泰國菜食得多，但泰國西餐又真係第一次試，好多人都試過泰國菜的Nara，今次就試吓佢同一間集團新開嘅Lady Nara會唔會有驚喜😌 💕冬陰功意大利飯 $168 味道真係幾特別，有少少冬陰功mix左忌廉嘅味道，creamy得來有啲酸酸鹹鹹，未必周圍都食到😌 💕特色脆雞拼盤 $128 有三款味道嘅炸雞，味道都唔錯，炸得都脆口，但肉有少少硬身。 💕青咖喱青口配蒜蓉包 $188 呢個都係西餐廳常見嘅前菜菜式，唔同嘅係佢底汁係青咖喱，比起普通嘅忌廉佢多咗青咖喱嘅甜味同香料味💕蒜蓉包點黎食都唔錯。 青口嘅份量都多，我同朋友兩個人平均每人都食到十幾個青口👍🏻 💕菠蘿牛肉他他 $108 有少少吞拿魚嘅感覺，上菜時有個生嘅鵪鶉蛋可以mix入去，多左蛋香，配上蒜蓉包食都幾特別。 💕環境 超級少女心，有好多打卡位，睇得出花咗好多心思裝修💕個人覺得最特別就係佢個藤籃椅，仲有塊細細地嘅cushion,坐落去都幾舒服。餐廳枱之間都好闊落，坐得舒服亦都唔會太嘈，好適合一班閨蜜黎食飯傾偈。 食物方面，餐廳菜單都幾有特色，唔會周圍搵得到，食物份量偏細，比較適合女仔😌男仔有機會要叫多少少。 見佢甜品都幾吸引，可惜已經好飽，下次嚟試吓先😌

呢間阿來泰國菜，平時經過旺角間唔中都會幫襯下，皆因佢價錢親民食物又好食👍🏻 今次星期日晚市來到，又係坐滿曬人，要稍等一下位，不過好快都入到😌 🦀火山軟殼蟹法包 $148 落單時已經被菜單上的圖片吸引，上到嚟都不負所望。法包同咖喱都超大份，面頭有兩大件炸軟殼蟹，份量十足，對得住呢個價👍🏻 炸軟殼蟹脆卜卜，咖喱唔辣，有少少蛋香味👍🏻法包比想像中鬆軟，點少少咖喱汁Perfect，我同朋友兩個成個法包食曬😋 🐷泰式肉碎生菜包 $78 呢個我哋次次嚟呀來都會叫，食過九龍區泰國菜來講呢間肉碎生菜包都係above average👍🏻 肉碎份量大，酸味同香料調得啱啱好。 🌱豬頸肉炒通菜 正常水準，豬頸肉同通菜一齊炒得有啲濕咗少少，豬頸肉應該係烤過嚟，但因為太濕已經霖左，可惜。 整體來講雖然呢間環境迫咗少少，但以呢個價錢同食物質素來講，已經係超值，會繼續幫襯😌👍🏻

同朋友行開誠品，留意到有間好chill的海景cafe，就嚟坐低食少少嘢傾吓計💕 呢間cafe加咗好多港式的元素，感受到裝飾同設計都好有誠意👍🏻 環境方面枱同枱之間都好闊落，餐廳唔會太嘈，同朋友傾計都好舒服😌有啲位可以對住維港海景，勁chill，可惜已經full左。 我哋兩個女仔叫左兩個burger board同兩杯野飲。 呢間主打都係咖啡，留意到可以揀好多唔同的咖啡豆同味道。可惜已經係晚上驚飲左瞓唔着，所以就叫左朱古力。 ☕MILK CHOCOLATE 飲到好香濃嘅朱古力同埋奶香，但又唔會好膩，表面加左少少朱古力碎粒，好好飲👍🏻 ☕APRICOT HOUJICHA 朋友叫咗培茶，都覺得不錯。 🍔和牛漢堡 M7 WAGYU BEEF BURGER $238 上菜時都覺得賣相好吸引。和牛正常發揮，味道偏淡，個人覺得可以再落多少少胡椒同鹽。個包反而有驚喜，鬆軟得來表面有少少酥脆，睇嚟呢間比較擅長bakery。 Side dish係薯蓉同yogurt，個yogurt表面加左蜜糖，好好食。個包如果搽啲Yogurt一齊食就超正，我全程都係咁點住食😂 🍔烤雞腿漢堡 GRILLED CHICKEN THIGH BRUGER $178 朋友因為唔食牛，所以就叫咗呢個。雞腿肉超厚身，分量十足，煎得酥脆，朋友話整體都ok，可以醃得再濃味少少。 埋單時留意到櫃檯有啲曲奇，好大嚿好吸引，下次來tea 試吓先! 整體來講覺得呢間好chill，咖啡同飲品好出色，好適合同朋友傾偈relax👍🏻

