擔擔麵 $58 湯底唔重花生味，反而麻辣味比較重 麵質好，唔會煮得太冧，可以掛到下湯 有足料肉碎😆 北京填鴨 $198半隻 最後先上嘅填鴨 擺得係幾靚，但包完一食落口好大陣騷味🤢 覺得係皮事，可能事前功夫做唔夠 肉質偏柴🤐 小籠包 $38（4隻） 湯汁算多，皮厚啱啱好，有啲咬口 黃金銀絲卷 $28 冇咩特別，係正常發揮 味道⭐️⭐️ 環境⭐️⭐️⭐️ 推介⭐️

蔥油雞扒煎蛋飯 ＄52 汁都多，蔥油加半熟蛋撈飯依個配撘一定冇得輸 雞扒煎得夠脆 班蘭葉包雞 $28（細） 似係一舊細細哋嘅雞攞去焗/烤 冇太重嘅香料味 咖央奶茶 $28 比較苦，咖央味唔太出 美祿恐龍西多士 $38 一食落口勁油，一咬全部油都出哂嚟 美祿醬同粉都唔多，諗住可以中和下都冇 最後油到係食唔哂 味道⭐️⭐️⭐️ 環境⭐️⭐️ 推介⭐️⭐️

抹茶忌廉焦糖 $95 濃郁的抹茶甘香，帶有甜味唔會太苦澀🍵仲有焦糖餅碎喺裏面，有咬口👀日式冰嘅質地非常柔軟，口感非常滑順，入口即化😛 每次嚟食都保持水準，當然排隊嘅人都保持水準😆本身鋪頭唔大，所以可以容納嘅客人都唔多。唔想排隊嘅就可能要平日4，5點去食，人龍會比較短🫢 味道⭐️⭐️⭐️⭐️ 環境⭐️⭐️ 推介⭐️⭐️⭐️⭐️

Hyggee’s 意大利手工肉丸薄餅 $148 薄餅醬料俾得好足🥫肉丸份量亦都唔少。聽講麵團係自家研發發酵，係偏向煙靭嘅薄餅🍕邊位亦做到脆嘅口感 法式火焰焦糖可麗餅 $78 會用橙絲做配撘，上枱之後職員會幫你倒酒，做到有火焰嘅效果🔥酒味都幾重🥂怕酒人士就可能未必啱你心水🫣 提拉米蘇可麗餅 $118 用可麗餅皮包住手指餅，有多重層次嘅口感，好特別。好順滑嘅cream 同濃郁咖啡香嘅手指餅，十分推介🤩 久丸小山園青嵐奶昔 $68 甜到啱啱好，仲帶啲抹茶嘅甘香🍵仲有白玉、蕨餅同紅豆可以食 花生醬煙肉脆脆奶昔 $68 奶昔有打碎左嘅煙肉粒，好有咬口，面頭仲一塊整到好脆嘅煙肉🥓整體花生醬同煙肉嘅搭配都不錯👍🏼 味道⭐️⭐️⭐️⭐️ 環境⭐️⭐️⭐️⭐️ 推介⭐️⭐️⭐️

Duo cheese honey garlic panini $78 一聽個組合就覺得好吸引🧀🍯🧄，芝士同蒜蓉鋪喺麵包面，焗到脆一脆😝配埋蜜糖，估唔到咁夾，鹹甜鹹甜咁，絕對會為咗呢個包翻嚟食第二次🤩 Tiramisu croffle pops $68 整得好鬆脆，面頭有唧得靚靚唧mascopone cheese同可可粉。仲有一個小試管裝住Espresso🧪食個陣可以落去，等croffle 充滿着咖啡味☕️ Grapefruit yakut ade $42 好fresh 嘅配撘，兩樣酸嘅嘢加埋又唔會話太酸，反而好清新，十分適合夏天飲🍹 Chocolate $48 飲起上嚟好順滑又唔會太甜🍫仲有大大粒嘅棉花糖，十分滿足😝 味道⭐️⭐️⭐️⭐️ 環境⭐️⭐️⭐️⭐️ 推介⭐️⭐️⭐️⭐️

