初嚐SHISHA•夠靜夠chill既旺角樓上cafe! 係旺角繁華鬧市中心既樓上cafe，一入店門就有種神秘又寧靜既感覺，再配合埋門口Bruno Mars 名曲Talking to the moon既slogan, 格外有feel. 可能你係想chill下飲杯酒，又或者想同35知己坐低食野，呢度寧靜chilly 既感覺都可以令你放鬆享受成日. 講番正題，今次我地黎其實係想初嚐SHISA. 望住下面SHISA menu, 都諗左好耐揀邊款，而呢度既員工都好nice地介紹邊d易入口又香，最後原來仲有隱藏menu, 可以tailor made 個帶有果香同花香既SHISA比我地！🤓🍸 唔會好濃味，薄薄既花香帶fruity甜味，愈吸愈爽，食完好relax. 另外我地亦叫左2杯J Moon signature cocktail. 個人比較喜歡the earth, kiwi溝gin 好fresh. 當然唔小得小小既snacks~pizza and wings. 份量岩岩好，2個人食夠晒. Pizza 足料有咬口，蕃茄醬夠濃！😆. 雞翼亦煎得crispy~ 如經過旺角想試下水煙/叫番2杯cocktail 靜靜地抖下，呢度係唔錯選擇😌

米走雞近2年幫襯過好幾次. 試完長沙灣，今次試下觀塘live分店. 呢間分店大玩文青x音樂x雞煲crossover，店內燈光暗黑，加上長駐歌手自彈自唱，都幾有feel 😂. 位於觀塘工業區既樓上食肆，唔太難找，大概mtr行10mins 就到. 以前一向食開芝士雞煲，但可能人老左，食唔到太肥脷，所以今次轉左小小小麻辣雞煲. 麻辣好入味，雞件好多，雖然話就話小份量for 2-3人. 啖啖肉唔會只有骨🤓. 極力推介麻辣雞. 另外特色係店員會淋酒上d雞件度，會有一刻「火焰雞」既效果，打卡一流. 食完d雞件當然唔小得打邊爐主角-肥牛啦.☺️ 雪花紋好出，顏色亦鮮艷. 味道鮮，口感軟熟，加埋醬油好juicy! 除肥牛外仲叫左墨魚滑同響鈴.佢好處係可以叫半份，咁就可以叫多d,同唔會晒野食. 食完個雞煲都已經6成飽，都唔太試到咁多野食. 最正係隻麻辣雞真係好入味又多肉！🤤

放工既夜晚，一直都好羨慕啲放工就去居酒屋既日本人，今次去呢間都出出地名既味道樂居酒屋🏮，渡過一個好解壓既夜晚！ 裝修好有日本風格 牛肉壽喜燒鍋，牛肉好嫩，撈埋隻蛋食好好味 芝麻雞翼，炸得好香口，雞肉都好嫩滑 最出名既鰻魚飯，鰻魚好大塊，好厚肉，鰻汁好香，好大堆頭，打卡一流 魷魚乾，送酒一流同埋最後一道壽司卷，好食又飽肚真係好鐘意呢間舖既氣氛，放工嚟飲番杯，放鬆下，好正非常推薦呢間小店，好食又舒服一定會再嚟！

放工既晚上，又係要食番餐好嚟慰藉下既時候！今次去咗觀塘既魔膳廚房，係半自助餐既形式，又係可以大吃大喝既時候！！ 有沙律吧，野食有ham, 意粉，沙律，炸物，面包，都幾多款式！仲有野飲同甜品，甜品都多款，係高質既！ 到主菜！免費既有意粉食！炒得都好香！加錢有牛扒食，牛扒一啲都唔低質，肉嫩亦都煎得好香係好食既！！ 㨂咗雪糕做甜品，仲有木槺布甸，cheese cake, chocolate cake同jelly！完滿！

天后既high class 西班牙菜，無論食物，環境同服務都一流👍🏻. 星期六下晝2點左右，襯人小d去左食. 甫入去已經覺得裝修好grand, 望住店內酒窖上既酒激發左我既酒癮😂，搞到叫左2杯白酒. 叫左set lunch, 2個人食已經好夠. 我好鍾意個前菜，青椒炒得好脆. 咬落去油香湧到成嘴都係，特別開胃. 蕃茄凍湯亦都好濃，好足料. 除左tapas, 仲有沙津starter, 未食主菜已經有d飽😂 跟住就係主菜西班海鮮炒飯！ 呢個飯適合番香港人口味，唔會好似地道西班牙食果d咁咸同油膩. 亦都好多配料，青口同蝦size 都唔會好細隻，食落算新鮮. 最後真係要讚讚呢度既甜品🍮. 擺盤靚，味道唔差. 好鍾意下面呢個 老闆仲送多份比我地食，超好噢！ 推介情侶拍拖既好地方！❤️

