黎開將軍澳探朋友同佢隻狗仔，朋友介紹去左呢到食下串燒，飲下酒，傾下計，估唔到仲有桌球玩添！
餐廳係海天晉商場入面，行完將軍澳海濱熱熱地過來就岩唒。
唔好以為酒吧個個係到傾計一定會好嘈，餐廳樓底都幾高下，差唔多坐滿唒，又播住歌，都唔會覺得好嘈
反而環境夠大，幾舒服，幾適合幾個朋友一齊飲下酒傾下計呢到除左唔少得既Classic Cocktails、同既生啤同埋支裝啤酒之外，各種列酒都樣樣有d
仲有梅酒、清酒、紅白酒，有汽酒
唔飲酒既都可以揀Mocktils、果汁或者汽水 揀完酒當然唔小心叫啲串燒黎送酒啦！
我地豬、牛、雞、海鮮，炸物每樣都叫左少少
食物同飲品都好多選擇 Margarita 除左menu上既食物 ，可以問下當日有咩隱藏menu，我就叫左炸香蕉同埋芝麻雞翼 食串燒點可以唔食牛舌，最有荔枝豬肉都幾特別
喜之次一夜干，本身以為細細份，點知連埋沙律，就咁一份都食到飽飽地
不過留意返喜之次算比較多骨，如果唔識食骨既人就記得要問下邊隻魚會比較少骨喇

相信好多中環人平日都係咖啡當水飲，就算有時想飲杯手搖飲品都無太多選擇😮‍💨上次放lunch時經過發現原來巷仔有間手搖飲品店叫NUTTEA🐿🌰☕️唔知新開定開左好耐🤣當然要update下公司既萬歲資料庫啦😜但買左飯又唔想凍曬，唯有拎張傳單study下有咩正野🧐 鋪頭主打就係堅果制品，有堅果奶蓋茶、堅果奶茶、堅果奶等等⋯留意番🤣三樣野係唔同既，但我自己就覺得堅果奶蓋撈埋下面啲野飲咪又係一樣，所以第二日同幾個同事去買既時候，我都係揀奶蓋既😝叫左杯菠蘿試🍍
杯飲品整好既時候有貼住飲法，我呢啲奶蓋達人就當然唔洗佢教啦🤣先飲蓋，後飲蓋茶是常識吧😎😎😎不過好得意，佢附埋個鏟比你食奶蓋🥄果然！啲蓋多到但要就咁食！我食左好耐都仲有😆堅果奶蓋比我感覺同平時喊香個種奶蓋唔同，佢食落更似忌廉🤔每一啖都有果仁香味，有種好實在Nuts個啲feel，無揸流攤！菠蘿一啲都唔係假味菠蘿🍍無個種地捫糖水底👍🏻飲到新鮮果肉，無死甜，夏天飲好fresh🤩

