公司旺季收工都成凌晨12點，呢期慣例都會同同事一齊食埋宵夜先返屋企，不過開得夜嘅餐廳都唔係好多選擇，好食嘅就更加少。今日就有同事帶路嚟到土瓜灣食呢間傳統港式火鍋店，話價錢平靚正。🤓🤓 成班同事叫到一枱都係，款式超多，大把選擇，而且有好多大枱，咁多食物一張枱都放得晒。 我哋叫咗豬骨煲，睇番相都覺得足料，湯底香濃，火鍋配料都新鮮好食。推薦鵝腸同手切肥牛🤓小食都有水準。同事講得冇錯，真係要用三個字：平、靚、正😋

慶祝生日揀咗呢間放題食，喺正銅鑼灣SOGO後面，位置都好方便，行完街就準備去食！ 之前都食過一次，原來佢哋搬咗大啲嘅舖，座位闊落咗坐得都舒服啲。 刺身水準唔錯，特別係三文魚腩同埋赤蝦，encore咗幾round，好食肥美又大隻🤓 燒物都幾出色🥰燒扇貝大大隻，燒鰻魚係原條咁上，其他炸物、天婦羅水準正正常常。 我食晚市$259/位，價錢合理👍🏻 全場有接近200款食物，選擇真係好多，全部都可以食到飽😁😁

觀塘開多左間日式小店，上次同事食完話唔錯，今次帶埋幾位同事一齊黎食🤩🤩每人叫咗一款嚟食 特上刺身丼$168 刺身靚仔又好食，都比咗幾多種刺身：油甘魚、三文魚、帶子、吞拿魚、牧丹蝦，夠新鮮，水準都真係幾好 同事叫嘅其他定食都話唔錯。 炙燒海鮮丼$68 望落都好大碗，成個丼都鋪滿炙燒海鮮 滑蛋蟹肉丼$78 滑蛋煮得啱啱好，唔會過老，加入左蟹肉鮮味更明顯 牛肉稻庭烏冬$65 牛肉份量幾足 午市仲要免加一，希望多啲人發掘到呢間小店☺️

Porterhouse嘅牛扒一定係我嘅最愛之一。新發現呢個優惠套餐，每逢星期日、一，$1880就可以享受到3至4人的套餐，其中包括頭盤、上等腰肉Porterhouse牛扒、湯品以及甜品。 頭盤🌟🌟🌟🌟🌟 有是當日精選生蠔（8隻），食落有豐富的海水風味和甜味 湯🌟🌟🌟🌟🌟 另外好足料嘅龍蝦湯都係一大亮點，湯中還加入了龍蝦肉。 主菜🌟🌟🌟🌟🌟 主菜當然唔少得牛扒，我比較鐘意美國牛，牛味較重。28+日純素無激素餵飼的上等腰肉Porterhouse牛扒（以濕式熱成方式處理），一次過食到牛柳同西冷部位，5成熟，肉汁仲非常之豐富。 推薦加埋份青口🌟🌟🌟🌟 白酒香蒜羅勒汁，未食就先聞到香味，青口都好多粒 忌廉波菜🌟🌟🌟🌟 呢個side dish加$58好抵

中環人氣好高嘅鮨店，今日嘅午市都滿座！ 食材高質，每件魚料都處理得好好 日本師傅仲識講幾句中文，同食客介紹番每一件壽司 Lunch Omakase Sushi 12款 $880 前菜 - 紅心蘿蔔 表面有小魚仔，底下有昆布，味道微酸開胃 石鯛：口感柔軟帶甜味 係我當日認為三甲之一 深海池魚：口感綿密 石川鱒魚：肉質細嫩，富有油脂 吞拿魚三連發 赤身：肉質紮實，味道鮮美 中拖羅：口感細膩，油脂香慢慢渗出 大拖羅：油脂豐富，包入口即溶 魷魚：富有彈性，口感嚼勁十足 牡丹蝦：質地緊實，口感彈牙，味道鮮甜 馬糞海膽：口感奶滑，鮮甜唔腥 沙甸魚：口感細膩，色澤呈現出鮮豔的粉紅色 池魚：口感豐富 小肌：表面加了白昆布，中間夾著蝦糖粉，風味濃郁 三文魚籽：粒粒晶瑩剔透，鹹香鮮甜 海鰻：肉質細嫩，帶有豐富的油脂的，口感綿密

