晚餐試新野，大圍新開的越南餐廳，決定試一試。都幾受歡迎，要等一等至有位。 有湯粉、撈檬同飯類，價錢大概五十幾至七十幾，可以加錢配飮品及小食。 香茅豬扒湯河粉 $62 即炸豬扒上枱時仍然好 hot, 好香好惹味。鐘意豬扒另上，冇被浸淋口感真係差好遠 湯底有骨香，河粉好大碗，滑滑白白又多香料配菜增加香味，love it ! 順化牛肉撈檬 $62 好多牛肉片，用洋蔥芽菜等炒香了。亦好多菜絲蘿蔔絲，撈埋檬粉好啱夏天食。好欣賞佢好大片新鮮薄荷葉，mix 埋特別香。 加入辣椒魚露，特別開胃。 越式春卷+$20 即炸春卷皮好薄好脆，熱辣辣。饀料有木耳、粉絲同紅蘿蔔絲等，越南 style 芒果沙冰 +$12 芒果沙冰加入了芒果粒粒，真材實料好好味。 椰汁三色冰 +$12 椰汁味濃，甜度適中，紅豆綠豆同綠色珍多幾好咬口。

川式車仔麵店，有成幾十款配料選擇。 每人叫一碗麵加一個小食。 正宗四川擔擔麵 配墨魚丸及雲吞 $48 好香麻油味，仲啖啖花生香，麵底幾靚，好食。小辣唔算太辣，下次可以進取D。墨魚丸和雲吞各兩粒，都幾大粒，有口感。 秘制麻辣薯粉 配韮菜餃及牛舌 $48 湯底好麻好辣，薯粉軟綿綿又煙韌，索曬D湯汁，都幾刺激。 特別欣賞佢既雲吞，多料皮薄，同旁邊的酸辣豆角一齊食，十分夾。而牛舌就略嫌切得比較碎，如果可以大片D口感應該會有所提升。 涼拌雲耳 $18 夠多夠辣，雲耳爽口唔會淋啤啤。正！ 麻醬青瓜 $18 鐘意佢夠多麻醬，拌入少少辣味，成個汁好香好濃好滑，青瓜新鮮啖啖清脆，爽到呢！ 麵檔對面是貢茶，當然每人來返杯先啦。 綠化裝修，有園林的感覺，幾好坐。

觀塘工廈隱世西餐 Menu - 有成廿款主食，飯、意粉、沙律、三文治同漢堡包應有盡有。價錢由五十幾到七十幾不等。 法式慢煮豬仔脾配有機紅米飯 $65 喜歡肉肉的朋友可以試呢個，真心啖啖肉，好入味好滿足。 香濃的茄醬，加入不少香草，用來撈飯好好食。 黑椒鯷魚蕃茄醬吞拿魚菠菜意粉 $52 呢款以鯷魚同呑拿魚主打的意粉，突出之處响個醬到，充滿魚香的鮮味。菠菜闊麵，健康野，同鯷魚蕃茄醬好夾。 田園素菜沙律配牛油果 + $8 好新鮮，生菜係爽脆的，厚切牛油果都幾大片，加$8好抵。 雪糕窩夫 +$25 熱辣辣的窩夫，外脆內軟好有蛋味。加球雪糕，作為飯後甜點的不二之選。 蘋果茶 +$13 呢個牌子的蘋果茶未飮過，來路野又幾香果味。不過加 $13 ，對比其他飲品價錢略高。 Cappuccino +$8 加 $8 就有一啡，有啡味又有打泡，似模似樣抵到爛。

去酒吧除左飲酒，其實都好多野食，例如太子的 chapter 3, 有扒、沙律、意粉、pizza 同小食，真係酒吧都可以食到好飽架。 餐前小食- 粟米脆片，等你邊咬邊諗下食乜好。 美式拼盤 $158 來個美式小食拼盤，分別有水牛城雞奕、洋蔥圈、炸薯條同炸雞。以大轉盤上，好大份好壯觀。旁邊仲有六種不同醬汁可以 mix and match 肥嘟嘟薯條當然係點茄汁啦，而熱辣洋蔥圈配 cream cheese 好好食。 雞翼就點蜜糖醬或芥末醬都掂，皮脆肉嫩。 欣賞佢既炸雞，唔會乾 dry dry ， 有肉地有雞味，點辣雞醬係冇得輸架！ 四款食物剩六款醬汁，係咁轉轉轉，都幾有趣。 自選雙拼意粉 $98 有十幾款配菜、醬汁和意粉可供自由配搭，夠曬 flexible! 大蝦煙肉茄汁意粉，熱辣辣又煮得幾香，有西餐廳的水準。蝦煎得幾香，肉質結實，可惜得一隻，兩人唔夠分。 Murphy’s $82 愛爾蘭黑啤，味道濃厚，泡沫又夠滑，口感不錯。黑啤偏甘苦，幾重口味，配炸物真心夾。 Long Island Iced Tea $118 咪以為佢係普通的凍檸茶，其實係溝左幾款酒的長島冰茶來架，酒精含量幾高，小心小心。

