上班以後很少再吃車仔麵，看到公司附近有一家新開的車仔麵，即管一試，怎料相當有驚喜。 下單後，大概六七分鐘就能拿了 我點的麵是 米線+小辣+炸墨魚腐皮卷+蘿蔔+腩肉，另加小食-香茅豬扒一份，以及一杯紅豆奶茶。 先說說麵食中的靈魂—湯底，味道相當適中，濃厚得來不會很鹹，反而更多的是腩汁的鮮味，再把麵上的辣醬與湯底混和，因我點的是小辣，完全沒有搶走湯底的滋味，反而是錦上添花，但又能感到舌尖辛辣的過癮，還有一些蒜和辣椒的顆粒增加口感，整個湯底變得相當有層次，一問之下，才得知辣醬是店舖獨自調製，難怪味道是如此特別，外面絕對吃不到，沒有誇獎。 腩肉十分入味，肥瘦均勻，有咬感之餘亦相當鬆化，而且有三四大片，絕得值得加$3一試。 炸墨魚腐皮卷，十分彈牙、可口，墨魚膠中含有一些些的墨魚粒，加上外圍的腐皮，口感十分豐富，比較遺憾的是一碗只有兩條，如此好吃，實在不夠喉。 超腍超入味的蘿蔔，與別的車仔麵不同，不是大大舊，而是一小塊一小塊，十分方便進食，絕對有站在顧客角度設計。 很鬆化的香茅豬扒，肥瘦適中，而且炸得相當脆口，十分滋味，還特意剪成小塊方便進食，正如我上面所說，確實有站在顧客角度思考。 紅豆奶茶，相對主食普通，但奶味、茶味都很足夠，紅豆熟度也恰到好處，不會過淋或過硬。

荃灣雖然多野食，但一直都比較少台灣菜，就算有都伏伏地，咁岩見到呢度開左間新餐廳，就即管試下啦！ 不過估唔到咁多人排隊，平日6點去到都要等一陣位！要贊一贊呢度既抽風系統，見到好多人打邊爐，但都唔會話好大陣味，而且人手都幾足夠，加湯都好快！ 講一講餐牌，除左最基本既台灣肉燥飯等等，最大特色係有好多唔同款式既小火鍋，而且價錢好貼地，同快餐店差唔多。 我地叫左一個三杯雞煲，居然仲可以選擇跟肉燥飯，而唔單單係跟麵/烏冬，呢樣真係好有心思呢！ 而且個煲好夠份量，食物種類好多，恰下恰下黎講真係性價比幾好！ 另外仲要左牛肉肉燥飯，大大碗，好抵食！ 加埋台式飲品，呢間餐廳絕對可以一試再試

好耐無黎新世紀廣場，估唔到呢度多咗咁多野食，開左咁多新餐廳！ 原本以為呢間丸十係同朗豪坊分店一樣，但睇睇下，好似又有d唔同喎！主要係門口有大大個精肉凍櫃，擺滿好多靚和牛 好彩我地六點左右就黎到餐廳，變相可以坐卡位，有自己既一角私人空間，坐得好舒服順帶一提，見到有好多有心思既小擺設，例如三隻雞豬牛，好似去咗日本果d小店咁呀！同埋見到d小擺設無封塵，周圍都抹得好乾淨，完全做到日式餐廳既首要條件！ 睇下個餐牌，原來唔止燒肉，仲有飯，又有刺身，都幾豐富！如果有埋甜品就好啦，不過d肉分哂部位，望落真係好吸引 今晚叫左二人餐，碟肉黎到已經分好部位，有個牌仔寫住，打卡一流！肉既質素唔使講，真係好得，對住得個價錢！ 刺身方面，都幾新鮮！ 另外仲加左個牛舌飯，呢個飯不得了！一定要食！牛舌算幾厚，另外份量好多！超出預期！ 總括黎講，呢間餐廳可以再食！

以前想食椰子雞煲一定要返大陸，雖然香港都有，但價錢實在太貴，而且要搵到好食既雞實在好難 但係估唔到元朗呢間酒樓既任食火鍋內，居然會有椰子雞煲呀！而且仲要勁抵食！ 睇返餐牌，一至五只要$138，仲要有肥牛任食，最驚訝係連羊肉都有！ 而且最欣賞佢既丸類都係手打，好有心思呀！ 個煲黎到，奶白色既湯底好香椰子味，而且隻雞都排得好靚 再睇下其他食物，雖然選擇唔多，但應有既都有，而且好新鮮。 仲有汽水啤酒任食 總括黎講，呢度地方好大，坐得舒服，呢個價錢真係超值！

丸十係朗豪坊已經開咗一段時間，但一直都未幫襯過，今晚朋友要派帖，咁開心既事當然要搵個地方慶祝一下啦！ 丸十個裝修風格好有特色，木系設計，好舒服，令人感到好放鬆。而且坐得都算幾舒服，呢點值得一贊！ 食物都算多元化，價錢當然唔會話好平啦，始終都係行中檔路線，而且講明食材由日本運黎，又主打精米，我覺得食物質素絕對對得起呢個價錢呀 兩個人叫咗份壽司併盤，海膽勁甜拖羅都好正！好高質呀！ 然後一人叫左一個飯，海膽咁正，忍唔住要叫多次，於是order咗海膽吞拿魚蓉飯，好滿足好好食！ 仲要咗一個溫泉蛋和牛飯，d牛肉好厚身，燒到七成熟，好香口。 而且d米真係食得出好有米香，好好食！ 最後加點咗一份雞串燒盛合，要特別一贊個雞皮，好滋味 唔講得笑，呢間真係勁高質！