成杯飲完既感覺係十分之飽！當下午茶一流！我個人就覺得間鋪都幾有誠意，堅果成本都唔平，佢用料都新鮮，比起啲糖水珍奶我覺得完全係有💛之作！

Ps.下次有人萬歲終於唔洗又咖啡珍奶☕️🧋🥳開心！

行過九展俾呢間餐廳嘅裝修吸引咗去望一望裝修以淺色為主、白色木邊籐椅、雲石紋枱、加埋播住好柔和嘅音樂、好似去咗法國嘅咖啡店咁、令人好舒服同放鬆，岩哂同朋友傾計或者拍拖食餐飯首先我地叫左個香蒜辣椒伏特加煮馬拉蜆
唔食得辣嘅人唔好俾佢個名嚇到，女朋友唔食得辣都食到
真係唔食得辣都要試下、因為啲汁非常鮮甜、仲有好濃郁嘅菜味，絕對值得一試主菜選擇都有好多，平時會揀ｄ特別或者比較少見既配搭，但係今次諗到好耐都揀唔到，因為全部配搭都好特別好想試
最後我地揀左芥末籽蜜糖燒豬仔脾意大利飯同埋香煎焗三文魚扒配野菜千層 刁草忌廉汁，兩樣到好好味芥末籽蜜糖燒豬仔脾意大利飯
芥末籽蜜糖配落意大利飯到估唔到又幾好味
平時食既豬仔脾多數都比較細隻，但呢到既豬仔脾好大隻，好多肉，多肉得來又唔肥，瘦得來又唔硬香煎焗三文魚扒配野菜千層 刁草忌廉汁
刁草忌廉汁配海鮮好似好正路
呢個主菜特別之處係用野菜做千層，口感都幾似食得千層麵架，同埋非常之健康
而薯蓉都唔係一般既薯仔蓉，係用紫薯來整既紫薯蓉，好岩我口味，因為我好唔鐘意食薯蓉，而呢個紫薯蓉甜甜地幾好味西柚檸檬梳打

Popcorn行緊街經過一個行左好多次都唔覺眼嘅入口，原來上面係有好多野食！ 都好耐冇食韓燒，可能時間比較早，見到呢間冇乜人等，星期一至五任食110分鐘$258 價錢以任食來講都好合理，咁就入左去 韓式醬汁唔少得啦 出面自助bar都有啲瓜菜菇類可以自己拎來燒，仲有啲熟食同冷盤 叫食物用掃qr code 形式，落幾多件出幾多件，非常smart 牛雞豬羊樣樣有、仲有熟食 雖然係任食肉，但我成日都會叫埋其他熟食試吓 水冷麵好清新、好冷凍，用來中和燒肉嘅油膩絕配 飲品選擇都好多，有糖冇糖有氣冇氣都有，一定有款岩 比較少見既牛蒡茶都有 食飽就食雪糕雪條

雖然宜家有限聚令，但都無損出去試食新野既想法
今日就約左朋友在將軍澳一間食蕃茄湯底出名既餐廳，叫蕃茄18去試下佢既湯底。
午市時候都幾多人，可能餐廳位置比較近屋邨，如果想黎試試佢地既野食既朋友，可能要預番時間黎
入到去餐廳，你可以見到佢地裝修好有香港色彩，有一種好似回到九十年代既味道，令人想影多幾張相打下卡。

從門口同餐牌都睇得出餐廳主打一定係番茄湯同瑞士汁
黎得蕃茄18當然要試試佢個蕃茄湯底
我今次就揀左佢個$55既套餐，選擇左麻辣蕃茄湯底米線
除左米線之外仲可以選擇通粉、米粉、公仔麵同埋上海麵


睇圖見到湯飯都好似好吸引
花膠雞湯飯，胡椒豬肚雞湯飯都好想試
可惜胃就得兩個，唯有下次再黎過

湯底方面，有濃厚既蕃茄味加上有啲微辣既味道，令人食欲大開。
食得辣真係冇得錯過麻辣蕃茄湯底，麻味夠麻夠香濃，同蕃茄味好夾
唔食得辣都要試蕃茄湯，就咁揀蕃茄濃湯湯底，蕃茄味好濃
炒蛋份量都唔少

呢個套餐仲配有一個餸
我就緊係揀左招牌瑞士雞髀
雞髀入味得黎肉質夠滑
你以為瑞士汁入味就好正喇咩，咁就錯唒
係入味得黎仲要成碟瑞士汁俾你切一淡點一淡瑞士汁

講到咁好味件雞髀咁大件都唔夠食啦，所以加多份瑞士汁雞全翼
雞翼一樣入味嫩滑，仲要好易切，唔怕食得麻煩


我朋友就選擇左午餐C食神三寶飯，三寶包括係荷包蛋、叉燒同埋瑞士雞翼。留意番，佢地既叉燒係免切既，所以都好大舊，我建議都係用餐刀切開佢黎食比較方便，荷包蛋屬流心蛋，將蛋汁撈埋啲飯食都係好好食。瑞士雞翼同雞髀一樣肉質夠曬滑👍

