如果想同朋友聚餐又想打卡，呢一間懷舊火鍋店就啱晒你，睇得影得又食得，裝修同埋佈置甚至餐具同返咗80年代冇分別🌞佢哋嘅雞煲有好多款口味可以選擇，除咗黃蜆，仲有肥嘟嘟嘅蠔，仲有鹹蛋黃口味等等～佢哋好多配料都有拼盤，啱晒一班朋友去食！ 今次我就叫咗下面呢幾樣，俾大家參考吓，如果鍾意芫荽嘅話，千祈唔好錯過佢哋嘅芫荽墨魚丸，彈牙又夠鮮味😍下次我會想試鹹蛋黃雞煲🤩 秘制黃蜆惹味辣雞煲 $268 龍鳳呈祥牛肉拼盤（細）$388 即制回味五香肉丁餃（6粒）$78 手打海量芫蒆墨魚丸（6粒）$88 龍鳳呈祥雜菜拼盤 $138 自家製陳年鹹檸七 $76

📍 Frozen Yogurt Drool 未到五月已經超級熱，喺條街隨時熱到溶，行過唔食返杯清新解暑嘅乳酪雪糕點得啊😝😝呢到既乳酪雪糕用左北海道3.6牛乳同希臘低脂乳酪，食落口比一般乳酪雪糕滑好多，仲香濃好多🤤呢到乳酪份量仲好闊佬，吱滿個底先再打圈，一個人食哂係會勁勁勁滿足🤤 👅抹茶園 $56 有少少抹茶味點綴都幾啱，平衡下甜味，另外仲有大量matcha mochi加塊脆卜卜既蝴蝶酥，中間仲要有一大圈藍莓🤤 👅滿足杯 $59 呢個係自選組合，我地揀左芒果，焦糖脆脆配朱古力碎石加蜜糖醬💛非常推薦芒果做配料，好夾，另外整碎焦糖脆脆撈埋食又係好正🤤

📍Billow 前幾日天朗氣清，臨近日落嘅時間兜咗入去小白鷺食晚餐，極度推薦大家有日光嘅時間入嚟食，如果食晚飯，六點左右過嚟就啱啱好❤️‍🔥消費足夠金額仲有免費泊車🚗 👅酥皮忌廉蘑菇湯·焗大啡菇 $118 如果大家鍾意飲酥皮湯，我都好推薦大家試吓呢一個，佢嘅酥皮夠晒牛油味，非常鬆化，用手搣就感覺得到有好多層酥皮🤏🏻忌廉蘑菇湯都非常足料，每啖都有蘑菇粒粒，好香濃。至於佢哋嘅焗大啡菇，係焗到收哂水，好似脆片咁，都幾特別🤤 👅白酒煮大蜆 $168 呢一個starter真係不得了，白酒底調校得啱啱好，佢哋嘅蜆每一隻都係非常新鮮，仲要肥嘟嘟，份量都唔少，下次再過嚟都會食呢一個😜 👅海膽燴飯·香煎帶子·黑魚子醬 $268 燴飯真係每一粒飯都包圍住海膽醬汁，juicy得黎唔會太水，四粒帶子半生熟，鮮甜又厚身，中間仲有海膽，呢個都好食🤤 👅美國牛柳·芹菜茸·意黃瓜·甘筍 $308 牛柳我哋要咗medium，上枱的確冇失望，肉味濃，未咬落去已經見到肉汁🥰另外伴碟都好有驚喜，我本身唔係特別鍾意芹菜或者黃瓜同埋甘筍，但係呢個絕對係可以清碟💯 👅焗經典蘋果批·雲呢拿雪糕 $128 佢哋嘅蘋果批好香玉桂味，入面嘅蘋果亦都好大粒，兩個人食都足夠，至於佢哋嘅雲呢拿雪糕亦都好出色，呢個甜品絕對係為呢個晚餐畫上完美嘅句號❤️‍🔥

📍殿 大喜屋 日式放題嚟講，第一時間我就會諗起大喜屋，大喜屋又想食得好啲嘅話，就要過嚟呢一間殿大喜屋😙除咗一般有嘅刺身壽司之外，仲有任食嘅拖羅！另外仲會有海膽手卷，帝王蟹手卷等等～如果要熟食嘅話，酒醉鮑魚，冬菇炆花膠，鵝肝多士同埋燒蠔全部都有。如果仲食得落，佢哋仲有熱辣辣乳鴿，芝士蝦伊麵，壽喜燒🤪 至於出面自助區，有叉燒， 蟹粉豆苗，餃子，炸雞，仲有蟲草花膠湯～如果甜品嘅話，有差不多10款雪糕，任食嘅榴槤蓉，木瓜燉鮮奶等等。 飲品方面最基本講得出都有，另外仲有熱飲櫃，日本清酒，梅酒，椰青水，總之一定有一款啱你飲☺️ 咁多嘢食連加一都係差不多$400一個人，包你食到抱住個肚走🤰🏻🫃🏻

