《😋晴晴港飲港食 #misshcfoodie 》 今次嚟食平民越南菜 價錢親民得嚟味道都好唔錯 簡簡單單食餐晚飯 兩個人$200搞掂 越式河內三寶飯 $73 有豬扒、雞翼、紮肉🤩 好香口好脆 餸白飯一流 順化豬肉卷撈檬 $66 食越南野梗係要食撈檬 醬汁酸酸甜甜配埋魚露味道出色 檬粉好有口感 加上煎到好香口嘅豬肉卷 性價比非常高 越式炸春巻(2件) $23 呢個春卷值得推介 餡料十足 我食到有芋頭😍 再撈埋紅蘿蔔、雲耳、粉絲、椰菜 外皮又夠脆 越式炸蝦餅（細）$32 炸粉比例啱啱好 熱辣辣 外脆內軟 亦都好有蝦味🍤 每人叫咗杯嘢飲 鮮芒果西米露 $12 珍多冰 $12

《 🌟推介 😋晴晴港飲港食 #misshcfoodie 》 打邊爐最緊要湯底正料要靚😏 最近上網見到呢間好有氣派嘅宮廷火鍋 火鍋店用咗清朝皇宮嘅裝橫😲 充滿中國傳統宮廷古典風格 門口位置更有一張氣派十足嘅龍椅 仲可以著上宮廷服打卡📸 連餐具都用上青花瓷器同有龍頭嘅鍋爐、聖旨餐牌 嚟到一於享受皇帝級嘅盛宴👑 康熙花膠雞湯鍋 $298 打邊爐湯底好緊要！ 呢度嘅湯底有好多選擇 甜酸辣都齊😲 我唔食得辣就揀咗養顏滋補嘅康熙花膠雞湯鍋🤩 有足足半隻雞🐔加大大塊花膠分開上 淥嘢之前梗係要品嚐吓個湯底 簡直係日月精華😋 飲落又鮮甜又濃郁 估唔到啲雞都好嫩滑 花膠仲好厚身又彈牙 黃金雙拼 $88 👍 呢個係鹹蛋黃炸響鈴拼炸魚皮 個炸魚皮真係一定要食 好邪惡嘅秘製鹹蛋黃醬😈 喺炸魚皮表面呈流沙狀態 食落充滿咸蛋香味仲好鬆脆😍 響鈴相對無魚皮咁出色 🐮手切本地牛頸脊(細) $318 打邊爐點少得新鮮靚牛肉 睇相都知係好嘢😏 呢碟牛頸脊用每日限量嘅本地騸牯牛 每片都切得厚薄均勻 輕輕淥幾下就食得 食落牛味夠濃又唔un 牛魔王不容錯過🤭 🥟滾得囍餃子拼盤（十粒）$138 呢個餃子拼盤一次過可以試到5款口味😏 包括和牛芝士、菲菜豬肉、菜苗帶子、馬蹄冬菇豬肉同芋泥豬肉 粒粒都皮薄飽滿 最鍾意係和牛芝士餃 👍 和牛芝士餃牛味濃郁 味度同芝士竟然咁夾 手打黑松露野菌鮮蝦丸 (4粒) $68👍 係有原隻鮮蝦🦐包咗喺入面 黑松露味好突出 咬落爽口又彈牙 滾得囍豐盛雜菜拼盤 $78 連雜菜嘅擺盤都精緻、色彩續紛🌈 包羅萬有 粟米、蕃茄、雲耳、蓮藕、菜心、娃娃菜、通菜同生菜乜都有！ 竹蔗茅根 1渣 $68 人均價錢: $500 味道: 8.5/10 環境: 8.5/10 服務: 7.5/10 回頭率: 8.5/10 👍=必食 📍滾得囍宮廷火鍋小炒
地址: 北角馬寶道33號寶馬花園1樓116-125號舖
電話: 23313838