星期五放工終於去左試近排好紅既龍門冰室. 7點去到已經見條人龍去到街尾😂等左1個鐘有位，好彩果日唔係好熱😬. 叫左2個扒餐同2樣小食.差d食唔晒😂. 首先黎左個蜜糖雞翼望落出緊煙熱辣辣，而蜜糖係雞翼表面融化，食落好香甜. 跟住第2個小食係芝士焗西蘭花. 芝士係本人最愛😍，再加岩岩焗起，超好味. 其實食完呢2個餸已經3成飽，跟住再到2個主菜加餐湯差d嚇親......😅因爲真係好大碟. 80蚊係香港已經好小機會食到咁足料既雜扒.有成3塊扒，又有雞翼，帶子，薯條，好抵食. 而西冷亦好大份，好juicy 上面係西冷下面係雜扒. 仲包餐湯餐飲 差足電填飽肚既一晚 Btw, 香港人加油！

放工好耐冇出黎食dinner,襯近排得閒d就搵左間靚靚cafe 享受下. 上OpenRice 搵到呢間連鎖cafe食物款式多，環境又靚，好fancy . 叫左2個主菜，1個配菜，1個甜品同一杯水果茶.2 可以叫餐，加錢可以食埋窩夫 首先要介紹呢杯消滯茶. 草莓果香加消茶，抵消番一陣要介紹果幾碟野食👍🏻 主菜係蜆肉義粉，好濃郁既忌廉加蜆肉，份量唔細，抵食😆 另外再叫左蕃茄雞扒義粉，大塊雞肉，食埋至愛蕃茄，好滿足呀🤓 當然唔小得薯條伴碟，份量都唔小，2個人都差d食唔晒，仲有得加芝士係面 最後當然要試呢度既特式甜品，睇得又食得既窩夫啦！Oreo 加雪糕同窩夫，超邪惡呀OMG!🤩

星期六既下晝想食餐好，諗住深水埗果頭多好野食，就去搵下食。呢間茶屋町果樣都幾吸引，日本野又好正，丼飯又係我日最鐘意既野食，就去試下 豚肉丼飯😝😝😝😝 好正啊啊啊啊啊！！！啲腩肉好香口，唔油！果汁辣辣地幾野味，撈飯食一流，腩肉有啲焦脆邊緣好野味😄😄😄一流美食！ 一個set有埋配菜！ 汁燒牛肉丼 牛肉好捻，有少少半生熟feel, 個牛肉汁撈飯又係一流😝😝😝粒粒珍珠米都痴住啲肉汁！正😍 最後有埋甜品！ 綠茶牛奶雪糕！綠茶濃，牛奶滑！

慢煮工業既牛扒已經出晒名，星期二既夜晚，返咗兩日工，開始攰攰地，係要搵番啲好野食 睇到都流晒口水，慢煮既牛扒無得揀生熟程度，夠晒專業，香草味好香，肉質果然無得彈，特別鐘意有肥膏既牛，夠晒香 芝士蠔啊啊啊熱食最好食，蠔肉厚，有鮮味，芝士夠多！正！ 炸海鮮拼盤最鐘意炸魷魚🦑 芝士條，可以拉到一條長芝士絲出嚟！係勁既🧀🧀🧀🧀🧀 唔少得炸薯條🍟🍟🍟🍟🍟炸得香脆！！ 好滿足既夜晚啊，一定會再嚟架！

冬天就係要打邊爐！放工既晚上就係要打邊爐，一早聽過呢間一鍋堂又平又正，果名不虛傳！叫到成枱野食，飲飽食醉都係300幾蚊咋！！！ 叫咗最signature既豬骨粟米湯 芝士魚腐正！！！ 墨魚滑無得彈！！！ 魚片係新鮮既，唔同一般放題邊爐係梅既，難得 豬頸肉肥美！！！ 滑雞件好食！！！ 呢個真值得推介，墨魚仔食到鮮味，碌到半生熟食就最正 魚骨腩係爽口既 卜卜蜆正！！！ 邊少得肥牛 仲有豚肉啊 成枱都係！超豐富！超完滿！咁至係人生！！！