好似都冇食韓燒，留意到旺角有間價錢幾抵食，就去試下。 我哋係平日夜晚去食，揀咗「世子」套餐，每人就$198加一。 雖然係平日，我地8點到都已經坐滿左，要等位。 好似正常韓餐咁，佢都有送前菜、生菜同爐邊蛋，可以無限添👌🏻泡菜比我想像中好食，比較新鮮juicy。 加咗啲泡菜落蛋到，食落去幾正😂 飲品可以任飲，有韓式汽水、烏龍茶等。 肉類我哋每樣都有叫幾件，豬、牛、雞、海鮮當中，我哋覺得牛肉相對來講比較高質，燒完多啲肉汁同比較juicy。不過記得唔好燒太熟，一開始我哋燒得太耐好硬成嚿橡筋咁🤦🏻‍♀️ 🥩牛肉就推介LA牛排同牛舌，但牛舌真係燒兩下就好拎上嚟，如果唔係硬過橡筋😂 🐓雞肉都不錯，燒完幾鮮嫩👍🏻 🐖豬肉同🦐海鮮就一般，期待嘅五花腩燒完都係比較硬身，叫薄切五花腩片會好少少🤏 比較驚喜嘅係呢間有熱食都可以任叫，平時出邊叫都要$70-90，呢到可以食到好多款💕我就叫左大醬湯。 總括嚟講呢間都幾抵食，多選擇，對得住呢個價錢。平時出去食韓燒散叫兩個人都要$500-$700，呢間都算係平食之選👍🏻

之前聽朋友推介呢間餐廳的厚切豬扒，話大大份好好食，今次就黎試下👌🏻 我週末下晝tea time去食，已經要等位，都幾多年輕人幫襯😂 🍖蔥油豬扒飯 💰64 我地叫咗餐廳招牌的蔥油豬扒飯。一上菜時俾佢個份量嚇親😂厚切豬扒舖滿成個碗，蔥油嘅份量都驚人，完全夠撈飯/面有凸。 豬扒炸到熱辣辣好脆，內裏有肉汁幾juicy，咬落去好有口感😋配上香噴噴的蔥油加飯，完全食到唔停口👍🏻 🍖大阪燒豬扒飯 💰64 呢個都有驚喜，之前完全冇諗過可以用大阪燒醬配豬扒飯，食落去味道同大阪燒一樣，都幾開胃，又係另一番風味👍🏻 🍖肉燥汁 💰+10 另外跟飯加$10試咗佢嘅肉燥，正常發揮。但係個人覺得本身餐豬扒飯嘅份量已經好大份同好夠味，可以唔使加都得👌🏻 🧡環境 睇得出花咗好多時心思喺裝修到，好多古早台式擺設，個豬仔壁畫都好得意💕餐廳燈光明亮、乾淨舒適👍🏻 呢間絕對性價比超高，分量十足，味道好食，但係價錢又好平民，有時間都會再嚟食😋