《😋晴晴港飲港食 #misshcfoodie 》 呢間日式西餐又係我覆桌list 價錢雖然唔平 但環境同食物質素都唔錯 第二次嚟梗係試吓啲新嘢😏 今次嚟食比起上次更有驚喜 我哋每人叫咗個定食再加個小食同嘢飲 每人$250埋單 澳洲和牛漢堡定食 $168 漢堡扒好有牛味 上面仲有半溶嘅芝士同太陽蛋🤤 一切開啲芝士同蛋黃汁流出嚟 連埋啲肉汁好juicy 個set配有麻醬烏冬同關東煮😮 仲有溫泉蛋送烏冬添 日式燒鰻魚定食 $208 好大條又肥美嘅原條鰻魚 燒得啱啱好 不過略嫌個燒汁鹹咗少少🫣 日式大阪燒 $68 好有驚喜 第一次食入面有煙肉嘅大阪燒😲 好大塊 內面超多椰菜 面頭有好多木魚碎同蛋黃醬 仲有紫菜同燒汁 酸酸甜甜好開胃😌 老人與海 $88 可能我無飲開咖啡覺得價錢有啲貴🤔 其實係expresso + cold brew +冰 飲落幾好飲但就無咩好特別 人均價錢: $250 (Lunch) 味道: 7.5/10 環境: 7.5/10 服務: 7.5/10 回頭率: 7.5/10 📍 時光逆流
地址: 中環雲咸街41號文靜大廈地下低層
電話: 63458949

《😋晴晴港飲港食 #misshcfoodie 》 呢日好開心 因為有得食日本嘢😚 去咗尖沙咀一間新開嘅居酒屋食 呢到雖然比較細但環境唔錯 不過最大唔方便就係餐廳入面無廁所😥 方圓百里都無女廁 要行到mira先有得去🫣 食物方面 質素都唔錯不過價錢稍貴 免治雞肉棒 (4串) $158 我不嬲都鍾意食免治雞肉棒 一set 4串唔同口味😏 ❤️醬燒 ❤️芝士 ❤️檸檬鹽 ❤️明太子 個人比較鍾意醬燒同芝士味 可能我食開比較濃味嘅嘢 略嫌雞肉燒得有少少過火 不過肉質都唔會太乾 點埋個日本醬油配生雞蛋醬汁夠哂juicy🤭 燒日本五花腩 $48 呢個五花腩值得一試 半肥瘦嘅腩肉燒完好有油香 味噌醬燒牛柳 $78 嗌嗰時覺得有啲貴 但食完發現係值嘅 牛柳燒得好腍好入味 個味噌醬同牛柳配合得啱啱好🤩 鹽燒鯖魚 $68 燒得好香 個皮係脆嘅 完全無骨啱哂我🤭 魚肉好嫩滑 點埋個醬令味道更上一層樓 芝士巨蟹柳 $48 好大條蟹柳🤩 上面好多溶咗嘅芝士同蛋黃醬 邪惡得嚟又好吸引😮‍💨 炸牛肉可樂餅 (2件) $38 好熱氣但忍唔住叫咗🤭 $38有2件幾抵食 趁熱食真係好脆 免治牛肉撈埋薯蓉 再點蛋黃醬食好好味😮‍💨 仲叫咗啲串燒同小食 炸雞軟骨 $48 比平時食嗰啲雞軟骨大舊😲 明太子玉子燒 $58 明太子份量頗多 味道不過不失 燒冬菇 $28 呢個份量略嫌太少但冬菇燒得好香 燒墨魚咀 $28 有少少苦澀 人均價錢: $300 (Dinner) 味道: 7.5/10 環境: 7/10 服務: 8/10 回頭率: 7.5/10 📍 狐狸食堂
地址: 佐敦柯士甸路14號僑豐大廈地下西號舖
電話: 56846508

