本身胃口吾大，真係吾啱去食自助餐（怕回吾到本 😂），所以只會選食品高質嘅餐廳，而呢間去過幾次，每次都保持到食品和服務水準 👍食物亦加得快，再加上坐得舒服，難怪要預早一個月訂位 🤣 我幾乎全程都係食海鮮 🤣🤣🤣🤣 飽魚好入味，帶子剌身夠大隻，真係令人食吾停口🤭😍😋龍蝦亦令客人食得好方便 🥰 清湯都好夠味又吾油膩 😊 超大粒藍莓😍 餐廳為客人特別準備嘅甜品 整體來說，食物貴精不貴多，絕對係對得住個價錢🥰🥰🥳🥳，真係值得再去

一直都好想試呢間小店嘅爆汁生煎包，今日難得喺附近做野，順路來試吓。店內只有少數座位，估計是以外賣為主。 落單時，店長問我是否第一次食，溫馨提示我包內嘅汁高溫，小心燙傷，建議我可把湯先倒落匙羹，慢慢試，好貼心🥰🥰 我跟佢建議做，嘩嘩嘩🤩好多汁，好多汁🤤鮮味到不得了，豬肉餡配埋隻包底煎得脆脆，口感一流，難怪咁出名👍 另一個驚喜就係小雲吞，d雲吞皮睇落好薄好軟熟，喺個碗裏面好似金魚游水🤣🤣入口時好似同粒雲吞玩sir滑梯 😜😜個湯底都好有肉味😋正❤ 平民價錢，米芝蓮味道 🤩下次一定會再來🥰🥰😋😋 返尋味指數:10/10

放假飲茶就係要好好享受，呢度除咗環境舒適之外， 點心嘅造型亦都好別緻， 由於人數小， 所以只係能夠試到幾款點心， 但都已經好滿足喇 🥰 春風得意蝦腸 最外層有軟軟嘅腸粉包住 脆脆嘅油炸鬼再包住原隻嘅爽蝦咬落去就係有三重口感 個灌湯餃都好足料㗎，塊花膠吾細㗎 😄 個湯底就梗係冇得彈啦，好香金華火腿味👍正呀 至於個龍蝦金魚餃，除左龍蝦同蝦肉鮮甜彈牙外， 就連底下塊蘿蔔都令人回味，因為索曬啲汁，好滋味㗎 🤭 今次有驚喜嘅地方， 就係茶錢包埋好食到停唔到口嘅鬆化合桃 🤩可謂超值。

两個人食中菜，一般都會點套餐，因為通常套餐都係款式多但份量吾多，亦可以不用煩惱 😂😂 但呢度係可以點半份架 🤩真係啱晒想試多款嘅朋友😜 杏汁菜膽燉花膠： 個燉湯有手掌咁大嘅花膠 🤩 夠曬滋補養顏🤭飲到杏汁味之餘又飲到菜膽味 🥰 鵝肝金錢雞： 而家真係好難食到金錢雞，呢個改用鵝肝和菇片，更特色塊鵝肝煎得好好呀，外脆內軟，配埋件滑滑雞肉，真係食到舐舐脷😋 頭抽珍菌香煎花尾躉（半份）： 師傅只係用咗少少頭抽吊味，完全食到個花尾躉嘅魚鮮味😋 和牛面頰（半份）： 我覺得全晚最有特色就係呢一個餸，佢個做法有啲似威靈頓牛柳，但係外面改包芋頭蓉，我冇諗過芋頭同牛肉係咁夾嘅，配左幾粒炸杞子，味道好好食🤤 果木煙燻匈牙利鬈毛豬叉燒（半份）： 雖然其他酒店都有類似菜式，但呢度個 煙燻效果做得好好，未入口已聞到煙燻嘅果香（荔枝味），舊半肥瘦叉燒入口後更加感受到個層次（煙燻+果味+肉味），果然係招牌菜 👍👍 每次來嘉麟樓都冇令我失望😍🥰🤩 返尋味指數10/10