好多特色香港飲品

飲品我地就選擇左菠蘿冰和綠椰冰，菠蘿冰既味道唔似平時某罐頭牌子既菠蘿味道，無咁多糖水。綠椰冰綠豆蓉非常多，加埋椰汁，正。



總括黎講今次既食物質素都比較高，特別係佢既瑞士雞髀同雞翼，絕對可以再幫襯，有去開將軍澳既朋友去試試。

最近因為疫情關係好耐無飲過肥仔水😖咁岩要同朋友去銅鑼灣sogo thankful week買氣炸鍋，血拼前周圍行下，見到有間茶飲，裝修得幾靚，又唔洗排十世，決定入去try try佢😛
珍煮丹個名聽就聽得多，不過就未真係幫襯過🧐好怕坊間啲假味黑糖⋯一味得個甜！不過行過又想飲就比次機會佢啦！

我叫左杯黑糖珍珠厚鮮奶，話曬都係推介list中第一名，應該唔錯既😛😛😛佢啲野飲就有得揀甜度同冰度既，第一次試我就無加加減減，原汁原味咁叫😆
等左陣終於有野飲啦🥳
店員好細心提我要搖勻先飲，我即刻倒轉上下，店員就再提我可以左右輕輕搖，因為佢啲黑糖好厚，倒轉都唔會點郁😅😅😅
一啖飲落去😱好好味！佢有一朕花奶香味，成個感覺好thick好濃，超超超正評👍🏻👍🏻👍🏻👍🏻啲黑糖珠珠又唔會好甜，好岩我口味，可以唔洗少甜個啲都得！

朋友就想試啲新鮮野，唔飲佢個推介list，所以叫左杯十份芋圓鮮奶🍼平時好少見做芋圓做配料，見到當然要試下佢啦😬😬😬

我見朋友杯野飲仲有層芋泥，好似好正咁🤤佢話好似飲緊甜品咁，超正，方便過要等十世先食個啲芋圓甜品，芋泥將成杯野提升左，仲問我點解咁好飲會唔上榜⋯

我心諗⋯杯杯都好飲唔通一日印一張推介排行榜咩😂😂😂所以有時都應該跳出自己comfort zone試下新野，你唔比機會佢又點會知佢岩唔岩自己呢☺️

響太古坊番工既朋友一定對樓下冰室唔陌生，響正側魚涌站對面，招牌明亮好搶眼✨✨ 入內見到餐廳裝修模仿懷舊路線，不過座位過比普通茶記闊落。亦有可能由於疫情少左人堂食既原因，覺得一啲都唔逼👍🏼👍🏼 呢間冰室打正蕃茄湯底同瑞士汁既旗號🍅🍗 我同朋友分別叫左兩個皇牌套餐同冰室必食既菠蘿油 滑蛋蕃茄湯通粉 湯底顏色鮮艷，較杰身，酸甜味平衡得宜，配合通粉食亦適合不過😋 炒蛋都好滑，而且份量不少😝 而我自己本身過揀左三餸湯米線，湯底揀左小辣🌶 上堂都嚇一嚇，滿瀉咁劑既份量，夠哂足料👍🏼 至於另一款必食既仲有瑞士汁雞翼同雞髀🍗 貪心既我哋兩樣都試左😝 雞髀同雞翼都是大大隻，而且肉質煮得剛好，幾滑 瑞士汁上色均勻，味道很有層次，甜中帶微香，做得不錯❤️ 同場加映飯後甜品菠蘿油 色澤金黃  外皮香脆 麵包略略焗熱才上台 但略嫌牛油太少 最後推介特飲綠椰冰 紅豆冰就飲得多 綠豆冰都係第一次試 綠豆已打成細蓉 而且超多料 飲落淡淡綠豆🤤 味道亦不會太甜 推介👍🏼👍🏼

