東薈城聖誕裝飾是藍精靈做主題，我同朋友去打卡影相，搵左一間位於二期頂樓的錦麗食越南野～ 錦麗裝飾好有越南feel 同用左好多越南元素，未食野前已感受自己係越南咁😂 晚市有二人套餐$246都幾抵食，包括兩個主食（可選）、一個小食拼盤、加兩杯特色飲品 主食，我哋都選左兩個麵 錦麗推薦的安格斯火車頭（+$30） 4種不同類型牛：牛丸、牛小排、熟牛肉、牛筋，仲有扎肉，首先湯底好香有濃濃牛味，河粉是幼，不會太淋，牛丸牛小排熟牛肉好吃，牛筋超大一片，以為會好韌，但吃上去好淋，好吃😋 扎肉也是大大一片，應該有加黑胡椒，吃上去口感更豐富 越式蟹肉餅蕃茄湯檬粉 （+$8） 蕃茄加海鮮味湯底好開胃🤤，注意這個是檬粉，類似粉絲口感，肉餅也好吃😋 特色小食併盤 有金絲網蝦卷、越式庶蝦、越式蒜蓉牛油雞鎚、香茅豬扒 金絲網蝦卷：外面炸得超脆，好香口，裏面嘅餡打成蓉 越式庶蝦：佢既造型好似日式雞棒，但本身以為中間是木棒，原來是庶來的，好特別，口感也是香口好吃 越式蒜蓉牛油雞鎚：蒜蓉牛油嘅配合唔會輸，雞鎚炸得剛剛好～ 香茅豬排：也香口好吃 兩杯飲品以為得凍檸茶凍咖啡選擇，仲有幾款免費有特色飲品，好有誠意，我選左玫瑰龍眼茶，我朋友就加錢試香芒生椰乳。 玫瑰龍眼茶出其地有點夾，龍眼味比較出過玫瑰～ 香芒生椰乳超大杯（+$22）：椰子芒果味濃郁 加埋芒果脆脆 口感好豐富 上面仲有層cream 大滿足👅 最後甜點椰青椰汁糕（+$25）是心形造型， 好香椰青椰汁味，飯後甜品會多左清新感覺

同同事放lunch時比呢間藍色店面吸引🤩 12:45到達已有長長人流 幸好人流也不是等太久已安排裡面 女孩子食量不多又想食很多不同類型， 所以我哋點左一碗切腩四寶撈粗、 點了幾樣小食， 包括即炸雲吞、蠔生菜、鮮油奶多士， 加兩杯凍檸可樂～ 切腩四寶撈粗$70 四寶包括魚蛋、魚片、牛丸、雲吞 撈粗用左佢地獨家秘製醬料（如果想再重口味可以叫加色） 先說說切腩肉質嫩口, 每片都有一層脂肪，增加豐潤，但又不會油膩！魚蛋魚片更係標記日日新鮮炸，食果陣完全feel到好彈牙，又新鮮！ 牛丸以為平平無奇又出奇地好味！雲吞裡面蝦又沒有吝嗇，也足料！呢碗果然係店家推薦，高質呀🫶🏻🫶🏻🫶🏻 另外，值得一提佢地辣椒油都是自製，聽聞用左10幾種材料製成，所以我一開始試果陣好香，但提一提如果只食到3小辣既朋友，不要跟我一樣下太多，有點辣但好惹味！ 鮮油奶多士$16 好！出！色！多士烘得剛剛好，也不會太濃，再夾一塊牛油🧈，外面淋左煉奶，原以為塊牛油會好油膩，吃完整塊可以encore！ 必點！除左午餐外，下午茶首選💚 即炸雲吞 $46 份量不少，雲吞裏面嘅蝦依舊很足，今次有炸，很脆口！也很好吃！ 蠔生菜 $26 菜可以選菜心或生菜，我地選左生菜，都算新鮮 凍檸可樂$22 可樂是整罐上，冰塊、檸檬給得很足！誠意滿滿