Steak Omakase $780/位 前菜： 季節沙律、生牛肉他他 House Dry-Aged Steak Omakase： 熟成USDA帶骨肉眼、封門牛柳、韓式三筋肉、熟成牛舌芯、熟成豬梅肉 Main Course： 海鮮湯 或 西冷脂飯 灣仔嘅韓式扒房，食熟成牛扒之餘，仲係用韓燒嘅方式，全程有店員幫手燒，唔怕自己燒到一塌糊塗🤣 生牛肉他他都好大份，有好多唔同嘅配料撈埋一齊食 燒肉方面一共有五款 熟成過嘅肉眼，牛味濃郁，口感亦柔軟。 封門牛柳我都覺得好出色，好有牛肉風味 依家仲出咗生日禮遇，即刻送埋個熟成醬油牛肋肉🤤🤤

要喺元朗揀一間串燒店我一定會揀夜貓燒。調味、食材、價錢都可以話冇得輸。 兩個人吹水食成晚，叫咗好多嘢食，埋單都唔使$400，朋友開頭仲估話應該會over $500😂 你係一位香港飲食雜誌撰稿員，請就着以下食物，用口語化寫出一篇250字左右的食評感想 脆蓉茄子 香脆豆卜 夜貓大雞髀 雞軟骨 魷魚 司華力腸 韭菜 土豆 孜然羊肉串 蜜燒雞中翼 檸香雞串 五花腩肉串 燒生蠔 (買一送一) 太多嘢食重點highlight幾款最愛🤓 脆蓉茄子🍆 超級大條，就咁加蒜同調味粉已純非常好食 香脆豆卜 表面加咗少少蜜糖一齊燒，一嚟又唔會燒得太乾身，二嚟仲帶啲甜味 夜貓大雞髀 大大隻燒雞髀，仲大過我隻手，雞皮係燒到又香又脆身。 孜然羊肉串 羊肉串好味又抵食 燒生蠔 (買一送一) 嗰晚老闆話做優惠，燒生蠔買一送一，$50/2隻，冇理由唔叫👍🏻

西環海邊法國餐館Bistronomique，對住個無敵海景真係好正。價錢經濟，食物水準高！ 今日慶祝男友升職揀咗間好餐廳同佢一齊食💕提前打比餐廳留咗個窗邊位，同預訂咗Daily Special!! 海鮮煮龍躉背：餐廳喺本地街市新鮮買，仲要提前同魚販預留定特定部位。食材夠晒講究，仲有好多其他海鮮，食到有大蜆、魷魚，仲有西班牙肉腸，味道層次好豐富。主角嘅龍躉肉都冇令人失望！質地爽脆，魚味濃郁，同埋含有豐富膠質。 其他菜式 法式麵包配牛油：麵包口感上較為有層次，加上牛油後也不會覆蓋麵包本身嘅香味，非常出色！ 香煎魷魚仔配西班牙肉腸：好有驚喜嘅一道starter，魷魚仔新鮮彈牙，仲沾滿上西班牙肉腸嘅香氣，食落夠晒惹味。 里昂沙律： 一道法國里昂傳統特色嘅料理，沙拉中但加入咗煙肉同水波蛋，煙肉係厚切，連埋沙律一齊食帶有鹹香味。

❣️想食日本菜必試呢間餐廳，屯門和氣食堂款式多多，而且價錢好抵，CP值勁高！開胃菜點了芒果三文魚蟹籽沙律，清新口感滲透淡淡芒果香，必試之選！ 再食特色軍艦五點，味道款式百變，唔單止有三文魚籽+香蔥拖羅碎+蟹膏甜蝦，仲有蟹膏帆立貝+海膽，一個價錢試足多款新鮮食材，口味由淡至濃，非常推介！ 小食試了電擊雞翼同野菜天婦羅，燒雞翼色澤口味都一流，而天婦羅即炸酥脆口感一試難忘，配上一旁既蘿蔔蓉可中和油膩感～最後仲食了店員推介既鐵板熱鬆軟牛舌，燒牛舌保留到肉汁，爽口彈牙！😀😀

一直都想食呢間立燒店好耐，主打用日本和牛做立燒，價錢親民，仲可以逐片逐片order🤑 我地2人每人叫左一個套餐，另外再追加左幾片牛肉 深深感覺極尚和牛定食好抵！ $168 有齊晒牛肉最靚嘅部位之一：西冷同肉眼，仲要係A4級數，各2片，另外仲有牛舌。 放上去迷你燒爐度慢慢燒🤤 另外再追加左A5西冷，諗住直接同A4西冷比較一下 A5咬落再淋同油d，而A4係淋得黎仲keep到牛肉味，各有各好🥺🥺 另一個套餐叫左和牛涮鍋，有胸腹肉、三角肋肉同A4肉眼，仲有烏冬同有d粉絲👍🏻