一行人黎到尖沙咀想搵揀餐廳閒談， 呢間係一個唔錯既選擇。 餐廳環境浪漫優美，座位寬闊。打開餐牌，多國菜色種類繁多，沙律、漢堡、pizza、蛋糕樣樣都有。 黎到餐廳，首先餐廳會附上不同口味法包配上牛油。 前菜方面： 🔹釀蘑菇（$86） 蘑菇釀入芝士、香蒜等材料，唔會油膩。一淡一小口蘑菇，份量啱啱好。 小食方面： 🔹脆炸芝士角（$88） 配上意式番茄醬，香口脆皮入面有芝士流出，享受不同口感，芝士控必吃。 主菜方面： 🔹墨西哥魚肉夾餅（$182） 粟米餅夾上烤魚柳，加入牛油果、番茄等材料 ，味道好夾，旁邊亦配有特色飯及黑豆，必有風味。 🔹雞肉蒜香檸檬忌廉意大利麵（$196） 意大利麵配上香草、白酒炒雞胸 肉，再加上檸檬忌廉汁，酸酸甜甜好開胃，份量好大碟。 仲要係埋單人均$200左右，真係超級抵食。🤤

見尖沙咀有分店 ，當然要嘗一嘗，價錢抵食，店舖寬敞，座位之間距離唔迫。 南記價錢合理，有多款套餐選擇，套餐靈活，顧客又可以自選食材，牛肉、純豬肉、酸辣愛好者因物，亦有推出下午茶時段優惠。 南記出名春卷，就叫左B餐：招牌滋選小窩（酸辣）（$57） 入面有多款配菜：招牌辣豬肉、招牌春卷、魚片、冬菇⋯ 非常足料，大大件冬菇，食材唔會細小，酸辣唔會太辣 ，岩曬鐘意食bb辣既朋友，春卷配上酸辣湯，別有風味， 套餐奉送可樂，$57真係抵食。

一行人去到馬鞍山美食荒島， 夜晚時段，天氣咁凍都想搵個地方同朋友短聚，食下糖水閒聊下，去到一間裝修精緻嘅餐廳，外面睇似cafe ，原來係甜品店 ，主打特色多國甜品。 中日西式甜品都有齊， 中式：芝麻糊、西米露、薑湯湯圓、紅豆沙⋯ 西式：布朗尼、窩夫配不同口味雪糕 日式：京都［宇治林］金時鮮奶⋯ 台式：芋圓、黑糖仙草雙圓⋯ 終有一款甜品岩心水，一行人就叫左芒果口味窩夫配雪糕（$48），內有芒果肉、芒果乾、芒果汁 ，口感豐富，可以一嘗芒果不同產物。最值得一讚係窩夫，口味唔會好硬多粉嗰種。 另外，亦叫左一款比較特別嘅《甜匠》x《Welch’s》（$54），一瓶入面可以品嘗到不同口感，蘆薈、小丸子 、葡萄蒟蒻⋯ 味道方面，提子時令新鮮，配上冧酒提子雪糕，味道好夾。 最後，都叫左一杯京都《宇治林》金時鮮奶（$38），紅豆底，味道甜度適中。

土瓜灣特色越南餐廳 見到有少有嘅蟹膏湯底既麵食， 即刻叫左碗蟹膏海防湯濛黎試下。 客人可以自行選擇河粉、檬粉、金邊粉、粉絲。 蟹膏海防湯濛非常足料，材料有：蟹膏、蝦🦐、番茄 、扎肉、香菜肉丸、香菜等 湯味濃郁，必試之選。 而越色烤豬肉拌撈檬亦唔會油膩，真心推介。 另外，叫多左個越色烤豬肉法包，配上辣醬，帶出豬肉既味道，不嗜辣嘅都可以試一試。 飲品方面： 紫米乳酪沙冰，唔會太甜，恰到好處。 而薄荷芫荽可樂都出色，陣陣薄荷香味😋。