波菜雞肉忌廉意粉 嘢食Menu 間唔中就會轉🫢今次去係波菜雞肉忌廉意粉。雞肉係有黑椒作調味，但味道唔會話好淡😛意粉唔係好多汁個種，面係濃稠嘅醬掛係上面個隻 卡邦尼意粉 係Menu 長駐的茶式👍🏼係用扁意粉嚟煮。有時好驚係出面會食到啲好多水嘅未收哂汁嘅意粉🤧依方面做得好好，意粉收汁得嚟又唔會太乾，啱啱好😆 Tiramisu 一定要試嘅甜品！🤩手指餅啱啱好，唔會浸過頭得嚟仲帶鬆脆嘅口感。Cream 打得好順滑，唔會會好硬身👍🏼👍🏼👍🏼 Uji Matcha Latte 一上枱個樣就贏哂✨整成三層分層效果，打卡一樣📸飲落口有甘香嘅抹茶味，奶同抹茶嘅比例做得好好🍵 Latte 有靚靚拉花，個人認為係奶味較出嘅一杯咖啡☕️ 味道⭐️⭐️⭐️ 環境⭐️⭐️⭐️ 推介⭐️⭐️

Buddha Bowl $118 分量十足🥙所有食材都好新鮮。尤其係牛油果🥑同無花果。牛油果嘅成熟度啱啱好，無花果好鮮甜，同依個 Bowl 十分搭配😋唔好以為得菜、豆同水果就唔飽，仲飽過平時食lunch🙊 Scramble Crab Toast $128 絕對唔馬虎，俾足料🤩蛋嘅煮法係有啲似水波蛋嘅形式，所以好有口感，配上鬆脆多士，口感好有層次🤭 味道⭐️⭐️⭐️ 環境⭐️⭐️⭐️ 推介⭐️⭐️

Indulgent Afternoon Tea Set 有一個靚靚嘅Tea set 架✨ 鹹點同甜點都一樣做得好好😋好欣賞macaron，平時都好怕食到啲好甜或者一咬就𣺉嘅macaron👀佢完全冇依個問題，十分鬆脆，同唔會死甜👍🏼其中一個仲係檸檬味，好fresh 🍋 今次被安排坐喺出面嘅位置，比較坐喺餐廳裏面靚✨環境好適合同friend聚餐或者慶祝生日 味道⭐️⭐️⭐️⭐️ 環境⭐️⭐️⭐️⭐️ 推介⭐️⭐️⭐️⭐️ 鹹點 甜點

Nutella Croffle $50 有Nutella 嘅嘢食就點都唔會死😛Croffle 整得好酥脆，嚟到個陣仲熱辣辣🥵唯一可以進步嘅位係Nutella醬唔係好多，可能滿足唔到螞蟻人 Ham & Cheese Croffle $55 仲有鹹嘅Croffle 可以揀🥳有生菜搭配，令成個感覺都冇咁膩👍🏼 真係大讚賞店舖環境好適合打卡📸睇得出係有花心思精心佈置👍🏼上下層嘅裝修風格都唔同，下層韓式精簡風，上層係偏向現代感金屬風格 味道⭐️⭐️⭐️ 環境⭐️⭐️⭐️⭐️ 推介⭐️⭐️

間餐廳係間酒店入面，成日都間唔中都會做Tea set優惠，今次係用抹茶主題🍵覺得好吸引，所以約個friend一齊去食🥳一般來講覺得鹹點比甜點更出色🤩不得不讚scone 嘅抹茶醬係好濃郁嘅抹茶甘香👍🏼仲有無限抹茶waffle食。仲最仲唔到唔可以食到唔咁飽😋 味道⭐️⭐️⭐️ 環境⭐️⭐️ 推介⭐️⭐️