今日去拎Iphone15 pro大喜日子！ 因為預約時間下午 所以決定中午去左同朋友去食健康野 而我朋友未食過poke bowl 係上環搵左呢間比佢try try 餐廳裡面裝飾是小清新 偏日系 我地一人叫左一碗bowl 佢未食過就先叫左signature既Creamy baby 裡面有三文魚、牛油果、雞蛋絲、豆腐、青瓜、蟹籽、木魚絲、脆炸蒜粒、壽司飯及沙律，再配上芥末沙律醬，佢叫多一杯美式咖啡 Creamy baby $118 一上台超豐富 三文魚切成正方體一粒粒 仲有好多蔬果配搭 口感好豐富之餘 亦有營養 再加上沙律醬好開胃 朋友不經不覺食完整碗！ 自選bowl（Me) 香煎雞排、中華沙律、雞蛋絲、粟米、蟹柳 、木魚絲及壽司飯沙律 配蜜糖黃芥末醬 香煎雞排超出色、很香口嫩口！我朋友吃了也認同！沙律我覺得一定要有配粟米粒 會有甜甜味道 喜歡🥰🥰🥰 以下我哋清盤證據😂😂 另外我地兩杯咖啡 一杯是美式咖啡 一杯是椰青冰萃咖啡 之前有喝過這類配搭 但不是每間都沖得好喝 這杯是我認證過好喝的！椰青和咖啡配搭好喝

今日同同事收工去探店！拎過好多獎的日本料理！ 位於尖沙咀鮨一有3層，我地被安排了在bar位置可以看師傅整料理又可以望到外面高樓層景色。 日本真蠔 $156/2件 一上台好大個蠔，蠔上面有柚子作調味， 蠔超滑口，也有鮮味！ 1.鰤魚刺身$198 4切 鰤魚刺身的口感柔軟。每一口都能感受到魚細膩質地，帶有微妙的彈性，讓口感更加豐富。 鰤魚刺身的味道相對溫和，味道有點偏向三文魚味道。 2.蜜柑鯛 4切 $188 蜜柑鯛口感有彈性也緊實，味道則有淡淡甜味，第一次吃有驚喜 3.石垣貝兩隻 $116 有鮮甜味，口感偏向有彈性。 燒鵝肝 兩件 $128 外層烤至金黃酥脆，裡面是柔軟油脂感，口感豐富，一口融化，十分絲滑，味道濃郁香口。 辣酒煮蜆$75 蜆肉沒有沙值得讚，辣酒湯很配蜆嘅鮮味， 如果能吃辣的朋友值得叫，個湯可以飲，好鮮但有點辣，蜆肉不小。 味噌煮牛舌$68 牛舌係厚切，一塊，牛舌是非常有彈口，味噌湯也很濃郁，兩者配合很配。蘿蔔也很吸味！ 另外，題外話服務態度很好！

知道係蘇豪區最近新開一間日式小店 所以同同事收工後去探下店！

一入左去好似去左日本居酒屋feel 仲有戶外區！仲發現呢間店種類好多，有漬物、串燒、伴酒小菜、浜燒、pasta and rice 仲有少少甜點 同海量酒類選擇（梅酒、燒酒）也有無酒精系列的梳打！

漬物我地選左鮟鱇魚肝奈良漬、長芋山葵漬、螢光魷魚沖漬伴海膽汁

🤎鮟鱇魚肝奈良漬 $58
推薦五星 聽店員推薦最近係日本大熱的漬物
鮟鱇魚肝有點似吞拿魚味道
但佢既鮮味混合青瓜粒及奈良漬味道
豐富口感 可以搭配青瓜一起吃 多了種清新味道


🤎長芋山葵漬 $58
長芋山好似准山味道 但口感就偏爽口
而且用了山葵去醃漬 吃上去多了Wasabi味道
非常開胃

🤎螢光魷魚沖漬伴海膽汁 $58
魷魚的鮮味混搭海膽汁 鮮味十足！


之後燒物我地點了雞腎、雞尾、雞頸肉、雞軟骨串

🤎雞腎串、雞頸肉串、雞尾串、雞軟骨串
各$38
雞尾串是最令我驚喜，雞尾其實係雞屁股，但完全無膻味，吃上去醃料味道又唔多，燒得脆卜卜，好香口，而雞軟骨串佢係一個軟骨一個肉質感，一起咬兩個，口感好神奇又好味


