疫情的情況下，好少外出用膳，難得出荃灣，就黎咗呢間Kim’s spoon食吓tea.... 首先點咗2個下午茶餐，落單後都要等一段時間先出餐，等唔係問題，但等完之後啲食物係凍嘅，粉絲係暖偏凍，炸雞係完全凍冰冰再加啲凍嘅甜酸汁，好像是炸了很久沒人點的感覺，而且數量只有5小粒，應叫炸雞粒而不是炸雞⋯⋯⋯！ 想不到疫情下餐廳的水準會這麼差、連基本嘅保溫都做不到，好彩經理係友善的，願意換餐，第2份餐是有改善的！

同屋企人去開D2 Place shopping, 行完街臨走時經過Pickabowl, 睇到呢間餐廳嘅餐牌之後覺得好靚好吸引,就決定買外賣返屋企試下喇😋 就係呢個餐牌吸引咗我喇，好似好沙律feel, 但原來係飯嚟嘅，好似一次過可以滿足食沙律而又可飽肚嘅慾望咁🤣🤣🤣🤣 而且餐牌嘅種類有好多選擇，仲可以自選添。實在太花多眼亂喇，由於趕住返屋企嘅關係，最後我地都係揀返set好咗嘅款😅 返到屋企喇😍 估唔到外賣返屋企嘅賣相都係同餐牌一樣咁吸引！ 一睇到就食慾大大大增！ 💛California 蛋黃加洲三文魚配黃薑椰菜花+白飯 🔸雖然佢叫加洲三文魚，但我覺得呢碗好日式 🔸有我最鐘意嘅中華沙律🥗加分🤣🤣 🔸蛋黃醬配三文魚永遠都好夾 🔸食材好新鮮，尤其三文魚同菜 🔸黃薑椰菜花好特別，第一次咁樣食椰菜花，撈勻成碗飯食，好有口感👍🏻 💛The Omega 和風經典三文魚配白飯 🔸和風口味嘅配料超多，有烤南瓜，炸豆腐，玉子，四季豆等等，食落啖啖都好有層次 🔸菠蘿估唔到係用新鮮菠蘿，甜甜酸酸好開胃 💛Lazy Ginger和風薑汁松板豬配烏冬 🔸除咗有魚生飯之外仲有熟食，岩哂唔食生野嘅媽咪 🔸松板豬好入味 🔸媽咪都好鐘意佢啖啖都食到蔬菜 總括黎講，我地都覺得Pickabowl食材好新鮮、岩哂鐘意green嘅大家，我下次仲想試埋佢碗「素食先生」😋

開左一段時間都未試過，今次路經又唔算多人等位，就諗住入去試下！ 午餐餐牌種類不多！ 只有數知餐 一點鐘午時王牌時段 竟然已經無哂海南雞飯餐 其實種類已經唔多 又點會估到一點已賣哂呢！ 真心其他餐都唔算吸引 朋友點了卡邦尼芝士汁燴魚柳 卡邦尼汁無卡邦尼味 配薯菜竟然係小棠菜+紅蘿蔔🥕 這是西餐還是中餐呢請問？ 見到都唔想吃 食慾大減 點了紅湯來了中湯 算了，接受吧 反正胃口已麻麻 中湯淡而無味⋯⋯ 最後我唯有食份最保守的三文治 算是填飽了個肚 這餐廳一定無下次 先是無餐 繼而落錯單 再加上cheal cheap食材 味道又差 真係咩都集中於一身

今日出咗尖沙咀行街，行完街想搵一間食得舒服嘅西餐廳，即刻上網搵，結果比我搵到一間有驚喜嘅西餐廳Amitie Kitchen。 我哋兩個人叫咗一個餐一個小食同埋一份扒 份量都好足。 我哋叫咗一個餐但佢都照比兩份餐包我地 本身以為啲餐包會好硬 但係一拎上手已經發現又熱又鬆軟 好surprise。 黑松露炸薯條，一放落枱已聞到好香，我哋食完主菜先食薯條，但係放左四個字都冇林，如果係粗薯條應該會更加好。 之後黎左南瓜湯，啖啖南瓜蓉，唔會好稀。 套餐有兩個前菜選擇，我地揀左西班牙墨魚仔辣肉腸，因為我好怕食唔新鮮既沙律菜，所以見到佢啲伴菜好新鮮既時候，已經加分。 之後主菜黎啦，帶子蘑菇意大利飯伴黑松露，呢間餐廳既材料真係好足，幾粒大大粒嘅帶子鋪喺飯面，唔會話得少少敷衍人。 另外叫咗個五成熟西冷扒，煮到岩岩好，好易切開，最加分既位黎啦，伴碟既薯蓉會咬到薯仔粒，有配料，雖然伴碟用，但有用心製作。 最後我哋叫咗杯餐飲，熱情果芒果橙紅茶，都幾香。 總括而言，服務員態度好好，環境唔錯，食物分量材料好足。

