第一次嚟大圍呢個新商場，原來呢度都有Chatterbox Cafe。 上次喺太古食過佢嘅海南雞飯，今次同朋友再嚟encore。 Lunch set $178，有文華海南雞飯，咸蛋雞翼，仲有杯野飲。無骨海南雞，入口滑一滑，油香四溢，仲有3款醬料，配埋個黃油飯真係無得頂！ 咸蛋雞翼，肥美雞翼鋪上一層厚厚咸蛋黃，襯熱食 相當惹味。美祿恐龍又係必點之選，成個set有齊想點嘅野超滿足。 星洲海鮮炒貴刁($168) 炒貴刁夠曬鑊氣，海鮮足料， 加埋臘腸，夠曬地道！

嚟到尖沙咀，朋友介紹我食呢間位於文化中心嘅牧羊少年，餐廳坐位舒適寬敞，同朋友食飯傾計就最啱。 烤加拿大豬鞍 配 烤新薯 及 火炙粟米 伴 芥末籽蘋果醬$238 豬鞍好厚肉，肉質腍滑，切開仲有肉沖溢出，芥末籽蘋果醬，酸酸甜甜，好refreshing ! meat lover 必點。 無花果合桃焗流心芝士撻 配 焦糖脆脆 $98 呢個甜品相當有驚喜！上檯時擺盤已經十分吸引，芝士撻熱度十足，撻皮脆脆，芝士心半溶拉絲，合桃同焦糖粒粒甜脆美味。

一向對海南雞飯好有要求嘅朋友介紹我試呢間位於太古城嘅chatterbox express. 嚟到呢度，首選當然係文華海南雞飯($112), 無骨海南雞金黃油潤，肉質超級嫩滑，配上三款醬料，我就最鐘意沾點薑蓉。香飯粒粒都充滿油香，單係食個飯已經好好味。 星洲炒貴刁($108)炒貴刁上檯時熱烘烘，襯熱食就最正，蝦肉夠新鮮，整體調味剛剛好，油份亦不會過高。 呢度嘅甜品同樣出色，椰子雪糕咖央三文治($32)椰子雪糕同咖央三文治一拍即合！

今日又同朋友嚟到銅鑼灣鬼金棒，食麻辣拉麵！ 增量叉燒辣麻味噌拉麵（$115.0）試過幾次之後發現叫小辣,中麻就最啱我口味，輕輕辣味加上麻香相當開胃，呢度嘅增量叉燒很有厚度，油脂同似嘅比例完美，入口又腍又滑，每次都食到非常飽足。麵條軟硬適中，口感很好！ 朋友點咗味玉辣麻味噌拉麵, 加埋莞荽,增量叉燒 ($155)，原隻味玉，咬開溏心溢出滿滿蛋香，莞荽量足，浸一浸湯，香氣迫人！朋友揀咗小辣，高麻，辣度不變，麻香味就更加突出！

今晚想食拉麵，我同朋友都不約而同諗起呢間位於銅鑼灣V point 嘅豚王。 同樣係果幾款拉麵，唔同喜好可以自選湯底中，醬油，香味油同蒜蓉嘅比例，辣度，仲有麵底同硬度，自由度極高。 赤王 湯底混合麻油、香辣油、熟成味噌，一上檯麻油香氣四溢，揀左1度少辣，辣度剛好帶點刺激感又唔會太重，太麵麵質富有彈性，叉燒肉嫩美味，加返隻溏心蛋，prefect! 黑王 湯底用上日本傳統墨魚黑醬，風味十足，湯汁掛麵，一啖湯一啖麵，加上爽口配菜，真係食到停唔到口。餃子熱到十足，煎得好香脆！

今晚同朋友行完街，嚟到新都城中心二期食夏麵館！ 鮮肉小籠包4隻 ($42) 小籠包皮薄餡靚，蒸籠上檯熱度十足，一口咬下出曬煙，仲充滿肉汁，正呀！！ 鮮肉鍋貼3隻 ($36) 鍋貼隻隻餡料飽滿，鍋貼底煎得夠香脆，趁熱食相當美味。 烏金蟹粉拌麵 ($88) 烏黑墨魚汁手工麵上鋪滿金黃色鮮蟹粉，賣相非常吸引，麵條好滑身，蟹粉量足拌麵啖啖鮮味。 韭黃炒鱔絲 ($98) 鱔絲好厚肉，包裹醬汁，味道香濃，韭黃經熱油快炒，保留爽嫩口感。

