第一次試釜飯 呢到淨係鰻魚的已經有六款 仲未計豬牛雞 鰻魚有分蒲燒(金魂) 同白燒(銀魂) 另外有不同部位可選 頭位(油份最高) 腩位(最厚肉) 尾位(最焦香) - 點了【金魂釜飯 $118】- 最厚肉的 果然整條都好大條好厚肉 飯既份量超多 旁邊有啲蔬菜可以撈埋一齊食 幾香 食到底有少少飯焦 建議餐廳可以擺底支鰻魚汁俾客人自己落 因為我中意加好多汁落啲飯到 每次都要叫人泥幫我加汁有點不好意思呢他們都很忙 仲叫左啲小食 【髒髒炸香蕉🍌 $18】係炸左的香蕉外面有朱古力粉 我個人幾中意 感覺似甜品但不在甜品類別 食完飯先點比較好👍🏼

門外的門牌跟餐牌都是木製的 感覺好日系🎎 店內坐位不多 只有十二個位 所以繁忙日段用餐時間只有50分鐘⏳ 點了【煙三文魚all day breakfast $108】 另加$15 有飲品 我點了一壺玫瑰普洱茶 我最欣賞all day breakfast沙律既醬汁同埋個酸種包 沙律汁好香芝麻味 同出面食開既醋/其他salad dressing唔同 香啲好食啲! 酸種包口感鬆軟 又有啲煙韌 但唔係好脆/好難咬嗰隻 加埋個黑松露芝士味噌炒蛋我食唔停口 整間舖由裝飾到食物既用料配撘都睇得出係心機小店 亦都有唔少人泥買咖啡外賣!☕️ (外賣杯好靚😂）

平時去諾士佛臺飲嘢多 好少喺呢到食飯 不過我知有幾棟building 都有唔少正餐廳的 今次搞搞新意思泥呢到食泰國菜 我地得三個人但叫左好多野😂 Friday night 開心嘛又就泥放聖誕🎄 【🦀咖喱肉蟹 $348】有辣有唔辣 我地點左唔辣 超級惹味呀 啲汁可以送兩碗飯加薄餅蒜蓉包 🥖 重點係個蟹蓋好多膏!! 我平時唔”好”蟹都忍唔住食左兩啖 (淨係中意大閘蟹啲膏🤭) 【古法炒蜆 $119】個汁又係超香 有點偏咸但啲蜆大大粒好厚肉呀!! 【🥩美國牛小排 $188】也是不錯的 脂肪分佈均勻 配埋個汁幾解膩 【🥗生菜包 $88】我就覺得冇九龍城隆姐咁好食 唔知欠啲咩 可能唔夠辣唔夠香🤔 食物整體質素是不錯的 落足料大大碟香噴噴 不過價格略為高了一點點 都坐得舒服既唔會太迫 多幾個人些呀就抵啲~

半島酒店既大堂茶座每個月都有「快樂生辰獎賞」 生日既朋友仔在生日月份內惠顧大堂茶座晚市套餐四位或以上 就有一位套餐免費同送一個生日蛋糕🎂 今個月家姐生日所以我地一家人去左食!  晚市套餐每晚只有一個menu 每位$508  有前菜 餐湯 主菜 甜品 飲品 主菜可以揀燒牛柳或海鮮墨汁意粉 食物份量較細 大食啲都唔夠飽😂 質素不過不失啦 不要有太大期望哈哈當普通西餐咁食  甜品是不錯的! Bread pudding 好香滑 但個vibe真係好正!  有現場樂隊 酒店仲有好多好靚既聖誕裝飾 映相位 (有好多nutcracker!!🤩) 呢啲個價錢都包埋既~  另外送既生日蛋糕都好俾貨😂 超大個!  總結來說 如果泥係為左食好西就一定會失望 但如果係想喺酒店食下飯 感受下個環境氣氛咁就值! 

見到cheesecake factory喺open rice 個排名榜高企左好耐 所以忍唔住去試下 我喺美國食過一次 但記得嗰時冇咩好感 淨係記得好飽濟 cheesecake好甜 今次泥食lunch 不用排隊 Lunch set 價錢同普通單點差不多 多杯飲品🍹/餐湯🥣/沙律🥗 美式餐廳果然係美式份量 所有食物既份量都好大 餐湯超有誠意係洋蔥湯 話說我以前係唔食洋蔥唔飲洋蔥湯 試左一次洋蔥湯之後就愛上左 冇洋蔥嗰啲辣味 係香甜的!!! 主菜試左芝士四重奏長通粉 同 羅馬諾芝士脆皮雞扒(跟意粉) 兩個都好香芝士味🧀🧀 👦🏻中意長通粉夠香濃 我中意個雞扒 唔係好滑嗰隻 但好香脆 唔嚡口 點嗰時唔知雞扒會跟意粉 超大份食唔晒pack走左😂 因爲要留肚食蛋糕🍰🙊 單單係朱古力蛋糕已經有好多款 款款都想試🤤 最後試左Godiva Chocolate Cheesecake 好滑的 朱古力都幾濃🍫 不會過甜 記得加旁邊啲cream食! 好食啲!!