呢間野門口寫住係米之連 抱住期待嘅心態入去 點知連要杯水都要收錢 食物就不過不失 個金邊粉賣相好精緻 雞肉串燒都係一般水準 周圍都食到 另外叫左個鹹魚炒芥蘭 below average 今餐輕食所以叫好少野 無咩都唔會再食

《😋晴晴港飲港食 #misshcfoodie》 呢排成日落雨令人心情都唔好，趁放假約朋友食餐好嘢平衡吓心情🥹 銅鑼灣呢間扒房最近搬咗新鋪，環境非常寬敞加上燈光昏暗好有情調🥰啱哂同另一半嚟燭光晚餐🥂🍾雖然嘢食價錢略貴，但質素有保證而且淨係食氣氛都抵返哂 ◆紅椒汁煮青口伴蜆大通粉 $198 👍 以為紅椒汁係辣點知一啲都唔辣啱哂我🤭個汁酸酸甜甜幾開胃而且通粉好掛汁，口感仲好煙韌 ◆香煎黑鱈魚配香檳忌廉汁 $398 估唔到份量都幾大份😲煎到皮脆肉嫩，配三文魚籽同香檳忌廉汁，淨係材料都值回票價仲要真係好食😚 ◆炙燒蛋白霜檸檬撻 $88 👍 見到menu忍唔住叫，餅皮好脆配蛋白霜食落好有口感，仲有陣陣檸檬香🍋好清新而且甜而不膩😋 ◆ Smokey Passion $108 主調係whiskey，輔以百香果同龍舌蘭糖漿可以將酒嘅苦澀味中和😲店員仲即場噴上霧化煙燻威士忌增添酒香之餘仲充滿視覺效果👀 ◆ Bird’s Eye $118 呢杯cocktail味道好特別，竟然係冬陰功味😲 人均價錢：$400 味道：8/10 環境：8.5/10 服務：7.5/10 回頭率：8/10 👍=必食 *所有價錢以餐廳為準 #misshcfoodie_銅鑼灣 📍 The Grill Room (銅鑼灣廣場二期)
地址: 銅鑼灣駱克道463-483號銅鑼灣廣場二期3樓3B號舖
電話: 28976838

《🌟推介 😋晴晴港飲港食 #misshcfoodie》 同一班朋友飯聚梗係要搵個多選擇又坐得舒服嘅地方😏最近去咗銅鑼灣呢間火鍋店真係啱哂，咩都有得食😲呢度環境仲好正，有好多別具特色嘅街頭霓虹燈牌，充滿八十年代懷舊風💃原來露台位置仲望到維港海景 ◆鴛鴦戲水 $258 我哋揀咗2款湯底，分別係蕃茄豬骨薯仔湯同密密翻啅沙嗲湯🤭蕃茄豬骨薯仔湯用料十足，有大大舊豬骨; 沙嗲湯底有陣陣花生香帶微辣，入面仲有豬皮蘿蔔添😲用嚟淥肥牛加出前一丁超正 ◆金甲脆魚皮 $98 👍 打邊爐點可以無魚皮，即叫即炸、塗滿鹹蛋黃醬🤤輕輕一淥就食得，鬆脆得嚟帶鹹香好正！ ◆頂級靚肥牛 $198 👍 雪花肥牛油脂分佈平均、色澤粉嫩😍一睇就知係靚嘢，食落牛味濃郁有嚼勁 ◆炸芋頭 $52 👍 竟然有我打邊爐最愛嘅炸芋頭😍 用油炸過再落湯滾到入口即溶🤤 ◆手打牛丸 $68 新鮮手打牛肉，口感彈牙 ◆一口脆爆響鈴 $48 ◆香煎厚切午餐肉 $88 ◆魚皮餃 $48 ◆魚腐 $52 人均價錢：$500 味道：8.5/10 環境：9/10 服務：8/10 回頭率：8.5/10 👍=必食 *所有價錢以餐廳為準 #misshcfoodie_銅鑼灣 📍 去滾
地址: 銅鑼灣登龍街1-29號金朝陽中心二期 - Midtown 27樓
電話: 25438222