青衣城愈開愈大，食店愈開愈多，但間間都擁滿人龍，想食餐安樂茶飯也絕非易事。 幸好，二期的人比較少，食肆選擇也較多，二樓新開了一間日式咖哩店。原來還有吞拿魚食 店內坐位闊落舒適，侍應做事快手，值得一讚，而且餐牌選擇好多，原來除左咖哩之外，還有鐵板燒等等。最驚訝係，見到隔離檯點了咸豬手，超級大隻，侍應仲會幫手切肉，好細心呢！ 是夜有幸食到吞拿魚碎飯，啖啖魚肉，撈埋隻生雞蛋一齊食，口感更細滑。 另外仲有招牌滑雪豬排飯，豬排好脆，咖哩味濃。 最後仲叫咗雞軟骨餃子，一口一隻，好過癮呢！

要在繁忙的旺角中找一處安坐之地並不易，伴隨大媽退下，吵雜的歌聲逐漸消失，也誘使我重踏這片土地。 在旺角，吃飯不是朗豪坊就是女人街，是夜下雨，朗豪坊雖沒有大媽，但有自由行；女人街雖好，卻要多走幾步，逃不過被雨水沖洗。 想不到還有銀行中心這處好地方，寧靜而方便。 新開的越南菜，門面簡潔乾淨，座位舒適，即使只是二人檯，也有足夠空間叫上一大桌食物。 餐牌選擇頗多，當中有不少罕見菜色。 咖哩牛腩香濃，牛腩厚身，配上薄餅食幾惹味。 香茅木綿魚夠特別，而且配上自家制的醬汁，酸酸甜甜夠開胃。 豬頸肉粉金邊粉，如份量更多會更好。 最後吃上甜品，為完美的一餐劃上句號。

對華香雞有一種割不掉的情意結。 大約十多年前，家中還是很窮的時候，能出外吃一頓飯已是恩賜。 從前華香雞開在荃灣街市附近，母親偶然會帶我去吃一碟茶香雞飯，我們兩個人共吃一碟，母親總會把大部分雞肉留給我，而她只會蔥油撈飯。 若吃剩一兩舊雞肉，侍應也會幫我們打包，再給我們一兜蔥油，於是那天晚上，我就會用蔥油撈飯，華香雞的蔥油，滋味無比，是我長大後一直也忘不了的味道。 後來我長大了，有能力帶母親去吃更多精緻的美食，可是始終沒有從前對食物如此珍而重之的感動，想帶母親吃一碟茶香雞，可是卻再吃不到。 直到約半年前，得知華香雞重開，那個中午，立即坐的士飛奔到海濱花園，雖然店面細了，但那碟蔥油一上桌，嗯，就是它了，雞肉同樣美味，但更美好的，是回憶中的感動也隨食物的香味溜入口中。

聽說英國有一紅磚巷，是英國最有趣的二手市集，吃吃喝喝任君選擇。 我沒去過英國，也未有打算去，唯有在香港一嘗英國菜的滋味。 沙田新城市近年開了不少食店，可惜愈開愈貴，這間brick lane deli算是比較親民的一間。餐廳用開放式設計，採用黑色格調，十分有型。 一間餐廳環境再型，食物質素才是重點。 食物選擇頗多，而且看起來也幾吸引。 這晚點了烤雞，烤雞很香。吃起來頗嫩滑，如果醬汁多點會更好。黑松露蘑菇意粉，和友人一致認為是這晚最出色的，芝士味很濃，很creamy,份量不少，兩個女仔share剛好。在這裡，不點一份all day breakfast 對不起自己。炒蛋香滑，雞扒夠肉汁。特別值得一贊是這裡的多士，又脆又有煙un，很香麵粉味。龍蝦湯也不錯，頗濃最後要說說這裡的飲品，冷泡果茶夠特別，清甜而開胃，檸檬茶有心思，打卡一流，而且用環保飲管，值得一贊。 最後的最後，想贊贊這種的侍應，有禮貌，做事夠爽手。 去不了英國，在沙田也不錯。

一向對太子的印象只有大排檔、打冷鋪,沒想到原來這裡隱藏著一間可供港女打卡的小cafe。 這間鋪門面細細，要不是門口的旋轉木馬吸引了我，或者我也不會駐足看看，小小的店鋪五臟俱小，食物卻十分齊全，小至炸物、大至意大利粉、牛扒也有，款式選擇十分之多。 令人有驚喜的小心思。 客人的照片牆。 是夜點了兩個意大利飯，黑松露很香，而且鋪上滿滿芝士碎，令人感覺好滿足 大蝦意大利飯，除了有一隻吉列蝦外，還有很多蝦球藏在飯裡，酸酸辣辣，夏天吃就最好不過了。 小店的主食配沙律飲品甜品很完整的一餐呢！