今日嚟到太古城，上網搵到Chatterbox Express！ 餐廳係屋苑中間，幾喜歡佢呢度裝修好光猛、枱夠大，店員又有禮貌，令我地坐得同食得都好舒服，都可以坐一陣傾下計。 落單後有號碼機提示，店員會送餐到桌上，仲有coupon送！ 今次食左文華海南雞飯 - 無骨雞肉皮香肉嫩！配埋三款醬料同埋雞油飯。 真係好惹味，仲有碗豆腐雞湯送，清清地好夾。 另外叫左星洲海鮮炒貴刁 - 用料十足，味道比較濃，貴刁炒得好乾身都好好。 飲品方面揀左國寶茶，是公平貿易（Fair Trade)，當然要支持一下！

吃海鮮的日子又來啦！ 今天和朋友享用了$449 尊貴海鮮套餐， 一開始會店員先以蒸氣將餐具消消毒，再給客人使用 👍 餐牌按當日供應作准 野生奄仔蟹 台灣花尾龍躉片 澳洲青年龍蝦 台灣九孔鮑魚 大西洋野生青口 加拿大野生海虎蝦 韓國斧山珍珠蠔 紐西蘭刀貝蚌 紐西蘭月亮貝 黃金翡翠螺 蟹皇大元貝 大推特選龍躉片和青年龍蝦，肉質鮮嫩😎 現金/FPS結帳的話會送你椰汁燉雪燕~美顏滋補的喔 粥底有玉米、芋頭同珍珠米，加上其他食材精華☺️☺️ 另外要讚讚店員每道菜都有先介紹！簡單一兩句，已經令我們印象深刻！

小店位於卑利街，主打健康飲食，乳酪碗系列特別受歡迎。一進門便見到很多花藝裝飾，室外位置有如後花園一樣。 在室外環境坐下不久，天空似乎有點微雨，我們又轉回室內吧台位置。此時才發現，牆上有很多餐廳的報章訪問，原來還有很多菜式相當吸引，看來要再食了🤪 煙三文魚牛油果野菜沙律- $84 煙三文魚調味適中，顏色嘅配搭亦都有用心，沙律用料仲要非常新鮮。 薑黃芒果乳酪碗- $86 口感非常幼滑，加上鬆脆果乾片令到乳酪碗更有層次。 普羅旺斯燉菜蕃茄伴雲吞- $78 內餡軟滑，蕃茄忌廉醬汁香濃，不會太酸。 椰青咖啡- $68 期間限定餐牌，原個椰青裝着黑咖啡，可以自行再刮啲椰肉增加口感，椰青水減低了黑咖啡的苦澀，提神又清爽。 藍天白雲- $60 由海鹽、焦糖、香蕉和藍色螺旋藻粉去做，上網看看才知藍藻含高蛋白質、維生素和礦物質，對皮膚和腸胃都很健康。 感覺店家非常努力做好出品，當日去到，見到他們在飲用水中加了碎花，隨口問多兩句，原來是茉莉花水。店主表示會隨季節時令準備不同風味，例如夏天加入薄荷、秋天配搭菊花等，這點非常有心思。 總結：成餐嘅味道好好食，餐牌設計以健康為主，又標示好營養成份，欣賞店主嘅用心 👍👍👍 #A家食評 #中環美食 #街坊帶路 #健康飲食 #港島美食 #零負擔飲食

收工想食個快飯，來到德福food court，呢度好似聯合國，每個國家都有間代表餐廳咁 睇落越男仔menu圖文並茂，肯定就是你 C5.招牌手撕雞＋扎肉椰汁酸湯檬粉($95) 姐姐叫餐時有提我要拎辣椒，會惹味一點！ 因為係晚餐套餐，有另外送小食，因為已經要咗手撕雞，但係跟餐嘅小食都係手撕雞沙律/春卷結果就加咗少少錢，試多啲唔同口味。 煙三文魚沙律(+15) 越式炸春卷(+8) 煙三文魚正正常常，但係沙律係用淡魚露做汁，口味非常越式！而且比較清新，唔會膩。 越式炸春卷係Deep Fried,所以感覺油分較多，但內餡係粉絲同埋木耳絲，所以都不會太Heavy 龍眼梳打冰(+26) 跟餐半價飲品，建議加，會食得舒服好多，龍眼都算多，撈到五六粒！ L2.窩蛋香茅烤牛肉配黃薑飯 咁啱見到大家取餐時候都係嗌呢個黃薑飯，都嗌咗嚟試吓，牛肉醬汁好濃，黃薑飯香，雞蛋新鮮撈飯更好食。 呢度普遍地方空間算大，枱面可以放幾道菜。 #devietson #越男仔 #越南美食 #越男仔九龍灣店 #九龍灣美食