至於浜燒選擇了
🤎日本播磨「白珠」牡蠣$78
燒蠔唔太腥 有鮮味！

🤎 店家主打高知縣有名 熏烤鰹魚 $128
可以走到吧台觀看烤過程
先用稻草去燒表面再熏燒 過程可以打卡able
然後出來鰹魚 外表已熏燒 但裡面保留刺身質感
吃上去除了吃到鰹魚鮮味 還有煙燻味道一起
好好吃😋 你仲可以配搭伴碟的炸薑絲/又或者沾配上醬汁麵很好吃！多重味道！

🤎鐵板芝士炒蛋 $58
店員講除左芝士、蛋外，仲有落左忌廉，
令到口感更加滑溜！芝士配蛋無得輸，會拉絲！
店員仲會係你面前炒😆

🤎海膽意大利扁麵 $68
海膽鮮味將意大利麵味道提升
扁麵質感拿捏得剛剛好 不硬不林
超推薦大家來試

🤎燒飯糰 $58
作為最後一道菜剛剛好 飯糰不會燒得口感很硬
反而很香口，要配上紫菜吃呀！

🤎Drinks :

白桃濁酒 $68
喝之前一定要攪拌 因為要將梅酒及白桃混合，
否則只喝到淡淡白桃味！將白桃甜甜味道混合梅酒易入口！喜歡！

Calpis Sour $68
朋友點的無酒精飲品 覺得還可以😎


還有值得一提呢度服務態度超好
也會跟你講解每碟食物特色
有得打卡時會叫你過去影相📸️
結帳時亦會問你食物好唔好食😋

終於忙完功課可以約朋友食飯 我記憶中呢間茶木重新裝修 現在裝潢後更簡約 燈光更柔和舒服 合適約會傾計！ 📍抺茶鮮果流心歐軟 $88 先講茶木招牌的甜品！ 這系列不會輸，之前食過士多啤梨味覺得好味 這個口味也美味！鮮果和抹茶的組合非常恰到好處，加上流心的奶油內餡，讓口感更加豐富。裡面仲有少少麻薯！甜度也不會太重，很適合當作下午茶！ 📍香煎沙朗肉燥麵 $82 麵條的口感非常讚！麵條本身有彈性， 搭配上香煎的沙朗肉和燥肉，肉香味十分濃郁。 湯頭也很鮮甜！ 📍鹽酥雞排肉燥飯 $82 鹽酥雞排非常脆口，肉質也很嫩。搭配上燥肉和飯，味道非常濃郁。如果喜歡吃重口味的飯菜，這道肉燥飯會是一個好選擇。 📍自家制台式烤香腸 $48 烤出來的香腸外皮脆口， 內裡肉質鮮嫩多汁，香氣四溢， 更有種台式腸的甜味！ 📍四季青萱鮮果茶 $46 這杯鮮果茶很清爽，水果的味道很明顯， 茶味也不會太濃。 📍四季青萱粒粒紅西柚茶 $42 西柚茶的味道非常濃郁，加上茶葉的香氣，非常適合喝來消暑。粒粒紅西柚也讓口感更加豐富， 酸酸甜甜！ 另外 值得一提 職員非常有禮貌！每放下一碟菜式都會介紹是什麼菜式！

放工同妹妹晚餐 約左佢工作附近 佢介紹既Burger Room 原來隱藏係美麗華裡面 間餐廳型格設計 位置寬闊 還有室外位置Chill下 打卡位不少！ 超多Burger 組合選擇 適合Burger 愛好者 看到眼花撩亂既我最終選擇了廚房推薦既 芝士牛肉大啡菇、 牛油果芝士薯條、蜜糖芥末單骨雞翼、一杯菠蘿冰茶 主食💓大烤菇芝士牛肉Burger 牛肉是有厚度之餘不會很乾很柴 切開時還有肉汁流出來 很香牛肉汁味道 再配搭大啡菇、芝士味道！非常可！ 夾著生菜也新鮮！ 值得一提 因為Burger size比較大 上台時burger已分開兩邊 很窩心 小食🍟牛油果醬芝士薯條 牛油果打成蓉 再配上粒粒蕃茄 再用薯條沾上 味道很特別 化解左芝士膩的感覺 而且份量也不算少 小食💓 蜜糖芥末單骨雞翼 蜜糖芥末味絕對不會錯 單骨雞翼吃上來很方便 雞皮也很脆！ 好味道！ 蜜糖芥末醬同時可以用來沾薯條吃 兩種口味！💕 飲料🥤菠蘿冰茶 以為平平無奇冰茶 原來在杯底有粒粒菠蘿 有驚喜！