行街行到累，突然見到間主題餐廳，見到大門口已經好吸引啦大大隻AP鴨，行到入店內四周圍都係AP鴨，店外也有影相位可以不停打卡，還有很多AP鴨周邊商品，全部都好吸引，如果喜歡AP鴨一定唔可以錯過啦～😍 拼盤炸蠔+蟹餅粟米配沙律，粟米好香牛油味甜甜的， 蟹餅鬆軟好吃，細細一口能吃完又不會太油膩，沙律酸酸的吃了非常開胃。 AP06咖哩蛋包飯，雞蛋非常香滑，白飯外型相當吸引，咖哩口味適合小朋友，甜咖哩一點都不辣，不愛吃辣就一定要試試😍 熱蜂蜜綠茶連杯，好香蜂蜜味，不會太甜，不喝咖啡的， 非常推薦喝這杯😍 烏龍茶連牛奶瓶，味道清香，甜甜地容易入口，飲管造型可愛差點捨不得用呢！還有靚靚杯墊送，一定要拿回家留念。🤗

今日天氣轉涼，即刻同朋友食個雞煲先，咁岩佢話佢公司附近有間新開，幾好食架喎！試試佢！ 環境都幾舒服，乾乾淨淨，唔算好大間，所以去到八九點都仲係幾爆場，不過好彩等左一張枱就有位喇。 主角出場！呢度既員工會幫你煮埋，每一兩分鐘就黎幫你兜一兜啲雞，煮夠五分鐘就食得啦！辣度我地揀左BB辣。佢有好多配料可以選擇，我地就揀左黃帝菜、頂級肥牛、手工四寶丸。 BB辣味道岩晒啲貪得意想食辣，又唔食得辣既人！佢既甜味多過辣，但味道好適中唔會太濃而無晒雞味。雞件岩岩熟夠晒滑身，洋蔥分量都好多，滿意！ 配料既分量又大份又多。 皇帝菜好新鮮。 肥牛擺得靚靚仔仔，雪花分配都好平均。 手工四寶丸大大粒。特別推介蝦丸同鯪魚丸！蝦丸的蝦味好出，唔算好彈牙但係夠juicy。鯪魚丸就相比下彈牙好多，食得出真材實料，唔係溝左好多粉果啲。 要讚一讚呢枝手工麥酒意外地一啲都唔苦澀，仲有淡淡清香，非常容易入口，食雞煲真係襯到絕！

朋友係觀塘返工，放工後想去可以坐耐D傾計的餐廳，上網見到佢公司附近的呢間哈豆！
台式野都好耐無食，就去試下喇！

開係工廈的餐廳果然好大間呀，坐得好舒服哈豆的logo好得意

餐廳的牆上畫了台灣地方的壁畫，真係有置身台灣的感覺！




餐牌都好靚，除左有傳統台式食物之外，仲有台式打邊爐添呀，食物種類都好多，真係花多眼亂




台灣滷水拼盤
拼盤有滷水雞翼，牛展，豆腐，滷蛋
滷水汁看食物顏色便知道滷得入味
拼盤面佈滿芝麻
十分香口


香濃麻醬時菜


豪華刀客牛肉湯麵
牛肉麵除了有2款不同的牛肉外
還有貢丸，墨魚丸，滷蛋
真的大滿足啊
丸類彈牙有口感
2款牛肉都好軟身
牛展非常厚切
湯底濃而不鹹
帶少少微辣


嘉義蔥酥雞肉飯
見到有嘉義雞肉飯
即刻心心眼哂
除了係台中食過之外
香港真係好少地方有得食
店員送餐時
溫馨提示我地要撈勻雞肉，飯同汁先食
因為咁樣先最好食
祕制醬配上雞肉同蒜粒一齊食
真係食到台中風味呀
另外仲附有滷蛋同甜甜地嘅麵筋
如果掛住嘉義火雞飯的朋友
都可以黎呢度頂下癮先


