新蒲崗呢區有好多街坊食肆，喺仁愛街新開左間pizza 店。 舖頭裝修簡潔明亮，座位唔多但夠寬敞。 主食有焗食意粉pizza炸雞，仲有沙律小食唔少選擇，價錢親民，啱晒大班朋友聚會／一家大細黎食。午餐／下午茶仲有套餐，學生lunch／放學黎好抵食。 pizza 用手製餅底，即叫即整，上枱熱辣辣。薄批鬆脆唔飽肚，更能突顯材料味道。配料唔花巧，粟米洋蔥蟹柳，就是家的味道，煙三文魚係放上pizza一齊焗而唔係後加，略帶鹹香，味道ok. 美式拼盤有炸魚薯條炸洋蔥圈同香草腸。炸物好出色，夠熱夠脆，表面乾身冇乜油。粗薯有薯味，食唔停口。 秘燒豬排骨有別於一般既BBQ醬烤，而係用孜然香草醃完再燒，唔錯。 人均百零蚊，食物選擇多，絕對收貨。下次試下啲午餐先，60蚊有找。

住荃灣既同事推介呢間酒吧餐廳，讚食物水評高同埋好有酒吧放假chill既氣氛。見呢日黎開荃灣探朋友，當然要捉埋個朋友黎試下。 室外位方便有毛孩既朋友仔。 室內環境就比巿區既酒吧寧靜，見有唔少一家大細既食客。 呢度提供既菜式都幾國際化，例如有印度既： Lamb Curry 咖哩羊肉配烤餅 咖哩既辣度係X仔10小辣，羊羶味不強，口味都幾大眾化。 烤餅感覺幾有印度風味，傾向薄同埋有陣牛油香，口感彈牙，麵皮也很有層次，唔會被咖哩羊肉既味道完全蓋過。 味道幾岩我口味，唔洗10分鐘就KO左半份。 Grilled Barramundi Fillet 烤澳洲肺魚片 賣相幾靚，無論味道、口感同色菜都好繽紛，只係我影相技術還正進步中。 第一次食澳洲肺魚片，佢絲滑既口感好正，烤過既魚皮仲有時會酥脆既效果。 環境氣氛都好Chill，就算有好多食客，都夠寧靜傾密計。 餐牌既選擇不少。 仲有甜品。

今日去左佐敦新寶廣場6樓一間富有湖南特色嘅農家菜食午餐，鋪頭名都非常淳樸，叫農耕記湖南土菜。 電梯一開門就見到門口嘅裝飾佈置，就是掛上一些農民喜愛嘅食物直接告訴你湖南土菜的食材是什麼來呢！ 店內設計布置都是精簡而有特色，枱與枱之間有足夠距離唔會好擠迫， 地方又乾淨，食嘢都放心D。 我哋揀咗佢哋推介嘅套餐，包括有鮑魚辣椒炒肉，魚湯白豆腐，糖油粑粑，高壓鍋紅薯飯等。 鮑魚辣椒炒肉賣相非常吸引，青綠色嘅辣椒配上炒香嘅豬肉同埋鮮味小鮑魚，非常惹味加上青椒嘅微辣送飯一流，但係唔食得辣嘅朋友就要注意一下。 值得推介一下，高壓鍋紅薯飯，一大鍋足夠四人份量，當打開鍋蓋 就聞到好清甜嘅紅棗味，將飯攪勻之後， 每口都好好味。 魚湯白豆腐 都 一定要試下，因為啲豆腐非常嫰滑又有豆香味， 鹹淡適中而且一啲都唔辣，送飯一流。 飯後甜品糖油粑粑， 甜度適中加上粑粑軟糯煙韌嘅口感，好味 ! 建議大家襯熱食。 今日午餐食得非常舒服同滿足，會再來㗎!

