辛辣蝦湯拉麵🍜陣陣蝦香撲鼻，湯底濃郁，鹹香加上辣味好正。慢煮豚肉切得好薄，味道有啲似火腿，不過粉嫩嘅肉質軟林林，而且無火腿咁鹹，配搭如此濃味嘅湯底啱啱好。 拉麵夾起沾滿櫻花蝦，更有口感 拉麵本身已有半邊溏心蛋，仲可以加一隻，兩人share啱啱好🥳 柚子鹽湯蜆肉拉麵🍜無論係叉燒定蜆肉都好似煮得恰到好處，飽滿蜆肉加粉嫩豚肉十分吸引😚但見清徹嘅湯底都忍唔住飲一啖先！估唔到顏色清到咁嘅湯底都做到咁鮮甜，係滿滿嘅蜆味，正～ 湯頭好味到可以飲🥰 日式南蠻炸雞（3件）頗有日式小店味道，香脆外皮包住肉汁滿滿嘅厚切雞塊，食一舊都幾有飽足感，建議share~ 推介二人餐，每人一碗拉麵+小食+野飲

要講左D24  榴槤忌廉蛋糕先，因為真係太有驚喜！入口好香濃，底層仲有啖啖榴槤果肉，配忌廉口感幼滑細膩，相當高質。濕濕地又creamy 又香，好似榴槤味嘅tiramisu 呀！ 外型都模仿榴槤，確係幾有心思。見到隔離個牌先知原來有得就咁買一個蛋糕，$388🥸 如果用嚟慶生都可以考慮。估唔到自助餐食到如此高質嘅榴槤蛋糕，認真大方。 其實甜品區有好多款式，多到一個counter 都擺唔曬，要每樣拎一件的話，要兩隻大碟先夠裝呀😍推介心太軟、麵包布甸、紫薯撻、綠茶類嘅糕點都好出色！ 刺身，蟹腳，麵檔同即切燒牛肉都唔錯👍🏻幾有誠意。呢度嘅staff都好friendly ，收碟都好有效率，坐得又舒服，環境寛敞開揚。 甜品控表示會再返黎食！🥳

位於觀塘的泰象，融合了現代風格與傳統泰國菜餚的獨特風味，從香煎泰式盲醋魚伴甜酸汁，到彩虹千層糕，每一道菜都盡顯心思。 香煎泰式盲醋魚伴甜酸汁的味道十分豐富，脆香的魚皮包裹著嫩滑的魚肉，而甜酸汁的酸甜滋味則為這道菜增添了更多風味。 香蒜甜酸汁蝦肉餅 炸得恰到好處，外皮酥脆，蝦肉彈牙。配以香蒜甜酸汁，讓人吃掉一塊又一塊。 另一道主菜青咖哩雞配薄餅，辛辣與雞肉完美結合，沾上酥香的薄餅或是直接吃咖哩都好吃，除了雞肉還有泰式茄子，鮮甜爽口。 飲料方面，香茅熱情 Big Big混合了香茅與熱情果的味道，清新又開胃，為炎夏帶來了一絲清涼。份量好夠，二人share 由開頭飲到尾🥳 甜點方面，手工椰汁彩虹糕賣相十分吸引，口感煙韌，每層手工制作盡顯心思。芒果蝶豆西米飯亦很出色，芒果的酸甜結合糯米飯的口感，再淋上帶點鹹味的椰汁，讓人回味無窮，大滿足。

自從無喺葵興返工已經無再踏足KCC🙃 今日黎到大公雞🐓一定要食返佢嘅 士林半筋半腩麵 ，係我見過最足料嘅牛肉麵，不得不說牛腩同牛筋都非常出色，牛腩軟腍又入味，煮得啱啱好，唔會過熟。牛筋好似啫喱質地，非常滑溜。麵條就煮得淋左少少。 西門町鹽酥雞扒小腸飯 賣相一般，味道方面，鹽酥雞稍為遜色少少🤏 肉鬆手抓餅（兩件）熱辣辣嘅手抓餅上面加左肉鬆同沙律醬，估唔到入口更香，配上鹹香嘅肉鬆都幾夾！ 肉燥西生菜🥬 爽脆清甜嘅生菜淋上肉燥汁特別惹味！ 飲品方面都有唔少選擇，今次試左金桔檸檬🍋 酸酸甜甜啱曬夏天 珍珠奶茶🧋都係咁大杯😍

