自從錦麗開左之後就鍾意左食越南牛肉河, 去到邊都要搵越南牛肉河黎試好多間都係試完一兩次就冇再食, 唯獨係錦麗我會食完再食
我就好唔鐘意食野要排隊既, 如果唔係咁多人排隊既話我諗我食既次數會更多
我唔敢講唎到既越南牛肉河係最好味,不過好岩我口味

係德福行街行到6點幾, 經過錦麗見得幾個人排唔算太多,就決定食錦麗
等左15分鐘左右就有位
唎到既湯河只得一個湯底, 餸就得熟牛肉, 生牛肉, 同埋和牛丸
3樣餸都食過, 覺得牛丸係最好味, 所以叫左牛丸河, 再加仲碟4件法式牛油雞翼, 同埋一杯凍檸七
雞翼好脆好香牛油味, 仲有好熱好熱, 食既時候小心辣到嘴 湯底清甜得黎亦有好香濃既牛肉味
牛肉彈牙, 勁濃牛味, 係我食過最好食既牛丸 香料有九層塔, 芽菜, 青檸同椒粒跟返自己口味落 唎到既價錢比起其他越南粉餐廳都差唔多, 或者仲平少少, 而質素好掂, 絕對抵食

星期六難得好天冇落下, 所以去左西貢行下, 食下野 之前黎既時間應該未有唎間鋪, 我又鐘意食咸蛋整既野, 所以就試下 髀魔既炸雞，主要有兩種醬汁，就係鹹蛋同埋麻辣 炸雞髀有得揀普通大細或者比平時大既炸魔髀 因為想食其他野, 咁就叫左普遍size既黃金炸雞髀同埋黃金魔翼試下 廚房係開放式,可以俾人睇住食物既製作過程 叫完野食先會開始炸,所以一定熱,但就要等耐少少 等左20分鐘左右終於有了, 叫炸雞髀會俾埋手套, 方便食用, 而包裝入面有張紙巾添 炸雞髀只得皮上面好少黃金碎, 皮就好咸, 而入面既肉就唔太入味 反面黃金炸單邊雞翼意外地好味, 皮脆, 黃金量足, 好味 下次會再食黃金魔翼, 或者試下辣味同其他野食, 但炸雞髀就不了

行完sogo開始肚餓, 格黎就係The L. square成棟都係餐廳咁制, 唎間餐廳都係The L. square 入面

最近鐘意左食越南粉, 香港亦都越開越多, 淨係銅鑼灣都可能有成10間,好多人話唎間好食所以上黎試下

餐廳環境裝修得唔錯

menu都係同其他越南粉咁上下, 但比較特別既係湯河有得揀size  我就揀左碗L既生牛肉牛丸湯河 $79
湯既味道普通
肉OK唔硬
牛丸有2粒(半粒x4), 太粉唔彈, 冇牛味

星期六難得好天冇落下, 所以去左西貢行下, 食下野
係同一條街食左d小食, 唔太餓得黎又唔夠飽喎, 咁點算? 咪再食野囉
條街好多野揀, 有泰國野, 車仔麵, 海南雞
本身都想食唎間架喇但見要排隊就行前d食d小食同埋睇下仲有咩食
食完小食見對面車仔麵都好似唔錯但長期都好多人排, 所以就行返去金雞睇下, 點知咁岩又冇人咁就入左去食

店鋪位置唔大, 得10幾個位左右, 食物選擇都唔多, 主要都係海南雞,豬碲,同埋魚餅
叫左個去骨海南雞飯同麻辣去骨海南雞飯

海南雞既雞味講真就唔重架喇, 但即使係雞胸都做到好嫩滑
油飯入面有d炸蒜, 食落幾香
好少見海南雞飯有得揀麻辣, 所以叫左個試下
原來就係去骨海南雞飯上面加辣油
辣油好香, 好多渣, 似係XO醬, 只係麻味唔太夠, 不過都幾辣下 仲有個南瓜湯送, 湯入面有少量南瓜蓉

去觀塘行過東廣場, 落緊大雨咁岩見到有間 mos burger就入左去食
幾年無食Mos Burger, 唎排麥當奴又拍住個知明大廚出左個期間限定既肉醬芝士漢堡,咁當然要揀返個摩斯芝士漢堡食啦
女朋友就揀左北海道薯餅漢堡食, 因為見個配搭幾特別