這家餐廳位於觀塘市中心，apm行過黎唔洗3分鐘，交通非常方便。裝潢簡潔現代，營造出一種舒適的氛圍。 首先，我點了他們的招牌菜─芝士無骨烤雞。這道烤雞外皮香脆，內部肉質鮮嫩多汁，配上一道特製的芝士後，味道非常美味。烤雞的份量很大，適合和朋友一起分享。 除此之外，他們還有一些甜品及糖水任食，如麵包布甸，紅豆沙等，非常適合做飯後甜品。 餐廳的服務也值得一讚。服務員態度友好且專業，總是及時提供所需。他們也很樂意解答我對韓國菜的問題，給了我很多有用的建議。 總的來說，這家韓國餐廳給我留下了深刻的印象。美味的食物、舒適的環境和優質的服務使我愉快地度過了一個下午。如果你對韓國菜有興趣，我強烈推薦你來這家餐廳一試。

近年好興Poke，多數選擇既原因都係快同健康。呢日同位追求健康既fd黎食個晚餐，因為見呢間小店幾近之後睇戲果間戲院。 入到黎估唔到又幾好坐同埋有d酒吧餐廳既感覺，因為呢度有酒同Cockail提供，好特別。 大家各叫一個set好左既Bowl同Coctail，因為大家都有d選擇困難。雖然係set好左，但都有得揀壽司飯、珍珠糙飯或沙律菜。 睇落幾色彩繽紛，食落好Fresh同健康，仲幾有層次同口感。原來Poke都可以同fd一齊傾住計飲住酒chill住食，唔一定係獨獨速食，哈! 我果碗叫ONO$118 有我最鐘意既雞蛋絲、三文魚和蟹棒沙律，呢個組合應該好受歡迎，我見有幾枱都有叫。 揀左珍珠糙飯，飯同Toppings份量既比例大概一比一。 朋友個碗叫OHANA $118 佢同我都一致認同三文魚夠肥美，份量充足。 野飲都幾有特色。

搭廉航上機出發前，當然要食飽飽，先有力開始旅程。 入左機場禁區後，周圍行左個圈，見呢間韓國小店價位大眾化，無話因為係機場就特別貴。見好耐未有機會食韓國野（利申：今次係去九州），所以就叫左3樣野食兩個人share醫下肚。 機場Staff仲有優惠。 睇menu感覺飯卷、粉絲同埋芝士拌麵幾吸引，於是就各叫一款黎試下。飯卷同拌麵唔洗5分鐘就有得拎，幾岩時間有限趕上飛機既旅客。由於我地時間有鬆動，所以就叫埋即炒需要多少少時間既海鮮炒粉絲。 傳統飯卷$78 咩都有d，無論口感味道都好豐富，飯量恰好，夠凍感覺幾Fresh，包裝仲好方便takeaway，臨上機趕時間既好選擇。 韓式炸雞配卡邦尼汁芝士拌麵$78 估唔到炸雞都幾juicy，同芝士拌麵幾夾。 雖然望落好似有d飽膩，但食落又Ok喎。 海鮮炒粉絲$118 賣相顏色豐富，即炒幾有鑊氣，粉絲唔油膩又幾彈牙，值得一試。

咁啱就黎係 Halloween ，所以門口佈置咗啲公仔，好可愛。 氣氛幾好，坐得舒服，好啱同班朋友慢慢吹。 主要嗌咗小食， 同朋友一邊傾計一邊share。 雞泡魚乾，附蟹籽沙律醬。雖然係魚乾，但唔會太乾太硬，唔洗點醬都好食。 如果會飲酒嘅話做下酒菜，應該會好合適。 串燒即叫即燒好香口。 燒牛舌心串，好嫩唔會韌。 燒鰻魚，唔係menu入面，係見到佢黑板上面有寫所以叫黎試下。  下次黎可以留意下佢黑板上面應該有啲係期間限定嘅item。 雞肉大蔥串 燒得啱啱好 啲蔥仲係爽口，唔會淋曬。 怕太多肉嘅，可以叫串燒車厘茄，佢唔會燒到太乾，酸味味refresh下。 貪得意嗌咗碟黑松露薯條，估唔到好有驚喜。 首先份量好大份，4個人分黎食都好夠。 我估佢係用氣炸新鮮炸起，所以唔會好油。 而且除咗鹽，仲額外加咗啲胡椒粉調味，剩食薯條都好好食。 黑松露醬分開上，唔會搞到啲薯條林曬，不過份量有啲少，點曬都仲有大半薯條剩。 美國安格斯肉眼扒，叫咗五成熟，煎得啱啱好又多肉汁。 比較特別係上面有炸蒜片，配牛扒一齊食增加口感之餘，亦好夾濃郁嘅肉味。 配菜用牛油炒過，好香口。