出消費券果日唔小心去左屯市，差啲迫死🫣PHI coffee 喺戲院對面，條隊短啲，所以排左一陣就有位🫶🏻 我地喺度食左好滿足嘅lunch💕 辣蕃茄蟹肉扁意粉 🍝 蕃茄同蟹肉perfect match，帶點辣勁更開胃，搭配的扁意粉口感唔錯，值得一提係蟹肉份量非常大方，食到啖啖意粉都有蟹肉🦀 巴馬火腿吐司🍞 吐司烤得酥脆，可以夾著香濃的巴馬火腿，或塗上牛油果醬 🥑，又或沾上甜甜的蜜糖，口感同味道都好豐富，絕對係鹹吐司嘅不二之選。 士多啤梨梳乎厘 賣相同香味滿分，仲彈下彈下😍 士多啤梨嘅鮮甜同梳乎厘嘅軟熟口感相得益彰，每啖都充滿水果香味，大滿足🥰 Dirty 濃度正好，充滿咖啡香同奶香，又不失濃郁口感。 石榴檸檬梳打 非常清涼解渴，原來石榴同檸檬🍋味道咁夾，酸酸甜甜啱曬夏天！ 最後值得一讚嘅係上菜次序，我地一口氣叫曬鹹甜點飲品，職員喺咁忙嘅時間都做到先鹹後甜，仲問我地上得pancake 未，洗唔洗加野飲，appreciate 🫡

餐廳提供好多刁鑽部位，好似頸脊、肉眼邊、腩頭、挽手、腩心、金錢𦟌、牛坑爪、牛白肉、牛心頂等等。有啲連個名都係第一次見，好在有職員耐心講解下，如果唔係真係無從入手🫣 牛頸脊位於背脊近頭嘅位置，帶少少肥膏，軟嫩又不失牛味。牛挽手係胸小肌，即係前腿連心口位置，肉味油香十足又帶有嚼勁，非常值得一試！牛心頂係連住牛心嘅血管，雪白顏色好特別，口感超級爽脆，第一次食感覺幾得意😎 鮮牛脷切成一口size, 夾住放落去淥10秒左右就食得。當然唔少得自製牛肉烏冬啦🫶🏻 食到差唔多嘅時候，職員喺青紅蘿蔔牛蹄鍋入面撈起牛蹄，剪曬啲牛筋出黎，原來有成碟咁多😯好似啫喱嘅牛筋好滑好冧好入味！ 除左牛之外，手打四寶丸都好出色，包括牛丸、墨丸、蝦丸同鯪魚丸。幾中意佢嘅墨丸同蝦丸，特別彈牙同有鮮味，果然手打係與別不同💕 炸魚皮都好大片，就咁食或者浸一秒湯都好好味🤤 最後飲埋茅根水，消暑解渴。

金牌米線 好好餸🍜有鱈魚豆腐、蟹籽丸各2件，仲有牛腩、時菜、炸醬，款款同米線都好夾，蕃茄湯唔係好濃，鹹鹹的幾啱配米線。 本店馳名過橋套餐（大大碗），超多配料，有牛肉、豬肉、腩肉、雞肉、豬潤、魚蛋、黑木耳、冬菇、火腿、豆卜、酸菜、炸醬。碗都大過人，啱曬大食人士🤭 除左米線仲有好多款小食，雞軟骨串燒（椒鹽）作為小食一流，又脆又香口 豬頸肉串燒（麻辣），麻辣好惹味，豬頸肉燒得啱啱好，彈牙得黎又幾有風味👍🏻 呢度啲姐姐好親切，會同客人傾吓閒偈，仲有分店喺旺角同紅磡。米線控又多一個選擇🫶🏻

之前食過喜來稀肉都係有免費韓式配菜同無限追加生菜，今次再訪已經變左自助區，任拎好似仲開心啲添🥳 有幾款泡菜、青瓜、蘿蔔、芽菜同生菜🥬青瓜同喜來稀肉泡菜都好爽脆開胃👌 爐邊蛋都係一如既往無限添加，只需掃QR code按加蛋便可，好方便 雪花牛肉每邊燒一陣就已經好好味，加啲爐邊蒜再用生菜包住食更香口，又唔會太膩，呢個配搭啱每口味😙💕 仲叫左護心肉同魷魚🦑燒魷魚時要小心，因為魷魚有醬汁醃過，擺上鐵板好易燶，最好換塊板先燒。 護心肉係喜來稀肉嘅招牌肉，比較有咬口，油分唔多但爽滑彈牙，就咁食唔加配菜更加品嚐到濃濃肉味。同泡菜一齊食更加爽脆呢！ 每碟肉都有附上幾片蔬菜，所以唔會只得肉肉，有雞脾菇同翠肉瓜食下，當然唔少得爐邊蛋！熱辣辣嘅爐邊蛋，又香又滑，食完仲可以無限添加😆

