唔知係咪因為坐室外，我哋點了一客爐端燒牛肉套餐，每隔五分鐘爐下面嘅酒精塊已經得返一點火焰，根本已經不能再煮食。 食左一個鐘左右，已經無火左四次，每次要求更換都要等五至十分鐘先有人過嚟換。可想而知啲牛肉由浸油再吸返曬d油變成乜嘢狀態。仲要每次都只係肯換半塊酒精塊。我哋曾要求可否多一點酒精塊或大塊一點，唔使每舊肉都未熟又要再換，但待應卻無視。其中一次要求完更換後，待應掛住同另一張枱落單，完全忘記咗我哋既要求，直至要再襟鐘先有人記得。 好啦，到第四次，同個待應反影想搵經理講吓個情況但完全冇理我哋。再襟鐘另一個女待應走埋嚟，我又問佢可唔可以搵經理傾吓？佢話今日冇經理。咁我就直接同佢反映個情況，話俾佢聽啲火根本就唔夠力燒啲牛肉，每嚿肉未燒熟已經要換酒精塊。佢竟然答我，呢啲爐端燒碟傳熱係冇咁好。真係激死！講緊嗰火嘅問題，佢答我隻碟！人哋個設計原本就係可以燒熟啲牛肉，只不過係佢個火力唔夠，又遲遲唔更換先會有咁嘅問題！跟住個待應仲要話其實佢已經問咗同事，嗰幾次更換既時候，都仲有火。我答佢，火柴咁大嘅火吖嘛，點燒呀？！啲肉已經完全冇晒反應，完全唔係喺一個煮食嘅狀態！佢講左句唔好意思就走左。個時我d 肉都未食曬，但已經又冇火啦！即係第五次冇火啦！咁我哋唯有埋單，真係唔想再食啦！啲牛肉咁樣煮法真係好難食。亦都唔想再等佢慢慢換。 我心諗，食大家樂雜扒餐鐵板上仲好過佢！起碼人哋啲肉係燒到出煙先！我食成餐啲火細到燒啲肉都冇出過煙！ 個女侍應再走埋嚟，送咗一件芝士蛋糕比我地話唔好意思，但我哋完全冇掂過。啲服務態度咁差，真係送乜比我都唔想再食！ 題外話，叫左兒童餐，裡面既明太子竟然係有辣味既！另外叫左串牛舌亦係咸到不得了！ 無下次！

喺舊來多碗同一間舖位置，新車仔面檔叫做和民。新開張期內外賣88折，就試吓佢個和民招牌八寶，希望可以一次過試邊隻款好味。$53 包嘢飲，的確係吸引。一打開嘅時候發覺真係好大碗，感覺上唔會因為係八寶而份量少咗，好足料。雖然佢喺張點餸紙上高冇放個手指公喺豬腸，但個人覺得豬腸幾好味喎，同埋豬腸個份量都算多。其餘仲有嘅包括豬皮豬紅咖喱魚蛋瑞士雞翼糖心蛋蘿蔔同辣魷魚。樣樣味道都唔錯，絕對算得上係稱職嘅車仔麵。推介

今日五點幾用OpenRice訂咗個二人餐再加幾款餸，寫明半個鐘頭可以自取，點知前前後後等咗成個鐘有多！ 去到嘅時候前面嗰兩位收銀喺度處理緊一個退款，一心諗住等吓啦，點不知佢哋兩個店員搞咗同一個退款15分鐘，我一路企後邊排隊都冇問過我一聲可以幫我啲乜。五點幾六點個場都冇人，入邊有幾個待應冇嘢做行嚟行去，都唔會有人走過嚟幫吓手，由得過客自己慢慢喺度等。好啦個退款客搞掂，佢哋又去打電話俾另一個客，完全無視企喺佢前邊嗰個。我終於忍唔住問我可唔可以攞個外賣，佢先不情願叫啲侍應去睇吓，然後先發覺原來仲有兩盒未整好，嗰時已經由我落單計用咗55分鐘。基本上係個客唔去唔問，係冇人會跟進剩低未搞嗰兩盒。最終我繼續等多15分鐘先收到個外賣。佢嘅藉口係話因為好多外賣要做，但明明我見佢擺喺枱面等客攞嘅只係有兩份，仲要已經冇晒堂食客！ 另外我明明已經係OpenRice用卡俾晒錢，去到竟然話俾我聽要收$20外賣盒嘅費用，真係好奇怪。你寫得係外賣自取嘅Booking，唔係應該已經包括外賣盒嘅費用㗎啦咩？如果唔包，亦都應該係OpenRice收錢嘅時候包括呢一欄。去到現場仲要俾錢係咩玩法？！ 諗住好食嘅話算啦，見到咁多好評，但食完之後發覺真係名過於實。個滷水豬腸超級鹹，啲肉又全部紙咁薄，唔好食。個湯底又唔夠味，鴨血亦極少，真係食任食嘅台式火鍋好過佢！價錢仲要唔平，呢一餐承惠$1400. 個人來講就一定唔會再幫襯，俗語有話貴精不貴多，可惜佢係又貴又唔精。幫襯完呢次之後，香港店不了，台北店亦唔會試。太失望。

