疫情前來過風雲丸，但吃過沾麵2次都胃痛。。。事隔2年，今日試下拉麵！6點前來到已有6人在排隊！ 濃底香濃，不過有點點過鹹。燒肉很厚，蛋很糖心 麵條很滑很有咬口！ 湯很濃所以都掛在麵上！超好吃！ 加了份野菜，很解油膩！ 本來點了炸雞，點知賣完。。。唯有點了份餃子，不過不失啦！ 左邊是抹茶可樂，可以不試，只有汽水味。反而右邊的哈密瓜汽水很香很哈密瓜！🤣 桌面衛生不錯，不過椅子摸上手是黐手的。。。這有待改善！ 吃完回家後有點點口渴，可能味太濃了？

終於有機會坐下來試試這cafe的食物！之前試過尖沙咀港威分店，不過幾次都時間匆忙，只是點了他的手沖黑咖啡。也是很高質的咖啡。 今次有機會坐下來，所以點了一份法式吐司。這份吐司賣相及味道都喜出望外！香蕉上面有一層脆脆的焦糖，而吐司浸滿了custard, 所以和脆脆的焦糖的口感十分分夾！ Flat white的味道很nutty, 是我喜愛的咖啡類型。因為吐司份量很大，咖啡我只點了細杯已經很滿足。😌 我除了旺角Knockbox又多一個咖啡點！

經過呢間意大利餐廳好多次，見到裝修好新潮同都幾靚，所以想入去試好多次。尋日終於有機會！同我先生點咗一個二人套餐，前菜加咗$150係白酒煮青口，點知味道極之一般，啲青口好細粒。。。不過佢伴碟嘅蒜蓉包就好好食嘅。🤣 然後主菜我揀咗carbonara, 嚟到碟粉已經唔熱，仲要係啲意粉已經有點硬，味道亦都極之一般。。。好失望。 先生點了肉醬千層麵，這個味道嘗可，而且可能因為係焗嘅關係，所以很夠熱。 之後甜品分別點了panna cotta及 tiramisu. Panna cotta 不錯，但配芒草就有點似一般的芒果布甸。。。🤣 Tiramisu 也很普通，完全不像其他意大利餐廳的作品。

今天決心要吃點好東西，所以拜訪此店。😁 我一向都對麵類有特別喜好，不論中外。 12:15左右到達，好彩不用等位！(離開時已有6人左右等候中！) 因鋪內座位不多，所以如果大家趕時間，可以外賣自取。 我點了澳洲牛丸牛肉河，加一份春卷 湯底很清甜，我不禁喝了幾口才開動！ 牛肉可算全熟或半生熟，我選了全熟。不過都好香牛肉味。肉眼可見沒有肥肥的邊，全塊吃得健康！ 藉得推介的是牛丸！有牛肉味之餘，仲好juicy!!!認真的，十分推介！ 河粉非常煙韌！這個真是很少見！吃到停不到口。 春卷炸得香口，饀料不錯。 服務一流 ，雖然人流不停，但所有員工由帶位，落單，上菜到收錢都很有禮貌，十分難得！ 牆上貼有這公仔，很可愛😜 和大家分享一下點餐紙，連轉成全熟都可算項 (中間右邊)，老闆很細心。 一定會再回來。

疫情以來好耐無飲茶，難得有機會去又一城，就熱鬧下啦！ 先來一客花膠灌湯餃！湯味清甜，餃餡美味。花膠薄點，不過此價錢就合理！下次一定再叫！ 百花釀魚肚一樣鮮甜，魚肚軟綿綿，飲親茶都會叫佢！ 乾炒牛河比我想像中有鑊氣，牛肉味香濃！一定要試！ 奶皇包相對就比較失色啦，普普通通啦，下次都係叫蛋散好啲！ 環境方便佢用好高身嘅膠板格住每一台，所以乘客可以食得放心。 呢個鋪位原本係另一間酒樓，不過宜家裝修咗，八月花搬咗落嚟呢度。

天氣開始轉涼，好想食暖笠笠嘅上海菜 今次第一次嚟呢間上海菜館試吓 兩個人唔係叫到好多餸 不過好彩份量唔算太多，可以試多幾味，而且點心收費極之合理，好似牛肉餡餅可以只叫2個！所以就算人少都好吾怕😉 酸辣湯可以一位位叫，入面真材實料，仲有好多鮮蝦🤩 牛肉餡餅比我預期中遜色，不過肉質都算唔錯 蔥油餅好香口！ 魚湯浸時蔬都好好味😋 最後加咗一碗黃魚煨麵，超完滿的一餐！ 食後感: 餐廳環境舒適，枱與枱之間有足夠空間，所以疫情之中都唔怕去下！侍應服務都好殷勤，值得一讚最緊要係食完唔會口渴，即係冇加味精啦 下次去想試魚頭粉皮煲或酸菜海斑 我影咗啲餐牌同大家分享🥳，不過要分開post！