鐘意呢到，啤酒選擇夠多，源自世界各地都有，亦有坊間比較少見的冷門啤酒。 生啤亦有四款 ，不乏特色選擇。 Delta IPA 生啤 $78 來自比利時的生啤，唔係周圍都有得飲，當然要試一試佢。入口已經有好濃啤酒花味，之後亦感覺到一股香甜果味，有荔枝酒 feel , 夠凍好飲 。 St. Bernardus Pater 6, $59 朋友亦係揀左比利時啤酒，想試新野。入口甜甜地，之後有少少回甘，雙倍麥味，啱曬重口味人士。 串燒墨魚咀 $32 墨魚丸 $18 多春魚 $40 雞腎 $24 雞軟骨 $26 黑松露金菇牛肉卷 $32 Order 左好多送酒的串燒，各式其式，好盡興。 當中最惹味的是墨魚咀，既軟且脆得來又好有咬口。 雞軟骨好脆口，燒得好香。多春魚亦控制得幾好，外焦香內裡有水份。 雞腎就略嫌乾左少少；墨魚丸啖啖肉，美味的。 而金菇牛肉卷，好足料，加上黑松露調味，好滋味。 蛋白蟹肉帶子炒飯 $108 飯底炒得軟硬適中，加上好多蟹肉，每一啖飯都食到有蛋白同蟹肉絲，仲有少少蘆筍，好滋味。上面兩隻珍寶帶子，煎香左加少少蟹子，啖啖肉好正。

觀塘工廈，俾我發現到個靚場，推介的。 裝修不錯，滿天星星，都幾浪漫架。疫情關係，今晚食客唔算多，靜靜地又更好坐。 點餐前先奉上麵包條和意式麵包，俾你邊食邊諗食乜好。 香辣虎蝦天使麵 $158 香而不辣的茄醬天使麵，酸酸地，令人好開胃。鐘意佢D天使麵，軟硬適中又夠索汁。 香煎虎蝦有三隻，都幾大隻，肉質結實新鮮。 炭燒美國特級肉眼扒 $358 完美的炭燒紋，再加上 rosemary 香草，睇得出的高質素。 除了十二安士 ribeye, 伴碟仲有好多新鮮蔬菜，原個小甜薯，有誠意。 牛扒是五成熟，又真係控制得幾好。外層少少焦香，入面牛味濃，有 juicy 肉汁。旁邊有黑醋汁，但我覺得唔使點汁都好味，加少少 rosemary 碎，正到呢！ 破曉 $48 有咖啡、 榛子加balieys 咖啡酒，上面仲加一球雪糕，夠滑夠濃郁。好邪惡，飮完先再減。 龍珠 $48 大師話「龍珠」有助防疫，當然要支持。 熱情果汁加菠蘿汁的特飲，好 fruity 又酸酸甜甜，好好味。 朱古力心太軟 $78 Chocolate lava cake, 雲尼拿雪糕同雜果三分天下，幾豐富吓。 另一邊場仲有桌球枱，下次約朋友督返場都好。

去食卜卜蜆煲，有多款味道選擇，分別係招牌、喇沙、胡椒、藥膳同黃金。 18 禁卜卜蜆煲 $178 最後我地都係揀左 18 禁，個名令人好想試試。 叫左 BB 辣都不容忽視，真的好地獄的辣呀！ 一盤蜆，估計有過百隻，隻隻肥美又冇沙。仲要小心𥄫住，一開口就好救上來，因為果一刻係最鮮甜美味架。 越煲越辣，越辣就越惹味。 食完蜆、加點湯就可以打邊爐了。 本地新鮮牛展 $168 牛展打邊爐比較少見，相比牛肉，佢更有牛味，亦比較有咬口。 美國黑豚肉 $118 豚肉食得出係靚豬，有豬味得來唔會膻。感覺比牛𦟌更淋滑更鮮，必食！ 手打四寶丸 $78 有豬肉丸、牛丸、蝦丸同墨魚丸，每款一粒可以試勻曬。好彈牙，有口感。其中最愛是牛丸，好濃牛味，正！ 皇帝菜 $32 新鮮靚菜，明顯廚房有洗到好乾淨先上菜，讚！ 凍檸樂的檸底夠大杯，爽！ 餐具和餐廳本身亦好乾淨，有用心清潔唔會痴笠笠，令人食得份外安心。 晚上九點半後仲有 $98 怒食卜卜蜆，下次再來。