哈豆鮮果茶
淡淡的熱情果味配上茶香及鮮果
好清新


鮮榨檸檬椰果多多
檸檬味不會太酸
除了有椰果外還有黑珍珠
好有咬口

尖沙咀溫莎大廈附近周圍都係酒吧，竟然俾我見到間以花為主題的cafe, 門口已經好靚喇！連地板都好靚 入到餐廳仲有個咁靚的bar table位，打卡一流對住咁靚的環境，食野都開心好多呀 我同朋友6點左右就到餐廳，仲未有其他食客，當然打下卡先喇 但係已經見到好多張枱放左留坐牌，老闆話今日full booking, 好彩我地都預早book枱咋 眨下眼已經坐滿哂人喇 餐牌有分是日晚餐同電子餐牌的散點 種類都幾多 我地點左2個dinner set 忌廉磨菇湯 湯用粉藍色碗 好靚好少女 忌廉湯夠creamy 好濃味 香草蜜糖燒春雞配德國腸 燒春雞份量好足好大隻 春雞的皮燒得夠脆身 淡淡的蜜糖味不會搶走雞味 但個人喜歡濃味 如蜜糖味多一點會更惹味 德國腸啖啖肉 配蜜糖芥末醬 脆薯角又脆又大條 而且好夠味 完全不用點茄汁 吃到停唔到口 明太子醬海蝦扁意粉 意粉軟硬度煮得剛好 明太子醬帶忌廉味夠creamy 明太子醬混於意粉中 每一口都吃到明太子 要讚一下 海蝦夠爽夠鮮甜 完全新鮮 絕對不是用雪藏蝦 凍檸茶 凍檸茶不會太甜 還有檸檬裝飾 好cute 本來仲想點埋是日甜品朱古力芝士蛋糕，但dinner set已經食到好飽，唯有下次先黎試甜品喇

太耐無食拉麵喇！係荃新天地見到呢間金田家，竟然有海老燒拉麵，仲要係荃灣店期間限定，一於入去試下喇！


門口放左好多日式燈籠做裝飾，好特別！



餐牌除了有豚骨湯的拉麵之外，仲有雞湯，柚子辛口湯，黑蒜湯，種類算多




海老燒鹽麴拉麵
拉麵是用了曲麵
麵條比較粗身彈牙
海老燒非常大隻
長度同拉麵碗的直徑一樣
蝦肉新鮮彈牙
配上醬汁
吃上來啖啖肉
用上蝦湯的拉麵十分特別
濃蝦湯拉麵
我也是第一次吃呢
另外這拉麵還配上粟米，溏心蛋及腩肉叉燒
份量十足
果然限定的拉麵🍜真的很出色


濃豚骨拉麵
豚骨湯味濃
麵是幼麵條
可選擇軟硬度
腩肉叉燒十分軟滑


雞白湯豚骨拉麵
此拉麵也是配上曲麵
除了青蔥外
還配有白蔥
吃上來有口感
雞湯很有驚喜
是很清的雞味
不會太濃太鹹
喝完整碗湯也不覺有味精
個人十分喜歡雞湯拉麵呢


另外我們還點了一些追加項目
芽菜
$7一大碗
很抵吃啊


黑豚叉燒
沒有腩肉叉燒般林身
但大大塊
豚肉味濃
是另一個口感


溏心蛋
蛋很流心
蛋白很濃味
適合配拉麵一起吃


吉列蠔
炸得很脆身
熱辣辣
蠔很juicy


唐揚雞塊
外脆肉嫩
醃得入味
夠惹味


巨峰乳酸梳打（左）
士多啤梨乳酸梳打（右）

Mega box賣傢私的5樓, 竟然有間以法式薄餅為賣點的西餐廳，而且Achacha的法式薄餅仲有做鹹食同甜食！成日都食傳統的厚批薄餅，見到有crêpe食的餐廳，同朋友二話不說，就決定了今餐一於入去試下佢地的dinner! 餐廳以木色為主，再以綠色植物做裝飾，好清新的感覺 晚餐餐牌選擇唔算好多，但勝在每項種類都有，岩哂有選擇困難的我 未吃crêpe之前先吃頭盤 雜果沙律 清甜水果配沙律菜 水果有菠蘿，芒果，草莓，蜜瓜 沙律配上微酸的黑醋汁 酸酸甜甜 胃口大開 南瓜湯配提子包 南瓜湯濃味 甜甜的南瓜湯配上脆身的提子法包很夾 意大利雲吞配芝士 只是頭盤 但芝士雲吞的數量也有5粒呢 薄切煙三文魚 煙三文魚面有洋蔥粒及醬汁 有點像吃三文魚他他的感覺 另一開胃菜 黑松露帶子意大利飯 除了有大大粒的帶子之外 還配有蟹子 每口飯都食到黑松露味及蟹子的口感 油封鴨腿法式薄餅 鴨腿皮脆肉嫩 配上帶有少許橙味的甜醬汁 非常好味 法式薄餅脆口微甜 內有芝士 口感脆而煙韌 另還有薯蓉，雜菌及野菜 非常豐富的法式薄餅 食完鹹就試埋甜喇 香蕉朱古力法式薄餅 香蕉及朱古力的份量剛好 甜的法式薄餅更脆身 配上帶有微微芝士味的cream 真係好滿足到第2個胃呀