尖沙咀新開左間川菜館，主打豆花魚。雖然我唔食辣，但因為未食過豆花魚，見幾特別就去試下。 舖頭位於香港黃金地段-尖沙咀，但舖裡舖外都有置身內地既感覺。由裝潢/設計/選色都好有特色，形象鮮明。 講返菜式，以豆花配豬/牛/雞/魚作主食，湯底有酸菜/香辣/番茄，配搭千變萬化，可按個人喜好選擇。 番茄豆花魚一大鍋，豆花跟魚片的份量好足，夠3-4人食，仲可以按自己需要選加肉/菜的量。番茄湯很濃郁，與豆花好夾，豆花又嫩又滑。魚片的肉質幾好，唔易散，但細骨有點多。牛肉/羊肉片味道唔錯，脂肪唔多但唔會韌，土豆片吸湯一流，魚腐普通可略過，其他菜正常。 另外喺店員推介下叫左爆漿糍粑，新鮮炸起夠熱，外皮軟糯，裡面做到爆漿效果，食時要小心，糖漿甜度適中，以呢度甜品作結令整餐變得完整，滿足。 菜式夠地道有特色，如果食辣應該更加正。

餐廳位於諾士佛臺8樓，一出𨋢已經見到好大隻Bear，好吸引眼球。內裡以遊戲中心設計，雖然藍球機／遊戲機全部唔玩得，但話題十足，打咭一流。餐廳闊落，唔會太嘈，好啱幾個朋友吹下水，或者情侶拍拖。 落單自己掃QR code. Menu 設計都配合返主題，而且分類清晰，一目了然。 我地兩個人點左蟹籽海鮮蛋卷，White 炸雞配脆脆薯格，韓式海螺拌麵。 蛋卷好巨型，蟹籽分量超多，薄薄蛋皮包住豐富既海鮮粒粒，配上調味剛好既醬汁，好正。 炸雞即叫即做，炸漿好薄，做到皮脆肉嫩，大小剛好，啖啖肉而且好juicy. 但洋蔥忌廉汁存在感就低左少少，通常飲啤酒配濃味野會正啲。薯格一般，好脆身但食唔到中間薯仔軟綿既質地。 拌麵酸酸甜甜，海螺爽口彈牙，麵質係水冷麵嗰種，好煙韌Q彈。夏天必食。 野食每樣百零蚊，份量大，share 黎食就perfect，加上位置方便，環境好，會下次再黎。

今日放學難得約到兩位同學仔食飯溫書，當然要搵間有特色既餐廳醫下肚。 見呢間小店咁近放學既大廈，而且咁有泰國曼谷特色，於是就決定一試。 果日星期六兩點幾仲要排15分鐘隊，三點幾出黎就唔洗排。 銀色金屬枱好有泰國曼谷特色。 我地叫到成枱都係野食。 午餐3：水門雙拼雞飯 加錢轉左食雞脾肉，d肉又滑又有少少雞味。 飯粒粒分明得黎又有啖啖雞味，幾正。 炸雞就一般，唔似即叫即炸，可以skip。 跟餐送左胡椒雞湯 夠熱又夠胡椒味。 凍泰式黑咖啡 原來有少少甜，需要走糖既可能要問下店員，因為QR code落單無呢個選項。 豬和雞肉串燒。 燒得幾香，又唔油膩。 香辣肉碎沙律 生菜爽脆，肉碎bb辣，調味適中，仲有少少洋蔥提下味同口感，好滿足。 另外，仲叫左串限量既和牛串燒。 和牛雖然望落好似熟左d，但食落都唔會太鞋，仲有少少牛肉鮮味。 最後食埋個去泰國必食既芒果糯米飯。 飯本身有椰汁味，再加埋上面既椰汁，好椰丫。