📍 甜姨姨 人氣甜品店開咗喺九龍區都一段時間，最近佢地既巨型刨冰仲有‼️九龍限定‼️買一送一優惠‼️‼️‼️買1送1優惠由2月19日起至2月25日，十款刨冰買一送一（原價：每份$128 - $158），仲唔叫齊朋友仔一齊去食🤤🤤 👅楊枝甘露冰 $158 呢個冰記得打完卡就要放支芒果冰雪條落黎，本來以為係雪條，點知原來係冰左既芒果肉🤩🤩楊枝甘露味完全呈現到出黎，佢地既冰亦都好棉，食到中間仲有芒果脆脆，如果怕唔夠味，仲有芒果醬加，好滿足，3個人食都夠😙🥰 👅芒果班戟 $68 芒果同cream既比例一比一，芒果肉仲好甜，皮亦唔厚，我每次都必叫呢個😜 👅蛋白杏仁茶 $45 好香杏仁味，仲有蛋白喺底，中式糖水愛好者都可以揀呢個😎 👅黑心太軟配Haagen-Daz比利時朱古力雪糕 $128 甜姨姨既心太軟組合真係每次都有驚喜又唔會失望！上次試左椰子味，今次呢個芝麻都好正！！！心太軟上面仲用左海邊走走既蛋卷😜切開心太軟既流心好似食緊芝麻糊咁🤤🤤 👅榴槤豆腐花 $68 估唔到呢個組合咁夾，榴槤好香好甜，仲有豆腐花平均下，唔怕熱氣😙

想食有儀式感嘅韓式料理，呢一間餐廳就啱晒你地啦，環境又大又靜，座位好闊，唔同座位都相隔一段距離，啱晒靜靜哋食飯傾吓偈 👅海鮮煎餅 $226 呢個海鮮煎餅其實三至四個人分都夠食，除咗好大個同埋好厚之外，佢係煎得非常香脆🗣️上面種鋪滿魷魚，蜆肉同埋白飯魚等等嘅海鮮，基本上每啖都會有🤤配埋佢地嘅醬汁，完全可以將鮮味提升😛 👅烤風川鰻魚釜飯 $185 鰻魚好香，都幾肥美，有4大舊，撈埋少少辣醬，真係有韓國嘅風味，呢個都推薦大家試吓～ 👅韓牛大蔥卷配泡菜炒飯 $880 呢個係成晚嘅重頭戲😍期待咗佢好耐，韓牛質素都幾好，有店員會即場燒，首先會揀起兩舊剪碎同泡菜一齊炒飯，剩低嘅就會煎香，然後剪開一半，油香超重！！非常邪惡！！超級滿足！！！因為份量都多，所以四個人share都OK！ 👅SNOWING NIGHT $118 每一杯Cocktail都有recipe，我鍾意呢杯❤️ 👅SEE YOU $108 如果想清爽啲，呢一杯就會比較啱你～

📍Artemis by Deesses Bakery Airside開咗都一段時間，最近發現咗呢間新開嘅bakery，入面有好靚嘅牛角包，簡直係少女心爆棚，睇得又食得🩷🩵 佢哋嘅牛角包用咗法國82%牛油同T45麵粉，足足用咗三日嘅時間去製作，先至會有蜂巢狀結構既牛角包！外脆內軟之餘，牛油味仲好香濃～另外佢哋嘅迷你牛角包唔同顏色代表唔同味道，入面仲有吉士， creamy又邪惡，記得要即日食😜 👅迷你牛角包（6件）$54 👅迷你牛角酥 $10 👅雲尼拿吉士及麻糬竹炭牛角包 $29 👅芋泥麻糬牛角包 $28 👅紅桑子牛角 $28

