簡單嚟講，明明無客都係咁催，無下次！ 件事就係咁嘅 本身見間餐廳openrice食評咁好 Book左七點去食 我地8個人，早左5分鐘到 餐廳分兩層 樓下大概有6個人食緊 樓上無人嘅，我地係第一枱 之後就係惡夢嘅開始🫠 1️⃣催洗碗 我地比預訂時間早左到 所以一開始未齊人嘅 但店家要求我地幫未到嘅人洗埋啲碗碟咁佢地就可以拎走啲洗碗水 好似指令我地做嘢咁🫤 2️⃣催落單 都係個句啦 其實我地未齊人 時間大概7點零幾分 但店家係五分鐘內催我地嗌前菜同湯底催左三次 結果我地未齊人就落左單 唔知點解一大班人聚會要趕到咁😓😓😓 3️⃣催整調味料 其實，火鍋食物又未叫 成層得我地一枱 佢到底急乜？😵‍💫😵‍💫😵‍💫 4️⃣催食前菜 我地食嘢個速度都正常嘅 大家個口都郁緊，唔係掛住傾計唔食嘢個種 但呢個時候店家又催我地快啲食晒啲前菜🤬 個下真係嬲左😡😡😡 講真我食得火鍋當然就係希望一班人慢慢傾計慢慢食 但店家係不合理嘅情況下催左我地好多次 係真係催到會令人覺得好唔舒服個種 食物正正常常啦 但成餐飯最有記憶就係俾人催🫠 好後悔嚟左食 真係無下次😤

如題啦，係平日黃昏時段， 冇人排隊嘅時候買嘅奶蓋紅茶， 成杯都仲係未溶嘅奶粉(定奶精？) 之前試過喺大埔分店買同樣嘅嘢飲都係咁， 但冇咁誇張。 今次真係每飲一啖都飲到奶粉，負評☹️

雖然喺朗豪坊入面食過好多次嘢， 但就未試過食呢間， 因為佢實在個位置太高喇。然而我終於喺上個禮拜六嘅晏就嚟左食啦！ 今次嚟食最主要係想試佢個酸菜魚(桂花魚)， 同行友人食過話好味。 嗰餐牌都有好多選擇， 好多食物其實我都想試，可惜我哋有少少趕時間又食唔落咁多嘢， 所以就淨係叫咗酸菜魚食。 個酸菜魚嚟到好大碗， 啲魚都幾多同埋幾好食， 另外佢一開頭畀嘅茶都幾好飲， 可惜淨係可以refill清水， 如果可以添飲就好喇。 整體嚟講唔錯 ，下次會再嚟。

尋晚8點幾左右去到餐廳個時仲有幾張空枱，入到去完全無人打算帶位！ 我地一行五人唯有問可以坐邊，然後俾個相信係店長嘅男人嘴藐藐咁話我地心急，叫我地坐低先！大佬你位都唔帶點知坐邊啫？ 去到叫嘢食，我地有人問另一位店員有關日式獅子卷同芝士竹輪卷有無分別，點知位無禮貌嘅店員又係旁邊搭訕話猴子卷咪猴子卷，竹輪卷咪竹輸卷囉！個語氣勁差！完全無意慾解答問題！ 雖然食物ok，但好地地食一餐都要俾位店員咁串幾獲，貼錢買難受囉！