同朋友行完街想食個dinner+dessert 於是揀左呢間位於沙田新城市廣場嘅Butlery。 Sesame Salmon & Kale Salad $125 三文魚沾滿黑白芝麻，入口芝麻香同三文魚鮮味一拍即合，蔬菜新鮮爽口好refreshing。 Chicken & Cheese Quesadilla $79 香烤薄餅皮，夾起簡單嘅配料加上半溶芝士就已經好好味，沾點sour cream同牛油果醬就更上一層樓。 Burger揀左Mo $99, +$25配薯條，漢堡扒鬆軟多汁肉味香濃， 麵包皮夠柔軟，薯條金黃香脆。 Apple Crumble French Toast $98 French toast上有一層軟滑蛋漿，配上甜酸蘋果粒甜而不膩。 Strawberry & Custard Waffle $115 窩夫皮夠脆，Custard綿密細緻，士多啤梨份量十足而且非常香甜。

星期六入咗坪洲散步，由中環碼頭出發，半個鐘船程就到。逛完牛皮廠秘密花園出來，已經係下午茶時間。永安橫街有間日式餐廳。在門口已經看得出花咗好多心思去佈置。餐廳主打日本蠔，充滿趣味的飲品。不論餐廳環境，還是美食都洋溢著東瀛風味。重點係好睇又好食。 蒜泥燒汁原隻燒兵庫縣蠔 $58 明太子濃厚原隻燒兵庫縣生蠔 $60 即叫即燒，肥嘟嘟的日本蠔，蠔味濃。 吉列炸廣島蠔＋吉列炸蝦茶漬飯 $105 新鮮炸蠔，脆漿又薄又脆，蠔肉肥美。炸蝦🍤香脆可口，簡單配一個茶漬飯，味道清新而不膩。 浦燒吉列炸廣島蠔熱狗 ＋薯條 $68 若然不怕熱氣，絕對推介依個熱狗。肥美肉厚的炸蠔取代熱狗腸，帶來鮮味和酥脆的滋味。 Lucky 兔兔華田脆脆雪糕厚西多 $68 可愛的兔兔🐰是新年期間限定。厚西多配雪榚和華田脆脆邪惡指數滿分。 絕對係睇得又食得。 飲品menu 創意十足。新年限定的一夜暴富 （百香果＆芒果特飲）$58 相當熱門。成張銀紙食落肚，今次仲唔暴富，哈哈。百香果加芒果酸酸甜甜，味道不錯。 日月紅豆奶茶$36 紅豆蓉不會太甜，奶茶香濃。

今日嚟到銅鑼灣搵到呢間 非常有特色嘅餐廳， 裝修擺設富有戲劇色彩。 食物方面，呢度最出名就係有齊高質素嘅雪糕，咖啡同burger。 Exotica wangyu burger 和牛扒又厚又多汁，一口咬下肉汁溢出滲入麵包之中，相當juicy. Pork burger 豬肉漢堡扒配上濃香芝士同焦香煙肉, 惹味非常。麵包質感仲好蓬鬆。 魷魚圈同薯條炸得金黃鬆脆，油份同調味都唔會太over，正呀。 Matcha latte 茶味香純，甜度恰到好處。 自家雪糕亦係呢度一大亮點，質感細緻順滑，啖啖滋味。

喺銅鑼灣行完街，同朋友嚟到呢間出曬名嘅麻辣拉麵 - 鬼金棒。 超愛芫茜嘅我二話不說就揀咗呢個芫茜麻辣味噌拉麵($110)，一片綠悠悠芫茜，份量十足，味噌湯底咸香味濃，怕辣嘅我揀左冇辣小麻，好易入口，麵底係粗身拉麵，麵質堅韌有口感，軟硬度恰到好處，濃湯掛麵每一啖都充滿滋味。 朋友係meat lover, 揀左麻辣味噌拉麵+增量叉燒x2 ($150), 食到少少辣嘅佢揀小辣小麻，辣度剛好，想加點刺激度，可以試下小辣中麻。半熟蛋蛋味香濃，叉燒肥瘦均勻， 夠入味，肉質相當腍滑。