坐低準備大飽口福之前，竟然見到師傅喺我面前撈飯，一陣陣飯香撲鼻🤤之後先知原來係大廚Alex親自撈飯😯令我非常期待！ ＄980嘅17品Menu，由三款精緻前菜開始：沖繩水雲配山藥及三文魚籽、赤貝梅醬卷配富山灣螢光魷魚、炸蓮藕釀明太子 之後到刺身4品。首先係蜜柑鯛，隻碟好靚，presentation 仲靚🥹師傅仲話隻碟貴過條魚😳食之前輕輕擦一擦紫蘇葉👌第一次食蜜柑鯛，好鮮甜而且食得到淡淡嘅橘香！如果覺得唔夠味，師傅建議可以加小小竹炭鹽。 南澳龍蝦刺身晶凝通透，淋上蝦頭膏，濃郁又鮮甜嘅味道令人精神為之一振，下面嘅龍蝦刺身沾到淡淡青檬汁，清新得黎又可品嚐得到刺身的肥美鮮嫩。 呢個時候最啱小酌一杯，$288 freeflow 有自家釀製話梅梅酒，同埋任飲5款清酒🍶先揀杯，再斟sake💕最欣賞呢款獺祭，入口香醇，食過濃郁味道嘅食物更顯清酒嘅細膩柔滑，好高質！ 因為之後食到入口即溶、質地超濃厚嘅鱈魚白子！想試吓白子好耐，估唔到第一次食嘅感覺係咁新奇，綿密度好似奶油咁徘徊口腔之中，就咁食就係最好食🤤 再飲一啖清酒🍶白子味道並無因此消散，反而得出一層甜甜的幽香。 一邊回味之際，一邊望住師傅密密準備接住落嚟嘅白見貝 （日本的象拔蚌）同縞池魚 （三日熟成魚腩部位），前者鮮甜爽脆，後者油脂豐富😍 食到呢度，師傅預告主角即將登場，隨即拎左一大舊好肥美嘅大拖羅出黎，令人眼界大開🤩 師傅介紹係高知縣熟成七日嘅大拖羅，一陣我地都有得食，令我地流晒口水🤤🤤🤤 師傅精心處理嘅燒物：燒吞拿魚下巴，油脂滿溢，連外層嘅骨位都燒到好似薯片咁脆，香氣十足，餸酒完全係perfect! 見到師傅擺好碟喺我面前就知開始食壽司喇🥰 每隻碟都放上自家製柚子漬蘿蔔，帶有淡淡柚香幾清新開胃，加上蘿蔔十分爽口，好refreshing 😎 第一件壽司係山口県赤貝，非常清甜爽口。第二件係梭子魚壽司，輕輕燒過令油脂迫出，口感嫩滑。第三件係銀鱈魚壽司，第一次食銀鱈魚刺身，味道較淡，感覺上無乜特別。 第四件係島根県池魚，味道較濃，師傅特登配上秘製葱蓉僻去池魚本身有嘅腥味，食落又幾夾～第五件係高知縣熟成七日大拖羅，aka師傅拎出黎俾我地欣賞嘅果舊超級肥美大拖羅😍大家擺入口之後都無講野，認真品嚐喺口中溶化嘅拖羅🥹實在係太出色🤤最後一件係江戶前醃製小肌魚🤰🏼所有壽司都係用山形縣女王米，用咗三年熟成赤醋嚟撈，食落軟硬適中，又同赤醋味道好夾，可惜太飽所以叫左少飯🤰🏼因為仲要食鹿兒島A4和牛丼🤣見住Alex師傅親自炒飯，絕對係誠意十足！ 嚟到尾聲，歐陽師傅拎出佢嘅得意之作 江户前玉子燒 ，特別在於無用到麵粉，而係用左秋葵茸、准山茸、蝦茸等取代，望落好似蜂蜜蛋糕，仲有燶邊，幾可亂真！ 最後以鮮甜嘅蜆湯同抹茶布甸作結，滿足了🤰🏼💕 可以上inline 訂枱同俾訂金，好方便唔洗打電話🤭

一人一碗拉麵+玻璃樽可樂，食拉麵飲可樂真係好爽🥰 一邊飲可樂一邊等拉麵 招牌三色拉麵🍜一次試曬慢煮A4和牛、慢煮薩摩鶏、燒豚肉，賣相吸引🤤和牛一大片，非常軟嫩，如果驚一片唔夠喉，可以直接叫A4和牛拉麵😬蝦湯飲落好濃厚，好香蝦味，而且一啲都唔油膩 慢煮蕯摩雞拉麵🍜 香濃又綿密嘅雞白湯好順滑，飲落好舒服😌 軟嫩而不失彈性嘅雞肉切得好薄，加入黑胡椒粉更顯雞肉風味 麵條中規中矩，夾雜葱絲緩和飽足感，而且口感清爽 食拉麵點可以無溏心蛋呢🤭每碗拉麵都有半隻溏心蛋，唔夠都可以額外加 仲有多款調味料可以自行調配啱自己嘅口味，食得辣仲可以試試香港製造嘅辣粉，有3款唔同風味🌶️