在家抗疫太久，終於有機會出去食下lunch! 11點左右經過Cheesecake Factory竟然無人龍，所以就早點食午餐！ 我們2人點了Santa Fe salad 加一份chicken & avocado sandwich, 加一杯Chocolate milkshake Santa Fe salad 有chopped salad + chicken + avocado + tomato + cheese + corn + crisps on top. 在這炎熱的天氣，真係好清新同開胃！仲有d脆脆係面，太香口，食到停吾到口。但始終2人食吾晒，帶左1/3返屋企食！我對chopped salad情有獨中，因為好易入口，吾怕好大塊菜好難入口🤣 你睇碟沙律幾大碟！所以好似要$200+. 真係物有所值。 Chicken avocado sandwich 2塊麵包都用牛油煎香，裡面有大量菜同avocado. 好juicy! 雞扒好滑，真係無叫錯。伴菜可以選沙律或薯條。其實兩個人share, 如果每人食一半到飽，因為真係好多餡料。 朱古力奶昔當然好好飲啦。不過我唔太好忌廉。否則有多三吋高嘅忌廉。 其實已經唔記得第幾次嚟光顧，不過每次嚟服務同食物都好好，除咗平時人龍比較長之外，真係值得再來！

睇完戲，天氣太熱的原故好想搵個有凍奶茶的地方！經過見到呢間裝修好有泰國當地食店風味的餐廳，用了鐵枱鐵椅，所以入去試一下！ 好，睇下餐牌有咩食先！ 因為第一次來，點了水門雞飯 (鋪名都叫水門雞飯，梗係要試啦！) 我加了$10 轉雞脾 (total $60) 份量都幾足，雞肉嫩滑，飯的雞味較淡，不油，適合嗜淡味的感覺。搭配的醬油有少少辣味，所以和雞肉一起吃蠻好！ 湯有點像胡椒豬肚湯，所以有點失望。 友人點了牛丸生牛肉湯金邊粉 ($46) 味道很地道！下次會encore 另外點了凍奶茶 ($20) 及龍眼冰 ($18)。 奶茶無得叫少甜，侍應解釋味道已調教好。我覺得甜度剛好，茶和奶的比例剛好 (很怕太多奶!) 龍眼冰也不錯！ 後記: 以此地段及價錢，環境及枱面清潔，可以食到這份量及味道，算不錯。不過服務態度和藹一點就更加吸引。

天氣悶熱，想起韓國菜有透心涼的水冷麵，所以就去Han’s Spoon! 意想不到星期日都有set lunch! 選擇多得眼花繚亂，而且配搭豐富 想了很久，我和友人選了2個套餐: 1. 牛肋骨 + 水冷麵 (大概$110+ 10%?!?) 2. 餃子年糕泡菜拉麵 + 牛肉飯卷 (亦可選芝士饀) (around $90+ 10%) 牛肋骨因價錢所限，當然比較薄啦！不過都很合理。水冷麵冰冰的，可以中和鐵板的溫度！ 餃子年糕泡菜拉麵因配菜很多，所以很豐富，大滿足味道較辣，絕對推介給嗜辣的朋友。 牛肉飯卷很清新，不過因為份量太多了，所以我只吃了一半如果2人去食就一流了，可以share !!! 這裡午餐價錢是晚餐的一半，所以午餐真係抵食。就算1個人都吾會太單論，因set lunch 的配搭種類繁多，總有一款適合你 後記: 因沒有取單據，所以價錢只記得約數 佢仲有個部隊鍋拉麵！下次試下先！

今日食完個light lunch, 好想搵個地方坐下飲杯咖啡。已對2間連鎖咖啡店失去信心，所以反正夠時間，就行遠d去The Coffee Academics! 點了杯piccolo, 真係無失水準，是2間大連鎖咖啡店deliver吾到既真咖啡味道。我只懂得形容是nutty的味道。大家不妨親自去試下。 近年口味隨著年紀轉變，不再喜歡latte or cappuccino! Piccolo是1 shot咖啡加小許熱奶，所以咖啡香濃，即使不加糖都不會苦澀。 WARNING: there may be no turning back after trying this. (唔好話我無提你)