上次週末經過呢間餐廳，留意到門口有超級多人排隊，就決定今次平日嚟試一試🧡 我哋叫咗招牌香辣烤魚 - 三刀魚 (小辣) $288 我揀呢隻魚係因為店員推介話比較少骨，個人超怕多骨魚🥲 一上菜已經見到辣椒舖滿成條魚，同埋有超級多蒜蓉，食落去係鹹香味，十分開胃。 個人覺得呢間係偏辣，小辣已經好辣（平時食開譚仔小辣） 魚皮同魚肉都好霖，魚好大條，兩個人食份量剛剛好👌🏻 另外配送三款時令素菜，我哋嗰日就係蘿蔔片、芋絲、同木耳。 木耳好大件，吸收左烤魚湯底嘅精華之後好好食。 食完烤魚之後，另外我哋再叫咗少量配菜。 推介風琴豆腐😋上菜時有三大嚿，份量好足。豆腐吸收左魚湯，鹹鹹香香好juicy。 番薯粉同辣辣嘅魚湯十分match！好似食緊酸辣粉咁惹味😍 萵筍就正正常常，都算新鮮👌🏻 我哋食完走嘅時候差唔多八點，見到成間舖頭已經坐滿咗，門口仲有好多人等緊位，如果唔想等位嘅話最好6:30入座😌 🤎環境 我哋兩個人坐到四人位，店內都有部份卡位，都算舒服唔太迫👌🏻 🤎性價比 叫咗一個烤魚同三個配菜，已經好飽。兩個人埋單四百零蚊，價格都合理👌🏻

呢間坐落於荔枝角工廈的 Cafe，有別於一般工廈的頹canteen，裝修得好靚，環境布局都好闊落，好適合放工同閨蜜來傾計同chill一chill🧡 我哋本身想叫一個意大利雲吞，點知果日咁啱賣晒，就叫左兩碟意粉😂 🍝奶油大蝦嫩菠菜煙肉忌廉意粉 $118 意大利面條本身都煙韌，咬落都幾有口感。 煙肉忌廉比較似卡邦尼汁，好食不過有少少fat fat。大蝦嫩滑爽口，都幾大隻。 唯一美中不足的是我哋食完發現隻碟有仲有一底油，可能廚房嗰邊落油比較重手。 🍝香煎北海道帶子配香蒜辣味羅勒意粉 $138 意粉有少少蒜香嘅味道，都幾開胃同惹味👍🏻有食到羅勒的香草味道，香口有層次。 海鮮都好足料，有四大粒帶子，嫩嫩地又飽滿，都幾抵食👌🏻 🤎環境 整體來講環境都算非常舒服，枱與枱之間都比較闊落，不會太迫，好適合放工同朋友嚟放鬆同傾偈👍🏻留意到餐廳都花咗好多心思裝修同設計打卡位，都適合影返幾張靚相😌

每次週末經過呢間餐廳都見到爆多人，今次揀個平日嚟試吓究竟有冇咁正😂 我入坐時先6:30pm, 比較少人，去到7點餐廳開始喺咁入客😂 餐廳環境好有mood，綠色+金色歐陸式裝修好有格調，好適合情侶嚟dinner💝 前菜送咗個麵包，個醬係蒜蓉mix cream味，酸酸地又creamy超級好食，高質👍🏻 🤎南瓜忌廉湯 (每日餐湯) 好濃郁嘅南瓜味，但唔會好滯，feel到佢嘅真材實料，朋友都話好飲👍🏻 🧡新鮮活藍青口伴意大利軟包 $188 完全喜出望外，青口十分嫩口多汁，少數餐廳可以食到咁新鮮的青口（多數都食到硬地有急凍feel)。忌廉汁落咗好多香草提味，味道豐富非常香口，點蒜蓉包好match👍🏻 🧡黑松露卡邦尼長通粉 $158 呢個忌廉味非常濃郁，加上香草都好香口。Topping有少少脆脆地嘅蘑菇，幾得意😂 整體來講都好食👍🏻 🧡德國香鹹豬水配薯仔沙律 $268 豬手超級大份，以份量來講都好抵食。 豬皮脆卜卜👍🏻不過豬肉同忌廉芥末醬比較淡。 🧡鴛鴦＋偽鴛鴦 $58/per drink ($38跟餐） 我同朋友個點左一杯鴛鴦同偽鴛鴦，偽鴛鴦就係朱古力加咖啡😂 上菜時咖啡以冰粒狀出現，幾得意😍杯嘢一開始飲落去喺甜既，隨着冰粒慢慢溶化，會越飲越苦，但因為mix左朱古力，所以唔會太苦澀👍🏻 🤎環境 餐廳環境好舒服浪漫有格調，好適合情侶dinner。 🧡性價比 我同朋友兩個人叫左1前菜＋2主菜＋2杯飲品，埋單～$800左右。食物質素高水準同份量都大，性價比都高，會再返嚟食👍🏻