難得放紅日，可以與家人飲茶，嚟呢間係因為佢嘅點心水準穩定，服務吾差，一定吾會掃興。 我飲茶必食嘅就係蝦餃，呢度嘅蝦餃蝦好多蝦，全部都係蝦肉🤩新鮮彈牙😋🤤蝦腸就係原隻大蝦仁，如果鍾意食蝦的話，呢2款點心可以話係必食 🥰 潮州粉果配🌶油，好夾。流沙奶黃包吾係太甜，最難得係個包就算凍左都好食 🤭鮑汁鳳爪同鵪鶉蛋燒賣都冇令人失望。

見到咁多好評再加上好想食懷石料理……馬上訂位😜 餐廳吾太大，有小小私房菜感覺，可能訂位時註明是慶祝生日，被安排接近廚師座位，一邊等食一邊望住師傅整野食，感覺好正呀😍 呢個分子料理打開盒時有煙出，以為係乾冰效果，原來係煙燻味 😂 每枱都會打卡，有夕張蜜瓜配風乾火腿、紫薯蓉果凍、北海道粟米…… 我最愛之一嘅牡丹蝦魚子醬他他，可以搽上米紙食🥳😋 紅蝦蒸蛋，師傅話係用左魚湯打泡沫 雖然只有少少馬糞海胆，但都好令人回味😋 日本A4和牛，煎得怡到好處，肉質軟滑 😋 用日本糯米做嘅黑松露膾飯，下次要少飯 😂😂 甜品係日本水果，官崎芒果好好食 😍😍 其實樣樣都好食，未能一一盡錄，秋天會再來 😍😍

難得唔使等位 ，可以試呢個堂食優惠，真係好正㗎😍 既好味又抵食🤤👍 雖然係特價優惠 ，但係品質一啲都冇馬虎，整體嚟講樣樣都好味 ，最有驚喜係個煲仔飯🤤🤤😍 臘味同啲飯都好香👍👍

我差不多每個星期都會嚟呢度食晚飯， 就算疫情期間，都會喺呢度買外賣，所以我就叫佢做飯堂。通常嚟到食小菜餐，有時冇胃口就會食粥麵。今晚先至留意到呢間小館由2011年至2020年都係米芝蓮 我最鍾意食呢度嘅油菜芥蘭，冇苦味之餘，軟硬度適中，好啱我心水佢地用嘅蠔油都好好味。 今日真係好有驚喜，有個特價套餐，近乎買一送一，平時＄118係半隻水晶雞，今晚呢個價錢仲包埋原條炸黃花魚，真係超抵食呀🥰🥰 每次食嘅水晶雞都係咁滑兼有雞味，條炸黃花魚買相已經贏咗，企定定喺度等你劏佢……幾有氣勢🤣🤣 條魚炸得好好食， 唔單止皮脆，連啲骨都係脆㗎個魚肉就係好軟滑，外脆內軟加埋佢個蒸魚豉油同埋啲蔥完全覺得呢個餐係超超超抵食

聽朋友講，青衣城亞參已開咗一段時間，但日日都好多人排隊，所以一直都未有機會尋覓99分海南雞飯🤣，今日好彩，唔使排隊，原來因為海南雞賣曬，要等20分鐘，我聽到真係心中暗爽，因為好難得有新鮮即製，為左食好野，我當然樂意等。 一上枱已聞到雞嘅香味，買相亦同相片十分接近👍可能新鮮即製嘅原故，肉質真係好好，雞胸位都滑😋醬汁好有海南特式；個湯都吾差，吾覺有味精。薏米水都足料和好飲。 整體上有90分，值得再來😋🤭😍

原本係想食魚生飯，但被編排坐鐵板燒吧枱，望到流口水 🤤即時轉食鐵板燒，睇住師傅煮俾我地食，真有feel 🥰 個2人餐好豐富架，掛住食……所以沒有影齊相我覺龍蝦同鵝肝最好食，龍蝦係新鮮劏，個湯非常鮮甜 😋😋鵝肝煎得啱啱好，外脆內軟，甜品係大大杯綠茶軟雪糕，正 👍 份量好足，我地食吾晒，所以包走一碗和牛炒飯和一份牛肉（明天帶飯），人均消費約600，算合理。 值得一提，份牛肉同炒飯隔左晚都依然好味 🤩😍 返尋味指數：8/10