嘅湯 味道同普通卡邦尼嘅汁一樣 只係質地冇咁傑～ 所以都係好食的！ 只係平時嘅意粉而家換成拉麵～ 個薯餅都係即炸夠熱 但忘記係乜餡料了～ 總結呢個set都係can try try的～

最近每星期都會嚟長沙灣 喺ig見到呢間餐廳所以決定來trytry 第一次去食嘅時候叫咗焗豬扒飯 $42 本身期望不大 但食落真係CP值好高！ 即叫即焗熱辣辣 大大塊豬扒唔鞋 而且係炒飯底！！ 啲茄汁芝士味道都好正常 完全唔係hea你！！ 所以之後第二次再回訪～ 叫咗蜆肉意粉同芝士焗青口 真係非常之平！ 意粉$38 跟餐叫兩隻青口+$15 學生送嘢飲 所以total $53 就有咁多嘢！ 味道正正常常 雖然不至於驚艷 但以呢個價錢來講真係非常之抵！非常飽！ 而且雖然係屋村餐廳 但環境裝修都新淨 坐得舒服～like

之前聽朋友講過 話呢度啲麵大大份又好食 今日終於有機會一試！ 我叫咗黑蒜油湯底配小麥麵 ～ 湯底真係非常之濃郁夠味！！ 朋友就係豚骨湯底配是日special嘅辣椒麵～ 我怕辣所以冇叫 但朋友話食落都唔算辣 每份麵底有200g！ 加上本身每碗都會有一隻完整嘅溏心蛋 同兩塊叉燒 連大食嘅我都覺得非常好食非常夠飽！ 但一開始入座嘅時候問到一陣奇怪嘅味道 懷疑來自廁所嘅清潔劑或者消毒藥水味 但好彩坐坐下就冇再聞到～ 另外職員都好好 我哋大概1330入座 最後一直傾計坐到佢地1500落場～ 整體依然都係愉快嘅用餐體驗

第二次來食lunch了～ 今次自己來食叫咗菠菜忌廉汁三文魚蝦意粉 包埋一杯茶都係$68咋～ 上菜過陣新鮮滾熱辣～見到係啱啱整好嘅出曬煙～ 意粉同餸嘅份量都好夠 食落除咗三文魚同蝦之外仲有啲蘑菇！ 呢個價錢來講真係非常抵食！ 而且店員服務態度都好好～ 不過我覺得如果意粉可以再入味啲就更加好～ 呢個係上次同friend來食嘅時候就叫咗墨魚汁意粉～ 亦都係份量非常之足夠，不過我都係希望如果意粉可以再入味少少就好喇～ 但總括來講以六七十蚊嘅價錢，有呢個質素同服務已經係性價比高💛

餐牌由薯條轉咗跟番薯條🤩仲好，係我鍾意嘅甜薯啊～ 啲食物全部真材實料，南瓜湯真係淡淡南瓜蓉，其他食物都係保留到食材嘅原味同鮮味，偶爾食清淡啲都好～ 夠曬實在所以就算係素食都夠曬飽！