留意到旺角有間越南fusion菜，好似幾特別咁，就嚟同朋友試下新鮮嘢🧡



南越蛋咖啡$28
咖啡面有層蛋打出嚟的cream，餐廳同事話要就咁飲，唔好單獨食D cream, 好似奶蓋綠茶咁😂
層蛋cream有少少蛋香同甜甜地，配合咖啡一齊飲，即刻超滑同超香口👍🏻



南越蛋啤酒$38
首先會有杯蛋cream俾我哋，然後我可以自行倒越南啤酒落去。
呢個又幾有驚喜，杯啤酒加咗蛋cream口感好滑，好易入口，朋友都話好好飲👍🏻



脆米紙薄餅 $48
呢個雖然賣相平平，食落卻好有驚喜！
薄餅上的青瓜絲同蘿蔔絲酸酸甜甜，配上千島沙律醬同臘腸，又意外地match！


紙薄餅底冇咩味道，得個脆字，但就配合返topping的豐富口感，即刻昇華咗👍🏻👍🏻





五香豬腩伴鍋巴$52
豬腩肉都不錯，鍋巴就有脆脆哋但有少少硬，成個食完覺得略嫌有啲滯。



SHAKESHAKE 雞軟骨$48
呢個上菜時都幾有創意，好似M記Shake Shake薯條咁有個紙袋包住。
佢有辣粉同青檸可以自行調味，可以加落個紙袋到shake完再倒出來慢慢食😂

招牌金邊粉$88
呢個性價比超高👍🏻完全估唔到佢有咁多料！
湯底鮮甜，食得出係真材實料煲出嚟，而唔係味精粉。

食材比普通越南湯粉要豐富好多，有牛尾、牛面珠、牛筋、牛肉、牛丸、仲有油炸鬼😂




🤎環境
餐廳環境都幾闊落同舒服，好適合幾個朋友一齊嚟食下嘢吹下水，同埋人多都可以叫多幾款。


🧡性價比
我覺得性價比都幾高，我同朋友兩個人叫左4碟菜+兩杯飲品，都只喺三百頭，好抵食👍🏻

係科學園返工，留意到有個便當自動販賣機，好似幾得意咁，就諗住試一試😂 科學園19W同8W各有一部，我就幫襯左8W呢部👍🏻 基本上一到12點午餐時間就勁多人排隊 餐單menu星期一至星期五日日新花樣，每日都有5-6款，都幾多選擇👍🏻 俾錢就要用電子支付，但係八達通都可以用，所以都算幾方便😌 途中我朋友購買嘅時候有少少疑問，但係都有工作人員輔助，幾好服務👍🏻 我同朋友各買左一份，$5x仲有一支野飲送，都幾抵食👍🏻 留意到嘢飲原產地係日本，選貨有良心。 🍞照燒日本七彩豆腐扒配雜菜野菌飯 都幾適合平時想食野清淡少少的我👍🏻 豆腐扒雖然賣相普通，但係食落去都有驚喜！豆腐扒口感嫩滑，中間有餡料，都幾鮮甜送飯👍🏻 米飯10分俾足10分，係口感飽滿的日本珍珠米😍 會因為呢個原因再幫襯👍🏻 🍞香草雞扒炒煙肉薯仔 朋友叫左香草雞扒，超好食！一打開飯盒就可以聞到陣陣香草味，食落去都同出邊西餐廳嘅香草雞扒無異👍🏻 炒過嘅薯仔十分香口，不過食得多容易滯，個人都係中意米飯多d😂 總括嚟講呢間性價比都高，而家疫情通常都係辦公室食飯，比較少出去堂食。如果有事冇帶飯又想買外賣嘅，都係一個不錯嘅選擇👍🏻