好失望 以前讀書食過幾次水準都ok 今次情人節嚟 首先喺門口遮曬價錢牌 入到去坐先知收貴左好多 咁都完全理解 多人嘛 但入座完全漏曬單 又話第一輪刺身優先 但坐勁耐先有得食 追完之後嚟左盤完全唔係我地落嘅 一睇就知唔見左我地張單亂咁砌😅 然後上菜嗰陣啲侍應成日喺我地張檯上菜去隔離檯 係咁阻住我地食飯 咁收咁多錢係收嚟做咩㗎呢 然後啲野食又係離譜 發灰嘅赤蝦 冇鰻魚嘅鰻魚卷 花之戀 真係一上檯就係呢個樣 最離譜係最後張單同一開始講個價錢唔同 左邊手寫係一開始店員俾左兩個plan我地揀 我地揀左389+1 但右邊埋單嚟嗰張單唔知點解再貴左 如果我地唔問就硬食多幾十蚊 大家嚟食記得要睇清楚張單🙂

本身做好research嚟好期待，一坐低冇耐上左4隻大閘蟹，4隻全部蟹膏咬落都又臭又腥，但見到openrice好多好評，諗住可能自己黑仔，所以之後又叫多兩隻蟹，但都一樣，一隻正常嘅蟹都冇⋯⋯ 之後上左海鮮拼盤大部分都正正常常，不過兩隻蜆已經有一隻係死。其他打邊爐料都好一般，牛肉有兩隻揀，兩隻都唔太好食，然後啲蜆好多都係死嘅，不過海鮮選擇好多。 串燒ok，同埋有雪條任食，所以去到後面就係咁食燒菠蘿同雪條算數😑