《😋晴晴港飲港食 #misshcfoodie 》 鍾意食日本嘢又鍾意飲cocktail嘅我最近發現咗間可以滿足唒我2個願望嘅餐廳🤩即刻約閨蜜嚟試吓🤭 呢度嘅bar tender 擅長融會多國調酒技術同風味，用創意變出一系列令人驚喜嘅cocktail🍸我哋叫咗2杯都各有特色，賣相仲好適合打卡📸餐廳環境好chill好有氣氛，好啱一邊飲嘢一邊傾心事🥂已經約定下次再嚟encore🤪 DELUXE DINNER SET $828/2 pp 🌟餐前開胃小食-日式漬物|芥末八爪魚|海鹽枝豆 🌟燒鳥拼盤 👍 正啊😍一次過可以試到唔同部位嘅燒鳥🐔有齊大蔥雞腿肉、雞軟骨、雞頸肉同雞皮餃子，雞腿肉好嫩滑而雞皮餃子就燒到外皮酥脆內裏多汁🤤 🌟特色燒海鮮-燒大頭虎蝦🍤或蒜蓉燒日本蠔🦪 我哋每人揀咗一款，虎蝦燒得好香脆蝦頭仲有蝦膏添🤩餐廳用咗日本新鮮空運嘅生蠔，特別鮮甜燒完都保留到海水嘅味道 🌟廚師精選-美國頂級牛小排150g 估唔到呢度嘅牛都幾高質，燒到表面呈微焦感，咬落口感軟腍、油花均勻😮‍💨5成熟啱啱好 🌟傳統日式主食-迷你蒲燒鰻魚丼或鱈場蟹肉冷拌鳥冬 細細碗啱唒戒carbs嘅我🤭 🌟甜品-水信玄餅（2客) 晶瑩剔透，幾得意口感好似啫喱咁 🌟飲品-香檳🍾（1杯） ◆Emperor $150 呢杯cocktail一上枱眼前一亮🤩用咗個發光嘅木箱裝住，同朋友都忍唔住即刻係咁打卡😂將whisky mix咗香蕉酒同朱古力味苦酒，好特別飲落仲有花生味😲 ◆ Gurwpufurutsu sawa (+$88)👍 呢杯cocktail將sake融入鐵觀音茶同酸甜嘅葡萄柚汁，再以蜜糖調味🍯飲落香甜易入口 ◆免治雞肉配日本溫泉蛋👍 人均價錢：$600 味道：7.5/10 環境：8.5/10 服務：7.5/10 回頭率：7.5/10 👍=必食 *所有價錢以餐廳為準 #misshcfoodie_尖沙咀 📍 room 3
地址: 尖沙咀中間道15號H Zentre UG樓1-3號舖
電話: 63618505