行開長沙灣想食泰國野本身諗住去九龍城架喇
但又見到係元州商場地下有泰國野食 有麵有飯有串燒有炸野
主食有十幾樣, 小食選揀都應該有20幾樣, 話多唔多話少唔少
四五十蚊就有套餐, 有埋飲品, 想轉泰式特飲都只係加6蚊, 非常抵!
下午茶仲抵, $30左右有埋野飲
可惜未夠鐘下午茶, 所以今次就咁叫套餐再狗個串燒食
豬肉船河 轉冬陰公湯 估唔到40幾蚊一個麵都咁足料 有豬肉, 肉丸, 蕃茄, 秋葵
冬陰公湯底都好好飲
小食揀左串燒雞肉 串燒有3款汁揀, 我揀左沙嗲汁
個汁好好味
串燒都係即叫即燒, 好夠熱
好大串, 但d肉都燒得好嫩, 岩岩好


飲品加$6轉左青檸梳打, 好夠汽夠凍, 酸甜度都適中 

係太子成日想食餃子都係食好多人排隊果間 唔想排隊又食到悶悶地想轉場好耐但又唔知邊到食好 行過見到呢間門面好中國風就走去望望餐牌食咩 有餃子！唔使諗就入左去 呢到比起其他餃子舖多好多餃子以外既選擇，唔使淨係食餃子咁ｄｒｙ 食餃子緊係要有菜脯 韭菜豬肉煎餃　６隻　（＄３３） 煎餃送的辣油少少辣加上少少麻 煎得金黃 韭菜夠熟食完都唔會好口臭 湯餃　８隻　（＄４０） 湯餃可以雙拼 揀左西洋菜豬肉餃，同埋雲耳椰菜豬肉餃 西洋菜唔苦，幾好味 雲耳椰菜兩樣食落都爽口 鴛鴦戲水　８隻　（＄４０） 同湯餃一樣可以雙拼 揀左韭菜豬肉餃，同埋香菇芫茜豬肉餃 個湯係酸酸地辣辣地，幾開胃 可能因為個酸辣湯本身有芫茜，所以香菇芫茜豬肉餃唔係幾食到芫茜味


雞絲湯麵（＄３６）最後加多個雞絲湯麵，好飽！！

今日約左朋友食飯，之前仲頭痛緊食咩好，又唔想好多時出黎聚會都淨係打邊爐、放題咁無特別新意。
經過一番搜尋下，發現呢間串燒放題，見到幾特別立即訂位試一試。
餐廳開鋪時間係五點，我地準時五點入去，餐廳佈置頗有日式街頭小店既味道，當你入到去有少少親切感。

當坐下時，店員會立即端上一盤串燒同沙律，佢地比既第一盤串燒係牛、豬、雞各四串，
同時店員會教導點樣去燒烤食物，服務態度良好👍👍👍
仲有佢地會提供圍裙，防止食客整污糟自已衣服，舉動十分貼心！
餐牌上有超過四十種食材選擇，絕對適合喜歡食串燒既朋友
當中包括M6和牛牛柳、紐西蘭牛西冷、黑毛豬豬頸肉、荷蘭豬五花、台灣腸等等，種類實在太多，而且食材質素好😋絕對係誠意推介！
仲有兩款甜點可以比大家燒，就係棉花糖和雞蛋仔，燒完之後味道更加一流。
如果唔知要燒幾耐先食得，Ｍｅｎｕ到有張牌可以睇每樣食物燒幾耐，跟住時間燒唔使驚唔知熟未！
調味料都有好多選擇，總有一款岩唔同人口味
店員推薦我地試下佢地自己調配既韓式梨汁燒烤醬同沙嗲醬都好好味
飲品方面亦都係任飲的，有好多汽水同樽裝飲品揀，用餐時間為兩小時。