繁忙時間排曬長龍 ，唔想排好耐，就去返好耐無去過茶木食野， 對上嗰次食都係食雪糕多士甜品， 茶木出名台灣麵、台灣肉燥，多士甜品。 我就叫左個香煎沙朗肉燥飯 $78 不過不失一餐 ，d肉係幾彈牙🤔 肉燥係幾好味，肉燥份量都比較多，撈飯一流，配菜都幾美味。 但只係覺得套餐唔多抵🤣又要加$20先可以套餐，價錢偏貴。 甜品有更多選擇就會好少少😹 無咩興致落手揀甜品。 整體感覺，都維持到以前既水平，不過不失。都唔洗點排隊就有位，快捷方便。

白沙灣碼頭對出路旁經過會見到一間好chill既餐廳🤪睇見都好有渡假感覺。 見到個menu都覺得吸引， 又有牛排 、全日早餐 、海鮮 、漢堡樣樣有齊 好想叫曬咁多樣野🤔 但因為趕時間去出海玩， 所以拿拿聲就叫左Eggs Beneditct $88 & Smoked Salmon Beneditct $88。 睇個貌相都非常吸引🙈份量好足夠， 個水波蛋好出色🙈配埋醬汁 ，完全同個三文魚好夾。 煙三文魚份旺量充足 ，唔會發現有筋&唔會太油，值得推介！

座位比較闊～環境感覺舒適 Chill下既好地方☺️ 唔似普通cafe 要人貼人 Frech toast with Marshmallow $68 口感有驚喜☺️配合熱溶棉花糖 香軟細緻 🥺 咬落去係軟棉棉 唔會太乾 甜度適中☺️ The Brewed Big breakfast $128 比較特別係原條豬肉腸☺️ 煙肉 都唔會煎得太焦～ Uji Matcha latte $42 比較鐘意呢個口味 Matcha味濃郁～ Houjicha Tea latte $42 培茶拉花latte 味道不錯

重拾去日本既滋味😌 就緊係去試下吉列系列 又可以滿足下燒下肉既感覺 試左個豚牛二味套餐 去試曬兩種既肉☺️ 炸粉係適中既 又唔會太多 同日本食既都差唔多 加左個溫泉蛋同咖哩汁 最緊要係可以refill 沙律 麵豉湯 同麥飯 呢個對大食量既人係好好😌 佢係+$68有飲品+甜品 叫左個棉花糖雪糕 幾特別下😌 加埋綠茶粉🥺口感唔錯🥺 值得再食☺️

想近近地食日本野，就去左大統領。假期晚市就比較多人排隊。 配合唔同季節，都有時令既魚同限定既食材： 今日就叫左個蟹膏帶子漢堡$88/3，帶子甘甜，配上蟹膏非常好味。 蔥香吞拿魚蓉丼 值得推薦呢個吞拿魚蓉丼，完全唔需要落豉油襯托，簡單紫菜拌飯已經帶出吞拿魚的味道。 叫了刺身拼盤一客，（帶子兩切，三文魚兩切，甘蝦兩切 ），刺身食材新鮮，沒有任何筋及沒有冷凍雪藏味 燒鰻魚丼，鰻魚燒得幾好，亦見少骨。 一口牛定食，配三文魚兩塊，前菜，生果，麵豉湯，可選白飯/烏冬。 牛肉唔會煎得太焦，可口彈牙，保留原汁原味。

聽聞有間好多貓貓既Cafe喺旺角🐱 Cafe入面d貓貓都好乖，就算爬上枱，都唔會倒亂，好自律。有得玩貓貓之餘又有個地方傾計目測起碼有成十幾隻貓，好多唔同品種，超可愛，愛貓之人必去。 間cafe環境好乾淨，唔會有好大陣既貓味。每個人入去餐廳前都要著鞋套同用消毒劑噴手。衛生方面做得好好！ 而食物方面，晚市叫左個二人套餐， 有野飲，餐湯，沙律🥗 加兩個主食，超豐富。黑炭漢堡味道唔錯，唔會太乾，肉質幾好，食物水準都幾好，唔似平時樓上Cafe 食物普通。 物有所值