收工時間約左朋友係大角咀搵好西 就去左好多美食既埃華街搵食！ 然後選左呢間又可以食刺身飯又可以串燒 仲有麵食選擇 選擇多到我地坐左張台一陣都未選好 最後唔唸咁多 選佢地dinner set 呢間dinner set 500幾蚊，但包括左招牌刺身飯、 生蠔、燒魚、幾碟串燒等等！仲包兩杯特飲/beer 真係每次以為食完點解仲有野上😆 招牌刺身飯超豐富，唔至有三文魚跟吞拿魚，三文魚同吞拿魚份量唔少，仲有蟹籽、蟹肉、海帶、沙律菜等等 兩個女仔share 食完已無左3分1胃份量 值得一提加入海帶令到刺身飯成件事更加出色 生蠔🦪好大隻、鮮味十足！我聽到隔離台叫燒生蠔不斷encore!😆 串燒包括翠肉瓜好juicy 、金針菇蒜味很夠！ 一口牛很香口、雞翼份量都算大隻但有少少辣但又好惹味！豬頸肉都好香口！ 仲有土匪燒茄子夠重口味 仲有一粒粒肉碎好香口！燒鯧魚係最後上 差點食唔落 因為去到尾聲有點飽啦，鯧魚燒完後肉質不會太乾材，也不錯！ 最後我點了比較特別既牛油果🥑奶昔，起初會覺得會不會膩，但比想像中輕盈，配上食物剛剛好！ 值得讚賞係店員服務超級好😆 也很熱情！ 還有佢而家做緊滿$200 一蚊一蠔 一蚊一飯 本人覺得好抵！

剛好在灣仔附近整身分證 而位於利舞臺的炸雞店未試過 所以順道跟朋友過來食 一進店 場地闊落 我們兩人坐4人台 有足夠空間放置自己隨身物品 場內都播放K-pop songs 也有電視播放韓團 有種置身係韓國感覺 進場時也發現不少韓國人享用晚餐 我們分別點了蜂蜜牛油香蒜烤雞（半份）、 冷湯麵、一杯Mango ADE 先要十級讚烤雞！ 蜂蜜的甜味配搭蒜香牛油香很絕！ 除了烤雞本身已沾滿醬汁 連盤也有不少 所以覺得不夠味可以再沾 但本身已很夠味！ 半份份量有雞腿分件， 大概數一下有6-8件！對於女生的我們剛剛好！ 知道烤雞吃太多會膩 然後再配冷湯麵 冰涼清甜口感沖走膩的味道 烤雞配冷湯麵絕配！ 冷湯麵有再配一支甜甜的醬 但本身冷湯麵已有甜味 所以沒有再加 冷湯麵有梨 青瓜 雞蛋材料！足料！ Mango ADE 的飲料就是芒果氣泡水 不會太甜 又解渴解膩！

剛好約了在西灣河的朋友 我朋友說到中午時經過很多人的店 所以就預早約好晚上來聚一聚 南島雖然是地面的店 但地下還有一層 光線很亮 樓底很高 裝潢讓人很舒適 位與位之間也寬闊 所以多人聚會來這會聊得很開心 到食物篇 由於兩個女生 只點了泰式炒金邊粉、 大蝦米紙卷、泰式蓮藕餅就很飽了！ 泰式炒金邊粉一上碟旁邊有很多調味料 食之前要攪拌一下 色澤看上去很吸引 味道甜甜 帶點微辣 份量也不少！ 大蝦米紙卷裡面除了大蝦 還有青瓜 木芒果等等 加上有芒果醬汁 吃上去很開胃又Fresh 米紙卷也很有口感！ 有越南味道！ 最後，泰式蓮藕餅雖然只有三個 但三個份量很厚實很大 中間是厚厚蝦餅 香脆好吃 這樣配搭不錯！ 服務態度也不錯 水快沒有時會主動添！ 而且我們猶豫很久才點餐也沒有催我們點！ 也會主動推薦優惠及食物！