《🌟推介😋晴晴港飲港食 #misshcfoodie》 成日周圍食嘅我又有好嘢介紹🤭要講多次我真係好鍾意食壽司🍣😍呢間抵食又高質嘅鮨店真係要回訪🌟之前介紹過上環店，今次嚟到尖沙咀店一樣咁值得推介😉 13貫壽司omakase 包咗前菜沙律、一款手卷仲有茶碗蒸、麵豉湯同甜品，原價$736已經好抵食，宜家做緊7折優惠仲送一杯自家製梅酒😲唔食對唔住自己 🌟田園雜菜沙律 🌟️茶碗蒸 🌟13貫壽司 🍣愛媛縣蜜柑鯛 蜜柑淡淡嘅清甜味，食落好清新開胃 🍣北海道帆立貝 未見過咁大粒帆立貝😍 加上橘子汁更突出帆立貝嘅鮮甜 🍣鹿兒島間白魚 配上自家製三星漬，由麵豉醬、辣椒同米酒混合調味，食落鹹鮮帶微辣，同間白魚好夾 🍣活赤貝 師傅先拍打赤貝，等佢收縮後再食肉質超爽口彈牙😌青檸皮同柚子汁更能帶出鮮味 🍣中拖羅 👍 色澤粉嫩、魚脂豐富而且無筋😍入口即溶嘅感覺真係一食難忘 🍣 北海道根室馬糞海膽 👍 海膽甘香軟綿，食落比較清甜 🍣 左口魚邊 👍 口感柔軟，經火炙後迫出油脂，大享受🥰 🍣北海道銀鱈魚 👍 師傅話係銀鱈魚bb 肉質特別細嫩，炙燒後帶有油香🤤上面加咗柚子胡椒提升味道 🍣紫菜沙巴卷 紫菜輕輕燒過保持香脆，入面夾住厚切鯖魚 🍣深海大池魚 🍣北海道牡丹蝦 🍣文甲魷魚 🍣吞拿魚赤身 🌟 手巻 - 吞拿魚蓉手卷 👍 除咗蔥，原來仲加咗小黃瓜令口感更豐富😍仲有陣陣芝麻香 🌟 味噌湯 🌟 甜品-柚子雪葩 🌟自家製梅酒 👍 呢度連梅酒都好值得飲，唔會太甜仲要有粒粒果肉 人均價錢：$500 味道：9/10 環境：8/10 服務：8/10 回頭率：8.5/10 👍=必食 #misshcfoodie_尖沙咀 📍 鮨燐
地址: 尖沙咀中間道15號H Zentre UG樓1號舖
電話: 25671328

《😋晴晴港飲港食 #misshcfoodie》 好耐無食西班牙菜，呢日突然想食就去咗中環蘭桂坊附近一間西班牙餐廳😚餐廳環境好寬敞，夜晚嚟到室內燈光稍暗，落地玻璃可以望到窗外美景🏙️不過呢日嚟到有半邊比人包咗場比較嘈，如果平時靜啲氣氛應該唔錯 ◆焦糖牛油雞翼 $89 👍 雞翼煎到好香脆，加上焦糖甜甜哋仲有牛油香更滋味，啲肉又夠滑同juicy 😋 ◆黑松露野菌芝士薄餅 $139 黑松露控見到就即刻order🤭一上菜已經聞到好香嘅黑松露味,pizza底又薄又脆加上野菌同拉絲嘅芝士🧀好有口感 ◆法式百里香烤春雞 $219 成隻雞烤到金黃色好吸引🍗😍 個皮好香脆而且充滿百里香嘅香草味，切開肉質鮮嫩兼有肉汁流岀🤤再配埋個醬汁更惹味，仲有大大份厚切薯條🍟🤫 ◆泰式奶茶味麻糬窩夫配雪糕 $129 👍 完全係驚喜之作😲無諗過成大個棉花糖好似舊雲咁喺窩夫上面☁️ 窩夫外脆內軟熟食落仲有我至愛嘅麻糬，不過略嫌太細粒🫣原來底下仲有海綿蛋糕添😮另外不得不讚個奶茶味雪糕🍦好香滑又有香濃奶茶味，同窩夫好夾 ◆腰果意式奶凍 $69 panna cotta夾雜着腰果碎，食落香滑又有口感，而且每口奶凍都有腰果味，不過我本身麻麻哋腰果🫣 ◆西班牙水果白酒 $98 👍 第一次飲又幾好飲仲要好大杯，白酒浸咗唔同生果吸咗果香，飲落好清甜好易入口 人均價錢：$400 味道：7/10 環境：7.5/10 服務：7/10 回頭率：7/10 👍=必食 #misshcfoodie_中上環 📍 Espuma (M88) @espuma_hk
地址: 中環威靈頓街2-8號威靈頓廣場M88 17樓
電話: 29736088