📍 PHI Coffee & Pancake 想喺鬧市搵一間坐得舒服嘅Cafe，食物精緻得來又要多選擇，仲要有空氣感滿滿嘅疏乎厘，呢到就幫到你喇🥞 👅燒牛肉向日葵三文治 $82 呢個向日葵三文治真係超靚😍切開太陽蛋，就會有蛋漿流出黎，三文治全部都係脆邊，入面嘅燒牛肉，芝士同牛油好香口，側面仲有牛油果醬可以夾埋一齊食🤤 👅紅噹噹龍蝦意大利飯 $165 意大利飯啱晒大眾嘅口味，醬汁creamy得黎又夠多，意大利飯口感合適，上面既龍蝦都鮮甜😛 👅經典英式伯爵茶梳乎厘 $158 呢一個疏乎厘係呢間舖頭嘅招牌，點可以唔叫😋伴碟有脆米，mochi，自家製伯爵茶忌廉，瑪德蓮蛋糕等等，總共有三大舊疏乎厘，空氣感爆棚，蛋香味香濃，唔會過甜，又有茶味，好滿足🤤 👅Godiva朱古力酒咖啡 $58 佢哋太多咖啡揀，諗左好耐終於揀左呢個，果然無揀錯，好靚又好飲，雖然有酒精，但連埋咖啡好夾，係進階版mocha🤤 👅陽剛香水樿檬茶 $42 呢杯檸檬茶有青檸同埋檸檬，味道上昇華咗，唔會勁甜，好解渴～

📍菊月町 想食性價比高嘅席前鐵板燒，呢一間餐廳你真係唔可以錯過！菊月町搬遷左新鋪之後，又大又光猛，成個感覺唔同晒，煥然一新之餘，食物嘅質素亦都好高，完全係價廉物美👍🏻👍🏻 👅美國牛板腱/西班牙杜洛克豬肉眼 $438 今次試嘅呢兩款鐵板燒套餐都係九道菜式，前菜有沙律同埋魚乾，仲有茶碗蒸。然後就開始食銀鱈魚，兩邊煎到金黃色，但入面仲好滑，滿滿油香，魚皮仲會分開煎到脆卜卜～之後到廣島蠔，仲有即煎豬油淋上去，將蠔昇華去另一個層次🤤之後嘅原隻虎蝦都好出色，又可以睇表演剝蝦殼同蝦頭🤩虎蝦勁爽口，又大隻，蝦頭既膏仲多到爆哂出黎😛最後就係重頭戲西班牙豬肉眼同埋牛板腱，好出色好juicy，烹調時間剛剛好😜最後仲有炒飯同埋炒芽菜，一定夠晒飽！然後飲埋昆布湯再食埋甜品，呢一餐非常之圓滿💯咁樣食飯埋單$500有找，仲可以有咩投訴？🫨🫨

📍 喫茶ちょうぼ 想同伴侶食聖誕大餐，有一間可以望住海景，性價比高又好食嘅日式咖啡店想介紹俾大家😚佢唔係一個pre set既聖誕套餐，全部都係散叫，大家可以自由配搭😋 👅聖誕庭院大蝦菠菜扁意粉 $98 呢個波扁意粉好似聖誕花圈咁，好靚，不過絕對唔係得個樣，估唔到都咁好食，醬汁creamy包圍每條意粉，上面嘅蕃茄好新鮮，大蝦仲好彈牙😋 👅誕辰和牛漢堡蛋包飯 $108 店員會幫手切開方便打卡🌟蛋煎得剛剛好，切開就會見比半熟🤩本來個飯好大舊，仲擔心食唔晒，原來咁大舊嘅原因係因為入面嘅漢堡扒好厚！！！！切開仲會有肉汁流出黎🤤 👅噹噹金賞唐揚炸雞 $88 我自己本身唔係特別鍾意食炸雞，但係呢一個唐揚炸雞真係好令我驚喜，好食到就算我好飽，都堅持食埋最後一舊❤️‍🔥但係大家小心焫親個咀，因為佢係即刻炸起，又唔乾，勁勁勁勁好食🥹 👅雪人布甸與牛奶大福盛 $68 雖然呢個雪人個樣有啲好笑，但係佢個牛奶大福好煙韌，入面夾心好重牛奶香味～最底就係佢哋嘅布甸，兩個人share食啱啱好❤️‍🔥 👅紅粉緋緋花環拿鐵 $48 呢一個士多啤梨底嘅拿鐵好靚，好有聖誕氣氛，記得攪勻飲～～🌪️🌪️ 👅榛子交響曲 $68 店員會即場喺你面前mix榛子咖啡同埋牛奶～～整體來講都幾好飲