入到餐廳，見到啲沙律全部「嗶」好晒放响廚房出面張枱，係無遮無掩嘅。 成間餐廳招呼我同煮嘢食嘅，都應該係同一個人。係後嚟先有個好似老闆娘嘅人！ 坐低，張枱同埋櫈都係「痴立立」！ 叫咗壽司+烏冬定食。嗰沙律已經係最正常嗰樣嘢… $168包咗六件壽司，當中包括腐皮、魷魚（平嗰款）、帶苦味嘅吞拿魚、無味嘅油甘魚、同埋兩件三文魚！更大嘅問題係，啲壽司同埋飯都係室溫、切到厚薄不一，仲要完全唔理啲魚紋…根本就係求其切！ 跟住嚟嘅，係齋烏冬，食咗一啖之後，決定要埋單走人，雪糕都唔洗啦！ 嘗試同老闆娘講啲魚生唔新鮮，佢立即否認… 俾錢埋單嘅時候，佢一方面話唔好意思，但係又話可能係啲嘢唔啱我食！ 呢間嘅質素，只可以同平價外賣舖作比較！以佢而家收嘅價錢，絕對值得有更好嘅選擇！