呢間居酒屋最出名係卷物 有好多創意卷物 試左【極•金龍 $128】同【倫敦橋 $138】 中意前者多啲因爲有炸珍寶虎蝦🍤 其他卷物都好豐富！ 當日係慶祝男朋友媽媽生日🎂 原來祝福字句唔係淨係可以寫喺甜品到 壽司個木盤都可以🤩 最意想不到既係除左卷物外 串燒同炸天婦羅都做得好出色!! 拖羅刺身都好新鮮肥美~ 係個sukiyaki 爭少少 $218有啲唔抵😣 整體都很不錯👍🏼 店員服務也很好 不停幫我地加水 以後銅鑼灣居酒屋🏮又多間選擇了

香港人中意排隊大家都知🤣 列日當空大家都會照排老虎堂粒幾兩粒鐘🤷🏽‍♀️ 不過香港人咁忙 梗係要搵啲真係值既先去排啦! 我去嗰日係平日兩點鐘倒 岩岩好排到去門口位 好彩唔洗條出面曬☀️ 排隊買嘢食連等嘢食大概用咗20至25分鐘倒唔算太耐既 可能熱潮已減退同埋過咗lunch hour / ⭐️必點既double shack burger $76 個patty幾juicy 牛味香濃 最正係啲熱溶芝士😍 完全將個burger既味道昇華 可惜個包完全唔得!! 尤其係底層 好soggy 俾啲倒汗水整到淋晒 一啲都唔香脆 有啲失望 ⭐️Cheese fries $36 係另一必點 雖然好似好普通 但啲芝士真係幾吸引惹味😍 另外 Smoke Shack (single) $62 我個人覺得麻麻地 有啲好似辣椒咁既野 始終都係shack burger 好食啲 🥤野飲冇試milkshake 因為怕太膩 試左 Fifty/fifty 係lemonade 溝 lemon tea 不過味道有啲淡 Overall 以快餐店泥講 質素ok 但價位有啲高 有啲地方有待改善 始終同我係美國食過既有啲分別 唔洗太過期待因為中環都有其他呢個質素既burger店 但經過ifc既不妨一試

一年總有幾個節日要慶祝 情人節呀男女朋友生日呀 有時諗去邊慶祝真係諗到頭都痛埋😪 今日就有個好介紹啦 ~ Boathouse 有露天位坐 可以望到赤柱大街同海景 再有啲海風吹過泥 個vibe 一流 / 野食方面 必點【Seafood bucket - L $278 】 Assorted 既話有青口 海蝦 海蜆 每樣都好新鮮同大隻 份量絕對唔少 好似食極都仲有咁😂 配埋個白酒忌廉汁好惹味🤤 【烤羊架 $298】 大大份 唔羶 肉質鮮嫩 好juicy 唔會烤到乾晒 另外點左西冷牛扒 $285 呢個有啲失色 肉質較乾 咁好氣氛又點少得甜品呢 點左tiramisu $72 賣相好吸睛😍 上面仲有蛋白餅同vanilla ice cream 食物質素整體唔錯 價錢同出面既西餐廳差不多 加埋個景就抵晒啦 食完飯仲可以去海邊散步chill 下 🌊 咁先係good weekend 嘛! 😌 ⭐️ 想抵食啲既： 星期一至四晚市主菜牌買一送一 (詳情係open rice 睇番)

最近咁熱係街成日都會好口渴 呢間茶飲係銅鑼灣地帶etude house 隔離 好方便就腳 而且比較夜11點先關門 有時見到過左11仲營業緊🦉 佢主打芝士茶 所以有人叫佢做翻版喜茶😂 由於食完飯好飽 所以揀左【熱情百香果 $35】既水果茶 味道幾清新 唔會太甜 唯獨係叫左少冰都仲有好多冰好凍❄️ 你知啦飲咁多凍嘢對身體唔好麻! 下次會想試下啲芝士茶 同喜茶既比較下! 不過等候時間有少少長😕 或者可以去etude house 行下 涼住冷氣等😂

星期六下午去dine in 等左一粒鐘有多呀wuwu 但究竟值唔值呢? 🤔 試左三樣野 【Avocado Toast with Smoked Salmon $136】 【Two Fried Eggs $118】 【Bread & Butter Pudding $58】 我同👦🏻都認為bread pudding 最有驚喜 Vanilla ice cream 好香 加埋個暖暖地既蛋糕一齊食有個溫差係到 好食! 另外嗰兩個toast 就不過不失啦 不過唔值得要排咁耐 而且呢個質素其他cafe都食到 其實weekday set lunch 會抵食少少 最貴都係$128有三個course 連飲品 甜品都有bread pudding 揀! 外賣條隊短好多唔洗點排 不過星期六下午好多已經賣晒 得番幾款選擇 買左【croissant $18】🥐 (左下角) (張相唔係同一日映既，所以選擇多啲) 呢個就真係正啦!!! 雖然買嗰時已經唔暖有少少失望 不過我隔左日食口感依然好好 好鬆脆! 仲試左raisin scone 同double chocolate cookies 都好好食! 尤其係cookie 朱古力味好rich!!! 所以下次會繼續買外賣pastry 🤭