摩斯芝士漢堡, 不過不失啦, 肉醬唔會太過咸, 有d蕃茄同洋蔥, 食落會冇咁流
北海道薯餅漢堡唎個配搭真係幾特別,薯餅好脆, 意粉味道正常, 加埋d菜又係令到食落冇咁油膩, 唔錯, 不過成個組合都係得碳水化合物同菜為主, 係冇肉既, 如果冇肉唔得既人就唔好揀喇 Mos Burger既薯條我都幾鐘意, 唔係幼果隻, 粗粗地, 鹽又唔會太多

今晚同女朋友二人世界，佢鐘意食泰國野，但又怕出九龍城遠又要等位，所以就近近地響屋企附近覓食

好彩之前經過德福見到一間鋪仔係食泰國野，如果唔係又要頭痕諗食咩

去到門口店員已經好熱情咁向我地介紹，我地睇下menu，價錢一啲都唔貴，$208已經有一個二人套餐，包哂野飲甜品，相信普通餐廳都搵唔到。店員仲話食滿$250會送一碟泰式魚餅，聽落又幾抵，即管去試下。

二人套餐包左約4分1隻燒雞（或海南雞）、生菜包、飛天通菜（或馬拉𦾟芥蘭）、兩個黃薑飯（或蒜蓉包）、兩杯飲品同甜品。我地叫多個芒果糯米飯夠$250，所以就送一碟魚餅。

上菜都算快，係幾耐啲野都多到放唔到咁濟，如果坐四人台應該好少少。 海南雞就食得多喇, 所以今次揀左燒雞, 唔會好乾, 味道都唔錯亦都好入味 送既魚餅, 平時係送春卷, 果晚冇唒所以就改送魚餅, 自己本身係鍾意魚餅多d既, 但唎到既魚餅就唔係話特別好食 蒜蓉包唔好食, 好淋, 蒜蓉味亦唔香, 揀返油飯/白飯好過 飛天通菜, 好好味!但係我自己本身都食開辣既都覺得辣左d, 而女朋友只食到少少辣, 所以唎碟佢係完全食唔到既, 如果唔食得辣記得問下有冇得少辣/走辣 除左飛天通菜, 仲有個生菜包, 唎個套餐菜既份量幾足夠下, 岩唒鐘意食菜既我!用黎夾生菜包既肉酸酸地,少少辣,味道幾夾 餐飲揀左泰式奶茶同青檸梳打, 泰式奶茶係有泰式奶茶既味, 但茶味唔太夠濃
青檸梳打得1塊仔青檸, 但都有青檸味既 最後跟餐既甜品, 唔記得左叫咩名, 但係唔好味既, 太甜另外加左個芒果糯米飯, 唔錯, 糯米飯有少少咸, 唔會好似泰國果d咁咸, 又唔會完全唔咸, 椰奶分量都足夠 下次會再黎試埋其他野

放工肚餓諗在去同一條街既麵包鋪買隻包食點知關左門
無意中發現左唎間越南小店,平時朝早都會黎唎邊買包做早餐,可能早上未開門所以一直都唔覺唎間鋪既存在
舖面唔大,一眼睇唒
門口有menu, Menu得一頁,揀選唔多, 只有幾款主食,小食人飲品揀, 不過見唔太貴
鋪內裝修得唔錯, 睇落好舒服, 就入左去試下
入到去要到收銀先點餐, 然後坐低, 跟住店員就會拎食物去你個位
我地叫左2碗牛肉河, 牛油雞翼同埋椰青水
等左10分鐘大右食物就到了 香蒜牛油炸雞翼(跟餐$20/2隻)又熱又脆, 蒜味香濃,好好味! 不過都幾油下 椰青水就椰味同甜味都冇乜, 可能係真椰青水
牛肉河湯夠濃,牛都有牛味亦唔會好老
人均消費 $80, 其他食越南粉既鋪頭都差唔多係唎個價位, 而唎到既味道都唔錯, 可以再黎!

食完午餐覺得唔夠飽想再食d野,於是就特登去太子諗住食餃子
本身唔係想食唎間既, 但去到另一間先發現公眾假期唔開, 跟住就諗住算數, 點知行行下見到唎間都係食餃子,一於入去試下

餐牌見到有好多選擇, 比較特別既係唎到既湯餃係用老火湯做湯底,仲寫明無味精,所以叫左個鮮肉韭菜湯餃試下
本身自己鐘意食煎餃多d,所以都叫左個鮮肉芝士煎餃

老火湯飲唒都冇口乾, 應該真係冇加味精, 韭菜餃味道OK 煎餃就普通左d, 有d硬, 芝士唔太多
總括黎講都唔錯既, 可以再黎食湯餃