難得入到元朗但落大雨⋯⋯好彩過大欖隧道見到元朗廣場好似有好多野食！我同老公都係台灣菜fans，見到桂花小幸menu好吸引 要去餐廳好方便，68M坐到總站，旁邊就係元朗廣場，入去穿過中庭就到。 桂花小幸有很舒服的木系環境，座位寬敞新淨。 QR code自助落單，系統都好易用的。 先來小食 - 桂花雞翼 炸雞翼外脆內滑，新鮮炸好地上菜，炸皮薄脆，加上桂花糖不會太油膩。 主菜之一 - 煲仔塔香三杯雞 味道香濃，雞塊一口大小，雖然有骨比較麻煩，但是正好慢慢食，充分享受醬汁滋味。 主菜二號 - 青葱滑牛肉湯飯 牛肉湯比較濃稠，拌飯吃不錯，牛肉是真係大片真心滑，配埋薑絲應該好補身。 配菜 - 涼拌貓耳朵 醋汁酸酸美味，好開胃，滿滿一碗兩個人分剛剛好。 跟餐飲品 - 蜜桃烏龍蘆薈 佢哋蘆薈都比得好疏爽，差不多有三份一杯，解一解暑氣正好！

收藏已久，今天放假終於有機會一試！ 準時開店到，裡面有三四桌客人仲早過我😆 沙嗲牛肉雙燶邊蘭王蛋飯 $78 沙嗲醬香濃有粒粒花生口感，炒飯做底，飯量不多，大概是一人份量，牛肉質地嫩滑，相當不錯 古法鹵扣肉刈包 $58 扣肉一大片，質感較厚實，個人喜歡較軟腍口感 跟包食，一口咬唔開，少少麻煩但味道搭夠 配料還有酸菜、台灣腸片 感覺就似食左碗輕盈版滷肉飯😆 店舖還有提供豬油、醬油和茅台醬在每枱上 供客人自行添加，非常貼心 餐牌仲有好多菜式想試，會再來😉

日式小店，新鮮製作源自日本千層調色板甜品！ 店內不收加一服務費，客人用QR code落單 但不代表他們沒有服務，可見店員仍有用心將餐點送到客人面前，安排餐具，只是多用告示形式 定食（一冷+兩熱） $88 瑪莎拉雞塊/鹿兒島黑豚肉薯餅/流心蛋 馬莎拉醬汁風味獨特，雞肉嫩滑； 薯餅不會滿口油分，食得到豚肉粒粒口感 加上蛋蛋拌飯食，每一口汁都不放過 小食-中華麻辣燒賣 炸過的豬肉燒賣依然飽滿脹卜卜，表皮香脆，辣得過癮，容器好靚 甜品-伯爵吉士麻糬肉鬆調色板 此時此刻，我們已經非常飽， 但是調色板係我哋最期待嘅餐點！ 不出所料，千層酥皮薄脆，滿滿麻糬內餡 配上肉鬆又出奇地配合！

餐廳剛搬新鋪不久⋯ 星期五下午約了朋友想輕鬆晚餐，叫了兩三個餐點。 明太子醬薯條非常吸引，上菜時香氣撲鼻，用料十足，每條薯條都可以沾滿醬汁，而且是不辣的柚子胡椒帶點酸味，配上吉列蠔，正可以平衡油炸物的油膩。 主餐有大蝦海膽醬忌廉意粉，湯汁濃厚，意粉較為粗身，可以做到掛汁效果；另外蝦肉彈牙，數量亦多，覺得非常高質😝 另外在門口時已經見到一杯特色飲品，名為朱古力奶泡，用特級可可粉調製，杯面加上烤過的棉花糖，令到飲品口感順滑，飲完亦不會因為過多糖份變得更加口渴😂 有機會到觀塘一定要試一試！會再來的！

即將離開工作地方，臨走前想試試附近美食！ 今天一早十點來到科記，門口已經有差不多10人在等候，餐廳員工沒有特別記認，大概就是企起身嘅就係員工，坐低嘅就係客人 叫咗外賣拎走，由於太受歡迎，所以都要等20至30分鐘，餐廳留低咗我嘅電話，整好就會通知我嚟拎。 就算係外賣，店家都會跟一隻紙碟，方便客人食用，我覺得好貼心。 入口有少少沙嗲味，洋蔥同牛肉都好足料，坦白講定價55蚊係有少少偏貴，但整體都覺得新鮮整好，而且味道濃郁、牛肉入味，係一個醒晨小食！

星期六和朋友大概2:30到現場，已經有十數人在門口等候。好彩仲可以拎到籌，但已經排緊40號啦。（當時叫到30號） 有聽過Hemma是西營盤排隊王，今天終於第一次感受到，令我未入座已經非常期待。最後等了大概1小時終於可以入座。 由於不清楚規矩，一開始點餐時只叫了蛋糕和一杯飲品，後來才知道最低消費指定是每人一杯飲品，就再揀多兩杯茶飲。 店舖採用QR code展示餐牌，點餐仍然需要到櫃檯。 叫了雲呢拿巴斯克蛋糕和焙茶巴斯克蛋糕，一口吃下去驚為天人，是種帶有泡沫口感的美食。之前食過的巴斯克蛋糕感覺口感較為實在，吃多了感覺難免有點甜膩，但這裏的蛋糕完全是傑作，有綿滑的口感，輕盈的感覺，更像是分子料理。 結論：排隊也是值得的！