京瑞一樓的小店，意粉好好食。 晚市的餐牌，價錢六十幾蚊起，都幾合理。 第一次食，當然由最平的開始試。 日式胡麻醬德國豬肉腸意粉 $68 隔住口罩都聞到香味，即時留口水。 胡麻醬味唔濃，反而食到鮮甜茄味。成功之處係每條意粉都索曬味，唔會汁還汁，粉還粉咁。大愛。 切成一片片的德國豬肉腸，略略炒過，幾惹味。 煙三文魚卡邦尼意粉 $68 最愛欣賞三文魚玫瑰花，影返張先啦。 煙三文魚大大片，口感一流，都幾重本，CP 高。卡邦尼 cream 汁亦滲入意粉內，好好味。 慢煮法式鴨胸 $78 肥美鴨胸兩件，外皮燒得好香，暖暖地鴨味香濃。 配上法式汁，fusion 感覺強。 近窗的高枱，都幾舒服

OT 的晚上，去食金記。呢間午市經常排長龍，所以我通常會去食晚餐，可以慢慢歎。 晚市有套餐 亦有中式小菜 扒類都有 餐廳實行自動化， scan QR code 落單。 電話上的餐牌是咁的，如果可以加多點圖片就更加好。 鐵板西冷牛扒薯菜$88 好大塊牛扒，有牛味有口感。薯條亦係勁多，熱辣辣，好食。仲有好多什菜墊底，健康D。 鐵板夠熱，淋上蒜茸汁，滋滋響又香味四溢。 無骨海南雞飯 $65 有小食有雞有飯有湯，份量亦唔算少。 雞肉暖暖地，肉質夠滑已起骨，食起來很方便。點D薑蓉同黑醬油，又似模似樣，幾有星洲風味。 餐湯是中湯，蟲草花雞湯，有誠意的。 欖菜肉崧四季豆 $61 惹味程度不會輸給大排擋，肉崧微辣又濃味，四季豆新鮮爽脆又入味，送飯一流，必食！ 跟餐加配凍檸檬可樂 $13 原枝可樂，加入檸底，爽呀！ 跟餐加配檸檬菜蜜 $12 有三、四片檸檬，足料濃味，可惜細杯左少少，唔係好夠喉。 飲完會講多謝的檸蜜

A4 黑毛和牛鍋 $258 抵食之極，一盤靚牛肉加一大鍋野菜盤，都係二百幾，去開居酒屋的老饕們應該知價吧？ 片片和牛都有完美的脂肪紋，放入鍋內輕輕烚一烚，牛油香味極濃，肉質當然亦是入口即溶的級數。 野菜豆腐盤 牛肉大盤，野菜鍋更大盤，而且種類多，睇得出係靚料。新鮮，自然好食。 豆腐海葡萄沙律 $68 頗為傳統的日式胡麻沙律，主角有海葡萄和三文魚，加上胡麻醬配豆腐，味道無得輸。 好食的，不過份量略少，只是一人份量，相對價錢偏貴。 燒廣島生蠔 $48 甜酸汁烤蠔，火候控制得幾好，蠔肉有焦香得來又夠 juicy 燒多春魚 $38 香口野梗係人人愛，多春魚燒得好香，一條接一條話咁快就清曬。 鹽燒雞軟骨 $22 白蔥豚肉串 $28 燒鰻魚串 $48 每次食串燒都必點的三寶，全部都是我最喜愛的。 鰻魚夠肥，白蔥豬肉夠香，雞軟骨夠香脆，yum 刺身盤 $188 當中刺身蝦又肥又大隻最好味，三文魚亦係極肥美的位置。刺身配清酒，真係幾一流架。 日本清酒 $105 甜甜地幾易入口，唔覺唔覺會飲多左，酒氣上了感覺有D醉。還好清酒夠醇，第二朝唔會頭痛，證明高質。 芒果乳酸梳打 $28 味道幾天然，亦唔會太甜。 菊花梳打 $24 第一次飲，幾得意，不妨試試。