超級失望😮‍💨 尋日去又一城，諗住簡簡單單食一餐醫肚，就去咗呢一間食拉麵。點知嚟到嘅時候個麵竟然係黐埋一舊！問店員係咪煮唔熟，佢解釋唔係只係師傅上碗嘅時候搞個麵搞得唔夠鬆！☹️ 先唔講你係唔係米之蓮，一間拉麵店最基本就係識煮個麵！點解連最基本嘅嘢都可以做得唔好？！雖然佢即時幫我換過換新，但係已經令到我徹底失望😮‍💨 價錢仲要一啲都唔平，麵嘅份量極少叉燒溥如紙仲要得兩片，兩碗拉麵加一碟餃子同可樂，承惠三百幾。怪唔得係lunch time嘅時間都唔使排隊. 既然開得日本嘢，應該尊重返日本人對自己嘅要求，唔好差過一間港式拉麵店，起碼識煮好個麵先。 今朝起身個肚仲要唔舒服，都唔知係咪關個麵唔熟事😭

叫左酸菜魚 元蹄 加 生煎飽 小籠包 同 蔥油餅 上菜次序竟然係： 蔥油餅 生煎飽 （呢個時候已經feel 到少少飽） 小籠包 酸菜魚 最後嚟個最肥膩嘅元蹄 大佬呀 有無諗過個客感受呀 再好食都飽晒啦 失敗

同老公經過銅鑼灣想食炸雞，揀咗Bingo & Cook，因為呢度食物種類好豐富。 安排喺窗邊位置坐都唔錯， 叫咗半份原味炸雞佢跟咗兩款醬料， 我自己鍾意白色嗰隻又唔油膩又香，老公鍾意甜辣醬，外皮好趣得來又保持肉汁嫩滑，正！

仲試咗個得意嘅原隻炸魷彈彈麵， 仲有人幫你即場剪好埋，魷魚炸到好酥脆，啲面口感就QQ。 最後加個大醬鍋，材料好豐富，有足夠嘅菜消除頭先炸雞嘅油膩，又有啲湯飲下冇咁乾，真係超級滿足！ 最後埋單都係四百幾蚊，係呢區來講都不失為一個好嘅選擇。

每個月都忍唔住食佢一次，又平又好食，店主又有善。串燒加冰凍啤酒真係好爽🍻🍢良朋共聚一流！👯‍♀️👯‍♂️ 最喜歡佢既娃娃菜🥬，燒完好香但又好多汁！ 仲有牛舌👅都係我最愛！大大串都係$15 ，我每次最少叫兩串，有咬口得黎唔黐牙！ 另外，茄子🍆辣得黎又唔會over, 好野味！ 雞🀄️亦是黃牌！香脆可口, 味道又唔會太咸！ 牛丸也是很值得試啦！好有牛味🐂！食得出真材實料！ 三佰幾蚊食飽飽仲可以有酒飲，支持啊！👍🏻👍🏻👍🏻

小店良心製作，無味精，自家要求高，講衛生講良心。燒烤都可以維持食物juice, $400 兩個人包三支大藍妹，邊度搵？地點在嘉寶舊鋪，試一次就知龍與鳳，食燒烤冇味精好重要！🤫

個人一向支持小店 希望社會上不會只有大財團才可獨大。 但呢餐，真係超級失望！點了一份辣肉 pizza， 一份T 骨牛扒，一份白酒煑青口。首先來的是一份青口，碟裏裝了大概十隻青口，粒粒煑到炒蜆咁細粒，仲要儲爛晒啲殻，食落淡淡殻，連個source 都有，想點啊？！之後上嘅T 骨牛扒，薄到紙咁，仲要over-cook 到全熟，真係仲衰過茶記同大x 樂十倍，切都切唔開，救命! 唯一可以食得落嘅，就係個Pizza同跟餐嘅沙律，無下次.....

又一間真正用心又好味又人情味滿滿既小店抵抗不住香港昂貴既租金，香港人注定要繼續捱那冷冰冰的集團快餐店。 還記得你們剛開張放在櫃枱的打氣心意咭，那份熱誠同幹勁，你們每一位客人都感覺到。魚湯同麻辣湯底更是令我們念念不忘的。 今天來到最後一天，希望你地有個更美好的發展，將來在某一處可以再重遇你們既麻辣！